ପିଏମ୍ କେୟାର୍ସ ପାଣ୍ଠିରୁ ୩୨୨.୫କୋଟି ଟଙ୍କା ୧, ୫୦, ୦୦୦ ଅକ୍ସିକେୟାର ସିଷ୍ଟମ ଆହରଣ ପାଇଁ ମଞ୍ଜୁରୀ ପ୍ରଦାନ କରାଯାଇଛି । ରୋଗୀମାନଙ୍କୁ ଦିଆଯାଉଥିବା ଅମ୍ଳଜାନ ସ୍ତର ନିରୂପଣ ପାଇଁ ସ୍ୱୟଂକ୍ରିୟା ବିସ୍ତୁତ ବ୍ୟବସ୍ଥା ପ୍ରତିରକ୍ଷା ଗବେଷଣା ବିକାଶ ସଂଗଠନ (ଡିଆରଡିଓ) ଦ୍ୱାରା କରାଯାଇଛି ।
ଏହି ପଦ୍ଧତି ଦୁଇଟି ଢାଞ୍ଚାଦ୍ୱାରା ବିକଶିତ ହୋଇଛି । ମୌଳିକ ପଦ୍ଧତି ହେଉଛି ୧୦ଲିଟର ଅମ୍ଳଜାନ ସିଲିଣ୍ଡର ଗୋଟିଏ ପ୍ରେସର ରେଗୁଲେଟର ଓ ପରିବହନ ନିୟନ୍ତ୍ରକ, ଗୋଟିଏ ଆର୍ଦ୍ରତା ନିୟନ୍ତ୍ରକ ଓ ନାସା କାହାଳୀ । ଅମ୍ଳଜାନ ପରିମାଣ ଯାହା ଏହି ପଦ୍ଧତି ଜରିଆରେ ନିସୃତ ହେବ ତାହାକୁ ସ୍ୱାସ୍ଥ୍ୟକର୍ମଚାରୀମାନେ ଆଡଜଷ୍ଟ କରିବେ ଓ ଅମ୍ଳଜାନସ୍ତର ଏହି ପଦ୍ଧତି ଜରିଆରେ ନିୟନ୍ତ୍ରିତ ହେବାସହ ପ୍ରଦର୍ଶିତ ହେବ । ସ୍ୱଂୟକ୍ରିୟ ନିୟନ୍ତ୍ରଣ ଯୋଗୁଁ ମାନବ ସମ୍ବଳର ଉପଯୋଗ କମ୍ ହେବା ସହ ଆବଶ୍ୟକ ସ୍ଥଳେ ଟେଲି ପରାମର୍ଶ ହୋଇପାରିବ । ଏହି ସ୍ୱୟଂକ୍ରିୟା ପଦ୍ଧତି ଅଡିଓ ଚେତାବନୀ ମଧ୍ୟ ଅମ୍ଳଜାନ କମ୍ ବେଶୀ ହେଲେ ଦେଇପାରିବ । ଏହି ଅକ୍ସିକେୟାର ପଦ୍ଧତି ଘର, ସଙ୍ଗରୋଧ କେନ୍ଦ୍ର, କୋଭିଡ ସୁଧାର ଗୃହ ଓ ହସ୍ପିଟାଲରେ ବ୍ୟବହୃତ ହୋଇପାରିବ ।
ଏହି ଅକ୍ସିକେୟାର ପଦ୍ଧତିରେ ନନ୍ରିବ୍ରିଡର ମାସ୍କ (ଏନଆରଏମ୍) ସମନ୍ୱିତ ହୋଇ ରହୁଥିବାରୁ ଏଥିରେ ଶତକଡା ୩୦ରୁ ୪୦ଗୁଣ ଅମ୍ଳଜାନ ମଧ୍ୟ ବଞ୍ଚାଯାଇପାରିବ । ଡିଆରଡିଓ ମଧ୍ୟ ଏହି ଆକ୍ସିକେୟାର ବୈଷୟିକ ଜ୍ଞାନ ଅନ୍ୟାନ୍ୟ ଶିଳ୍ପ ପ୍ରତିଷ୍ଠାନଗୁଡିକୁ ମଧ୍ୟ ପ୍ରଦାନ କରିଛି ଯାହା ଫଳରେ ଦେଶବ୍ୟାପୀ ସେମାନେ ମଧ୍ୟ ଏହି ପଦ୍ଧତିର ବିକାଶ କରିପାରିବେ ।
ବର୍ତ୍ତମାନର ମେଡିକାଲ ମାର୍ଗଦର୍ଶିକା ପ୍ରତ୍ୟେକ ସଙ୍କଟାପନ୍ନ ଓ ଅତ୍ୟଧିକ ସଂକ୍ରମିତ କୋଭିଡ ରୋଗୀଙ୍କ ପାଇଁ ଅମ୍ଳଜାନ ବ୍ୟବହାର ସୁପାରିଶ କରିଛି । ବର୍ତ୍ତମାନର ଅମ୍ଳଜାନ ଉତ୍ପାଦନ ପରିବହନ ଏବଂ ଭଣ୍ଡାରଣ ବିଷୟ ବିଚାରକୁ ନେଲେ ଅମ୍ଳଜାନ ସିଲିଣ୍ଡର ସବୁଠାରୁ ଉପଯୋଗୀ । ବର୍ତ୍ତମାନ ଅଧିକରୁ ଅଧିକ କୋଭିଡ ମହାମାରୀରେ ସଂକ୍ରମିତ ହେଉଥିବା ଦୃଷ୍ଟିରୁ ଗୋଟିଏ ପଦ୍ଧତି ଦ୍ୱାରା ଅମ୍ଳଜାନର ଉପଯୋଗ ଠିକ୍ ନୁହେଁ । ଏହାର ମୁଖ୍ୟ କାରଣ ହେଉଛି ଅଧିକାଂଶ ଉତ୍ପାଦନକାରୀ ସେମାନଙ୍କ ସର୍ବାଧିକ ସାମର୍ଥ୍ୟ ଉପଯୋଗ କରୁଛନ୍ତି । ବର୍ତ୍ତମାନ ପରିସ୍ଥିତିରେ ଏକାଧିକ ପଦ୍ଧତି ପରିସ୍ଥିତିକୁ ସୁଧାରିବାରେ ବେଶ ସହାୟକ ହେବ । ବର୍ତ୍ତମାନ କାର୍ବନ -ମାଙ୍ଗାନିଜ ସିଲିଣ୍ଡର ସଂଖ୍ୟା ସୀମିତ ଥିବାରୁ ଡିଆରଡିଓ ହାଲୁକା ବସ୍ତୁ ତିଆରି ଓ ସହଜ ପରିବହନକ୍ଷମ ସିଲିଣ୍ଡର ପାଇଁ ପ୍ରସ୍ତାବ ମଧ୍ୟ ଦେଇଛି ।
