पंतप्रधान नरेंद्र मोदी यांनी आज कुवेतचे युवराज महामहीम शेख सबाह अल-खालिद अल-हमद अल-मुबारक अल-सबा यांची भेट घेतली. पंतप्रधानांनी सप्टेंबर 2024 मध्ये यूएनजीए सत्राच्या वेळी महामहीम युवराजांसोबत झालेल्याल भेटीच्या आठवणींना या प्रसंगी उजाळा दिला.
पंतप्रधानांनी भारतासाठी कुवेतसोबतचे द्विपक्षीय संबंध अतिशय महत्त्वाचे असल्याचे सांगितले. या नेत्यांनी द्विपक्षीय संबंध चांगल्या प्रकारे प्रगती करत असल्याची दखल घेतली आणि हे संबंध धोरणात्मक भागीदारीच्या स्तरावर उंचावल्याबद्दल आनंद व्यक्त केला. संयुक्त राष्ट्र आणि अन्य बहुपक्षीय मंचांवर दोन्ही बाजूमध्ये जास्त प्रमाणात समन्वय टिकवून ठेवण्यावर त्यांनी भर दिला.
पंतप्रधानांनी यावेळी विश्वास व्यक्त केला की कुवेतच्या अध्यक्षतेखाली भारत-जीसीसी संबंध आणखी बळकट होतील.
पंतप्रधानांनी कुवेतच्या युवराजांना परस्पर सोयीच्या तारखांना भारत भेटीचे निमंत्रणही दिले.
कुवेतच्या युवराजांनी पंतप्रधानांच्या सन्मानार्थ मेजवानी आयोजित केली.
Had a very good meeting with His Highness Sheikh Sabah Al-Khaled Al-Hamad Al-Mubarak Al-Sabah, the Crown Prince of Kuwait. The discussions covered ways to deepen economic and cultural linkages between our nations.
— Narendra Modi (@narendramodi) December 22, 2024
We are extremely optimistic about the India-Kuwait Strategic… pic.twitter.com/tKuZnmBmO1
