सुवेंदू अधिकारी यांनी आज पश्चिम बंगालच्या मुख्यमंत्रीपदाची शपथ घेतल्याबद्दल पंतप्रधान नरेंद्र मोदी यांनी त्यांचे अभिनंदन केले आहे.
सुवेंदू अधिकारी यांनी, जनतेशी नाळ जोडलेला आणि लोकांच्या आकांक्षा चांगल्या रितीने समजून घेणारा नेता, अशी आपली ओळख निर्माण केली असल्याचे पंतप्रधानांनी म्हटले आहे. यानिमीत्ताने पंतप्रधानांनी सुवेंदू अधिकारी यांना त्यांच्या फलदायी कार्यकाळासाठी शुभेच्छाही दिल्या आहेत.
दिलीप घोष, अग्निमित्रा पॉल, अशोक कीर्तनिया, खुदीराम तुडू आणि निसिथ प्रामाणिक यांनी पश्चिम बंगाल सरकारचे मंत्री म्हणून शपथ घेतल्याबद्दल पंतप्रधानांनी त्यांचेही अभिनंदन केले आहे.
या सर्व नेत्यांनी तळागाळात अथक परिश्रम केले असून, लोकांची सेवा केली असल्याचे पंतप्रधानांनी म्हटले आहे. मंत्री म्हणून हे सर्व नेते पश्चिम बंगालच्या विकासाच्या वाटचालीला अधिक बळकटी देतील, असा विश्वासही त्यांनी व्यक्त केला आहे. यानिमीत्ताने पंतप्रधानांनी या सर्व नेत्यांना शुभेच्छाही दिल्या आहेत.
यासंदर्भात पंतप्रधानांनी X या समाज माध्यमावर सामायिक केलेला संदेश:
पश्चिम बंगालचे मुख्यमंत्री म्हणून शपथ घेतल्याबद्दल सुवेंदू अधिकारी यांचे अभिनंदन. जनतेशी नाळ जोडलेले आणि त्यांच्या आकांक्षा अधिक चांगल्या रितीने समजून घेणारे नेते म्हणून त्यांनी स्वतःची ओळख निर्माण केली आहे. त्यांच्या फलदायी कार्यकाळासाठी माझ्या शुभेच्छा.
@SuvenduWB
Congratulations to Shri Suvendu Adhikari Ji on taking oath as West Bengal’s Chief Minister. He has made a mark as a leader who has remained deeply connected to the people and understood their aspirations from close quarters. My best wishes to him for a fruitful tenure ahead.… pic.twitter.com/ih2xY8ZXIo
— Narendra Modi (@narendramodi) May 9, 2026
दिलीप घोष, अग्निमित्रा पॉल, अशोक कीर्तनिया, खुदीराम तुडू आणि निसिथ प्रामाणिक यांनी पश्चिम बंगाल सरकारचे मंत्री म्हणून शपथ घेतल्याबद्दल त्यांचे अभिनंदन. या सर्व नेत्यांनी तळागाळात राहून अथकपणे लोकांची सेवा केली. मंत्री म्हणून ते पश्चिम बंगालच्या विकासाच्या वाटचालीला अधिक गती देतील, असा विश्वास मला वाटतो. माझ्याकडून शुभेच्छा.
@DilipGhoshBJP
@paulagnimitra1
@NisithPramanik
Congratulations to Dilip Ghosh Ji, Agnimitra Paul Ji, Ashok Kirtania Ji, Kshudiram Tudu Ji and Nisith Pramanik Ji on taking oath as Ministers in the Government of West Bengal. These leaders have worked tirelessly at the grassroots and served people. I am confident they will… pic.twitter.com/3E4XcXWoav
— Narendra Modi (@narendramodi) May 9, 2026
