पंतप्रधान नरेंद्र मोदी यांनी आज सेवा तीर्थ येथे प्रगती (PRAGATI) या माहिती व संपर्क तंत्रज्ञानावर आधारित बहुआयामी व्यासपीठाच्या 52 व्या बैठकीचे अध्यक्षस्थान भूषवले. केंद्र आणि राज्य सरकारांच्या प्रयत्नांचे अखंड एकत्रीकरण करून सक्रिय प्रशासन आणि वेळेत अंमलबजावणी सुनिश्चित करण्यासाठी हे व्यासपीठ कार्यरत आहे.
बैठकीदरम्यान पंतप्रधानांनी रस्ते, ऊर्जा, औद्योगिक कॉरिडॉर आणि मेट्रो रेल्वे क्षेत्रांतील चार महत्त्वपूर्ण पायाभूत प्रकल्पांचा आढावा घेतला. चार राज्यांमध्ये पसरलेल्या या प्रकल्पांची एकूण किंमत सुमारे 30,000 कोटी रुपये आहे. आर्थिक विकास, प्रादेशिक संपर्क, औद्योगिक प्रगती आणि जनकल्याणासाठी महत्त्वपूर्ण असलेल्या या प्रकल्पांच्या वेळापत्रक, आंतर-विभागीय समन्वय, समस्या निराकरण आणि वेळेत पूर्णत्वावर विशेष भर देण्यात आला.
पायाभूत प्रकल्पांमधील विलंबामुळे केवळ खर्चात वाढ होत नाही, तर नागरिक आणि उद्योगांनाही वेळेवर लाभ मिळत नाही, असे पंतप्रधानांनी नमूद केले. प्रलंबित मुद्द्यांचे मिशन मोडमध्ये निराकरण करून सर्वोच्च स्तरावर नियमित देखरेख ठेवण्याच्या सूचना त्यांनी संबंधित मंत्रालये आणि राज्य सरकारांना दिल्या.
पंतप्रधानांनी पीएम गतिशक्ती राष्ट्रीय मास्टर प्लॅनचा प्रभावी वापर करण्यावर भर दिला. सर्व संबंधित मंत्रालये आणि राज्यांनी प्रकल्प, उपयुक्त सेवा आणि पायाभूत सुविधांशी संबंधित माहिती पोर्टलवर वेळेवर अद्ययावत ठेवावी, असे त्यांनी सांगितले. यामुळे नियोजन अधिक अचूक, समन्वय अधिक प्रभावी आणि अंमलबजावणी अधिक जलद होईल, असे त्यांनी नमूद केले.
Yesterday, chaired the 52nd PRAGATI meeting, during which we reviewed infrastructure works worth over Rs. 30,000 crore. These works will add momentum to economic growth, connectivity and industrial progress. Emphasised the use of PM GatiShakti National Master Plan for timely…
— Narendra Modi (@narendramodi) June 25, 2026
