‘इन्सॅट-3डीआर’ या उपग्रहाचे यशस्वी प्रक्षेपण केल्याबद्दल पंतप्रधान नरेंद्र मोदी यांनी भारतीय अंतराळ संशोधन संस्थेच्या ‘इस्रो’च्या शास्त्रज्ञांचे अभिनंदन केले आहे. ‘जीएसएलव्ही-एफ05’ यानाच्या सहाय्याने ‘इन्सॅट-3डीआर’ या अत्याधुनिक हवामान उपग्रहाचे प्रक्षेपण करण्यात आले. या यानामार्फत केलेले हे दहावे प्रक्षेपण आहे.
‘आपल्या अंतराळ कार्यक्रमाने नवनवीन उच्चांक गाठून प्रत्येकवेळी अभियानाने आपली मान सदैव उंचावली आहे. ‘इन्सॅट-3डीआर’चे यशस्वी प्रक्षेपण, हा अतिव आनंदाचा क्षण आहे. इस्रोच्या शास्त्रज्ञांनी पुन्हा एकदा आपले अद्वितीय कौशल्य दाखवले आहे. कामाविषयी त्यांनी दाखवलेले बेजोड समर्पण आणि दृढनिश्चयाबद्दल इस्रोच्या संशोधकांचे मनापासून अभिनंदन’ असे पंतप्रधानांनी म्हटले आहे.
Our space programme keeps making us proud with the exemplary achievements. Successful launch of INSAT-3DR is a moment of immense joy.
— Narendra Modi (@narendramodi) September 8, 2016
Congratulations to @isro scientists for time and again demonstrating top-notch skill, unparalleled dedication & remarkable determination.
— Narendra Modi (@narendramodi) September 8, 2016
