434 शहरांमध्ये करण्यात आलेल्या स्वच्छ सर्वेक्षण- 2017 मध्ये इंदूर हे देशातील सर्वात स्वच्छ शहर ठरले आहे. शहर विकास मंत्री एम. वेंकय्या नायडू यांनी आज या सर्वेक्षणाचे निकाल जाहीर केले.
भोपाळ, विशाखापट्टणम, सुरत, मैसूर, तिरुचिरापल्ली, नवी दिल्ली, नवी मुंबई, वडोदरा आणि चंदिगढ या शहरांचा पहिल्या 10 स्वच्छ शहरांमध्ये समावेश आहे.
सर्वात अस्वच्छ शहरांच्या यादीत गोंडा शहर (434) पहिल्या क्रमांकावर असून त्याखालोखाल भुसावळ, बगाहा, हरदोई, कटिहार, बाहरेच, मुक्तसर, खुर्जा ही शहरे आहेत.
सर्वेक्षणाचे निकाल जाहीर करताना नायडू म्हणाले की, मध्यप्रदेश, गुजरात, झारखंड, छत्तीसगड, आंध्र प्रदेश आणि तेलंगणा या राज्यांनी 2014 मध्ये घेण्यात आलेल्या सर्वेक्षणातील मानांकन सुधारत चांगली कामगिरी केली आहे. 2016 मध्ये राजधानी शहरांव्यतिरिक्त दहा लाख लोकसंख्या असलेल्या 73 शहरांमध्ये स्वच्छ सर्वेक्षण करण्यात आले.
अव्वल 50 स्वच्छ शहरांमध्ये एकूण 14 राज्यांचे प्रतिनिधित्व आहे. गुजरातमधील 12, मध्य प्रदेशातील 11, आंध्र प्रदेशातील 8 तर चंदीगढ, छत्तीसगड, दिल्ली, झारखंड, कर्नाटक, सिक्किम आणि उत्तर प्रदेशातील प्रत्येकी एका शहराचा समावेश आहे. सर्वात अस्वच्छ 50 शहरांमध्ये उत्तर प्रदेशातील 25 तर राजस्थान आणि पंजाबमधील प्रत्येकी 5 शहरे, महाराष्ट्रातील 2 तर हरियाणा, कर्नाटक आणि लक्षद्वीपमधील प्रत्येकी एक शहर आहे.
वाराणसी सर्वात वेगाने स्वच्छ शहर बनले आहे. 2014 मध्ये वाराणसीचे मानांकन 418 होते, ते यावेळी 32 इतके झाले आहे.
नायडू म्हणाले की, यावेळच्या सर्वेक्षणाचे निष्कर्ष हा देशातील शहरी भागातील 37 लाख नागरिकांनी स्वच्छतेबाबत उत्साहपूर्ण प्रतिसाद दिला आहे. ते म्हणाले की, अशा प्रकारचे सर्वेक्षण सर्व 4041 शहरांमध्ये केले जाईल.
नायडू म्हणाले की, भारताने जागतिक प्रवास आणि पर्यटन स्पर्धात्मक निर्देशांकातील आपल्या मानांकनात 12 स्थानांनी सुधारणा केली आहे.
Bhopal, Visakhapatnam, Surat, Mysuru, Tiruchirapally, NDMC, Navi Mumbai, Vadodara, Chandigarh make the Top 10
Madhya Pradesh, Gujarat, Jharkhand, Chattisgarh, Andhra Pradesh, Telangana are the Movers and Shakers, says Shri M.Venkaiah Naidu
12 Gujarat cities, 11 from MP, 8 from AP among the top 50 Clean Cities
Varanasi ranked 32 this year as against 418 in 2014 ; Faridabad fastest mover among big cities
Swachh Survekshan-2017 Results announced; it’s Citizens’ Verdict, says Shri Naidu
