पंतप्रधान शिगेरू इशिबा यांच्या निमंत्रणावरून, मी 15 व्या वार्षिक शिखर परिषदेसाठी जपानच्या दोन दिवसांच्या दौऱ्यावर जात आहे.
माझ्या भेटीदरम्यान, आम्ही आमच्या विशेष धोरणात्मक आणि जागतिक भागीदारीतील पुढील टप्प्याला आकार देण्यावर लक्ष केंद्रित करणार आहोत. ज्यामुळे गेल्या अकरा वर्षांत स्थिर आणि महत्त्वपूर्ण प्रगती केली गेली आहे. आम्ही आमच्या सहकार्याला नवी उंची गाठून देण्याचा, आमच्या आर्थिक आणि गुंतवणूक संबंधांची व्याप्ती आणि महत्त्वाकांक्षा वाढवण्याचा, त्याचबरोबर कृत्रिम प्रज्ञा आणि सेमीकंडक्टरसह नवीन आणि उदयोन्मुख तंत्रज्ञानात सहकार्य वाढवण्याचा प्रयत्न करू. ही भेट म्हणजे,आमच्या लोकांना जोडण्याबरोबरच आपल्या नागरी सभ्यतेविषयीचे बंध आणि सांस्कृतिक संबंध मजबूत करण्याची संधी देखील असणार आहे.
जपान भेटीनंतर,मी चीनचे राष्ट्राध्यक्ष शी जिनपिंग यांच्या निमंत्रणावरून तियानजिनमधील शांघाय सहकार्य संघटनेच्या शिखर परिषदेत सहभागी होण्यासाठी चीनला जाणार आहे. भारत हा ‘एससीओ’चा सक्रिय आणि रचनात्मक सदस्य आहे. आमच्या अध्यक्षपदाच्या काळात, आम्ही नवीन कल्पना सादर केल्या आहेत; आणि नवोन्मेषी कल्पना , आरोग्य आणि सांस्कृतिक देवाणघेवाण या क्षेत्रात सहकार्य सुरू केले आहे. सामायिक आव्हानांना तोंड देण्यासाठी आणि प्रादेशिक सहकार्य अधिक दृढ करण्यासाठी ‘एससीओ’ सदस्यांसोबत काम करण्यास भारत वचनबद्ध आहे. शिखर परिषदेच्या वेळी राष्ट्राध्यक्ष शी जिनपिंग, रशियाचे राष्ट्राध्यक्ष पुतिन आणि इतर नेत्यांना भेटण्यास मी उत्सुक आहे.
मला विश्वास आहे की, जपान आणि चीनच्या दौऱ्यामुळे आपले राष्ट्रीय हित आणि प्राधान्यक्रमाना गती मिळेल आणि प्रादेशिक आणि जागतिक शांतता, सुरक्षा आणि शाश्वत विकासाला चालना देण्यासाठी फलदायी सहकार्य निर्माण होण्यास हातभार लागेल.
Over the next few days, will be in Japan and China to attend various bilateral and multilateral programmes. In Japan, will take part in the 15th Annual India-Japan Summit and hold talks with PM Shigeru Ishiba. The focus would be on deepening our Special Strategic and Global…
— Narendra Modi (@narendramodi) August 28, 2025
In China, I will take part in the SCO Summit in Tianjin, a forum where India has always played an active and constructive role. India will keep working with SCO members to address various shared challenges. I will also be meeting President Xi Jinping, President Putin and other…
— Narendra Modi (@narendramodi) August 28, 2025
