ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শান্নখ্রে। থৌরম অদুদা তিনখিবা মীয়ামদা প্রধান মন্ত্রীনা ৱা ঙাংখি।
লৈবাক শীনবা থুংনা লৈরিবা বিকসিত ভারত সংকল্প যাত্রাগী বেনিফিসরি লিশিং কয়া থৌরম অসিদা শরুক য়াখি। থৌরম অদুদা য়ুনিয়ন মিনিস্তরশিং, এম.পিশিং, এম.এল.এশিং অমসুং পঞ্চায়তকী মীহুৎশিংশু শরুক য়াখি।
শ্বানিধি স্কিমগী কান্নবা ফংলবী রাজস্থানগী কোতাদগী সপ্না প্রাজাপতিনা লাইচৎ মনুংদা মাক্স শাখি। মহাক্কী ললোন-ইতিক্কী থবকশিং দিজিতেল ত্রান্সসেক্সনশিংগী খুৎথাংদা পাংথোকপগীদমক প্রধান মন্ত্রীনা মহাক থাগৎপা ফোঙদোকখি। মীয়ামদা ৱাখল তাহনবগীদমক, লমদম অদুগী এম.পি অমসুং স্পিকর শ্রী ওম বিরলানা মহাক থাগৎপা ফোঙদোকখি। সপ্নাগী কাংবুগী নুপীশিংনা মিল্লেতশিং য়োকখৎপা অমসুং মিল্লেতশিংগী থবক তৌবগীদমক প্রধান মন্ত্রীনা অপেনবা ফোঙদোকখি।
প্রধান মন্ত্রীনা ‘কুমহার’ ফুরুপকী ওন্ত্রেপ্রেনিউয়রশিংদা বিশ্বাকর্মা য়োজনাগী মরমদা খঙহনখি। মহাক্না হায়খি অদোমগী অপুনবা মাত্রু শক্তিনা অদোম অনৌবা থাকশিংদা পুখৎকনি অমসুং মখোয়না ফংলিবা কান্নবশিং মীয়ামদা খঙহন্দুনা দিদি খুদিংমক্না মোদী কি গরেন্তি কি গারি মাইপাকপা অমা ওইহন্নবা ঐনা হায়জরি”।
