ইমর্জেন্সীগী অমম্বা মতমশিংগী মনুংদা, নরেন্দ্র মোদীনা কোংগ্রেস লৈঙাক্না চত্থখিবা কা হেনবা থৌওংগী মায়োক্তা অন্দরগ্রাউন্দগী ইহৌদা শরুক য়াখি। ইং কুমজা ১৯৭৫গী পুক্নিং চিংশিন্নীংঙাই ওইবা থৌদোক অমা পাউদম্লদুনা গুজরাতকী প্রজা রোহিত অগ্রাৱালনা হায়খি, “নরেন্দ্র কাকানা মহাক মশাবু সরদারজী শাদুনা শক লোৎলগা পুলিসতগী নান্থোকখি।”
শ্রী অগ্রাৱালনা নরেন্দ্র মোদীনা সরদার শাদুনা মহাক্কী ময়ুমদগী থোকখি অমসুং মীকুপ অদুদা পুলিস পর্সনেলনা মহাকপু থিবা লাকখি হায়না থৌদোক অদুবু নীংশিংখি। পুলিস খক্তা নত্তনা মহাক্কী ময়ুমদা লৈরিবা মীওই অমত্তনা মহাকপু নরেন্দ্র মোদীনা হায়না মশক খঙবা ঙমখিদে হায়না অগ্রাৱালনা ফোঙদোকখি।
রোহিত অগ্রাৱালনা হায়খি, “ইং কুমজা ১৯৭৫দা, ইন্দিরা গান্ধীনা ইমর্জেন্সী থমখিবা মতমদা, নরেন্দ্র কাকানা মতম অদুদা ঐখোয়গী য়ুম ওইরম্বা মধু কুঞ্জতা সরদারজী ওইনা শকলোৎতুনা ঐখোয়গা লোয়ননা লৈখি। মহাক্না সরদারজী ওইনা ফিজোল শেৎতুনা থোকপা মতমদা পুলিসনা মহাক্কী মনাক্তা চংশিন্দুনা হঙখি – নরেন্দ্র মোদীগী ময়ুম কদায়দা লৈবগে? মদুদা মোদীনা মহাক্না খঙদে হায়না পাউখুম পীখি। অদোম্না চংবীরগা হংবীয়ু হায়রম্লগা নরেন্দ্র ভাইনা পুলিস অদু মনুংদা চংহনখি অমসুং মহাক্না ঐহাক্কী ইয়াম্বগী স্কুতরদা চৎখি। পুলিস খক্তা নত্তনা ঐখোয়না ফাওবা নরেন্দ্র মোদীবু মশক খঙবা ঙমখিদে।”
#ModiStory
— Modi Story (@themodistory) March 29, 2022
Do you know how Narendra Modi evaded police during emergency?
Rohit Agrawal from Gujarat narrates an interesting encounter.
For more: https://t.co/9iulCar3rR
Follow: @themodistory pic.twitter.com/mYPbzRMTDu
