প্রধান মন্ত্রী, শ্রী নরেন্দ্র মোদীনা য়োগগী আচার্য়শিং অমসুং য়োগগী প্রচারকশিং অমদি য়োগগা মরী লৈনবা মীপুম খুদিংমক্তা য়োগ অসি মালেম শিনবা থুংনা য়ৌহনবা ঙম্নবা হোৎন্ননবা হায়খ্রে। মহাক্না তরেৎশুবা মালেমগী য়োগ নুমিৎকী থৌরমদা ৱা ঙাংখিবনি।
গীতাদগী ৱাহৈশিং লৌথোক্লদুনা প্রধান মন্ত্রীনা হায় ঐখোয়না য়োগগী ওইবা অপুনবা খোঙচৎ অমদা মখা তানা চৎপা মথৌ তাই মরমদি য়োগনা মীপুম খুদিংমক্কী সোল্যুসনশিং পীরি। প্রধান মন্ত্রীনা হায় অৱাবশিংদগী য়োগনা কোকহনবা ঙমগনি অমসুং মসিনা মীপুম খুদিংমক্তা মতেং পাংলি।
মীয়াম্না পাম্নবা হেনগৎলক্লিবা অমসুং মীয়াম্না য়োগদা পুক্নিং চংনরক্লিবা অসিগী মতাংদা প্রধান মন্ত্রীনা হায় য়োগগী ফাউন্দেসন অমসুং মপুং ওইবা ৱাখল্লোন অদু হোংহন্দনা মীপুম খুদিংমক্তা য়ৌশিনহনবা হায়বা অসি মরুওই। য়োগ আচার্য়শিং অমসুং ঐখোয় পুম্নমক্না য়োগবু মীপুম খুদিংদা য়ৌহন্নবগী থৌদাং অদু লৌরসি হায়না প্রধান মন্ত্রীনা ফোঙদোকখ্রে।
