প্রধান মন্ত্রী শ্রী নরেন্দ্র মোদীনা হায়খি ঐখোয়না লৈবাক অসিগী মনিংতম্বা চহি ৭৫শুরকপা মতম অসিদা লৈবাক্কী অচৌবা থবক কয়া পাংথোকখিবা পুৱারিগী অথৌবশিং অমসুং অথৌবীশিং নিংশিংবা অসি য়াম্না মরুওই। ভারতকীদমক মখোয়গী লৈজবা খুদিংমক কৎথোকখিবা মীওশিং পুৱারিগী লাইরিকশিংদা মখোয়গী ফংফম থোকপা ইকায়খুম্নবা ফংদ্রে হায়না মহাক্না নুংঙাইতবা ফোঙদোকখি।
ভারতকী পুৱারি ইখিবা মীওইশিংনা ভারতকী পুৱারি শেমখিবশিংগী মথক্তা চৎথখিবা মওং-মরিল তাদবশিং অমসুং অরানবশিং অদু ঐখোয়গী নিংতম্বা চহি ৭৫শুরকপা অসিদা হৌজিক চুমথোক্লে। তানফম অসিদা মখোয়না পাংথোকখিবা থবকশিং নিংশিংবা অসি য়াম্না মরুওই হায়না প্রধান মন্ত্রীনা ফোঙদোকখি। ঙসি ভিদিও কনফরেন্সকী খুৎথাংদা উত্তর প্রদেসকী বাহরাইচতা চিত্তৌরা পাৎ শেমগৎনবা অমসুং মহারাজা সুহেলদেব মেমোরিএল শানবা উরেপ-উয়ুং তম্লবা মতুংদা মহাক ৱা ঙাংখি।
প্রধান মন্ত্রীনা হায়খি ভারতকী পুৱারি অসি লোইলম লৈঙাকপশিং নত্রগা লোইলম লৈঙাক্কী ৱাখল্লোল চেনবশিং খক্তনা ইখিবা পুৱারি নত্তে।ভারতকী পুৱারি অসি মখোয়গী চীনবুংৱারিশিংদা মীচম মীয়াম্না য়োকখৎলি অমসুং মীরোল কয়ানা মথং মথং থঙথদুনা লাক্লি।
প্রধান মন্ত্রীনা হায়খি অজাদ হিন্দ সরকারগী অহানবা প্রধান মন্ত্রীদা মতিক চাবা ইকায়খুম্নবা উৎখিবরা। লাল কিলাদগী হৌরগা অন্দমান নিকোবর ফাওবা মহাক্কী শক্তম মপাঙ্গল কনখৎহন্দুনা ঐখোয়না নেতিজি ইকায়খুম্নবা উৎলে।
প্রধান মন্ত্রীনা হায়খি নিংথৌ পানবা রাজ্য ৫০০ হেন্নবা পুনশিনহনখিবা সারদার পতেলদা উৎখিবা থৌওং মীয়াম্না খঙনরে। ঙসিদি, মালেমদা খ্বাইদগী ৱাংবা মীতম স্তেচু ওফ য়ুনিতি অসি সারদার পতেলগী ওইরে।
সংবিধান শেম্বদা অচৌবা থৌদাং লৌখিবা অমসুং তোল্লবশিং অমসুং নৈহৎপীরবশিংগী খোল্লাউ লাউখিবা বাবা সাহেব অম্বেকার মতম পুম্নমক্তা রাজনিতিগী প্রিজমগী খুৎথাংদগী য়েংলি। ঙসিদি, ভারত্তগী হৌরগা ইংলেন্দ ফাওবা দোক্তর অম্বেকারগা মরী লৈনবা মফমশিং পঞ্চতির্থ হায়না শেমগৎলে। “তোঙান-তোঙানবা মরমশিংদগী মশিং থিঙমদ্রবা মীওই কয়া মতিক চাবা ইকায়খুম্নবা ফংদ্রি। চৌরি চৌরাগী থৌনা ফরবশিং ঐখোয়না কাউথোক্লগদরা?” হায়না প্রধান মন্ত্রীনা হংখি।
প্রধান মন্ত্রীনা হায়খি ভারতকী গুনশিং ঙাক্নবা মহারাজা সুহেলদেবনা লৌখিবা থৌদাং শকখঙবীদ্রে। তেক্সবুকশিংনা মীরাইরবশু অৱাধ, তারাই অমসুং পুর্ভাঞ্চালগী ফোকলোরশিংনা মীয়ামগী থম্মোয়দা লৈদুনা মহারাজা সুহেলদেব হিংদুনা লৈরি। লৌশিং লৈবা অমসুং চাউখৎপা পাম্বা নোংপোক লমগী লৈঙাকপা অমা ওইনা মহাক্না পাংথোকখিবা থবকশিং প্রধান মন্ত্রীনা নিংশিংখি।
