লিশিং অনিগা কুন তরুক্কি ফেব্রুৱারি তরামাপলদা ন্যু দিল্লীদা পাংথোকখিবা এ.আই. ইম্পেক্ত সমীত্তা শরুক য়ানবগীদমক্তা অবু ধাবিগী ক্রাউন প্রীন্স হিজ হায়নেস মোহম্মদ বিন জায়েদ অল নহয়ান ভারত্তা লাক্লি। মহাক্না লিশিং অনিগা কুনমরিদা লাক্লম্বদুগী মথংদা মসিনা মহাক্কী ভারত্তা লাকপা অনীশুবা খোংচৎনি।
প্রধান মন্ত্রী শ্রী নরেন্দ্র মোদী অমসুং হিজ হাইনেস সেখ খালেদ বিন মোহম্মদনা ফেব্রুৱারি তরামাপলদা এ.আই. লুচিংবা অনিমক্না অচেৎপা রাজনিতি, কলচর, ললোন-ইতিক, ইনর্জি অমসুং মীচম-মীয়াম মরিগী অচেৎপা মরিনা য়ুমফম ওইবা ইন্দিয়া-য়ু.এ.ই.গী কম্প্রিহেন্সিব স্ত্রেতেজিক পার্তনর্সিপকি মরুওইবা অদু অমুক হন্না ফোঙদোকখি। মখোয়না হন্দক্তা য়ু.এ.ই.গী রাস্ত্রপতি হিজ হাইনেস সেখ মোহম্মদ বিন জায়েদ অল নাহয়ান অমসুং অবু ধাবি অমসুং দুবাইগী রোয়েল ফেমিলিগী অতোপ্পা মীওইশিংনা ভারত্তা মায় পাক্না লাকখিবা অদু নিংশিংখি।
লুচিংবশিংনা দিফেন্স অমসুং সেক্যুরিতি, ত্রেদ অমসুং ইনভেস্তমেন্ত, এজুকেসন অমসুং কলচরেল কোওপরেসনগুম্বাা সেক্তর কয়াদা নাকল অনিগী মরিদা ফংবা অচৌবা প্রোগ্রেস অদু শকখঙখি । মখোয়না নোৎ তৌখি মদুদি লিশিং অনিগা কুন তরুক্কি ফেব্রুৱারি তরানিপালদা কম্প্রেহেন্সিব ইকোনোমিক পার্তনর্সিপ এগ্রীমেন্ত (সি.ই.পি.এ.) খুৎয়েক পিনখিবা চহি মরিনি, মসিগী মখাদা লৈবাক অনিগী ললোন-ইতিক অমসুং শেল থাদবদা শিংথানিংঙাই ওইনা চাউখৎপা অমা উবা ফংলে। মসিগী মথক্তা, লুচিংবা অনিমক্না মরু ওইবা লম্বি অনিগী ইনভেশ্তমেন্ত ফ্লোশিং থাগৎখি, অমসুং য়ু.এ.ই.গী সোভরেন ৱেলথ ফন্দশিংবু ভারতকি শেন্মিৎলোন্দা মখা তানা শেল থাদনবা পুক্নিং থৌগৎখি। মসিগী মঙাল অসিদা লুচিংবা অনিমক্না খ্বাইদগী নৌবা সোভরেন ফন্দা ওইনা এল’ইমাদনা নাকল অনিমক্কি কান্নবা ফংনবা পার্তনর্সিপ অসি মপাঙ্গল কনখৎহনবগী পোতেন্সিয়েল অদু য়াখি। স্পেস, ন্যুক্লিয়র ইনর্জি, তেক্নোলোজি অমসুং ইনোবেসন্গুম্বা স্ত্রেতেজিক সেক্তরশিংদা ভারত অমসুং য়ু.এ.ই.গী মরক্তা পুন্না থবক তৌমিন্নবগী খুদোংচাবশিংসু খন্নখি।
লুচিংবা অনিনা মখাগী থৌরাংশিং অসিসু ঢ়াম্না ওকখি, মদুনা ত্রেদিস্নেল ওইবা লোয়ননা অনৌবা তেংবাং পিনবগী লমশিংদা নাকল অনিগী তেংবাং পিনবা হেনগৎহন্নবগী লম্বি য়াৎখি:
• ভারতকি হকশেল অমসুং ইমুং মনুংগী য়াইফনবা মন্ত্রালয় অমসুং য়ুনাইতেদ অরব ইমিরেতসকি হকশেল অমসুং দিফেন্স মন্ত্রালয়গী মরক্তা হকশেল অমসুং মেদিসিনগী লমদা তেংবাং পিনবগী মতাংদা য়ান্নখিবা অদু লোইশিনবা: য়ানা ৱারোল অসিনা প্রোফেস্নেল একচেঞ্জশিং, ইন্সতিত্যুস্নেল কোলাবোরেসন, রিসর্চ, দিজিতেল হেল্থ, ফার্মাশ্যুতিকেলশিং অমসুং লৈবাক অনিমক্কি মীয়ামদা কান্নবা পিগদবা হকশেলগী সেক্তরদা মোদর্ন তেক্নোলোজিশিং শেমগৎপদা পুন্না হোৎনমিন্নবদা মতেং পাংগনি।
• ভারত্তা সুপর কপ্যুতর ক্লস্তর দিপ্লোই তৌনবগীদমক সেন্তর ফোর দিবেলপমেন্ত ওফ এদভান্স কম্প্যুতিং, অমসুং জি-নিফুনিথোই অমসুং এ.আই.গী মোহম্মদ বিন জায়েদ য়ুনিভর্সিতিগী মরক্তা তারম সিৎ লোইশিনবা: প্রধান মন্ত্রী মোদী অমসুং য়ু.এ.ই.গী রাস্ত্রপতি হিজ হাইনেস সেখ মোহম্মদ বিন জায়েদনা পুন্না লাওথোকখিবা ভারত্তা সুপর কপ্যুতর ক্লস্তর দিপ্লোই তৌবগী থবক পায়খৎপা হৌরে। লিশিং অনিগা কুন তরুক্কি জনুৱারি তরামাপলদা ভারত্তা চৎখিবা সুপর কপ্যুতর ক্লস্তর অসি এ.আই.ইন্দিয়া মিসনগী শরুক অমা ওইগনি, মসিনা রিসর্চ, এপ্লিকেসন দিবেলপমেন্ত, অমসুং ললোন-ইতিক্কী ওইনা শিজিন্ননবা পব্লিক অমসুং প্রাইবেৎ সেক্তর অনীমক্তা য়ৌহনবা ঙমগনি।
• গুজরাতকি গীফ সিতিদা অবু ধাবি নেস্নেল ইন্সুরেন্স কম্পেনিগী ওফিস লিংখৎপা।
হিজ হাইনেস সেখ খালেদ বিন মোহম্মদা বিন জায়েদ অল নাহয়ান্না প্রধান মন্ত্রীবু এ.আই. ইম্পেক্ত সমীৎ অসি মায় পাকপগীদমক্তা নুংঙাইবা ফোংদোকখি। প্রধান মন্ত্রীনা য়ু.এ.ই.না মথংদা তুং ইন্নরক্তুনা লাক্কদবা মথংগী এ.আই. সমীৎ অসিগী থৌবু ওইগদৌরিবা স্বীতজরলেন্দবু তরাম্না ওকখি।
খোঙচৎ অসিনা ভারত অমসুং য়ু.এ.ই.গী মরক্তা লুচিংবগী থাক্তা চাং নাইনা থবক তৌমিন্নবগী চৎনবি অদু অমুক হন্না চেৎশিনহনখি। মসিনা ভারত–য়ু.এ.ই.গী তেক্নোলোজি পার্তনর্সিপতা অৱাংবা থাক্কী রাজনিতিগী ওইবা ৱাশক অদুসু মপাঙ্গল কনখৎহনখি, এ.আই. অমসুং অহোঙবা তেক্নোলোজিশিংবু নাকল অনিগী মরিগী মরুওইবা য়ুম্বী অমা ওইনা ৱাংখৎহনখি।
Had a fruitful discussion with His Highness Sheikh Khaled bin Mohamed bin Zayed Al Nahyan, Crown Prince of Abu Dhabi on the sidelines of the AI Impact Summit in Delhi. We talked about boosting cooperation in futuristic sectors such as AI, supercomputers, investing in data centres… pic.twitter.com/bBQ2hGl0Jv
— Narendra Modi (@narendramodi) February 19, 2026
أجريتُ نقاشاً مثمراً مع سمو الشيخ خالد بن محمد بن زايد آل نهيان، ولي عهد أبوظبي، على هامش قمة تأثير الذكاء الاصطناعي في دلهي. وتناولنا خلال النقاش سبل تعزيز التعاون في مجالات مستقبلية كالذكاء الاصطناعي، والحواسيب الفائقة، والاستثمار في مراكز البيانات في الهند، وغيرها.… pic.twitter.com/qiEwJs5eXx
— Narendra Modi (@narendramodi) February 19, 2026
