প্রধান মন্ত্রী, শ্রী নরেন্দ্র মোদীনা চেপাউ থাবদগী স্পেনগী সরকারগী প্রসিদেন্ত হিস এক্সেলেন্সী মিস্তর পেদ্রো সাঞ্চেজ AI ইম্পেক্ত সম্মিত্তা শরুক য়ানবা 2026গী ফেব্রুৱারী 18–19 ফাওবা ভারত্তা ওফিসিয়েল ওইবা খোংচত্তা লাক্লগনি। 2024গী ওক্তোবর 27–29 ফাওবগী মনুংদা মহাক্কী লৈবাক অনিগী ওইবা খোংচৎকী মতুংদা মসিনা মহাক্কী অনিশুবা ভারত খোংচৎনি। মহাক্কা লোয়ননা দিজিতেল ত্রান্সফোর্মেসন অমসুং সিবিল সর্ভিসকী মন্ত্রী, মিস্তর ওস্কার লোপেজ আগুএদা অমসুং স্পেনগী এগ্রিকলচর, ফিসরীজ আমসুং ফুদকী মন্ত্রী, মিস্তর লুইস প্লানাস পুচাদেসশু খোংচৎ অসিদা শরুক য়াখি।
প্রধান মন্ত্রী, মোদী অমসুং রাস্ত্রপতি সাঞ্চেজনা নাকল অনিগী ওইবা ৱারী শানখি অমসুং ললোন-ইতিক অমসুং ইনভেস্তমেন্ত, তেক্নোলোজী, ইনফ্রাস্ত্রকচর, ক্লাইমেৎ অমসুং রিন্যুৱেবল ইনর্জী, ঙাকশেল অমসুং সেক্যুরিতী, স্পেস, কলচর, তুরিজম অমসুং মীয়ামগী মরক্তা তেংবাং পীনবা য়াওনা ভারত-স্পেনগী মরীশিংগী হিরম পুম্নমক য়েংশিনখি। লুচিংবা অনিনা লৈবাক অনিগী মরক্তা লৈরিবা তেংবাং পীনবগী মওং-মতৌ ফগৎলকপদা নুংঙাইবা ফোংদোকখি। ২০২৪গী ওক্তোবরদা মখোয়না পুন্না উরেপ-উয়ুং তমখিবা বদোদরা ফেসিলিতীদা C-295 ত্রান্সপোর্ত এয়রক্রাফকী ফাইনেল এসেমব্লী লাইনগীদমক তাতা-এয়রবসকা পুন্না থবক তৌমিন্নবগী খোংজেলদা মখোয়না নুংঙাইবা ফোংদোকখি। মখোয়না কো-দিবেলপমেন্ত অমসুং কো-প্রদক্সনদা য়ুম্ফম ওইবা দিফেন্স ইন্দস্ত্রীয়েল কোলাবোরেসনগী মরুওইবা অদু মাংলোমদা চংশিন্নবা লম্বী অমা ওইনা ফোংদোকখি।
লুচিংবা অনিমক্না লৈবাক অনিগী মরক্তা দিপ্লোমেতিক রিলেসনশিং লিংখৎপগী চহি 70শুবা কুমওন লাকপদা পাংথোক্কদৌরিবা ভারত-স্পেন দ্যুৱেল য়িয়র ওফ কলচর, তুরিজম অমসুং আর্তিফিসিয়েল ইন্তেলিজেন্সকী লৈরিবা পোতেন্সিয়েল অদুদা অকনবা ৱাফম থমখি, মসিনা নাকল অনিগী তেক্নোলোজী, ইন্নোবেসন, ব্যুজিনেস অমসুং মীয়ামগী মরক্তা লৈনরিবা মরীবু হেন্না মপাঙ্গল কনখৎহল্লগনি।
প্রসিদেন্ত সাঞ্চেজনা AI ইম্পেক্ত সম্মিতকী মরুওইবা অদু পনখি অমসুং মসিগী ফলশিংনা মালেমগী AI গবর্নান্স শেমগৎপদা কান্নবা অমা পীগনি হায়না থাজবা ফোংদোকখি। লুচিংবা অনিনা আর্তিফিসিয়েল ইন্তেলিজেন্স অসি ত্রান্সফোর্মেতিব ফোর্স অমনি হায়না খঙখি অমসুং ইনক্লুসিব দিবেলপমেন্ত অমসুং খুন্নাইগী কান্নবা ফংহন্নবা মসিগী পোতেন্সিয়েল অসি শিজিন্ননবা ভারত-স্পেনগী মরক্তা হেন্না নকশিন্ননা তেংবাং পীনবগী তঙাইফদবা অদু পনখি।
মখোয়না ভারতকী অনৌবা এজুকেসন পোলিসীগী মখাদা এজুকেসনগী লমদা তেংবাং পীনবগী ওইথোকপা য়াবশিংগী মতাংদসু খন্নখি। মসিগী মতাংদা মখোয়না 2026কী ফেব্রুৱারী 19 অমসুং 20দা ন্যু দিল্লীদা পাংথোক্কদৌরিবা ভারতকী য়ুনিভর্সিতীশিংগী ভাইস-চান্সেলরশিং অমসুং স্পেনগী য়ুনিভর্সিতীশিংগী রেক্তরশিংগী কনফরেন্সপু তরাম্না ওকখি। লুচিংবা অনিনা লৈবাক অনিগী মরক্তা ইকোনোমিক এক্তিবিতীশিং হেঙ্গৎহনবদা অমসুং মীয়ামগী মরক্তা লৈনরিবা মরী হেঙ্গৎহনবদা মতেং পাংলিবা তুরিজমদা চাউখৎপা হেনগৎলকপা অদু পনখি। প্রধান মন্ত্রী মোদীনা স্পেনগী মকোক থোংবা য়ুনিভর্সিতীশিং অমসুং ইনস্তিত্যুসনশিং, মরুওইনা STEM অমসুং তেক্নোলোজীগী লমশিংদা, অনৌবা এজুকেসন পোলিসীগী মখাদা ভারত্তা কেম্পসশিং হাংনবা কৌখি।
লুচিংবা অনিনা ইন্দো-পেসিফিক ওসিন্স ইনিসিয়েতিবতা শরুক য়ানবা স্পেনগী ৱারেপ য়াওনা নাকল আনিমক্কী ইন্তরেস্ততা লৈবা রিজনেল অমসুং গ্লোবেল ইসুশিংদা খন্নখিখি। মখোয়না ভারত- EU FTAগী ৱারী শানবগী ৱারোইশিন অসি ভারত অমসুং স্পেনগী মরক্তা অমসুং য়ুরোপকা লোয়ননা অচৌবা ত্রেদ অমসুং ইনভেস্তমেন্ত পোতেন্সিয়েল অমা ফংহনবদা মতেং ওইগদবা মরুওইবা মাইলস্তোন অমনি হায়না থাগৎপা ফোংদোকখি। মখোয়না তেরোরিজমগী মওং অমসুং মওং পুম্নমক্তা মখোয়গী অকনবা য়ানীংদবা ফোঙদোকখি অমসুং তেরোরিজম থেংননবা মপাঙ্গল কনখৎহন্নবা মালেমগী ওইবা মতেং পীনবগী তঙাই ফদবা অদু অমুক হন্না ফোংদোকখি।
লুচিংবশিংনা দ্যুৱেল য়িয়রগী খুত্থাংদা মপাঙ্গল কনখৎহন্দুনা নাকল অনিগী মরী পাকথোক চাউথোকহনবনা ভারত-স্পেনগী পার্তনরশিপতা অনৌবা ইনোৎ পীরগনি হায়না থাজবা থমখি।
