১. ভারতনা য়ুম্বু ওইদুনা সেপ্তেম্বর ২৮ ২০২০দা পি.এম. অমদি প্রধান মন্ত্রী মেতী ফ্রেদেরিক্সনগী মরক্তা ভর্চ্যুএল সম্মিৎ অমা পাঙথোক্লি।
২. ভারত-দেনমার্ক্কী মরক্তা লৈরিবা লৈবাক অনিগী মরী অসি চাং নাইনা অৱাংবা থাক্তা পাউ তোয়না ফাওনদুনা ঙাক্তুনা থম্লি অমসুং মসি ইতিহাসিক ওইবা মরীশিং, মান্নবা দেমোক্রেসীগী ওইবা চৎনবীশিং অমসুং লাইনীং-লাইশোনগী মান্নবা ৱাখল্লোন লোয়ননা মালেমগী ওইবা শান্তি অমদি তংদু লৈতাবা পুরকপগী অপাম্বা অসিদা য়ুম্ফম ওইরি।
৩. ভারত অমসুং দেনমার্ক্কী মরক্তা লৈরিবা লৈবাক অনিগী গুদশিং অমসুং সর্ভিসেসকী ললোন-ইতিক অসি ২০১৬দা য়ু.এস. দোলর বিলিয়ন ২.৮২ ওইরম্বদগী ২০১৯দা য়ু.এস. দোলর বিলিয়ন ৩.৬৮ ওইদুনা ৩০.৪৯% হেনগৎখ্রে। দেনিশ কম্পনী ২০০রোমনা ভারতকী শিপ্পিং, রিন্যুএবল ইনর্জী, এনভাইর্নমেন্ত, লৌউ-শিংউ, ফুদ প্রোসেসিং, স্মার্ত অর্বান দিবেলপমেন্তগুম্বা সেক্তরশিংদা শেল থাদরি। দেনিশকী অচৌবা কম্পনী কয়ানা ‘মেক ইন ইন্দিয়া’ স্কিমগী মখাদা অনৌবা মেন্যুফেকচরিং ফেক্তরীশিং শাখ্রে। ভারতকী কম্পনী ২৫রোমনা দেনমার্ক্কী আই.তি., রিন্যুএবল ইনর্জী অমসুং ইঞ্জিনীয়রিংদা লৈরি।
৪. থৌরম অসিদা ভারত অমসুং দেনমার্ক্কী মরক্তা ইন্তেলেকচ্যুএল প্রোপর্তী কোওপরেসনগী লমদা এম.ও.য়ু. অমা খুৎয়েক পীনখি। অতোপ্পা অচৌবা ফল অমা ওইনা দেনমার্ক্কী ইন্তর্নেস্নেল সোলর এলাইন্স (আই.এস.এ.) অসি য়াওশিল্লক্লগনি।
৫. ভর্চ্যুএল বাইলেতরেল সম্মিৎ অসিনা লুচিংবা অনিনা চহি কয়া মরূপ ওইদুনা লৈরকপগী লৈবাক অনিগী মরীদা য়ুম্ফম ওইবা বাইলেতরেলগী ওইবা মরী অসিগী ফ্রেমৱার্ক অসি কুপ্না য়েংশিন্নবা অমদি মাইকৈ অনিমক্তা কান্নগদবা মরু ওইবা হিরমশিংদা পুন্না থবক তৌমিন্নদুনা রাজনিতীগী ওইবা মাইকৈদা মপাঙ্গল কনখৎহন্নবা খুদোংচাবা অমা পীরি।
