প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা মিসন ফোর আত্মনির্ভরতা ইন পলস- দোমেস্তিক প্রদক্সন হেঙ্গৎহন্নবা অমসুং হৱাই-চেংৱাইদা মীপাল তাংদনা মশানা-মরোমদোম লেপচবা ঙম্নবা (আত্মনির্ভরতা ফংহন্নবা) পান্দম থম্লিবা মরুওইবা খোঙথাং অমা অয়াবা পীখ্রে। মিসন অসি চহি তরুক্কী ওইনা 2025-26তগী 2030-31ফাওবা লুপা করোর 11,440গী শেনফমগা লোয়ননা পায়খৎকনি।
ভারতকী মহৈ-মরোং থাবগী পথাপ অমসুং চিঞ্জাক্তা হৱাই-চেংৱাইগী অখন্নবা মরুওইবা অমা লৈ। ভারত অসি মালেমগী খ্বাইদগী চাউবা হৱাই-চেংৱাইগী প্রদ্যুসর অমসুং কঞ্জুমরনি। ইনকম অমসুং পুন্সি মহিংগী থাক ৱাংখৎলকপগা লোইননা, হৱাই-চেংৱাইশিং শিজিন্নবগী চাংশু হেনগৎলক্লি। অদুম ওইনমক, দোমেস্তিক প্রদক্সন অসিনা দিমান্দগা চুনবা ঙমখিদে, মসিনা হাৱি-চেংৱাইগী ইম্পোর্তদা 15–20% হেনগৎহনখি।
ইম্পোর্তকী মপাল তাংবা অসি হন্থহন্নবা, হেনগৎলক্লিবা দিমান্দ অসি পীবা ঙম্নবা, পোত্থোক হেনগৎহন্নবা অমসুং লৌমীশিংগী শেন্থোক হেনগৎহন্নবা, চহি 6গী "মিসন ফোর আত্মনির্ভরতা ইন পলসেস" অসি FY 2025-26 বজেত্তা লাউথোকখি। মিসন অসিনা রিসর্চ, সীদ সীস্তেম, এরিয়া এক্সপান্সন, প্রোক্যোরমেন্ত অমসুং প্রাইস স্তেবিলিতী য়াওনা পাক-চাউরবা থৌরাং অমা লৌখৎকনি।
প্রদক্তিবিতী ৱাংবা, পেস্ত-রেজিস্তেন্ত অমসুং ক্লাইমেৎ রেজিস্তেন্ত ওইবা খ্বাইদগী অনৌবা মখলগী হৱাই-চেংৱাইশিং শেমগৎপা অমসুং শন্দোকপদা অহেনবা মিৎয়েং থমগনি। লমদমসিগা চুনবা অমা ওইহন্নবগীদমক্তা হাৱি-চেংৱাই য়াম্না থাবা মরুোইবা রাজ্যশিংগী মফম কয়াদা চাংয়েংশিং পাংথোক্কনি।
মসিগী মথক্তা, প্রিমিয়ম ক্বালিতীগী মরু-মরাংশিং ফংহন্নবা, রাজ্যশিংনা চহি মঙাগী রোলিং সীদ প্রদক্সন প্লান শেমগনি। ব্রীদর সীদ পুথোকপদা ICARনা য়েংশিনগনি। ফাউন্দেসন অমসুং সর্তিফাই তৌরবা মরু-মরাং পুথোকপা অসি রাজ্য অমসুং সেন্তরগি থাক্তা লৈবা এজেন্সীশিংনা পাংথোক্কনি অমসুং মসি সীদ ওথেন্তিকেশন, ত্রেসেবিলিতী অমসুং হোলিস্তিক ইনভেন্তরী (SATHI) পোর্তলগী খুত্থাংদা কুপ্না য়েংশিনগনি।
হেন্না ফবা মখলশিং পাক শন্না ফংহন্নবগীদমক, কুমজা 2030-31 ফাওবদা এক্তর লাখ 370 থুংনবা হৱাই-চেংৱাই থাবা লৌমীশিংদা ক্বিনতেল লাখ 126গী সর্তিফাইদ সীদশিং য়েন্থোক্কনি।
মসিবু সোইল হেল্থ প্রোগ্রাম, সব-মিসন ওন এগ্রিকলচরেল মেকানিজেসন, বেলেন্স ওইবা মওংদা ফর্তিলাইজর শিজিন্নবা, পাম্বীশিং ঙাক-শেনবা অমসুং খ্বাইদগী ফবা চৎনবীশিং প্রমোৎ তৌনবা ICAR, KVKs অমসুং স্তেত দিপার্তমেন্তশিংনা পাক-শন্না দেমোনস্ত্রেসন উৎপগা লোয়ননা মসিদা শরুক য়াগনি।
মিসন অসিনা ইন্তরক্রোপিং অমসুং মহৈ-মরোংশিং মখল-মখা কয়া থাবদা মতেং পাংদুনা, রাইস ফেলো এরিয়াশিং অমসুং অতোপ্পা দাইবর্সিফাই তৌগদবা লমশিংদা মীৎয়েং থমদুনা হৱাই-চেংৱাইগী লম হেক্তর লাখ 35 হেনগৎহন্নবা হোৎনরি। মসিগীদমক্তা, লৌমীশিংদা মরু-মরাংগী কিৎ লাখ 88 লেম্না য়েন্থোক্কনি।
তুং-কোইনা চৎকদবা তেক্নিকশিং অমসুং মোদর্ন তেক্নোলোজীশিং প্রমোৎ তৌনবা লৌমীশিং অমসুং মহৈ-মরোং থাবশিংগী কেপাসিতী শেমগৎপা অসি স্ত্রকচর তৌরবা ত্রেনিং প্রোগ্রামশিংগী খুত্থাংদা পাইখৎকনি।
কৈথেলশিং অমসুং ভেল্যু চেনশিং মপাঙ্গল কনখৎহন্নবা, মিসন অসিনা প্রোসেসিং য়ুনিৎ ১০০০ য়াওনা মহৈ-মরোং লোক্লবা মতুংগী ইনফ্রাস্ত্রকচর শেমগৎপদা মতেং পাংগনি, মসিনা মহৈ-মরোং মাংহনবশিং হন্থহল্লগনি, ভেল্যু এদিসন ফগৎহল্লগনি অমসুং লৌমীশিংগী ইনকম হেনগৎহল্লগনি। প্রোসেসিং, পেকেজিং য়ুনিৎশিং লিংখৎনবগীদমক খ্বাইদগী য়াম্লবদা লুপা লাখ 25গী সবসিদী ফংলগনি।
মিসন অসিনা ক্লস্তরদা য়ুম্ফম ওইবা এপ্রোচ অমা শিজিন্নগনি, ক্লস্তর খুদিংমক্কী অখন্নবা মথৌ তাবশিংদা ইন্তরভেন্সন শেমগনি। মসিনা রিসোর্সশিংবু হেন্না ইফেক্তিব ওইনা এলোকেসন তৌবা ঙমহনগনি, প্রদক্তিবিতী হেনগৎহনগনি, অমসুং হৱাই-চেংৱাই পোত্থোক হেনগৎহনগনি অমসুং হৱাই-চেংৱাইগী পোত্থোক্কী জিওগ্রাফিক দাইভর্সিফিকেসন প্রোমোত তৌগনি।
মিসন অসিগী মরুওইবা মগুনদি PM-AASHAগী প্রাইস সপোর্ত স্কীম (PSS)গী মখাদা তুর, উরাদ অমসুং মাসুর খ্বাইদগী হেন্না য়াম্না প্রোক্যোর তৌরগনি। . NAFED অমসুং NCCF এজেন্সীশিং অসিদা রেজিস্তর তৌরবা অমসুং এগ্রীমেন্ত তৌরবা লৌমীশিংদগী মথংগী চহি 4গীদমক্তা শরুক য়ারিবা রাজ্যশিংদা 100% প্রোক্যোরমেন্ত তৌগনি।
মসিগী মথক্তা, লৌমীশিংগী থাজবা ঙাক্তুনা থম্নবগীদমক, মিসন অসিনা গ্লোবেল পলস প্রাইসশিং য়েংশিন্নবা মেকানিজম অমা লিংখৎকনি।
2030-31 ফাওবগী মনুংদা মিসন অসিনা হৱাই-চেংৱাই থাবগী লম অসি হেক্তর লাখ 310দা হেঙ্গৎহল্লগনি, পোত্থোক্কী চাং তন লাখ 350দা হেনগৎহল্লগনি অমসুং পোত্থোক অদু 1130 kg/ha দা হেনগৎহল্লগনি। পোত্থোক হেনগৎহনবদা নত্তনা মিসন অসিনা মরুওইনা থবক ফংহনগনি।
মিসন অসিনা হৱাই-চেংৱাইদা আত্মানির্ভরতা (মীপাল তাংদনা মরোমদোম লেপচবা ঙম্বা)গী পান্দম ফংনবা, ইম্পোর্তকী মখা পোনবা হন্থহন্নবা অমসুং লৌমীশিংগী শেন্থোক হেনগৎহন্দুনা মমল য়াম্লবা ফোরেন এক্সচেঞ্জ কঞ্জার্ব তৌনবা হোৎনরি। মিসন অসিনা ক্লাইমেৎ রেজিলিয়েন্ত প্রেক্তিসকী মওংদা অকোইবগী ফিভমদা অচৌবা কান্নবা কয়া ফংহনগনি অমসুং লৈহাউগী ফিভম ফগৎহনগনি অমসুং ক্রোপ ফেলো এরিয়াশিং অদুবু খ্বাইদগী হেন্না পোত্থোক লৈবা মওংদা শিজিন্নবা ঙমহনগনি ।
