প্রধান মন্ত্রী শ্রী নরেন্দ্র মোদীনা জনুৱারি ২৪ গী অয়ুক পুং ১১ তাবদা ভিদিও কনফরেন্সিংগী খুৎথাংদা তোঙান তোঙানবা সরকারগী বিভাগশিং অমসুং লুপশিংদা থবক খল্লবা নহারোলশিংদা এপোইন্তমেন্ত লেত্তর ৬১,০০০ হেন্না য়েন্থোক্কনি। থৌরম অদুদা মহাক্না মীয়ামদা ৱা ঙাংগনি।
থবক ফংহন্নবা খ্বাইদগী মরুওইনা লৌবা প্রধান মন্ত্রীগী পান্দমগী মতুংইন্না, মাঙলান অসি থবক ওইনা পাংথোক্নবা রোজগার মেলা অসি মরুওইবা থবক অমনি। মসি হেক হৌবদগী, লৈবাক শীনবা থুংনা পাংথোকখিবা রোজগার মেলাশিংগী খুৎথাংদা এপোইন্তমেন্ত লেত্তর লাখ ১১ হেন্না য়েন্থোকখ্রে।
১৮শুবা রোজগার মেলা লৈবাক অসিগী মফম ৪৫ দা পাংথোক্কনি। ভারতকী মফম পুম্নমক্তগী খনগৎলবা, নৌনা থবক খল্লবা কেন্দিদেৎশিং, হোম এফেয়ার্স মিনিষ্ট্রি, হেল্থ অমসুং ফেমিলি ৱেলফিয়ার মিনিষ্ট্রি, ফাইনান্সিএল সর্বিসেস দিপার্তমেন্ত, হয়র ইজুকেসন দিপার্তমেন্ত য়াওনা ভারত সরকারগী তোঙান তোঙানবা মিনিষ্ট্রিশিং অমসুং দিপার্তমেন্তশিংদা শরুক য়াগনি।
