প্রধান মন্ত্রী, শ্রী নরেন্দ্র মোদীনা ভারতকী অমৃৎ কালগী অহানবা বজেৎ অসিনা চাওখৎপা ভারত অমগী অনিংবা অপাম্বা অমদি ফিরেপকী অচেৎপা য়ুম্ফম থোল্লি হায়না ফোঙদোকখ্রে। বজেৎ অসিন শোত্থহৌরবশিংদা অহেনবা মীৎয়েঙ চঙলি অমদি এস্পিরেস্নেল সোসাইতী, লায়রবা, খুঙ্গংশিং, অমদি মিদ্দল ক্লাসকী মঙলানশিং মঙফাওনহন্নবা হোৎনরি হায়নসু মহাক্না হায়খি।
মহাক্না শেলথুম মন্ত্রী অমদি মহাক্কী কাঙবুবু পুৱারী ওইরগদবা বজেৎ অসিগীদমক নুংঙাইবা ফোঙদোকখি। প্রধান মন্ত্রীনা উ শুবা, য়োৎ শুবা, সনা শুবা, চফু শাবা, মীতম শাবা, অমদি অতৈ ত্রেদিস্নেল অর্তিজনশিংবু লৈবাক শেম্লিবা মীওইশিংনি হায়না শিংথাখি। “অহানবা ওইনা, লৈবাকসিনা হায়রিবা মীওইশিং অসিগী হোৎনবা কনবা অমদি মখোয়না শেম শারিবশিংগী মফমদা শ্রদ্ধাঞ্জলি কৎচবা ওইনা স্কীম কয়া পুথোরক্লি। মখোয়গী ত্রেনিং, ক্রেদিৎ অমদি মার্কেৎ সপ্পোর্তকী থৌরাং কয়া শিল্লি। পি.এম. বিস্বকর্ম কৌসল সম্মান হায়বদি পি.এম. বিকাসনা বিস্বকর্ম করোর কয়াগী পুন্সিদা অচৌবা অহোংবা অমা পুরক্লগনি”, হায়না প্রধান মন্ত্রীনা হায়খি।
ময়োল্লমদগী হৌরগা খুঙ্গংশিংদা লৈরিবা, থবক তৌব অমদি য়ুম পুরিবী নুপীশিংগীদমক লৈঙাক অসিনা নুপীশিংগী য়াইফ থৌরাং পুরক্কদবা অমদি মপাঙ্গল কলহনগদবা জল জীবন মিসন, উজ্বলা য়োজনা অমদি পি.এম. অৱাস য়োজনানচিংবা মশক থোকপা খোঙথাঙ কয়া লৌখৎলি হায়না প্রধান মন্ত্রীনা পাউদমখি। মতিং য়াম্না লৈবা সেক্তর অমা ওইরিবা নুপীগী সেল্ফ হেল্প গ্রুপশিংবু মখা তানা মপাঙ্গল হেন্না কনখৎহল্লবদি অঙকপা কয়া হেন্না তৌরকপা ঙমগনি হায়বা ৱাফম মহাক্না থমখি। অনৌবা নুপীশিংগী অখন্নবা সেভিং স্কীম অমা হৌদোকপগা লোয়ননা অনৌবা বজেৎ অসিনা নুপী সেল্ফ হেল্প গ্রুপশিংদা অনৌবা মায়ওন অমা হাপচিল্লি হায়রদুনা, প্রধান মন্ত্রীনা হায়রিবা থৌরাং অসিনা নুপীশিংবু, মরুওইনা মীচম ইমুংশিংগী য়ুম পুরিবীশিংগী মপাঙ্গল কনখৎহল্লগনি হায়খি।
বজেৎ অসিনা কোওপরেতিবপু খুঙ্গংগী শেন্মিৎলোন চাউখৎহন্নবগী পাম্বৈ ওইহল্লগনি হায়না প্রধান মন্ত্রীনা হায়খি। লৈঙাক অসিনা কো-ওপরেতিব সেক্তরদা মালেমগী খ্বায়দগী চাউবা ফুদ স্তোরেজ স্কীম শেম্লে হায়না মহাক্না মখা তাখি। অনৌবা প্রাইমারী কো-ওপরেতিবশিং শেম্নবগী মঙলান চাউবা স্কীম অমসু বজেৎ অসিদা লাউথোক্লে। মসিনা ফার্মিংগা লোয়ননা শঙ্গোম অমদি ঙা পুথোকপগী এরিয়াশিং পাকথোক চাউথোকহল্লগনি, লৌমীশিং, শা-শন লোইবা মীওইশিং অমদি ঙামীশিংদা মখোয়গী পোত্থোকশিংগী মমল হেন্না ফংহল্লগনি।
দিজিতেল পেমেন্তকী মায় পাকপবু লৌউ-শিংউ সেক্তরদা মতৌ তমশিনবগী মরুওইবা ৱাফম থম্লদুনা, প্রধান মন্ত্রীনা বজেৎ অসিদা দিজিতেল এগ্রিকলচর ইনফ্রাস্ত্রকচরগী অচৌবা থৌরাং অমা য়াওরি হায়খি।
মালেম অসিনা ইন্তরনেস্নেল ইয়র ওফ মিল্লেৎ পাঙথোক্লি অমদি ভারত্তা তোঙান তোঙানবা মমিংশিংদা খঙনবা মিল্লেৎ মখল কয়া লৈ হায়না মহাক্না পাউদমখি। মিল্লেৎনা মালেম পুম্বগী য়ুমথোঙশিংদা য়ৌরক্লবা মতমসিদা মিল্লেৎ মশক খঙদোক্নবগী অখন্নবা থৌরাংশিং মথৌ তাই হায়না প্রধান মন্ত্রীনা হায়খি। “হায়রিবা সুপরফুদ অসিবু শ্রী-অন্ন হায়বা অনৌবা মমিং অমা পীরে”, হায়না প্রধান মন্ত্রীনা হায়খি অমদি লৈবাকসিগী মীওইশিংদা মশা মউ ফবা পুন্সি অমা ফংহনবগা লোয়ননা মসিনা লৈবাকসিগী অপীকপা লৌমীশিং অমদি ত্রাইবেল লৌমীশিংদা শেন্মিৎলোনগী ঙাক্লৌ ফংহনগনি হায়না মহাক্না ফোঙদোকখি।
বজেৎ অসিনা, তুং কোইগদবা তুংলমচৎ অমগীদমক গ্রীন গ্রোৎ, গ্রীন ইকনমীঈ, গ্রীন ইনফ্রাস্ত্রকচর, অমদি গ্রীন জোবকী লমদা হান্না পারুদবা মওংদা পাকথোক চাউথোকহনগনি হায়না শ্রী মোদীনা মখা তাখি। “বজেৎ অসিদা, ঐখোয়না তেক্নোলোজী অমদি অনৌবা শেন্মিৎলোন্দা চাউনা মীৎয়েঙ থম্লি। ঙসিগী এস্পিরেস্নেল ইন্দিয়ানা লম্বী, রেল, মেত্রো, হিথাংফম, অমদি ঈশিংগী লম্বীনচিংবা হীরম খুদিংদা মতমগা চুনবা ইনফ্রাস্ত্রকচর পাম্মী। ইং ২০১৪গা চাংদম্নবদা, ইনফ্রাস্ত্রকচরদা শেল থাদবা চাদা ৪০০গী মথক্তা হেনগৎলে”, হায়না হায়রদুনা প্রধান মন্ত্রীনা ভারতকী চাওখৎবদা অনৌবা পাঙ্গল অমদি খোঙজেল হাপকদবা ইনফ্রাস্ত্রকচরদা করোর লাখ তরাগী হান্না পারুদবা ইনভেস্তমেন্ত তৌরিবা অসিগী মরমদা পনখি। হায়রিবা ইনভেস্তমেন্তশিং অসিনা নহাশিংগী অনৌবা থবক পীবগী খুদোংচাবা শেমগত্তুনা, য়াম্লবা মীয়ামদা অনৌবা শেন্থোক্কী খুদোংচাবশিং ফংহনগনি হায়না মহাক্না পাউদমখি।
প্রধান মন্ত্রীনা ক্রেদিৎ সপ্পোর্ত কেম্পেন অমদি ইন্দস্ত্রীশিংগী রিফোর্মশিংগী খুত্থাঙদা পায়খৎলিবা ইজ ওফ দুইং বিজিনেসকী থৌরাংশিংগী মরমদসু পনখি। “এম.এস.এম.ই.শিংগীদমক লুপা করোর লাখ ২গী অহেনবা লোন গরেন্তী অমসু শিল লাঙলে”, হায়না হায়রদুনা প্রধান মন্ত্রীনা প্রিজুম্পতিব তেক্সকী লিমিৎ হেনগৎহনবনা এম.এস.এম.ই.শিংবু চাউখৎহনবদা মতেং ওইগনি হায়বা ৱাফম থমখি। অচৌবা কম্পেনীশিংনা এম.এস.এম.ই.শিংদা মতম চানা শেল থিদোক্নবা অনৌবা থৌরাং অমসু য়াত্থোক্লে হায়না মহাক্না মখা তাখি।
প্রধান মন্ত্রীনা ২০৪৭গী মঙলান মঙফাওনহনবদা মিদ্দল ক্লাসকী মতিংবুসু পুথোক্তুনা থমখি। প্রধান মন্ত্রীনা মিদ্দল ক্লাস মপাঙ্গল কলহন্নবগীদমক, লৈঙাক অসিনা ইজ ওফ লিভিং লৈহনগদবা মশক থোকপা ফিরেপ কয়া হৌখিবা চহিশিংদা লৌখ্রে হায়না পাউদমখি। তেক্স রেৎ হন্থহনবা লোয়ননা থৌওংশিং লায়থোকহনবা, মনুং মপান ফাওনা উহনবা অমদি খোঙজেল থুজিলহন্নবা পায়খৎখিবা থৌরাংশিং মহাক্না পনখি। “ঐখোয়গী লৈঙাক্না মতম পুম্বদা মিদ্দল ক্লাসশিংগীদমক লেপ্তুনা মখোয়দা অচৌবা তেক্স রিলীফ পীদুনা লাক্লি”, হায়বা ৱাফমগা লোয়ননা প্রধান মন্ত্রীগী ৱারোল লোইশিনখি।
अमृतकाल का ये पहला बजट विकसित भारत के विराट संकल्प को पूरा करने के लिए एक मजबूत नींव का निर्माण करेगा। #AmritKaalBudget pic.twitter.com/UgN5T1gzTB
— PMO India (@PMOIndia) February 1, 2023
पीएम विश्वकर्मा कौशल सम्मान यानि पीएम विकास, करोड़ों विश्वकर्माओ के जीवन में बहुत बड़ा बदलाव लायेगा। #AmritKaalBudget pic.twitter.com/SKhFJkURk9
— PMO India (@PMOIndia) February 1, 2023
ये बजट, सहकारिता को ग्रामीण अर्थव्यवस्था के विकास की धुरी बनाएगा। #AmritKaalBudget pic.twitter.com/lMluKTDT7l
— PMO India (@PMOIndia) February 1, 2023
हमें डिजिटल पेमेंट्स की सफलता को एग्रीकल्चर सेक्टर में दोहराना है। #AmritKaalBudget pic.twitter.com/HVc9x0DgqC
— PMO India (@PMOIndia) February 1, 2023
This year's Budget focusses on:
— PMO India (@PMOIndia) February 1, 2023
Sustainable Future,
Green Growth,
Green Economy,
Green Infrastructure,
Green Jobs. #AmritKaalBudget pic.twitter.com/txwhLNpof5
Promoting 'Ease of Doing Business.' #AmritKaalBudget pic.twitter.com/vTAMxGcHOT
— PMO India (@PMOIndia) February 1, 2023
समृद्ध और विकसित भारत के सपनों को पूरा करने के लिए मध्यम वर्ग एक बहुत बड़ी ताकत है। #AmritKaalBudget pic.twitter.com/Lg87abmQRS
— PMO India (@PMOIndia) February 1, 2023
