প্রধান মন্ত্রী নরেন্দ্র মোদীগা উনবা অমদি ৱারী শানবগী তাঞ্জা ফংলবা কনাগুম্বা মীওই অমা হেক্তনা মহাকপু ইথিল পীনবীবা লুচিংবা অমসুং পুক্নীং চংনা তাবীবা মীশক অমনি হায়। OYOগী ফাউন্দর রিতেশ অগ্রৱালগী মতাংদি তোঙাল্লি। রিতেশনা প্রধান মন্ত্রী মোদীগা লোইননা ত্রাবেল অমসুং তুরিজম ইন্দস্ত্রীগী মতাংদা ৱারী শানবগী তাঞ্জা ফংখি। প্রধান মন্ত্রীগা লোইননা মহাক্কী অতেনবা ৱারী-ৱাতাই অদুনা মহাক্না অনৌবা বিজিনেস মোদেল অমা শেমবদা মতেং ওইখি।
ভিদিও অমদা, রিতেশনা পি.এম. মোদীবু শুপ্নগী মেক্রো লেবেলদা য়াম্না লুনা খনবা ঙম্বা মীশক অমা ওইনা ফোংদোকখিবতা নত্তনা গ্রাউন্দ লেবেলদা শাফু পীরিবা অদুগুম্বা পোৎশকশিং অদুগী মতাংদসু খন্নবা ঙম্বা মীশক অমা ওইনসু ফোংদোকখি।
মহাক্না প্রধান মন্ত্রীনা পীখিবা খুদম অমা শিয়র তৌখি। পি.এম. মোদীবু পল্লদুনা রিতেশনা হায়, “ভারত অসি লৌউ-শিংউদা য়ুম্ফম ওইবা শেনমিৎলোন অমনি। ঐখোয়গী লৈবাক্তা লৌমী অদুক্কী মতিক লৈরি। মখোয়গী ইনকম মতমগী মতুং ইন্না খেন্নবা য়াই। অতোপ্পা মায়কৈ অমদা, খুঙ্গংদা চৎপা পাম্বা, লৈফম থিবা পাম্বা অমসুং মদুগী এক্সপিরিএন্স লৈবা পাম্বা মীওইশিং লৈ। মখোয়শিং অসিগী মনুংদা লৌমী খরনা ইনকমগী তুং কোইবা লেংদ্রবা হৌরকফম অমা ফংবা ঙম্নবা অমসুং শহরদা লৈবশিংগীদমক্তা তশেংনা খুঙ্গংগী পুন্সি অসি করিনো হায়বদু য়েংবা ঙম্নবা অদোম ভিলেজ তুরিজম করিগী হোৎনদ্রিবনো”
লৌমী কয়া অমদি খুঙ্গংগী ইমুংশিংদা তুং-কোইবা ইনকম তানবদা মতেং ওইরিবা ভিলেজ তুরিজম্বু তাঞ্জা অমা ওইনা ওন্থোকখিবগী মতাংদা পি.এম. মোদীগা লোইননা ৱারী শানখিবগী মিনিৎ খরা রিতেশনা শিয়র তৌখি। রিতেশনা হায়খি মদুদি হিরমগী মতাংদা লুনা খনজিনবগা লোইননা পি.এম.গী অসিগুম্বা তৌবা ঙমবা অসিনা পি.এম. মোদীবু ‘স্তার্ত-অপ প্রধান মন্ত্রী’ অমা ওইহল্লে।
রিতেশনা মখা তাখি মদুদি ত্রাবেল অমসুং তুরিজমদা নত্তনা পি.এম. মোদীগী মফমদা ইন্দস্ত্রী অমা হেক্তগা মরী লৈনবা হিরমদা খন্ন-নৈননবা মান্নবা থাক্কী মতিক অমসুং লুশিনবা ৱাখল্লোন লৈ। “ঐনা দেতা সেন্ত্ররশিং পাকথোক-চাউথোকহনবগী মতাংদা খন্নবা উরে, ঐখোয়না সোলরদগী হৌরগা ইথানোল ফাওবগী রিন্যুএবল ইনর্জীদা করম্না ফনা তৌবা ঙমগনি, ভারত্তা পেনেল শেমগৎপা ঙম্নবা শুংদোক্ত্রিবা থাও পুম্নমক্কী করি মথৌ তাবা লৈ, মসিদগী PLI স্কিমদা কম্পেনী অমা হেক্তনা করম্না কান্নবা লৌবা য়াই… ঐখোয়না ইনফ্রাস্ত্রকচরগী মতাংদা হেক ঙাংনরকপদা, ঐখোয় ইশাবু লম্বী, রেলৱে অমুং হাইৱে ফাওবতংদা অকক্নবা ওইনা থম্মি অদুবু ঐখোয়না মহাক্কা ইন্দস্ত্রী দেলিগেসন ওইনা উনরুবা মতমদদি ঐনা মহাকপু কঞ্জ্যুমর ইলেক্ত্রোনিক্সতা ফাওবা খন্নবসু উখি। ভারতনা চহি অসিদা ইলেক্ত্রোনিক্স মেন্যুফেকচরিংদা অমত্তা ঙাইরবা খ্বাইদগী চাউবা লৈবাক ওইরগনি, মসিগী মতাংদা মীওই খরতমক্না খঙলমগনি। ভারতনা দ্রোন মেন্যুফেকচরিং অমসুং মসিগী অকোইবদা রিসর্স অমসুং ইনোবেসনগী মফম অমা ওইখ্রে… মসিগী মনুংদা ইন্দস্ত্রী পুম্নমক্তা, ঐগা ৱাখলদা থাক অসিগী লুশিনবা অসি চাংদম্নীংঙাই লৈতে অমসুং মরম অসিননি ইন্দস্ত্রীশিং অসিনা খোঙজেল য়াংনা শাহৌরক্লিবা অসি।”
রিতেশনা হায় মদুদি প্রধান মন্ত্রী মোদী ‘নীংথিজনা তাবা’ মীশক্নি। মহাক্না য়ুনিয়ন বজেৎকী মমাংদা পাংথোকখিবা থৌরম অমগী খুদম পনখি। পি.এম. মোদীনা থৌরম অদুদা করি হায়খি হায়বদু মহাক্না নীংশিংখি। মহাক্না অমুক হন্না পি.এম.বু পল্লদুনা হায়, “করিগুম্বা তুরিজম পাকথোক-চাউথোকহনবা মথৌ তারবদি, মসিদগী ইন্দস্ত্রীনা খদোং চাবা লৌবা ঙম্নবা ঐখোয়না মশিং য়াম্না অমদি তুং কোইগদবা ইনফ্রাস্ত্রকচরদা ইনভেস্ত তৌগদবনি।” রিতেশনা মখা তাখি মদুদি গুজরাত্তা কেবরিয়া অসি ৱাখল্লোন অসিগী খুদম অমনি অমসুং মতৌ করম্না স্তেচু ওফ য়ুনিতীগী অকোইবগী শক্তম্না মফম অদুগী হোতেল ইন্দস্ত্রীবু চাউখৎহনবদা মতেং পাংখিবগে হায়বগী খুদম্নি। রিতেশনা হায়খি, “ইনফ্রাস্ত্রকচরগী মতাংদা চহি মঙা, তরা, তরামঙাগী মতাংদা মাংদা য়েংবা, মসিনা ঐবু তুং কোইবা রিফোর্মিস্ত অমসুং ভেল্যু ক্রিএতর ওইনা পি.এম. মোদীগী মতাংদা মিৎয়েং চিংশিল্লি।”
রিতেশনা মখা তাখি মদুদি পি.এম. মোদীদা ওন্ত্রপ্রিনর অমগী মগুন কয়া য়াওই। মহাক্না হায়, “পি.এম. মোদীনা শাফুগী অচৌবা তর্মশিং অদু খল্লি অদুবু অদুম্না তৌদ্রিঙৈদা মহাক্না অপীকপা স্কেলদা চাং য়েংই। লার্জ-স্কেল ইনিসিএতিবশিংদা য়াম্না কুপ্না থবক পাংথোকই।” OYOগী ফাউন্দরনা হায়, “ঐখোয়গী লৈবাক্তা লুচিংবা অমা লৈ মদুনা হায় ঐখোয় হেনগৎপা ঙম্বা অসিদা অপেনবা ওইদ্রি। ঐখোয় মসিদা মালেমগী খ্বাইদগী অথোইবা ওইবগী অপাম্বা অমসুং ইথিলগা লোইননা মীওই বিলিয়ন অমা হেন্না লৈরিবা লৈবাক অমনি।”
"A small conversation with Modi ‘The Startup Prime Minister’ galvanised the birth of a whole new business avenue!"
— Modi Story (@themodistory) August 22, 2022
OYO Founder @riteshagar shares his experiences with PM Modi.
Don't miss this inspiring #ModiStory!https://t.co/9iulCar3rR @themodistory pic.twitter.com/JpTxo4XZdp
