Share
 
Comments
400th Prakash Purab of Sri Guru Tegh Bahadur Ji is a spiritual privilege as well as a national duty: PM
The Sikh Guru tradition is a complete life philosophy in itself: PM Modi

খুরুমজরি,

কমিত্তীগী ইকায় খুম্ননীংঙাই ওইরবা মীওই অমসুং মরূপশিং! গুরু তেগ বহাদুরজীগী ৪০০শুবা মপোক কুমওন, প্রকাশ পুরবকী থৌদোক অসি য়াম্না লাইবক ফবা অমনি অমসুং লৈবাক্কী তৌফম থোকপা থবক অমসু ওইরি। মসিদা ঐখোয়গী ঙমজবা খরা পাংথোকপা ঙম্বা অসি গুরুনা ঐখোয়বু চানবীগনি। অসিগুম্লবা হোৎনবা কয়াগা লোয়ননা লৈবাক্কী মীয়াম পুন্না হোৎনমিন্নবা অসিদা ঐহাক্না নুংঙাইবা ফাওই।

মফমসিদা ঙসি, গৃহ মন্ত্রীনা নেস্নেল ইমপ্লিমেন্তেসন কমিত্তীগী লুচিংবা ওইনা কমিত্তীগী ৱাখল্লোন কয়া ঐখোয়গী মাংদা থম্বীরি। ৱাহৌদোক খুদিংমক খন্নখি। প্রজেন্তেসন অসিদসু চহি চুপ্পা পাংথোক্কদবা থৌরমশিংগা মরী লৈনবা ৱাফম কয়া য়াওরি, মসিদা অদোমগী পাউতাক লৌবগী ওইথোকপা য়াবসু লৈ, অনৌবা ৱাখল্লোন কয়া হাপচিনবগী খুদোংচাবসু লৈরি। অদোমগুম্বা মেম্বর কয়াদগীসু মমল নাইরবা পাউতাক কয়া ফংলে, য়াম্না কান্নবা পাউতাক কয়া লাক্লে অমসুং থৌরম অসিগা মরী লৈননা ঐখোয়না মালেমগী থাক্তা খুদোংচাবা লৌদুনা ঐখোয়গী ৱাখল্লোনশিংবু মীপুম খুদিংদা য়ৌহনবা য়ারে হায়বসিসু অচুম্বা অমনি। অদুগা কম্মিতী অসিদা ঙসি মেম্বর মশিং য়াম্বনা শরুক য়ারি, মীওই খুদিংনা ইশাগী ৱাখল্লোন ফোংদোকপগী খুদোংচাবসু ফংলে, অমসুং ঐহাক্না মেম্বরশিংনা পাউতাকশিংবু অইবা ওইনা পীবিরক্তুনা থৌরম অসিবু নীংথিনা শিন-লাংবদা তেংবাংগনি হায়বগী ঐহাক্না থাজবা থমজরি।

মরূপশিং,

হৌখিবা চহি ৪০০দা ভারতকী মতম অমা, তাঙ্কক অমত্তদা ঐখোয়দা গুরু তেগ বহাদুরজীগী ইথিল য়াওখিদবা অমত্তা লৈখিদে। মাপন শুবা গুরু অমা ওইনা ঐখোয়না মহাক্কী মফমদগী ইথিল লৌজখি। অদোম খুদিংনা মহাক্কী পুন্সিগী মতাংদা হান্ননা খঙলবনি, অদুবু লৈবাক্কী হৌরক্লিবা চারোন-শুরোনশিংদসু মহাক্কী মরমদা খঙহনবা অসিসু য়াম্না মরু ওইরি।

মরূপশিং,

গুরুনানক দেবজীদগী হৌরগা গুরু তেগ বহাদুরজী অমসুং গুরু গোবিন্দ সিংহজী ফাওবদা, ঐখোয়গী সিখ গুরুগী চৎনবী অসি মশাগী ওইজবা পুন্সিগী ফিলোসোফী অমা ওইদুনা লাক্লি। ঐখোয়গী সরকারনা গুরু নানকজীগী ৫৫০শুবা, গুরু তেগ বহাদুরজী ৪০০শুবা অমসুং গুরু গোবিন্দ সিংহজীগী ৩৫০শুবা প্রকাশ পুরব পাংথোকপগী খুদোংচাবা ফংবসি ঐখোয়গী লাইবক ফবনি। মালেম পুম্বনা করিগুম্বা পুন্সিগী ৱাখল্লোনবু খঙনীংলবদি ঐখোয়গী গুরুশিংগী পুন্সি নৈননবদা নীংথিজনা খঙবা ঙমগনি। মখোয়গী পুন্সিদা মপুং ওইনা কত্থোকপা অমসুং মহৈ তম্বগী ৱাফমসু য়াওরি। মখোয়গী পুন্সিদা লৌশিংগীতা নত্তনা ধর্মগী মঙালসু লৈখি।

মরূপশিং,

গুরু তেগ বহাদুরজীনা অসুম্না হায়বীরম্মি, “সুখু দুখু দোনো সম করি জানে ঔরু মানু অপমানা”। মসিনা হায়বদি, হরাওবা-নুংঙাইবা, ইকায়বা নঙবা-ইকায় খুম্নবা হায়রিবশিং অসিনা অমত্তা ওইনা লৈদুনা ঐখোয়না ইশাগী পুন্সি হিংফম থোকই। মহাক্না পুন্সিগী পান্দমসু হায়বীরমখি, মদুগী লম্বীসু তাকপীরমখি। মহাক্না ঐখোয়না লৈবাক্কী সেবা তৌবতা নত্তনা মীওইবা সেবাগী লম্বীসু তাকপীরমখি। মহাক্না অমত্তা ওইবা, নুংশী-চান্ননা লৈবা অমসুং কত্থোকপগী মন্ত্রসু ঐখোয়দা পীবিরমখি। মসিগী মন্ত্রশিং অসিবু ঐখোয় ইশানা ইন্দুনা হিংদুনা অতোপ্পা মীওই কয়াদসু হায়বীবা অসি ঐখোয়গী খ্বাইদগী চাউবা তৌফম থোকপনি।

মরূপশিং,

ঙসিগী নুমিৎ অসিদা ৪০০শুবা প্রকাশ পুরব অসি লৈবাক অসিদা চহি চুপ্পগী পাংথোকফম থোকই অমসুং মালেমগী মফমশিংদসু য়ারিবমখৈ মীওই মশিং অয়াম্বদা খঙহনফম থোকই হায়বা খন্নবদসু য়াওখ্রিবদুনি। সিখকী চৎনবীগা মরী লৈনবা লাইনীংফম, অশেঙবা মফমশিং অমসুং মরী লৈনবা থবকশিংদসু অনৌবা পাঙ্গল হাপকনি। গুরু তেগ বহাদুরজীগী ৱাফমশিং, মহাক্কী লাইনিং ঈশৈশিং, মদুগা মরী লৈনবা পুৱারী, নাৎকী ওইবা থৌরমশিং অসিনা মীওই কয়াদা ইথিল পীগনি। ৱাফমশিং অসিবু ঐখোয়না দিজিতেল তেক্নোলোজীগী খুত্থাংদা শিজিন্নবদা মালেম শিনবা থুংবগী অনৌবা চারোনশিংদা পাক-শন্না য়ৌহনবা ঙমগনি অমসুং ঙসিগী মেম্বর অয়াম্বনা দিজিতেল তেক্নোলোজী য়ারিবমখৈ শিজিন্নবগী ৱাখল্লোন ফোংদোক্লকপা অসিদা ঐহাক্না নুংঙাইবা ফাওজৈ, মসিনা ভারতকী হোংলক্লিবা ফিভম অসিগী তসেংবা মশক্নি। ঐখোয়না হায়রিবা থৌরমশিং অসিদা ঐখোয়না য়াম্লবা মীওই কয়াগা ঐখোয়গা লোয়ননা পুনমিন্নগদবনি।

মরূপশিং,

ঐখোয়না মসিগী থৌরমশিং অসিগী মতেংনা গুরু তেগ বহাদুরজীগী পুন্সি অমসুং পাউতাক্কা লোয়ননা গুরুগী চৎনবী অসি মালেম পুম্বদা খঙহনফম থোকই। সিখ খুন্নাইগী মীওইশিংনা মালেমদা মখোয়গী গুরুশিংনা তাকপীরমবা লম্বী ইন্দুনা করম্না চৎলিবগে, মখোয়না মতৌ করম্না মীওইবা খুন্নাইবু তেংবাংবগী চাউরবা থবক কয়া পাংথোক্লিবনো, গুরুদ্বারা অসি মীওইবা খুন্নাইগী তেংবাংবগী মপুং ওইবা মফম করম্না ওইরিবনো হায়রিবশিং অসি মালেম শিনবা থুংনা খঙহনবা ঙম্বদা মীপুম খুদিংদা ইথিল পীবা ঙমগনি। মসিগী মতাংদা খন্থবীদুনা ৱাফমশিং অসি দোক্যুমেন্ত তৌবসি ঐহাক্কী অপাম্বা অমনি। ঐখোয়গী অসিগুম্বা থৌদাং অসিনা লাক্ককদৌরিবা চারোন্দা লম্বী য়াৎকনি। মসিনা গুরু তেগ বহাদুরজী য়াওনা গুরু খুদিংগী খুয়াখাদা ঐখোয়না ইকায় খুম্নবা উৎপা অমসুং কার্য়াঞ্জলী তৌবগী থৌওং উৎপা অমসু ওইগনি। মসিগী তাঞ্জা অসিগা চান্ননা ঐখোয়না লৈবাক্কী নীং-তম্বগী চহি ৭৫ ফাবগী থৌরম পাংথোকপা অসিসু য়াম্না মরু ওইবা ৱাফম্নি। গুরুশিংগী থৌজালদগী ঐখোয়না থৌরমশিং অসি মাই-পাক্না পাংথোকপা ঙমগনি হায়বগী ঐহাক্না থাজবা থম্লি। অদোমগী মমল লাইদ্রবা পাউতাকশিংগীদমক্তা ঐহাক্না থাগৎপা ফোংদোকচরি অমসুং লাক্কদৌরিবা মতমশিংদা অদোমগী শরুক য়াবা অসিনা শক্নাইরবা চৎনবী অসিবু হৌরক্কদৌরিবা চারোনশিংদা য়ৌহনবদা অচৌবা তেংবাং অমা ওইগনি। ঐহাক্না অসিগুম্লবা শেংলবা পুরব অসিদা গুরুশিংগী সেবা ফংজবা অসিদা ঐখোয়না চাউথোকচফম থোকই হায়জনীংই।

য়াইফ পাউজেলশিং অসিগা লোয়ননা ঐহাক্না পুম্নমকপু হন্না-হন্না থাগৎচরি।

 

 

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Govt allows Covid vaccines at home to differently-abled and those with restricted mobility

Media Coverage

Govt allows Covid vaccines at home to differently-abled and those with restricted mobility
...

Nm on the go

Always be the first to hear from the PM. Get the App Now!
...
PM to deliver video address at ‘Global Citizen Live’ on 25th September
September 24, 2021
Share
 
Comments

Prime Minister Shri Narendra Modi will deliver a video address at the event ‘Global Citizen Live’ on the evening of 25th September, 2021.

‘Global Citizen’ is a global advocacy organization that is working to end extreme poverty. ‘Global Citizen Live’ is a 24-hour event which will be held across 25th and 26th September and will involve live events in major cities including Mumbai, New York, Paris, Rio De Janeiro, Sydney, Los Angeles, Lagos and Seoul. The event will be broadcast in 120 countries and over multiple social media channels.