New reforms announced in the Budget will give a boost to the economy: PM
Budget aims at the economic empowerment of every citizen in the country: PM ModiThe Union Budget adopts an integrated approach for the Agriculture sector: PM Modiঐহাক্না ভিজনসু য়াওরিবা এক্সনসু য়াওরিবা দিকেদ অসিগী অহানবা বজেতকীদমক ফাইনান্স মিনিস্তর নির্মলা সীতারমনজী অমসুং মহাক্কী তীমবু হন্ন-হন্না থাগৎপা ফোংদোকচরি।
বজেত্তা অনৌবা রিফোর্মশিং লাউথোকখিবা অদুনা ইকোনোমী হেঙ্গৎহন্নবা, লৈবাক অসিগী মীপুম খুদিংমকপু ফাইনেন্সিয়েল্লী এম্পাৱর ওইহন্নবা অমসুং দিকেদ অসিদা ইকোনোমীগী ফাউন্দেসন চেৎশিলহন্নবা থবক তৌরগনি।
এগ্রিকলচর, ইনফ্রাস্ত্রকচর, তেক্সতাইল অমসুং তেক্নোলোজী অসি এমপ্লোইমেন্তকী মরুওইবা লমশিংনি। এম্প্লোইমেন্ত জেনরেসন হেঙ্গৎহন্নবগীদমক মথক্কী মরি অসিদা বজেত অসিনা অকনবা মিৎয়েং থম্লি।
লৌমীশিংগী শেন্থোক শরুক অনি ওইহনবগী হোৎনবগা লোয়ননা এক্সন পোইন্ত ১৬ শেমগৎলে মদুনা রুরেল সেক্তরদা এমপ্লোইমেন্ত হেঙ্গৎহন্নবা থবক তৌরগনি। বজেত্তা এগ্রিকলচর সেক্তরগীদমক ইন্তিগ্রেতেদ এপ্রোচ এদোপ্ত তৌরে, মসিনা ত্রেদিস্নেল মেথদকা লোয়ননা হোর্তিকলচর, ফিসরিজ, এনিমেল হজবেন্দরীদা ভেল্যু এদিসন হেনগৎলগনি অমদি এমপ্লোইমেন্তসু হেনগৎলগনি।
তেক্নিকেল তেক্সতাইগীদমক অনৌবা মিসন লাউথোকখ্রে। ভারত্তা মীনা শাবা ফাইবর পুথোক্নবগীদমক মদুগী রো মেতরিয়েলগী দ্যুতী স্ত্রকচরদা রিফোর্ম তৌরে। রিফোর্ম অসি মমাংগী দিকেদ অহুমদগী দিমান্দ তৌদুনা লাকপনি।
আয়ুশ্মান ভারত য়োজনানা লৈবাক্কী হেল্থ সেক্তরদা অনৌবা এক্সপান্সন পীরে। সেক্তর অসিদা হ্যুমেন রিসোর্স- দাক্তর, নর্স, এতেনদেন্তকা লোয়ননা মেদিকেল দিবাইস মেন্যুফেকচরিংগী স্কোপ য়াম্না লৈরে। মসি হেঙ্গৎহন্নবগীদমক সরকারনা অনৌবা ৱারেপ লৌরে।
তেক্নোলোজীগী লমদা এম্প্লোইমেন্ত জেনরেসন হেঙ্গৎহন্নবগীদমক বজেত অসিদা ঐখোয়না অখন্নবা কয়া অমা হোৎনরি। অনৌবা স্মার্ত সিতীশিং, ইলেক্ত্রোনিক মেনুফেকচরিং, দাতা সেন্তর পার্কশিং, বাইও তেক্নোলোজী অমসুং ক্বান্তম তেক্নোলোজীগুম্বা লমশিংগীদমক পোলিসী ইনিসিয়েতিব কয়া লৌখৎলে। মসিগা লোয়ননা ভারত গ্লোবেল ভেল্যু চেনগী মপুম ওইবা শরুক অমা ওইরক্নবগী মায়কৈদা খোংফম চেৎনা মাংলোমদা চংশিল্লি।
বজেত্তা নহাশিংগীদমক স্কিল দিবেলপমেন্তকী ওইনসু অনৌবা অমসুং ইনোবেতিব ওইবা ইনিসিয়েতিব লাওথোকখ্রে। খুদম ওইনা দিগ্রী কোর্সশিংদা এপ্রেনতিসেশিপ, লোকেল বোদীশিংদা ইন্তর্নশিপ অমসুং ওনলাইন দিগ্রী কোর্সশিংগী সিস্তেম। মপাল লমদা থবক তৌবা চৎনিংবা ভারতকী নহাশিংগীদমক ব্রিজ কোর্সশিংগী সিস্তেমসু পায়খৎলি।
এক্সপোর্ত অমসুং এম.এস.এম.ই. সেক্তরনা এমপ্লোইমেন্ত জেনরেসনবু দ্রাইব তৌরি। বজেত্তা এক্সপোর্ত হেঙ্গৎহন্নবগীদমক অনৌবা স্কিমশিং লাউথোকখ্রে। অপিকপা ইন্তরপ্রাইজশিংগী ফাইনান্সিংগীদমক অনৌবা ইনিসিয়েতিব কয়াসু পায়খৎলে।
মোদর্ন ইন্দিয়াগীদমক্তা মোদর্ন ইনফ্রাস্ত্রকচর অসি য়াম্না মরু ওই। ইনফ্রাস্ত্রকচরগী লম অসিসু অচৌবা ইমপ্লোইমেন্ত জেনরেতরনি। লুপা লাখ কোতি ১০০ চংনা প্রোজেক্ত ৬৫০০ পায়খৎপনা এমপ্লোইমেন্তকী খুদোংচাবা য়াম্না চাউনা হেঙ্গৎহল্লগনি। নেস্নেল লোজিস্তিক পোলিসীনসু ললোন ইতিক, করোবার অমসুং এমপ্লোইমেন্ত, সেক্তর অহুম অসিদা কানরগনি। লৈবাক অসিদা এয়ার্পোর্ত ১০০ শেমগৎনবা পান্দম্না মীচম প্রজাশিংবু অনৌবা অৱাংবা অমদা পুখৎলগনি, ভারতকী তুরিজম সেক্তরদা অনৌবা লেংহন্নবা পাঙ্গল পীরগনি। ইনফ্রাস্ত্রকচরগী লমদা ঐখোয়না স্তার্ত অপকী থোংদা অমদি প্রোজেক্ত দিবেলপমেন্তকী থোংদা নহাশিংদা অনৌবা থৌনা পীরগনি।
তেক্স স্ত্রকচরদা ফন্দামেন্তেল ওইবা অহোংবশিংনা মরম ওইদুনা ভারত্তা সেক্তর কয়াদা ভেল্যু এদিসনগী ওইথোকপা য়াবসু হেঙ্গৎলগনি।
এমপ্লোইমেন্তকীদমক ইনবেস্তমেন্ত অসি খ্বাইদগী চাউবা দ্রাইবরনি। মায়কৈ অসিদা পুৱারী ওইরবা খোংথাং খরা লৌখৎলে। বোন্দ মার্কেত চেৎশিলহন্নবগীদমক অমসুং ইনফ্রাস্ত্রকচরগী লোং তর্ম ফাইনান্সিংগীদমক থৌরাং তৌরে।
দিবিদেন্ত দিস্ত্রিব্যুসন তেক্স লৌথোকখিবনা মরম ওইরগা কম্পেনীশিংগী খুত্তা লুপা কোতি লিশিং ২৫ লাক্লগনি মদুনা মখা তানা ইনবেস্ত তৌবদা মতেং ওইরগনি। মপাল লৈবাক্কী ইনবেস্তমেন্তপু ভারত্তা পুক্নিং চিংশিন্নবগীদমক তোঙান-তোঙানবা তেক্স কন্সেসন্স পীরি। স্তার্ত অপ্স অমসুং রিএল স্তেৎশিংগীদমকসু তেক্স বেনিফিৎশিং পীরে।
হৌজিক ঐখোয় ইনকম তেক্সকী প্রোবিজন্দা চীন্দাননা খৎনরম্বদগী থাজবগী খোংচৎ অমা চৎপা হৌরে।
এম.এস.এম.ই.গা শম্নরিবা অপীকপা ইন্ত্রপ্রিনরশিংদা ঐখোয়গী সরকারনা মতম পুম্নমক্তা থাজবা থম্লি। হৌজিক্তি লুপা কোতি ৫ ফাওবগী তর্নওভরদা ওদিৎকী মথৌ তাররোই।
মিনিমম গবর্নমেন্ত, মেক্সিমম গবর্নান্সকী কমিতমেন্তপু বজেত অসিনা হেন্না চেৎশিলহল্লে।
মেক্সিমম গবর্নান্সকী মায়কৈদা গ্রাম পঞ্চায়ৎ লাখ অমদা আঙ্গনৱারী, স্কুল, হেল্থ অমসুং ৱেলনেস সেন্তর অমদি পুলিস স্তেসনবু ব্রোদবেন্দগা শম্নহনবা অসি পুৱারী ওইরবা হৌরকপা অমা ওইগনি।
ঙসিদি সরকারগী থবক্কীদমক নহাশিংনা তোঙান তোঙানবা পরিক্ষা কয়া পীবা তাই। সিস্তেম অসি হোংদোক্লগা হৌজিক্তি নেস্নেল রিক্রুইতমেন্ত এজেন্সীগী থোংদা লৌবা ওনলাইন কমন এগজামগী খুত্থাংদা এপোইন্তমেন্ত তৌরগনি।
লৌমীশিংগীদমক মখোয়গী পোত্থোকশিং অদু অচুম্বা মওংদা মার্কেতিং তৌনবা অমসুং ত্রান্সপোর্তকীদমক কিসান রেল অমসুং কৃশি উরানগী থোংদা অনৌবা থৌরাং লৌখৎলগনি।
ঐহাক্না থাজবা থম্লি মদুদি বজেত অসিনা ইনকম অমসুং ইনবেস্তমেন্ত হেঙ্গৎহনগনি, দিমান্দ অমসুং কঞ্জুমম্পসন হেঙ্গৎহনগনি, ফাইনান্সিয়েল সিস্তেম অমসুং ক্রিদিত ফ্লোদা অনৌবা পাঙ্গল থৌনা পুরক্লগনি।
বজেত অসিনা লৈবাক অসিগী হৌজিক হৌজিক্কী দরকার ওইবা অদুগা লোয়ননা দিকেদ অসিদা তুংগী দরকার ওইবশিংসু ফংহল্লগনি।
ঐহাক্না অমুক হন্না লৈবাক অসিবু, নির্মলাজীবু অমসুং ফাইনান্স মিনিস্ত্রীগী তীম্বু বজেত অসিগীদমক নুংঙাইবা ফোংদোকচরি।
হন্না-হন্না থাগৎচরি।
