Share
 
Comments
“মনিপুরগী সংঙাই ফেস্তিবেলনা মনিপুর মীয়ামগী ইথিল অমসুং অপাম্বগী মশক তাক্লি”
“মনিপুর অসিদি অপীকপা ভারত অমগী শক্তম উবা ফংবা নিংথিরবা লৈ-পরেং অমনি”
“সংঙাই ফেস্তিবেলনা ভারতকী বাইওদাইবর্সিতীগী নুংঙাইবা ফোংদোক্লি”
“ঐখোয়না মহৌশা ইমা, শা-ঙা অমসুং উ-পাম্বীশিংবু ঐখোয়গী ফেস্তিবেল অমসুং নুংঙাইবা ফোংদোকপগী শরুক ওইহনবা মতমদা, পুম্নমক্কা পুন্না লৈমিন্নবনা ঐখোয়গী পুন্সিগী মহৌশাগী শরুক অমা ওইরকই”

খুরুমজরি‍। সঙাই ফেস্তিবেল মায় পাক্না পাঙথোকপগীদমক মনিপুরগী মীয়াম পুম্নমক্কী মফমদা নুংঙাইবা ফোঙদোকচরি‍।

কোরোনানা মরম ওইরগা হন্দক চহি অনিগী মতুংদা সঙাই ফেস্তিবেল পাঙথোক্লি‍। হন্দক্কী থৌরম অসি মমাঙদগী হেন্না চাউবা মওংদা পাঙথোক্লিবসিদা ঐ নুংঙাই‍। মসিনা মনিপুর মীয়ামগী স্পিরিৎকী অমদি ইহুল উৎলি‍। মরুওইনা, মনিপুর লৈঙাক্না মসিবু অচৌবা মীৎয়েং অমগা লোয়ননা শীল্লিবা, মসি তশেংনমক থাগৎনিংঙাইনি‍। ঐনা মুখ্যমন্ত্রী এন. বিরেন সিংহ জী অমদি লৈঙাক পুম্ববু মসিগীদমক থাগৎচরি‍।

মরূপশিং,

মনিপুর য়াম্লবা মহৌশাগী ফজবা, পারী পুরীগী নাৎকী লন অমদি অথোইবা মশক্না থল্লবা স্তেত অমনি অমদি মীপুম খুদিংমক্না মফমসিদা অমুক্তং ওইরবসু চৎপা য়াই‍। তোঙান তোঙানবা মনিশিংগী পরেংনা ফজরবা লিক অমা শেম্বগুম, মনিপুরসু মদুমক্নি‍। মরম অসিনা, মনিপুরদা ঐখোয়না অপীকপা ইন্দিয়া উবা ফংই‍। ঙসি অমৃৎকাল অসিদা লৈবাকসিনা ‘এক ভারত, শ্রেস্থ ভারত’কী ৱাখল্লোনগা লোয়ননা মাঙদা চঙশিল্লি‍। অসিগুম্বা তাঞ্জা অসিদা “ফেস্তিবেল ওফ ৱননেস” হায়রিবা হীরমসিদা য়ুম্ফম ওইদুনা সঙাই ফেস্তিবেল মায় পাক্না পাঙথোক্লিবা অসিনা ঐখোয়দা তুংলমচৎকী মতিং হাপকনি, অনৌবা থৌনা হাপকনি‍। সঙাই, মনিপুরগী স্তেত এনিমেলসু ওইরি, লোয়ননা ভারতকী পুক্নিং ৱাখলদসু মসিনা মরুওইবা মফম অমা কল্লি‍। মরম অসিনা সঙাই ফেস্তিবেল ভারতকী পুন্সি মহিংবু সেলেব্রেৎ তৌনবগী অথোইবা ফেস্তিবেল অমসু ওইরি‍। মসিনা মহৌশাগা লোয়ননা ভারতকী নাৎকী অমদি পুক্নিং ৱাখলগী ওইবা মরীবুসু সেলেব্রেৎ তৌরি‍। লোয়ননা, ফেস্তিবেল অসি সস্তেনেবল লাইফস্তাইলগীদমক্তা মরুওইবা খুন্নাইগী ৱাখল্লোনবুসু পুক্নিং থৌগৎলি‍। ঐখোয়না মহৌশাবু, লেঙলি পাল্লিবশিংবু অমদি পাম্বীশিংবু ঐখোয়গী কুমহৈ অমদি হরাউ তয়াম্না পাঙথোকপগী শরুক ওইহনবা মতমদা, পুন্না হিংমিন্নবনা ঐখোয়গী পুন্সিগী থাদোক্নবা য়াদ্রবা শরুক ওইরকই‍।

ইচিও ইনাওশিং,

“ফেস্তিবেল ওফ ৱননেস”পু মপুং ফাহন্নবগীদমক হন্দক্কী সঙাই ফেস্তিবেল অসি কোনুংদা খক্তা নত্তনা স্তেত শিনবা থুংনা পাঙথোক্লি হায়না ঐঙোন্দা পাউদমই‍। নগালেন্দগী ঙমখৈদগী ম্যান্মারগী ঙমখৈ ফাওবা, চাউরাক্না মফম ১৪দা কুম্হৈ অসি পাঙথোক্তুনা মখল মখা কয়াগী মচু উৎলি‍। মসি য়াম্না থাগৎনিংঙাই ওইবা থৌরাং অমনি‍। অসগুম্বা থৌরমশিংদা মীয়াম্না হেক য়াম্না শরুক য়ারিবমখৈ মসিগী মতিংসু ফুদোরকপ ঙমই‍।

মরূপশিং,

ঐখোয়গী লৈবাকসিদা কুম্হৈ, উৎসব অমদি মেলাগী চহিচা কয়া লিরবা চৎনবী লৈ‍। মসিগী খুত্থাঙদা ঐখোয়গী নাৎবু হেন্না মপাঙ্গল কনখৎহল্লি, লোয়ননা শেন্মিৎলোন্দসু থৌনা হাপ্লি‍। সঙাই ফেস্তিবেলগুম্বা থৌরমশিংন ইনভেস্তরশিং অমদি ইন্দস্ত্রীশিংগী পুক্নিংসু চিংশিল্লি‍। ফেস্তিবেল অসিনা তুংদসু অসুম্না মকা লাম্বা ওইগনি অমদি স্তেত অসিদা চাওখৎপা পুরক্নবগী মপাঙ্গল কল্লবা পাম্বৈ অমা ওইগনি হায়না ঐনা চপ চানা থাজৈ‍।

হায়রিবা ৱাখল্লোন অসিগা লোয়ননা, ময়াম পুম্নমকপু হন্না হন্না থাগৎচরি‍!

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
A day in the Parliament and PMO

Media Coverage

A day in the Parliament and PMO
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 8 ফেব্রুৱারি, 2023
February 08, 2023
Share
 
Comments

PM Modi's Visionary Leadership: A Pillar of India's Multi-Sectoral Growth

New India Appreciates PM Modi's Reply to The Motion of Thanks in The Lok Sabha