খুরুমজরি!
তিদা থাক্তা পাঙথোকপা ‘রোগার মেলাশিং’ নত্ত্রগা থবক্কী মেলাশিং অসিনা এন.দি.এ. অমসুং বি.জে.পি. সরকারগী অনৌবা শক্তাক ওইরক্লি। ঙসি অমুক হন্না নহা লিশীং ৭০ হেনবনা এপোইন্তমেন্ত লেত্তরশিং ফংলি। বি.জে.পি.না লৈঙাকপা রাজ্য সরকারশিংনা মতম মতমগী ওইনা রাজ্যশিং অসিদা অসিগুম্বা রোজগার মেলাশিং পাঙথোক্লি। হৌজিক সরকারগী থবকশিং ফংলিবা মীওইশিংগী ওইনা মসি য়াম্না মরু ওইবা তানফম অমা ওইরি।
‘আজাদী কা অমৃতকাল’গী মতম হৌবতা ঙাইরি। নখোয়গী পান্দম অসি মথংগী চহি ২৫দা ভারতপু চাউখৎপা লৈবাক অমা ওইহনবনি। হৌজিক মতমগী খক্তা নত্তনা লৈবাক্কী অফবা তুংলমচৎকী মাইকৈদা কন্না হোৎনবা তাই। ঐহাক্না ঙসি এপোইন্তমেন্ত লেত্তরশিং ফংলিবা নহারোলশিং অঞসুং মখোয়গী ইমুং মনুংশিংদা নুংঙাইবা ফোঙদোকচরি অমসুং য়াইফ-মঙ্গোল পীজরি।
মরুপশিং,
ঙসি ভারত্তা প্রাইবেৎ অমসুং পব্লিক সেক্তর অনিমক্তা অনৌবা থবক্কী খুদোংচাবশিং লেপ্পা লৈতনা ফংহল্লি। ঐখোয়গী মশিং য়াম্লবা নহারোলশিংনা মশানা মশাবু থবক পীজনবা লমশিং থীরি। মুদ্রা য়োজনানা বেঙ্ক গরেন্তী য়াওদনা ফাইনান্সিএল এসিস্তেন্স পীরিবা অসিনা নহারোল করোর কয়াদা মতেং পাংখি। স্তার্ত অপ ইন্দিয়া, স্তেন্দ অপ ইন্দিয়নগুম্বা কেম্পেনশিংনা নহাগী মতিক ময়াই হেনগৎহনখি। সরকারদগী তেংবাং ফংখিবা নহারোলশিং অসিনা হৌজি মখোয় মশানা নহা কয়াদা থবক পীরি।
কেম্পেন অসিগী মখাদা হৌখিবা চহিশিংদা নহারোলশিংদা পাক শন্না সরকারগী থবকশিং পীখিবা মওং অসি মমাংদা অমুক্তা উবা ফংখিদ্রি। এস.এস.সি., য়ু.পি.এস.সি. অমসুং আর.আর.বি.গুম্বা মরু ওইবা সরকারগী থবক পীরিবা ওর্গনাইজেসনশিং অসিনা থৌশিলশিং অসিগী খুত্থাংদা মমাংগা মান্নদবা মওংদা নহারোল কয়াদা থবকশিং পীখি। মীকুপ খরগী মমাংদা উৎখিবা ভিদিও অদুদা মসিগী মতাংদা পনখি।
ইন্সতিত্যুসনশিং অসিনা একজামিনেসন প্রোসেসপু ত্রান্সপরেন্ত, সিস্তেমেতিক অমসুং সিম্পল ওইহল্লি। মমাংদা থবক লৌবগী থৌওং অসি একজামিনেসনশিংগী খুত্থাংদা মপুং ফাহন্নবা হোৎনবদা চহি অমদগী চহি ১.৫ চংখি অমসুং করিগুম্বা কোর্ত কেস লৈবা তারবদি থৌওং অসোদা চহি অনি নত্ত্রগা চহি মঙা ফাওবা চংদুনা থৌওং অসিদা মতম মাংহনবা য়াই। অদুবু হৌজিক অপুনবা সাইকল অমসুং থৌওং পুম্নমক অসিনা থা খরগী মনুংদা ত্রান্সপরেন্ত ওইবা মওং অমদা মসি মপুং ফাবা ঙম্লি।
মরুপশিং,
ঙসি মালেম পুম্বনা চাউখৎ-থৌরাংগী মাইকৈদা চংশিল্লিবা ঐখোয়গী খোঙচৎ অসিদা ঐখোয়গা লোয়ননা মাংদা চংশিন্নবা শেম শাদুনা লৈরি। মমাংদা অমুক্তা অসুম্না ভারত্তা থাজবা থম্বা অমসুং ঐখোয়গী ইকনোমীদা থাজবা থমখিদ্রি। নখোয়না খঙই মদুদি নাকল অমরোমদা গ্লোবেল রেসেসন থোক্লি অমসুং মালেম পুম্বদা কোরোনাগুম্বা তমথীরবা লাইচৎ শন্দোক্লি অমসুং নাকল অমদনা গ্লোবেল সপ্লাই চেন অসি লান্না মরম ওইদুনা তৎলি। অদুনা মালেম শিনবা থুংবদা শীংনবা কয়া উবা ফংলি। অমসুং ঐহাক্কী নহা ওইরিবা মরুপশিংনা মসিদা মীৎয়েং চংগদবনি – সমস্যাশিং অসি লৈজরবসু ভারতনা মাগী ইকনোমীবু অনৌবা পনখৈ তম্না পুখৎলি।
ঙসি মালেমগী মকোক থোংবা কম্পনীশিংনা মেন্যুফেকচরিংগীদমক ভারত্তা লাক্লি।ঙসি ভারতকী ফোরেন একচেঞ্জ রিজর্বশিং অসি রেকোর্দ লেবেল য়ৌবা ঙম্মি। ফোরেন ইনভেস্তমেন্তগী অচৌবা শেনফম লাকপা মতমদা প্রদক্সন হেনগৎলকই, ইন্দস্ত্রীশিং চাউখৎলকই, অনৌবা ইন্দস্ত্রীশিং লিংখৎলকই, এক্সপোর্ত হেনগৎলকই; অমসুং মহৌশানা মসিগী থবক অসি হৌগৎলক্লিবা নহারোলশিং য়াওদনা পাঙথোকপা ঙমলোই। অমসুং মসিনা মরম ওইদুনা থবক্কী খুদোংচাবশিং অসি য়াম্না খোঙজেল য়াংনা হেনগৎলক্লি।
মীকুপ খরগী মমাংদা দা. জিতেন্দ্র সিংহজীনা ঐখোয়গী সরকারনা প্রাইবেৎ সেক্তরদা অনৌবা খুদোংচাবা লাখ কয়া পীনবা করম্না ৱারেপশিং লৌখিবগে হায়বগী মতাংদা পরিং নাইনা অকুপ্পা ৱারোল পীখি। অদুবু ঐহাক্না নখোয়দা ওতোমোবাইল সেক্তরগী মতাংদা খুদম অমগা পীজবা পাম্মি। সেক্তর অসিনা লৈবাক্কী জি.দি.পি.দা ৬.৫% হেন্না শরুক তমখি। হৌখিবা চহি খরা অসিদা ভারতকী ওতোমোতিব ইন্দস্ত্রীনা চাউনা খুমাং চাউশিনবা ঙমখি।
ঙসি ভারত্তগী মালেমগী লৈবাক কয়াদা পেসেঞ্জর গারীশিং, কম্মর্সিএল গারীশিং এক্সপোর্ত তৌবা হেনগৎলক্লি। মসিগী মথক্তা ঐখোয়গী থ্রী-হ্বীলর-তু-হ্বীলরশিংগী এক্সপোর্তসু শীংথানীংঙাই ওইনা হেনগৎলক্লি। চহি ১০গী মমাংদা ইন্দস্ত্রী অসি লুপা করোর লাখ ৫রোম ওইরমখি। ঙসি ইন্দস্ত্রী অসি লুপা করোর লাখ ৫ ওইরম্বদগী লুপা করোর লাখ ১২ হেন্না য়ৌবা ঙম্লি। ওতোমোবাইল সেক্তর অসি ভারত সরকারগী পি.এল.আই. স্কিমগা লোয়ননা শক্তি লৈবা শাহৌ অমা ফংলি। খোঙজেল য়াংনা মাংদা চংশিল্লদুনা অসিগুম্বা সেক্তরশিং অসিনা নহারোল লাখ কয়াগীদমক অনৌবা থবক্কী খুদোংচাবশিং পীরি।
মরুপশিং,
ঙসি ভারত অসি দিকেদ অমগী মমাংদা লৈরম্বা অদুদগী হেন্না তংদু লৈতরে, হেন্না শাফরে অমসুং হেন্না শক্তি লৈবা লৈবাক অমা ওইরে। রাজনিতীগী শেঞ্জা-থুমজা, স্কিমশিংদা অকাইবশিং পীবা, মীয়ামগী শেল লান্না শীজিন্নবা অসি মমাং সরকারশিংগী শক্তাক ওইরি। ঙসি ভারত অসি মাগী পোলিতিকেল স্তেবিলিতীগীদমক খঙনরি। মালেমদা পোলিতিকেল স্তেবিলিতী অসি য়াম্না মরু ওই।
ঙসি ভারত সরকারপু মাগী অচৌবা ৱারেপশিং; দেসিসিব গভর্নমেন্ত হায়না শকখঙলি। ঙসি ভারত সরকার অসি মাগী ইকনোমিক অমসুং প্রোগ্রেসিব সোসিএল রিফোর্মশিংগীদমক শক খঙলি। গ্লোবেল এজেন্সীশিংনা লেপ্পা লৈতনা ফোঙদোক্লি অমসুং থাজবগা লোয়ননা হায়রি মদুদি হায়ৱে নত্ত্রগা রেলৱে ওইরবসু, ইজ ওফ লিবিং নত্ত্রগা ইজ ওফ দুইং বিজিনেস ওইরবসু ভারতনা মমাংগী সরকারশিংগী মতমদগী হেন্না নীংথিনা পর্ফোরম তৌরি হায়না ফোঙদোক্নরি।
চহি খরা অসিদা ভারতনা মাগী ফিজিকেল ইনফ্রাস্ত্রকচর অমসুং সোসিএল ইনফ্রাস্ত্রকচরদা লুপা করোর লাখ কয়া ইনভেস্ত তৌখি। লুপা করোর লাখ কয়া ইনভেস্ত তৌখিবা অসিনা থবক্কী খুদোংচাবশিং করোর কয়া পীখি। হৌজিক ঐহাক্না সোসিএল ইনফ্রাস্ত্রকচরগী খুদম অমা পীজগে, মসি ঐখোয়গী সোসিএল লাইফ হায়বদি ঈশিংগা মরী লৈনৈ। ঈশিংগীদমক ঐখোয়না জল জীবন মিসন হৌদোকখি। জল জীবন মিসনগীদমক লুপা করোর লাখ ৪ এল্লোকেৎ তৌখি:
মিসন অসি লোঞ্চ তৌখিবা মতমদা খুঙ্গংগী মফমশিংদা লৈবা য়ুমথোং ১০০ খুদিংদা য়ুমথোং ১৫ খক্তা তোতি ঈশিং ফংলমখি। মসি চাংচৎ ওইবা মশিংনি। য়ুম ১০০গী মনুংদা য়ুম ১৫না তোতি ঈশিং ফংলি। ঙসি জল জীবন মিসন্না মরম ওইদুনা য়ুম ১০০ খুদিংদা য়ুমথোং ৬২না তোতি ঈশিংগী সপ্লাই ফংলি অমসুং খোঙজেল য়াংনা থবক পাইখৎলি। ঙসি লৈবাক অসিগী জিলা ১৩০দা খুঙ্গং অমসুং য়ুম খুদিংমক্তা তোতি ঈশিং ফংলে।
অমসুং মরুপশিং,
অফবা থক্নবা ঈশিং য়ৌরকপনা মীয়ামগী মতম মাংলম্বা অদু মাংহনদবা ঙমলে। হেন্না মরু ওইরিবদি মখোয়বু হৌজিক তমথিরবা লাইনাশিংদগী ঙাকথোকপা ঙম্লে। অফবা থক্নবা ঈশিং অসি অফবা হকশেলগীদমক অথোইবা হীতাক্নি। স্তদী অমনা উৎখি মদুদি তোতি ঈশিংনা য়ুমথোং খুদিংদা য়ৌরবা মতমদা দাইরিয়ানা মরম ওইদুনা মীশি মীনা লাখ ৪ ঙাকথোকপা নত্ত্রগা পুন্সি লাখ ৪ কনবা ঙমখি। হায়বদি জল জীবন মিসন্না মীওই লাখ ৪গী পুন্সিশিং কনবা ঙমখি।
স্তদী অসিনা য়ুম খুদিংমক্তা অফবা থক্নবা ঈশিং য়ৌহল্লবা মতুংদা লৈবাক্কী লারবনা লুপা করোর লাখ ৮ হেন্না চাদিং তৌহনদবা ঙমখি হায়না ফোঙদোকখি। হায়বদি লায়রবা অমসুং মিদল-ক্লাস ইমুংশিংগী শেল তুংশিনবা ঙমহল্লি। মমাংদা মখোয়না শেল অসি ঈশিংগী শিল-লাংবদা অমসুং ঈশিংদগী শন্দোকপা লাইনাশিং লায়েংবদা চাদিং তৌরমখি। অতোপ্পা জল জীবন মিসনগী কান্নবা অসি মসিনা নুপীশিংগী মতম মাংহনদবা ঙমগদবা অসি ওইরি।
‘রোজগার মেলা’দা থবক ফংখিবা পুম্নমক্না খঙলমগনি মদুদি সরকারনা শেম্বা স্কিম খুদিংমক্না চাউনা কান্নবা পীরি। ঐহাক্না নখোয়গী মাংদা জল-জীবন মিসনগী খুদম পীখ্রে। চপ মান্নবা মওংদা হৌজিক নখোয়না সরকারগী সিস্তেমদা চংলে নখোয়না নখোয়গী বিভাগকী পান্দম খুদিংমক ফংনবা অমসুং সরকারগী স্কিম খুদিংমক মাইপাক্না খোঙজেল য়াংনা মাইপাক্নবা কন্নবা হোৎনগদবনি। ঐহাক্না নখোয়দা থাজবা থম্মি লোয়ননা নখোয়দগী মসি ঐহাক্না আশা তৌরি।
মরুপশিং,
লৈবাক অসিদা থবক্কী কেম্পেন চত্থরিবা অসিনা ত্রান্সপরেন্সী অমসুং গুদ গভর্নান্স অনিমক্কী খুদম অমনি। ঐখোয়গী লৈবাক অসিদা দাইনাস্তিক পোলিতিকেল পার্তীশিংনা করম্না সিস্তেম খুদিংমক্তা নেপোতিজম প্রমোৎ তৌখিবা উবা ফংখি। সরকারগী থবকশিংগী মতাংদা হায়রবদি মসিগী দাইনাস্তিক পার্তীশিংনা নেপোতিজম, ফেবরিতিজম অমসুং শেঞ্জা-থুমজা প্রমোৎ তৌরমখি। দাইনাস্তিক পার্তীশিং অসিনা লৈবাক্কী নহারোল করোর কয়াবু মীরাইবীখি।
২০১৪দা ঐখোয়গী সরকার শেম্লবা মতুংদা রিক্রুৎমেন্ত একজামিনেসনশিংদা ত্রান্সপরেন্সী পুরকখি অমসুং নেপোতিজম মুৎথৎপা ঙমখি। নহারোল লাখ কয়ানা কেন্দ্র সরকারগী গ্রুপ সি অমসুং গ্রুপ দি পোস্তশিংদা রিক্রুৎমেন্ত তৌবদা ইন্তর্ভ্যুশিং মুৎথৎখিবা অসিদগী কান্নবা ফংখি। নাকল অমরোমদা ঐখোয়গী সরকারনা থমোয় শেংনা হোৎনখি অমসুং নাকল অমদা নেপোতিজম লৈখি। ঐহাক্কী নহারোলনা মসি মপুং ফানা খঙবা পাম্মি মরমদি অচুম্বা ৱাফমদা য়ুম্ফম ওইরগা ৱাফম খরা থোরক্লি।
নোমা নত্ত্রগা নিনিগী মমাংদা নখোয়না মেদিয়া রিপোর্তশিং উরমগনি; পাউচে অমসুং তি.ভি.দা কয়া উবা ফংখি। ‘কেশ ফোর জোবস’কা মরী লৈনবা স্কেমনা ঐহাক্কী লৈবাক্কী লৈবাক্কীদমক অচৌবা মীৎয়েং চংগদবা ৱাফম অমা ওইখি। অদুনা রাজ্য অদুগী সিস্তেম অদু করম তৌরি? সরকারগী থবক্কীসমক পোস্ত খুদিংমক্কী ‘রেৎ কার্দশিং’ লৈ। খুদম ওইনা চান্নবা হোতেলদা চৎপা মতমদা রেৎ কার্দ অমা লৈ মতৌ অদুম্না থবক খুদিংমক্কীদমক ‘রেৎ কার্দ’ লৈরি। অমসুং সিস্তেম অসিনা লায়রববু লুৎ তৌখি। অমসুং মসি করম তৌরিবনো? করিগুম্বা ৱাইশীৎপগৌ থবক অমা তৌনীংলবদি মসুগী অকক্নবা রেৎ অদু পীদুনা থবক অদু লৈগনি। করিগুম্বা দ্রাইবরগী থবক অমা পাম্লবদি দ্রাইবরগী থবক অদু ফংনবা রেৎ অদু পীগনি; করিগুম্বা ক্লার্ক্কী থবক, নত্ত্রগা ওজাগী থবক, নত্ত্রগা নর্সকী থবক অসিগীদমক অকক্নবা মমল লৈ। খন্থদুনা য়েংবীয়ু! রাজ্য অদুদা পোস্ত খুদিংমক্কী ‘রেৎ কার্দ’ লৈ। লৈবাক অসিগী নহাশিং কদাইদা চৎকনি? মসিগী পুকচেল পীকপা পার্তীশিং অসিনা থবকশিংগীদমক ‘রেৎ কার্দ’ শেমখি।
হৌজিক নুমিৎ খরনিগী মমাংদা কেস অমা মীৎমাংদা থোরকখি। রেলৱে মন্ত্রী অমনা থবক পীবগী মিংদা লায়রবা লৌমীশিংদগী লমশিং লৌশিংনখি, হায়বদি ‘লেন্দ ফোর জোব সিস্তেম’। কেস অসি সি.বি.আই.না থীজিল্লি। মসি কোর্ত্তা ৱায়েল চত্থরি।
ইচিল-ইনাওশিং,
নখোয়গী মাংদা ৱাফম অনি তাদুনা লৈ – অমনা দাইনাস্তিক ওইবা পার্তীশিং লৈ, পার্তীশিং অসিনা নেপোতিজম প্রমোৎ তৌরি, শেঞ্জা-থুমজা তৌদুনা থবক পীবগী মিংদা লৈবাক্কী নহারোলশিংবু লুৎ তৌরি, পার্তীশিং অসিনা জোব রেৎ কার্দশিং শেমখি অমসুং পুম্নমক্কী রেৎ কার্দশিং থমখো অমসুং শেল চারি; অমরোমদনা ঐখোয়না নহারোলশিংগী অফবা তুংলমচৎকীদমক থবক পাইখৎলি। রেৎ কার্দশিং অসিনা নখোয়গী তৌবা ঙম্বা, নখোয়গী মতিক-ময়াই অমসুং নখোয়গী মঙলানশিং কাইহনখি। ঐখোয়না নখোয়গী ফিরেপশিং থুংহন্নবা হোৎনরি। ঐখোয়না নখোয়গী ইমুং মনুংগী অপাম্বা, অনীংবশিং ঙাকশেন্নবা হোৎনরি। হৌজিক লৈবাক অসিনা লৈবাক্কী নহারোলশিংগী তুংলমচৎ অসি রেৎ কার্দশিংগী মখা পোনগদ্রা নত্ত্রগা অফবা সিস্তেমগী মখাদা মসি করম্না ঙাকশেনবগী হায়বগী ৱারেপশিং লৌরগনি।
মরুপশিং,
নাকল অমরোমদা দাইনাস্তিক আর্তীশিং অসিনা লৈবাক্কী মীচম মীয়ামদগী গ্রোথ অমসুং প্রোগ্রেসকী খুদোংচাবশিং মুনবীখি; অমরোমদা ঐখোয়না লৈবাক্কী মীচম মীয়ামগীদমক নুমিৎ খুদিংগী অনৌবা খুদোংচাবশিং পীরি।
মরুপশিং,
ঐখোয়গী লৈবাক্তা পোলিতিকেল পার্তী খরনা লোল অসিবু মীয়ামগী মরক্তা লানথোক্নবা অমসুং লৈবাক থুগাইনবা খুৎলাই অমা ওইহনখি অদুবু ঐখোয়না লোল অসি মীয়ামদা থবক পীনবা অমসুং মখোয়বু শক্তি পীনবা পাম্বৈ অমা ওইহল্লি। ঐখোয়গী সরকারনা করিগুম্বা কনাগুম্বা অমনা মাগী মঙলান থুংহন্নবা হোৎনবদা লোলনা মাগী অপনবা ওইদনবা হোৎনরি। ভারত সরকারনা রিক্রুৎমেন্ত তেস্তশিং অমসুং এনত্রান্স একজামশিংগীদমক ইমা লোল শীজিন্নবদা মীৎয়েং চংলি। অদুনা ঐগী লৈবাক্কী ইচানুপা অমসুং ইচানুপীশিংনা মসিদগী কান্নবা চাউনা ফংলি। রিজনেল লোলদা একজামিনেসন পাঙথোক্তুনা নহারোলনা মখোয়গী মতিক ময়াই লাইনা উৎথোক্নবা খুদোংচাবা অমা ফংখি।
মরুপশিং,
ঙসিগী ভারত অসি খোঙথাং কয়া পাইখৎলি সরকারগী সিস্তেমশিং অমসুং সরকারগী কর্মচারীশিংনা থবক তৌবগী মওংদা চাউনা অহোংবা লাক্লি। লৈবাক্কী মীচম প্রজাশিংনা সরকারগী লোইশঙশিংদা সর্ভিস লৌনবা হঞ্জিন-হঞ্জিন চৎলমখি অদুবু ঙসিদি সরকারনা সর্ভিসশিং অসি লৈবাক্কী প্রজাশিংগী থোংজিলদা য়োহল্লি। হৌজিক ঐখোয়গী সরকারনা মীয়ামগী অনীংবশিং অসি খঙনবা অমসুং লমদমশিং অসিগী মথৌ তাবা অদু খঙনবা হোৎনরি। ঐখোয়গী মরু ওইবা মীৎয়েং অসি তোঙান-তোঙানবা সরকারগী লোইশঙশিং অমসুং বিভাগশিংনা থবক তৌবা ঙমহনবা অমসুং মীয়ামগী ইহুল খঙবা হায়বা অসিদা চংলি।
মোবাইল এপ অমসুং দিজিতেল সর্ভিস কয়ামরুমগী খুত্থাংদা হৌজিক সরকারগীস সর্ভিসশিং অমসুং ফেসিলিতীশিং অসি এক্সেস তৌবা য়াম্না লাইরে। পব্লিক গ্রিভেন্স সিস্তেম অসি লেপ্পা লৈতনা মপাঙ্গল কনখৎহনখি। অহোংবশিং অসিগী মরক্তা নখোয়না লৈবাক্কী প্রজাশিংগী খল্লগা থবক তৌগদবনি। নখোয়না রিফোর্মশিং পুরক্কদবনি। অমসুং মসিগী মথক্তা মতম চুপ্পদা অনৌবা হীরমশিং তমশিন্নবা অপাম্বা অদু লৈগদবনি।
সরকারগী থবক তৌবা অসিনা নখোয়গী পুন্সিগী পান্দমশিং অদু লোইবা নত্তে। নখোয়না মসিদগী হেন্না চংশিন্দুনা অনৌবা পনখৈশিং ফংনবা হোৎনগদবনি। নখোয়গী পুন্সিদা অনৌবা মঙলানশিং, অনৌবা ফিরেপশিং, অনৌবা মতিক-ময়াই লৈহনদগবনি। অমসুং মসিগীদমক সরকারনা আই.জি.ও.তি. কৌবা ওনলাইন পোর্তেল অমগী খুত্থাংদা অনৌবা ফেসিলিতী ফংহনখি। হন্দক্তা মাগী য়ুজর বেজ অসি লাখ ১০ হেনবা ঙমখ্রে।
ওনলাইন পোর্তেল অসিদা ফংলিবা কোর্সশিং অসিগী কান্নবা মপুং ফানা লৌবীয়ু। মসি নখোয়গী থবক্কীদমক য়াম্না কান্নগনি। নখোয়বু হেন্না খুমাং চাউশিনবা ঙমহন্নবা অনৌবা এভেন্যুশিং হাংদোক্কনি। অমসুং মরুপশিং ঐহাক্না নখোয়বু হেন্না মাইপাকহন্নীংই। করিগুম্বা নখোয়না মাংদা চংশিল্লবদি লৈবাক অসিসু মাংদা চংশিনগনি। চহি ২৫ অসি নখোয়না খুমাং চাউশিন্নবনি অমসুং লৈবাক্কী খুমাং চাউশিন্নবনি।
লাকপীরো,
অমৃত কালগী মথংগী চহি ২৫গী খোঙচৎ অসিদা ঐখোয় পুন্না খুৎশম্নদুনা চৎলসি অমসুং চাউখৎপা ভারত অমগী মঙলান মঙফাওনবা ঙম্নবা মাইকৈদা খোঙজেল য়াংনা মাংদা চংশিল্লসি। ঐহাক্না পুম্নমকপু অমুক হন্না নুংঙাইবা ফোঙদোকচরি।
হন্না-হন্না থাগৎচরি!
