গুজরাতকী চীফ মিনিস্তর ভুপেন্দ্রভাই পতেল, কেন্দ্রগী মন্ত্রীমন্দলগী ঐগী মরুপ শ্রী সি.আর পতিল জি, রাজ্য সরকারগী মিনিস্তরশিং, মীয়ামগী মীহুৎশিং, সুরতকী ঐগী ইনাওশিং অমসুং ইচলশিং !
ময়াম পুম্নমক কমদৌরি! অদোম নুংঙাইরিবরা? অহুমলকশুবা ওইনা প্রধান মন্ত্রী ওইনা থবক তৌনবা লৈবাক অসিগী অমসুং গুজরাতকী মীয়াম্না ঐঙোন্দা খুদোংচাবা পীবা অসি ঐগী লাইবক ফবনি। মসি অহুমলকশুবা ওইনা প্রধান মন্ত্রী ওইরবা মতুংদা সুরত্ত লাকপা ঐগী অহানবা খোঙচৎনি। ঐনা মতম পুম্নমক্ত অদোমগী লমন তোল্লে, ঐগী পুন্সি শেম্বদা অদোম্না মরুওইবা থৌদাং অমা লৌখি। ঙসি ঐ সুরত্ত লাক্লে, কমদৌনা ঐনা সুরতকী থৌনা নিংশিংদবা ঙমগনি। থবক অমসুং কৎথোকপা অসিনা সুরত অখন্নবা মশক অমা তাকপনি। অমগা অমগা শৌগৎনবা অমসুং মীওই খুদিংমক্কী চাউখৎপদা হরাওবা ফোঙদোকপা অসি সুরতকী মফম খুদিংমক্ত উবা ফংলি। ঙসিগী থৌরম অসি মসিগী ৱাখল্লোল অমসুং সুরতকী ৱাখল য়োকখৎনবা মাইকৈদা থাংজিনবা খোঙথাং অমনি।
মরুপশিং,
সুরত অসি গুজরাত অমসুং ভারতকী মাংজিল থারিবা শহর অমনি অমসুং হৌজিকসু লায়রবশিং অমসুং শোত্থরবশিংগীদমক ফুদ অমসুং ন্যুত্রিসন সেক্যুরিতী লৈহন্নবা হোৎনবদা মাংজিল থানা চংশিল্লি। শহর অসিগী ফুদ সেক্যুরিতী সেচুরেসন কেম্পেন অসিনা লৈবাক অসিগী অতোপ্পা জিলাশিংদা ইথিল পীগনি। কেম্পেন অসিনা কনাগুম্বা অমত্তা চীথবা তৌদনবা, কনাগুম্বা অমত্তবু নমথাক তৌদনবা, অমসুং খেন্নবা অমত্তা লৈহনদনবা হোৎনরি। মসিনা মীপুম খুদিংমকপু নুংঙাইহন্নবা হোৎনবদা নত্তনা মীপুম খুদিংমক্কী অপেনবা পোকহন্নবা ৱাখল্লোনদা মীৎয়েং থম্লি। সরকারনা বেনিফিসরীগী য়ুমথোংদা য়ৌরকপা মতমদা, কনা অমত্তবুসু চীথহৌরোই। মীপুম খুদিংমক্কী কান্নবা ফংহন্নবগী অচেৎপা ফিরেপ অমগা লোয়ননা, সিস্তেম অসিবু মাংহন্নবা হোৎনবা মীওইশিংবু থিংলি।
মরুপশিং,
ফুদ সেক্যুরিতী সেচুরেসন এপ্রোচকী মখাদা, সুরত এদমিনিস্ত্রেসননা অনৌবা বেনিফিসরী লাখ ২.৫ হেন্না মশক খঙদোক্লে। মখোয়গী মরক্তা চহি য়াম্লবা নুপীশিং, চহি য়াম্লবা নুপাশিং, মপুরোইবা লৈখিদ্রবা নুপীশিং, অমসুং হকচাংগী ফীভম মীমান্নদ্রবা মীওইশিং য়াওরি। অনৌবা ইমুংগী মীহুৎশিং অসিনা হৌজিক্তি লেম্না চানবা অমসুং মচি ওইবা চীঞ্জাক ফংলগনি। মরুওইবা খোঙথাং অসিদা য়াওরকপগীদমক ঐনা অনৌবা কান্নবা ফংলবা মীওই পুম্নমকপু থাগৎপা ফোংদোকচরি।
মরুপশিং,
রোতি, কপরা ঔর মকান (চীঞ্জাক, ফিরোল অমসুং লৈফম) গী হায়নবা ঐখোয়না তারে। চীঞ্জাক অসিনা ফিরোল অমসুং লৈফমদগী হেন্না মরুওই। লায়রবশিংনা চীঞ্জাক্কীদমক অৱাবা পোকপা অসি মহাক্না লাইরিকশিংদগী তম্বা মথৌ তাবা নত্তে, অদুবু মসি মহাক্না এক্সপরিয়েন্স তৌবা ঙম্বা অমনি। অমসুং মরম অসিনা হৌখিবা চহিশিংদা, সরকারনা মথৌ তারিবা মীওইশিংগীদমক ফুদ সেক্যুরিতী ফংহন্দুনা হায়রিবা সমস্যা অসি কোকহন্নবা মীৎয়েং থম্লি।
মরুপশিং,
ঙসি সরকার অসিনা অশেংবা পার্তনর অমসুং সর্ভেন্ত অমা ওইনা লায়রবশিংগীদমক লেপ্পী। কোবিদ-19গী লাইচৎ মনুংদা, লৈবাক অসিনা মতেং য়াম্না মথৌ তারকপা মতমদা, লায়রবশিংগী চাকশঙশিং মথৌ তৌহন্নবা প্রধান মন্ত্রী গরীব কল্যান য়োজনা হৌদোকখি। মালেমদা খ্বাইদগী চাউবা অমসুং খ্বাইদগী তোপ তোপ্পা স্কিম অমা ওইরিবা স্কিম অসি হৌজিক ফাওবা চৎথরি। মহাক্না হায়খি মদুদি গুজরাত সরকারনা স্কিম অসিগী কান্নবা ফংলবশিংগী মশিং হেনগৎহন্নবা ইনকম লিমিৎ হেনগৎহন্দুনা স্কিম অসি শাংদোকপদা নুংঙাইবা ফোংদোকখি। সরকারনা চহি খুদিংগী লুপা করোর লাখ ২.২৫ রোম লায়রবশিংগী চাকশঙশিং মৈ মুৎহনদনবগীদমক থাদরি।
মরুপশিং,
বিকসিত ভারত অমগী মাইকৈদা থাংজিনবা খোঙচত্ত মচি ওইবা চীঞ্জাক্কী মরুওইবা থৌদাং লৌরি। সরকারগী পান্দমদি লৈবাক অসিগী ইমুং খুদিংমক্তা মতিক চাবা মচি ওইবা চীঞ্জাক ফংহনবা অমসুং মচি ওইবা চীঞ্জাক অমসুং এনিমিয়াগুম্বা ইসুশিং মুত্থৎপা অসিনি। পি.এম. পোশন স্কিমগী মখাদা চাউরাক্না স্কুলগী অঙাং করোর ১২ দা মচি ওইবা চীঞ্জাক পীরি। সক্ষম অঙ্গনৱাদি প্রোগ্রামনা পীক্লিবা অঙাংশিং, মমাশিং অমসুং মীরোনবী নুপীশিংগী ন্যুত্রিসনদা মীৎয়েং থম্লি। মসিগী মথক্তা, পি.এম. আত্রু ভন্দনা য়োজনাগী মখাদা, মীরোনবী নুপীশিংদা মচি ওইবা চীঞ্জাক ফংহন্নবা শেলগী তেংবাং পীরি।
মরুপশিং,
মচি ওইবা চীঞ্জাক খক্তদগী হেন্দুনা, লুনানবা অসি মরুওইবা হীরম অমনি। সুরতপু লুনান্না থম্বা ঙম্নবা হোৎনবগীদমক ঐনা সুরতকী মীয়াম থাগৎপা ফোংদোকচরি। লৈবাক অসিগী শহর অমসুং খুঙ্গং খুদিংমক্না অমোৎ অকাই লৈহন্দনবা সরকারনা লেপ্পা লৈতনা হোৎনরি। স্বচ্ছ ভারত অভিয়াননা খুঙ্গংগী মফমশিংদা লায়নাশিং হন্থহনবদা মতেং পাংলি হায়না গ্লোবেল ওর্গনাইজেসনশিংনা খঙলে। শ্রী সি.আর. পাতিলনা লমজিংবা “হর ঘর জল” কেম্পেন অসিনা য়ুমথোং খুদিংদা ঈশিং ফংহন্নবা পান্দম থম্লি, মসিনা লায়না কয়া হন্থহনবদা মতেং পাংলি।
মরুপশিং,
ঙসিদি ঐখোয়গী সরকারনা লেমনা রাসন পীনবা স্কিমনা মীওই লাখ কয়াগী পুন্সিদা খুদোংচাবা পীরিবা অসিগী মশক থোকপা ইথিল অদু খঙখি। ঙসিদি, হকথেংননা কান্নবা ফংলবশিংনা মখোয়গী রাসনগী শরুক মপুং ফানা ফংলি, মসি চহি ১০ গী মমাংদা ফংলমদবা অমনি। সরকারনা ফেক রাসন কার্দ হোল্দর করোর ৫ মুত্থৎখ্রে অমসুং রাসন দিস্ত্রিব্যুসন সিস্তেম পুম্নমক আধার কার্দকা লিঙ্ক তৌখ্রে। মমাংদা অতোপ্পা রাজ্যশিংদা মখোয়গী রাসন কার্দশিং শীজিন্নবা ঙমদবা সুরত্তা লৈবা মাইগ্রেন্ত ৱার্করশিংনা থেংনরিবা সমস্যা অদু প্রধান মন্ত্রীনা কোকহনখি। মীওই অমগী রাসন কার্দ মফম অমা হেক্তদগী শেম্লবসু, লৈবাক অসিগী শহর অমহেক্তদা কান্নবা ফংহন্নবা হায়না "ৱান নেসন, ৱান রাসন কার্দ" স্কিম অসি হৌদোকখিবনি। সুরত্তা থবক শুবা মীওই কয়া অমা হৌজিক্তি স্কিম অসিগী কান্নবা ফংলি, মসিনা উৎলি মদুদি অচুম্বা পান্দমগা লোয়ননা পোলিসীশিং শেম্বা মতমদা, মখোয়না লায়রবশিংদা কান্নবা ফংহল্লি।
মরুপশিং,
হৌখিবা চহি ১০ দা, মিসন অমগী খুত্থাংদা লায়রবশিংবু মপাঙ্গল কনখৎহন্নবা সরকারনা হোৎনরিবশিং অদু পনখি। ঐখোয়গী সরকারনা লায়রবশিংগী অকোইবদা সেফতী নেৎ অমা শেমগৎপদা মীৎয়েং থমখি, মসিনা মখোয়না কনাগুম্বা অমদগী মতেং লৌনবা হায়রুবগী মথৌ তাহনদ্রে। চেক্কী য়ুমশিং, তোইলেতশিং, গ্যাস কন্নেক্সনশিং, অমসুং পাইপকী ঈশিং কন্নেক্সনশিং ফংহনবা অসিনা লায়রবশিংদা অনৌবা থাজবা অমা পীরি। ভারত সরকারনা লায়রবা ইমুংশিংগীদমক ইন্সুরেন্স স্কিমশিংসু হৌদোকখি, মসিনা ভারত মচা করোর ৬০ রোমদা লুপা লাখ ৫ ফাওবগী লেম্না অনা লায়েং ফংহনখি। মমাংদা লায়রবশিংগী ইমুংশিংনা ফংলমদবা লাইফ অমসুং এক্সিদেন্ত ইন্সুরেন্স অসি হৌজিক মঙফাওনবা ঙম্লে। ঙসিদি, মীওই করোর ৩৬ হেনবনা সরকারগী ইন্সুরেন্স স্কিমশিংদা এনরোল তৌখ্রে। লুপা করোর ১৬,০০০ গী ক্লেমশিং লায়রবা ইমুংশিংদা পীখ্রে, মসিনা অৱাবা মতমদা মখোয়দা মতেং পাংলি।
মরুপশিং,
কনা অমতনা হন্না য়েংবীদ্রবশিং, মোদীনা মখোয়গীদমক চেকশিন্না শেন্নরি। হৌখিবা মতমশিং অদু নিংশিংলিবরা? মমাংদা লায়রবশিংনা মশাগী ললোন-ইতিক হৌদোকপদা য়াম্না খুদোংচাদবা মায়োক্নরম্বা অদু নীংশিংলি। বেঙ্কশিংনা গরেন্তী য়াওদনা লোন পীবা য়াখিদে। মুদ্রা য়োজনা হৌদোক্লদুনা লায়রবশিংগীদমক লোন গরেন্তী পীবগী থৌদাং ঐ ইশানা লৌখি। মুদ্রা য়োজনাগী মখাদা লায়রবশিংদা হকথেংননা কান্নবা ফংহন্নবা গেরেন্তী অমত্তা য়াওদনা লুপা করোর ৩২গী লোন পীখ্রে। মসিগী খোঙথাং অসিনা মীওই মিল্লিয়ন কয়াদা মতেং পাংলি, অদুবু ওপোজিসননা অসিগুম্বা শেনফম অসি কয়া য়াম্না চাউবা শেনফম ওইবগে হায়বদু খঙবা ঙমদ্রি।
মরুপশিং,
লম্বীদা পোৎ য়োল্লিবশিং অমসুং শিন্মীশিংগী মমাংদা শেলগী মতেং অমত্তা ফংদবগী অৱাবা কয়া মায়োক্নখি। হায়রিবা মীওইশিং অসি অয়াম্বা মতমদা শেল শান্দোক্লিবশিংদগী শেল লৌরগা মখোয়না লৌখিবা অদুদগী হেন্না শেল শিংগৎলি। সরকারগী পি.এম. স্বানিধি য়োজনা অসিনা বেঙ্ক লোনগী খুদোংচাবা পীদুনা হায়রিবা ভেন্দরশিং অসিদা মতেং পাংলি। চহি অসিগী বজেৎতা অসিগুম্বা শিন্মীশিংগীদমক্তা অখন্নবা ক্রেদিৎ কার্দ অমা হৌদোক্কনি হায়না লাউথোকখ্রে। পি.এম. বিশ্বকর্মা য়োজনা হৌদোকপা অসিনা ত্রেদিস্নেল ক্রাফমেনশিংদা ত্রেনিং, মোদর্ন তুলশিং অমসুং মখোয়গী স্কিল হেনগৎনবা অমসুং পাকথোক চাউথোকহন্নবা শেলগী তেংবাং পীদুনা মতেং পাংই। মসিগী হোৎনবা অসিনা ইনক্লুসিব গ্রোথকী খুত্থাংদা লৈবাক অসিগী চাউখৎ থৌরাংদা মতেং পাংলি। হৌখিবা চহি তরা অসিদা মীওই করোর ২৫ হেন্না লায়রবদগী থোকপা ঙমখ্রে।
মরুপশিং,
লৈবাক অসিগী চাউখৎ-থৌরাংদা মরুওইনা মশিং য়াম্লবা মিদ্দল ক্লাসকী ইমুংশিংনা লৈবা সুরত্তা মিদ্দল ক্লাসকী মরুওইবা থৌদাং লৈরি। হৌখিবা চহি তরা অসিদা সরকারনা মিদ্দল ক্লাসকী শক্তি হেনগৎহন্নবা থবক কয়া পায়খৎলে, চহি অসিগী বজেত্তা মখোয়দা খুদোংচাবা কয়া পীরে। পীরিবা তেক্স রিলিফ অসি, মরুওইনা লুপা লাখ ১২ ফাওবগী ইনকমদা জিরো তেক্স অসি, মীওই কয়ানা খল্লুদবা খোঙথাং অমনি। মসিগী মথক্তা, হৌজিক্তি এমপ্লোয়ীশিংনা লুপা লাখ ১২.৮৭ ফাওবগী ইনকমদা তেক্স লৌররোই। তেক্স থীরিবশিং পুম্নমক্না কান্নবা ফংগদবা অনৌবা তেক্স স্লেবশিংসু হৌদোক্লে। মসিনা সুরত, গুজরাত অমসুং লৈবাক শিনবা থুংনা লৈরিবা মিদ্দল ক্লাসকী ইমুংশিংদা মখোয়না তাল্লিবা শেনফম অদু হেন্না থম্নবা খুদোংচাবা পীগনি। মখোয়না মখোয়গী মথৌ তাবশিং অমসুং মখোয়গী অঙাংশিংগী তুংলমচৎকীদমক শেল থাদবা য়ারগনি।
মরুপশিং,
সুরত অসি শিংথানীংঙাই ওইরবা মশিং য়াম্লবা স্মোল এন্দ মেদিয়ম ইন্তর্প্রাইজশিং লৈবা ওন্তপ্রিন্যুওরশিপকী মফম অমা ওইনা শকখঙনরি। এম.এস.এম.ইশিংদা চাউনা মতেং পীদুনা লোকেল সপ্লাই চেন মপাঙ্গল কনখৎহন্নবা সরকারনা হোৎনরি। এম.এস.এম.ই সেক্তরদা চাউখৎনবা মতেং পাংদুনা, এস.সি/এস.তি, দলিত, ত্রাইবেল অমসুং নুপী ওন্ত্রপ্রিন্যুওরশিংগীদমক বজেৎ অসিনা লুপা করোর ২ ফাওবগী লোন লাউথোকখ্রে। সুরত অমসুং গুজরাতকী নহারোলশিংনা কান্নবশিং অসিগী খুদোংচাবা লৌগদবনি অমসুং সরকারনা মখোয়বু মতেং পাংনবা শেম-শারি।
মরুপশিং,
ভারত চাউখৎনবগী তোঙান তোঙানবা হীরমশিংদা সুরতনা মরুওইবা থৌদাং অমা লৌরি। ভারতকী চাউখৎ-থৌরাং, মরু ওইনা তেক্সতাইল, কেমিকেল অমসুং ইঞ্জিনীয়রিং সেক্তরদা সুরতকী মরুওইবা থৌদাং অদু মীয়াম্না খঙনরি। শহর অসিদা ইন্দস্ত্রীশিং অসি পাকথোক চাউথোকহন্নবা সরকারনা থবক কয়া পায়খৎপা হৌরে। সুরত এয়রপোর্তকী অনৌবা ইন্তিগ্রেতেদ তর্মিনেল বিল্দিং, ৱেস্তর্ন দেদিকেতেদ ফ্রেৎ কোরিদোর, দিল্লী-মুম্বাই এক্সপ্রেসৱে অমসুং লাক্কদৌরিবা বুলেৎ ত্রেন, সুরত মেত্রো প্রোজেক্তনা শহর অসিগী কন্নেক্তিবিতী হেন্না হেনগৎহল্লগনি। মসিনা লৈবাক অসিগী খ্বাইদগী কন্নেক্তিবিতী লৈবা শহর অমা ওইহল্লগনি। থৌরাংশিং অসিনা সুরতকী মীয়ামগী পুন্সি মহিং ফগৎহল্লি অমসুং মখোয়গী পুন্সিদা লাইথোকহল্লি।
মরুপশিং,লৈবাক অসিগী নুপীশিংদা নমো এপ অসিদা মখোয়গী ইথিল পীবা ৱারীশিং শেয়র তৌনবা ঐনা লৈবাক অসিগী নুপীশিংদা হায়খ্রে। মালেমগী নুপীশিংগী নুমিৎতা, লৈবাক অমসুং খুন্নাইগী চাউখৎ থৌরাংদা চাউনা থৌদাং লৌখিবা ইথিল পীবা নুপী খরদা ঐনা ঐগী সোসিএল মীদিয়া একাউন্তশিং খুৎশিন্নগনি। তোঙান তোঙানবা সেক্তরশিংদা, মরু ওইনা গুজরাত্তা নুপীশিংগী থৌদাং য়াম্না মরুওই। মসিগী নুমিৎ অসি নুপীশিংগী মায়পাকপশিংবু তরাম্না ওকপগী তাঞ্জা অমনি। ঐহাক নুভসারীদা নুপীশিংদা শক্তি পীনবগী থৌরম অমদা শরুক য়াগনি। ঐনা সুরত্তা পাংথোকপা থৌরম অদুদা শরুক য়াখিবা নুপী মশীং য়াম্বগীদমক থাগৎপা ফোংদোকচরি। হৌজিক চত্থরিবা থৌরম অসিদগী মখোয়না কান্নবা ফংলগনি।
মরুপশিং,
ভারত চাউখৎনবগী তোঙান তোঙানবা হীরমশিংদা সুরতনা মরুওইবা থৌদাং অমা লৌরি। ভারতকী চাউখৎ-থৌরাং, মরু ওইনা তেক্সতাইল, কেমিকেল অমসুং ইঞ্জিনীয়রিং সেক্তরদা সুরতকী মরুওইবা থৌদাং অদু মীয়াম্না খঙনরি। শহর অসিদা ইন্দস্ত্রীশিং অসি পাকথোক চাউথোকহন্নবা সরকারনা থবক কয়া পায়খৎপা হৌরে। সুরত এয়রপোর্তকী অনৌবা ইন্তিগ্রেতেদ তর্মিনেল বিল্দিং, ৱেস্তর্ন দেদিকেতেদ ফ্রেৎ কোরিদোর, দিল্লী-মুম্বাই এক্সপ্রেসৱে অমসুং লাক্কদৌরিবা বুলেৎ ত্রেন, সুরত মেত্রো প্রোজেক্তনা শহর অসিগী কন্নেক্তিবিতী হেন্না হেনগৎহল্লগনি। মসিনা লৈবাক অসিগী খ্বাইদগী কন্নেক্তিবিতী লৈবা শহর অমা ওইহল্লগনি। থৌরাংশিং অসিনা সুরতকী মীয়ামগী পুন্সি মহিং ফগৎহল্লি অমসুং মখোয়গী পুন্সিদা লাইথোকহল্লি।
মরুপশিং,লৈবাক অসিগী নুপীশিংদা নমো এপ অসিদা মখোয়গী ইথিল পীবা ৱারীশিং শেয়র তৌনবা ঐনা লৈবাক অসিগী নুপীশিংদা হায়খ্রে। মালেমগী নুপীশিংগী নুমিৎতা, লৈবাক অমসুং খুন্নাইগী চাউখৎ থৌরাংদা চাউনা থৌদাং লৌখিবা ইথিল পীবা নুপী খরদা ঐনা ঐগী সোসিএল মীদিয়া একাউন্তশিং খুৎশিন্নগনি। তোঙান তোঙানবা সেক্তরশিংদা, মরু ওইনা গুজরাত্তা নুপীশিংগী থৌদাং য়াম্না মরুওই। মসিগী নুমিৎ অসি নুপীশিংগী মায়পাকপশিংবু তরাম্না ওকপগী তাঞ্জা অমনি। ঐহাক নুভসারীদা নুপীশিংদা শক্তি পীনবগী থৌরম অমদা শরুক য়াগনি। ঐনা সুরত্তা পাংথোকপা থৌরম অদুদা শরুক য়াখিবা নুপী মশীং য়াম্বগীদমক থাগৎপা ফোংদোকচরি। হৌজিক চত্থরিবা থৌরম অসিদগী মখোয়না কান্নবা ফংলগনি।
মরুপশিং,
সুরত মখা তানা অপীকপা ভারত অমা ওইনা অমসুং মালেম থাক্কী শহর ওইনা চাউখৎকনি অমসুং মসিগী পান্দম অসি ফংনবা ঐখোয়না থবক খুদিংমক পায়খৎকনি। মপুংফাবা পুন্সি লৈবা মীয়াম লৈবা মফম অমা থবক খুদিংমক্ত অখন্নবা ওইগনি। ঐনা অমুক হন্না বেনিফিসরিশিং খুদিংমক থাগৎপা ফোঙদোকচরি। সুরতকী ঐগী ইনাওশিং অমসুং ইচলশিং থাগৎপা ফোঙদোকচরি। ঐখোয় অমুক হন্না উনসি। রাম-রাম!
অদোম থাগৎচরি।
