গুজরাতকী মুখ্য মন্ত্রী শ্রী ভুপেন্দ্র ভাই পতেল, মফম অসিগী এম.পি. সি আর পতিল, কেন্দ্রগী মন্ত্রী-মন্দলগী ঐগী মরুপশিং, লৈবাক্কী দাইমন্দ ইন্দস্ত্রীগী মশক নাইবা মীওই পুম্নমক, অতোপ্পা দিগনিতরীশিং, নুপীশিং অমসুং নুপাশিং, খুরুমজরি।
সুরত হায়বদি সুরতনি, সুরতনা পুৱারীগী এক্সপরিয়েন্স লৈরে, হৌজিক্কী খোঙজেল থেংনরে অমসুং তুংলমচৎকী বিজন লৈ, মাগী মমিং অসি সুরত কৌই। অমসুং অসিগুম্বা থবক্তা কনাগুম্বা অমত্তনা অরেম্বদা মাংহল্লোই হায়বা অসি ঐহাক্কী থাজবনি। অসুম্না সুরতনা খুদিংমক্তা থুজিল্লম্বা য়াই অদুবু চানবা দুকানগী মমাংদা পুং অমা মখাই লাইন্দা ঙাইদুনা লেপ্পগী পেসেন্স লৈ। নোং কন্না চুদুনা খুরু য়ৌনা ঈশিং থুম্লবা মতমদা পকোরা দুকানদা চৎকদবা লৈরবদি অদুমক চৎখি। শরদ পুর্নিমা, চন্দী পরৱাদা মালেম পুম্বনা য়ুমথক্তা কাখৎনৈ অমসুং মেরা সুর্তিদা ইমুং মনুংগা লোয়ননা ফুতপথতা ঘতি চামিন্নৈ। অমসুং মসিগী নুংঙাইবা অসিদি তোপ-তোপ্পী। ঐহাক্না নীংশিংলি চহি 40-45গী মমাংদা ইয়াম্বশিংনা সৌরস্ত্রাদগী সুরত তম্না চৎপা মতমদা ঐহাক্না সৌরস্ত্রাদগী অরিবা মরুপশিংদা সৌরস্ত্রা থাদোক্লগা সুরত্তা লাক্লবদি করি ফাওগনি হায়না হংখি? মহাক্না হায় ঐখোয়গী সুরত অমসুং ঐখোয়গী কাথিয়াৱরগী মরক্তা খেন্নবা য়াম্না লৈ। ঐহাক্না হায়রিবা অসি চহি 40-45গী মমাংগী ৱানি। মহাক্না হায়খি ঐখোয়গী কাথিয়াৱরদা করিগুম্বা মোতোরসাইকল থেংগাইনবা তারবদি থাং শৎনবগী ফীভমদা লৈ অদুবু সুরত্তদি মসি অদোমগী অমসুং ঐহাক্কী অশোইবনি হায়না হায়নদুনা থেমজিন্নৈ, খেন্নবা য়াম্না লৈ।
মরুপশিং,
ঙসি সুরত সহরগী মতিক ময়াইদা মনী অমগা হাপচিনখ্রে। অমসুং মনী অসি অপীকপা নত্তে মালেমগী খ্বাইদগী ফবা অদুনি। মালেমগী খ্বাইদগী চাউবা বিল্দিংশিংগী মতিক-মঙাল অসি মনী অসিগী মতিক-মঙালগা চাংদম্নবদা মকশিল্লি। অমসুং হৌজিক ভল্লভ ভাই, লালজী ভাইনা নোলুকপগা লোয়ননা মখোয়গী ৱাখল্লোনশিং ফোঙদোকখি। অমসুং অসিগুম্বা অচৌবা মিসন অমা মাইপাকপগী মরম অসি তশেংবদি মখোয়গী নোলুকপা মতৌ, মীপুম খুদিংমক্কা লোয়ননা চৎমিন্নবগী মখোয়গী মতৌননি, মসিগীদমক তীম অসিদা ঐহাক্না নুংঙাইবা ফোঙদোকপা ৱাহৈনা ফোঙদোকপা ঙমলোই। বল্লভভাইনা হায়খি ঐহাক্না মিনিৎ মঙা খক্তা ফংই। অদুবু বল্লভভাই অদোমদি মঙালগা শাগোন্নদুনা লৈ। মঙাল অসিনা সুরত পুম্ববু খঙবা ঙম্মি। অমসুং মিনিৎ মঙা অসি অদোমগীদমক্তদি শক তাক্নবা অচৌবা শক্তি অমনি।
হৌজিক মালেমদা কনাগুম্বা অমা হেক্তনা দাইমন্দ বোর্সকী মরমদা হায়রবদি মসিগা লোয়ননা সুরতকী মমিং শাগোন্নগনি, ভারতকী মমিং তুংইন্নরক্কনি। সুরত দাইমন্দ বোর্সনা ভারতকী দিজাইন, ভারতকী দিজাইনরশিং, ভারতকী মেতরিএলশিং অমসুং ভারতকী কনসেপ্তশিংগী শক্তি তাক্লি। বিল্দিং অসিনা অনৌবা ভারতকী অনৌবা মতিক-ময়াই অমসুং অনৌবা ফিরেপকী খুদম অমনি। ঐহাক্না দাইমন্দ ইন্দস্ত্রী, সুরত, গুজরাত অমসুং লৈবাক পুম্বগী মীয়ামদা সুরত দাইমন্দ বোর্সকীদমক নুংঙাইবা ফোঙদোকচরি।
নখোয়বু কুইনা ঙাইহনদুনা থম্বা পামদবনা ঐহাক্না খরা খক্তমক য়েংবগী খুদোংচাবা ফংখি। ঐহাক্না মখোয়দা হায়খি মদুদি মখোয় অসি অরিবা মরুপ ঙাক্তনি মখোয়না নখোয় অসি এনভাইর্নমেন্তগী লমদা উকিল ঙাক্তনি অদুনা গ্রীন বিল্দিং অসি করিনো হায়বীয়ু অমসুং ঐঙোন্দা উৎপীয়ু। অনিশুবদা ঐহাক্না হায়খি, লৈবাক শিনবা থুংবদগী আর্কিতেকচর অমসুং স্ত্রকচরেল ইঞ্জিনীয়রগী মহৈরোয়শিংদা বিল্দিংশিং অসি মোদর্ন ফোর্মদা করম্না শাবগে লাক্তুনা য়েংনবা অমসুং স্তদী তৌনবা হায়বীয়ু। অমসুং লেন্দস্কেপকী লমদা থবক তৌবা মীওইশিংবু করম্না লেন্দস্কেপিং তৌবা য়াই অমসুং পঞ্চতত্বগী কনসেপ্ত অসি করিনো য়েংনবা কৌবীয়ু।
মরুপশিং,
ঙসি সুরতকী মীয়াম অমসুং মফম অসিগী ললোন-ইতিক তৌরিবশিং অমসুং বিজিনেসমেনশিংনা খুদোল অনি ফংলি। ঙসি অসিমক্তা সুরত এয়রপোর্তকী অনৌবা তর্মিনেল অমা শঙ্গাখি। অমসুং অনিশুবা অচৌবা ৱাফমনা হৌজিক এয়রপোর্ত অসি ইন্তরনেস্নেল এয়রপোর্তকী স্তেতস ফংখ্রে। সুরতকী চহি কয়া শুরবা দিমান্দ অসি ঙসি থুংহনখি। অমসুং ঐহাক্না নীংশিংলি মফম অসিদা ঐহাক্না মমাংঙৈদা লাকপা মতমদা সুরত এয়রপোর্ত্তগী বস স্তেসন্না হেন্না ফৈ খল্লমখি। ঙসি ঐখোয়না থুংলিবা মফম অসিদি সুরতকী শক্তি উৎলি।
দুবাই ফাওবগী ফ্লাইৎ ঙসিদগী পাইবা হৌরে অমসুং য়াম্না অথুবদা হোং কোং ফাওবগী ফ্লাইৎ পাইবসু হৌরগনি। ঙসি সুরতকী এয়রপোর্ত অসি শাখিবগা লোয়ননা গুজরাত্তা ইন্তরনেস্নেল এয়রপোর্ত 3 লৈরে। দাইমন্দশিংগী মথক্তা মফম অসিদা লৈরিবা তেক্সতাইল ইন্দস্ত্রী, তুরিজম ইন্দস্ত্রী, এজুকেসন অমসুং স্কিলশিং য়াওনা সেক্তর খুদিংমক মসিদগী কান্নবা ফংলগনি। ঐহাক্না সুরত অমসুং গুজরাতকী মীয়ামদা ফজরবা তর্মিনেল অমসুং ইন্তরনেস্নেল এয়রপোর্ত অসিগীদমক নুংঙাইবা ফোঙদোকচরি।
ঐগী ইমুং-মনুংশিং,
সুরতকী সহরকীদমক ঐহাক্না ফাওরিবা ইহুম অসি ৱাহৈদা ফোঙদোকপগী মথৌ তাদে, মীয়াম্না হেন্না মুন্না খঙই। সুরতনা ঐঙোন্দা কয়া অমা তম্বীখি। অমসুং ঐখোয়দা করিগুম্বা মীপুম খুদিংমক্না হোৎনরবদি ঐখোয়না অচৌবা শিংনবশিং মায়োক্নবা ঙমগনি হায়না সুরতনা তম্বীখি। মসিমক্না সুরত অসি অতোপ্পগা খেন্নহল্লিবনি। মসিগী শক্তি অসিগী লম্বা তৌবা ঙমলোই।
ঐখোয় পুম্নমক্না সুরতকী সহরনা অৱা-নুংঙাইবা কয়া থেংনখ্রে খঙই। মফম অসিগী মতিক-ময়াই অসি উবদা ব্রিতিশশিংনা মফম অসিদা হান্না লাকখি। মতম অমদা মালেমগী খ্বাইদগী চাউবা জহাজশিং সুরত খক্তদা শারমখি। সুরতকী পুৱারীদা অচৌবা অৱাবা কয়া মায়োক্নখি অদুবু সুরতকী মীয়াম্না পুন্না মায়োক্নমিন্নখি। মফম অসিদা মতম অমদা লৈবাক 84গী জহাজকী ফিরালশিং পাইরমখি। অমসুং ঙসি মথুর ভাইনা হায়রি মদুদি মফম অসিদা লৈবাক 125গী ফিরাল পাইরগনি।
করিগুম্বা মতমদা সুরত অসি তমথিরবা লাইনাশিংগী লাংদা থুখি, করিগুম্বদা তাপীদা ঈচাও থোকখি। মতম অদুদা অৱাবা মখল কয়া থেংনখিবা অমসুং সুরতকী শক্তিবু চাংয়েং তৌখিবা মতম অদু ঐহাক্না হকথেংননা থেংনহৌই। অদুবু ঐহাক্না থাজখি মদুদি সুরতনা খুদোংথিবা অসি মায়োক্নবা ঙম্বা খক্তা নত্তনা অনৌবা শক্তিগা লোয়ননা মালেমদা মাগী মফম কনবা ঙমগনি। অমসুং য়েংবীয়ু ঙসি সহর অসি মালেমগী খোঙজেল খ্বাইদগী য়াংনা খুমাং চাউশিল্লিবা সহর 10গী মনুং চনবা ঙম্লি।
সুরতকী স্ত্রীত ফুদ, সুরতকী লুনানবা, সুরতকী স্কিল দিবেলপমেন্ত, পুম্নমক অসি শীংথানীংঙাই ওই। সুরত অসি মতম অমদা সন সিতী হায়না খঙনরমখি। মফম অসিগী মীয়াম্না কন্না হোৎনবা, মপুং ফানা শক্তি পুথোক্তুনা দাইমন্দ সিতী অমসুং সিল্ক সিতী ওইহনবা ঙমখি। নখোয়না কন্না হোৎনবনা সুরত অসি ব্রিদজ সিতী ওইহনবসু ঙমখি। ঙসি সুরত অসি নহা লাখ কয়াগী দ্রীম সিতী ওইরে। অমসুং হৌজিক সুরতনা ITগী লমদা খুমাং চাউশিল্লি। দাইমন্দ বোর্সকী শক্তমদা অসিগুম্বা অচৌবা বিল্দিং শাবা ঙম্বা অসিমক পুৱারী ওইরি।
মরুপশিং,
হৌজিক মতম অসিদা নখোয়না মোদীগী গরেন্তীগী মরমদা ঙাংনবা য়াম্না তারে। হন্দক্কী মীখলগী ফলশিংগী মতুংদা খন্ন-নৈনবা হেন্না হেনগৎলকখি। অদুবু সুরতকী মীয়াম্না মোদীগী গরেন্তীগী মরমদা মমাংঙৈদগী খঙলে। মফম অসিগী হোৎনবা কনবা মীওইশিংনা মোদীগী গরেন্তী অসি মঙফাওনবা উবা ফংখি। অমসুং গরেন্তী অসি সুরত দাইমন্দ বোর্সনা তাকখি।
চহি অমগী মমাংদা মরুপশিংনা নখোয়গী সমস্যাশিংগী ফোঙদোকখিবগী মওং অদু নীংশিংলি। মফম অসিদা দাইমন্দ বিজিনেসকা মরী লৈনবা আর্তিসান, অপীকপা অমসুং অচৌবা ললোনবা মীওই লাখ কয়া লৈ। অদুবু মখোয়গী অচৌবা সমস্যাশিং অপীকপা হীরমগীসু লাপনা চৎনরম্বা অসিনা ওইখি। করিগুম্বা কনাগুম্বা অমনা মীরমদা দাইমন্দ য়েংবা অমসুং লৈবা চৎপা তারবদি অপনবা কয়া থেংনৈ। সপ্লাই অমসুং ভেল্যু চেনগী সমস্যাশিংনা বিজিনেস পুম্বদা অকাইবা থোকহনখি। দাইমন্দ ইন্দস্ত্রীগা মরী লৈনবা মীওইশিংনা সমস্যা অসি কোকহন্নবা ঐঙোন্দা তোইনা হায়রকখি।
ওইরিবা ফীভম অসিদা 2014দা দিল্লীদা ৱর্ল্দ দাইমন্দ কনফরেন্স পাঙথোকখি। অমসুং মতম অদুদা ঐহাক্না দাইমন্দ সেক্তরগীদমক স্পেসিএল নোতিফাইদ জোন অমা হাংদোক্নবা লাউথোকখি। মসিনা সুরত দাইমন্দ বোর্সকী মঙলান মঙফাওনবা ঙম্নবা লম্বী য়াৎখি। ঐখোয়না লোদা মসিগী অমেন্দমেন্তসু তৌখি। হৌজিক সুরত দাইমন্দ বোর্সকী শক্তমদা ইন্তরনেস্নেল ত্রেদকী অচৌবা সেন্তর অমা লৈরে। রো দাইমন্দ, পোলিশ দাইমন্দ, লেব গ্রাউন দাইমন্দ নত্ত্রগা রেদী-মেদকী লিক-কোন ওইরবসু ঙসি বিজিনেস মখল খুদিংমক মফম অমদা ওইথোকপা ঙম্লে। শিন্মী, আর্তিসান, বিজিনেসমেন ওইরবসু সুরত দাইমন্দ বোর্স অসি মীপুম খুদিংমক্কী ৱান স্তোপ সেন্তর ওইবা ঙমলে।
মসিদা ইন্তরনেস্নেল বেঙ্কিং অমসুং সেক্যুর ভোল্তশিংগী খুদোংচাবা লৈ। রিতেল জ্বেলরী বিজিনেসকীদমক জ্বেলরী মোল অমা লৈ। সুরতকী দাইমন্দ ইন্দস্ত্রী অসিনা হান্নদগী মীওই লাখ 8 হেনবদা থবক পীরি। হৌজিক অনৌবা মীওই লাখ 1.5না সুরত দাইমন্দ বোর্সনসু থবকশিং পীরগনি। ঐহাক্না ইন্দস্ত্রী অসিবু অনৌবা পনখৈশিং তম্না পুখৎনবা অয়ুক নুমিদাং হোৎনখিবা দাইমন্দ বিজিনেসকা মরী লৈনবা পুম্নমক্তা ঐহাক্না থাগৎচনীংই।
মরুপশিং,
সুরতনা গুজরাত অমসুং লৈবাক অসিদা কয়া অমা পীখ্রে অদুবু সুরত্তা মসিদগী হেনবা পোতেন্সিএল লৈ। ঐহাক্কী মতুং ইন্না, মসি অহৌবনি; ঐখোয়না মাংদা হেন্না চংশিনগনি। ময়াম্না খঙলে মদুদি হৌখিবা চহি 10 অসিদা ভারতনা মালেমগী 10শুবদগী 5 শুবদা কাখৎলকখি। অমসুং হৌজিক মোদীনা লৈবাক অসিদা মহাক্কী অহুমশুবা ইন্নিংসতা ভারতনা শোইনা মালেমগী মকোক থোংবা ইকনোমী অহুমদা চনগনি হায়না গরেন্তী পীখি।
সরকারনা মথংগী চহি 25গী তার্গেৎ অমসু থমখি। ত্রিলিয়ন দোলর 5 নত্ত্রগা ত্রিলিয়ন দোলর 10গী তার্গেৎ ওইরবসু ঐখোয়না মসিদা থবক পাইখৎলি। ঐখোয়না লৈবাক্কী এক্সপোর্তশিং রেকোর্দ ওইনা ৱাংহন্নবা হোৎনরি। অসিগুম্বা ফীভম অসিদা সুরতকী থৌদাং অমসুং মরু ওইনা সুরতকী দাইনমন্দ ইন্দস্ত্রীগী থৌদাং অসি শরুক কয়া হেনগৎলকখি। সুরতকী মশক নাইবা মীওই পুম্নমক মসিদা তিল্লি। সুরত সহরনা মানা লৈবাক্কী হেনগৎলক্লিবা এক্সপোর্তশিংদা শরুক য়াবা হেন্না করম্না হেনগৎহনগনি হায়না তার্গেৎ অমসু থমগদবনি।
মসি দাইমন্দ, জেম্স অমসুং জ্বেলরী সেক্তরশিংগীদমক শীংনবা অমসুং খুদোংচাবা অনিমক্নি। হৌজিক্কী ওইনা ভারতনা দাইমন্দ জ্বেলরীগী এক্সপোর্ত্তা মাংজিল থরি। ঐখোয়না সিলভর কত দাইমন্দ অমসুং লেব গ্রোন দাইমন্দশিংদা লুচিংবশিংবু ওইরি। অদুবু করিগুম্বা ঐখোয়না অপুনবা জেম্স অমসুং জ্বেলরী সেক্তরগী মতাংদা ঙাংনরবদি ভারতকী মালেমগী অপুনবা এক্সপোর্তকী শিয়র অসি চাদা 3.5 খক্তনি। করিগুম্বা সুরতনবু লেপলবদি য়াম্না অথুবদা দবল-দিজিৎ য়ৌবা ঙমগনি। অমসুং ঐহাক্না গরেন্তী পীরি মদুদি নখোয়গী খোঙথাং খুদিংমক্তা সরকারনা নখোয়গীদমক লেপ্পী।
ঐখোয়না হান্নদগী সেক্তর অসি এক্সপোর্ত প্রমোসনগী ফোকস এরিয়া ওইনা খনখ্রে। পেতেন্ত দিজাইন পুক্নিং থৌগৎপা, এক্সপোর্ত প্রদক্তশিং দাইভর্সিফাই তৌবা, অতোপ্পা লৈবাকশিংগা লোয়ননা চুংশিন্নদুনা হেন্না ফবা তেক্নোলোজী থীদোকপা, লেব গ্রোন নত্ত্রগী গ্রীন দাইমন্দশিং প্রমোৎ তৌবা ওইরবসু কেন্দ্র সরকারনা অসিগুম্বা খোঙথাং কয়া পাইখৎলি।
সরকারনা গ্রীন দাইমন্দ পুক্নিং থৌগৎনবা বজেৎতা অখন্নবা প্রোভিজন শেমখি। খোঙথাং পুম্নমক অসিদগী চাউনা কান্নবা লৌহৌগদবনি। ঙসি নখোয়না মালেম শিনবা থুংনা চৎপনিনা ইন্তরনেস্নেল লেননেলদা প্রো-ভারত এৎমোস্ফিয়র এক্সপরিয়েন্স তৌরমগনি। মফম অসিদা মালেমগী লৈবাক কয়াদগী মীওই কয়ানা শরুক য়ারি। ঙসি মালেমগী এৎমোস্ফিয়র অসি ভারতকীদমক ওইরি। ঙসি ভারতকী মীংচৎ অসি মালেম শিনবা থুংবদা পনখৈ য়ৌনা ৱাংলে। ভারতকী মরমদা মালেম শিনবা থুংবদা ঙাংনরি। ‘মেদ ইন ইন্দিয়া’ অসি হৌজিক শক্তি লৈরবা ব্রান্দ অমা ওইরে। নখোয়গী বিজিনেসনা মসিদগী চাউনা কান্নবা শোইদনা ফংগনি। জ্বেলরী ইন্দস্ত্রীনসু মসিদগী কান্নবা ফংগনি।
মরুপশিং,
নখোয়গী মতিক ময়াই হেনগৎহন্নবা সরকার অসিনা সুরত সহরকী তৌবা ঙম্বা হেনগৎহল্লি। ঐখোয়গী সরকারনা সুরত্তা মোদর্ন ইনফ্রাস্ত্রকচর শেমগৎনবা অখন্নবা মীৎয়েং চংলি। ঙসি সুরতকী মশাগী ইন্তরনেস্নেল এয়রপোর্ত লৈজরে। ঙসি সুরতকী মশাগী মেত্রো রেল সর্ভিস লৈজরে। ঙসি সুরত পোর্ত্তা মরু ওইবা প্রদক্ত কয়া হেন্দল তৌরি। ঙসি সুরত্তা দীপ ৱাতর LNG তর্মিনেল অমসুং মলতি-কার্গো পোর্ত, হাজিরা পোর্ত লৈরে। সুরতমা লেপ্পা লৈতনা ইন্তরনেস্নেল বিজিনেস সেন্তরশিংগা কন্নেক্ত তৌরি। অমসুং মালেমগী সহর খরদা খক্তা অসিগুম্বা ইন্তরনেস্নেল কন্নেক্তিবিতী লৈ। সুরত অসি বুল্লেৎ ত্রেন প্রোজেক্তকসু লিঙ্ক তৌখ্রে। মফম অসিদা খোঙজেল য়াংনা ৱেস্তর্ন দেদিকেতেদ ফ্রৈত কোরিদোরগী থবকসু পাইখৎলি। মসিনা সুরত্তগী অৱাং অমসুং নোংপোক ভারতকী রেল কন্নেক্তিবিতী মপাঙ্গল কনখৎহল্লগনি। দিল্লী মুম্বাই এক্সপ্রেসৱেনা সুরতকী বিজিনেসশিংদা অনৌবা খুদোংচাবশিং পীরগনি।
সুরত অসি অমরোমদা মোদর্ন কন্নেক্তিবিতী লৈবাক লৈবাক্কী অমত্তা ঙাইরবা সহরনি। নখোয় পুম্নমক্না মসিগী খুদোংচাবা লৌহৌগদবনি। করিগুম্বা সুরতনা মাংদা চংশিল্লবদি গুজরাতনা মাংদা চংশিনগনি, অমসুং করিগুম্বা গুজরাতনা মাংদা চংশিল্লবদি লৈবাক অসিনা মাংদা চংশিনগনি। মসিগা লোয়ননা ওইথোকপা য়াবা কয়া লৈ। তোঙান-তোঙানবা লৈবাকশিংদগী মীওই কয়ানা মফম অসিদা লাকপা অসিনা মসিবু গ্লোবেল সিতী অমদা ওন্থোক্লি। মসি মিনি ভারত অমা ওইরক্লি।
হন্দক্তা G-20 সম্মিৎ পাঙথোকপা মতমদা ঐখোয়না কম্ম্যুনিকেসনগী তেক্নোলোজী মপুংফানা শীজিন্নৈ। করিগুম্বা দ্রাইবর অদুনা হিন্দী খঙলবা অদুবু মহাক্কা লোয়ননা ফম্মিবা মীশক অদুনা ফ্রেঞ্চ খঙলবদি মখোয়না করম্না ৱারী শাগনি? অদুনা ঐখোয়না মোবাইল এপ অমা শাখি। করিগুম্বা মহাক্না ফ্রেঞ্চ ঙাংলবদি দ্রাইবর অদুনা হিন্দীদা ঙাংগনি, করিগুম্বা দ্রাইবরনা হিন্দী ঙাংলবদি গেস্ত অদুনা ফ্রেঞ্চ ওইনা তাগনি।
অদুনা মালেম পুম্বদগী মীয়াম্না ঐখোয়গী দাইমন্দ বোর্সতা লাক্লি। নখোয়না লোলগী কম্ম্যুনিকেসনগী মথৌ তাবা সপ্পোর্ত পুম্না কেন্দ্র সরকারনা নখোয়দা শোইদনা পীগনি। অমসুং ঐখোয়না মোবাইল এপ, ভাশিনি এপকী খুত্থাংদা থবক অসি লাইথোকহল্লি।
মুখ্য মন্ত্রীদা ঐহাক্না সজেসন অমা পীজনীংই মদুদি নরমাদ য়ুনিভর্সিতীনা তোঙান-তোঙানবা লোলশিংদা ইন্তরপ্রিতরশিং থম্নবা খোঙথাংশিং হৌগদবনি অমসুং অঙাংশিংনা মালেমগী লোল কয়াদা ইন্তরপ্রিতেসন তৌবা ঙমহনগদবনি মসিনা ঐখোয়গী মফম অসিগী নহারোলনা মফম অসিদা লাকপা বিজিনেসমেনশিংদা মতেং পাংনবা ইন্তরপ্রিতেসনগী থবকশিং ফংগনি। অমসুং গ্লোবেল হব অমা শেম্বগী মথৌ তাবা অসিদা কম্ম্যুনিকেসন্না মরু ওইবা থৌদাং অমা লৌগনি। ঙসি তেক্নোলোজীনা মতেং কয়া পাংলি অদুবু মসিগা লোয়ননা মেন্যুএল ইন্তরপ্রিতেসন অসিসু চপ মান্ননা তঙাই ফদে। ঐহাক্না থাজৈ মদুদি অথুবদা ঐখোয়না নরমাদ য়ুনিভর্সিতী নত্ত্রগা অতোপ্পা য়ুনিভর্সিতীগী খুত্থাংদা লেংগ্বেজ ইন্তরপ্রিতর কোর্সশসিং হৌরগনি।
ঐহাক্না সুরত দাইমন্দ বোর্স অমসুং সুরত এয়রপোর্তকী অনৌবা তর্মিনেলগীদমক নুংঙাইবা ফোঙদোকচরি। বাইব্রেন্ত গুজরাত সম্মিৎ অসি মথং থাদা পাঙথোক্কনি। ঐহাক্না গুজরাত্তা য়াইফ মঙ্গোল পীজরি। অমসুং গুজরাতকী খোঙথাং অসিনা লৈবাক অসিবু মতেং পাংগনি অমসুং মরম অসিনা ঐহাক্না গুজারতপু অখন্ননা নুংঙাইবা ফোঙদোকচরি।
চাউখৎ থৌরাংগী ফেস্তিবেল অসি পালন তৌনবা ঐখোয়না মফম অসিদা ঙসি মশিং য়াম্না তিল্লি। য়েংবীয়ু অহোংবা কয়া য়াম্না পুরকখ্রে। লৈবাক অসিগী মীওই খুদিংমক্না চাউখৎ মাইকৈদা চংশিল্লি। মসি ভারতকী মাংদা চংশিনবগী অফবা খুদম অমনি। অমুক হন্না ঐহাক্না বল্লভভাই অমসুং মহাক্কী অপুনবা তমদা নুঙাইবা ফোঙদোকচরি। অমসুং ঐহাক্না খঙই, করিগুম্বা কোবিদ লাক্লমদ্রবদি মসি মমাংদা লোইশিল্লম্বা য়াবনি। অদুবু ঙসি মঙলান অসি মঙফাওনবা উবদা ঐহাক্না য়াম্না নুংঙাইবা পোকই। ঐহাক্না পুম্নমক্তা নুংঙাইবা ফোঙদোকচরি!
থাগৎচরি।
