Share
 
Comments
Government’s women led empowerment policies are tribute to the vision of Subramanya Bharathi: PM
Bharathiyar teaches us to remain united and committed to the empowerment of every single individual, especially, the poor and marginalised: PM

মুখ্যমন্ত্রী শ্রী পলানিসামীজী,

মন্ত্রী শ্রী কে. পন্দিয়ারাজনজী,

শ্রী কে. রবী, ফাউন্দর, বনাবীল কলচর সেন্তর,

শক্নাইরবা মীওইশিং,

মরূপশিং!   

ৱনক্কম!  

খুরুমজরি!  

ঐনা অফাওবা ভারতীয়ারগী মপোক নুমিৎ অসিদা মফমদা খুরুমজবগা লোইননা হৌজরি। অসিগুম্বা অখন্নবা নুমিৎ অসিদা, ঐনা ইন্তর্নেস্নেল ভারতী ফেস্তিবেলগী শরুক অমা ওইবা ফংজবা অসি নুংঙাইবা পোকচরি। ঐহাক্না হন্দক্কী চহি অসিগী ভারতী এৱার্দ অসি অফাওবা স্কোলর শ্রী সীনি বিশ্বানাথনজীদা পীজবা ফংজবা অসিগীদমক্তসু অপেনবা পোকচৈ, মহাক্না মহাক্কী পুন্সি ভারতীগী থবকশিংগী রিসর্সতা কৎথোক্লি। ঐনা চহি ৮৬ শুরবা ফাওবদসু মহাক্না রিসর্কী থবক নীংথিনা পায়খৎপীবগীদমক্তসু থাগৎপা ফোংদোকচরি! সুব্রমন্য ভারতীগী মরমদা হায়বা অসি অরুবা ৱাহং অমনি। ভারথীয়র অসি শিনফম অমত্তদা নত্ত্রগা মিৎয়েং অমত্তদা য়েংবা য়ারোই। মহাক কবি, অইবা, এদিতর, জর্নেলিস্ত, সোসিএল রিফোর্মর, ফ্রীদম ফাইতর, হ্যুমেনিস্ত অমসুং ময়াম অমনি।

কনাগুম্বা অমনা মহাককী শুপ্নগী থবকশিং, শৈরেংশিং, মহাক্কী ৱাংঙুলোন অমসুং মহাক্কী পুন্সি অদুদা অঙকপা পোক্কনি। ঐনা পর্লিয়মেন্তকী মীহুৎ ওইবগী ইকাই খুম্নবা ফংজরিবা বারানসীগসু মহাক্কা অনকপা মরী লৈনৈ। ঐনা হন্দক্তা মহাক্কী থবকশিং অদু ভোল্যু ১৬ থোক্না খাইদোকপা অমসুং ফোংদোকখিবগী থবক উখ্রে। চহি ৩৯গী তেল্লবা মতম অসিদা মহাক্না ময়াম অমা ইখি, ময়াম অমা তৌখি অমসুং অদুক্কী মতিক ফজনা উৎখি। মহাক্কী খুৎই অসিনা ঐখোয়বু মঙাল নাইবা তুংলমচৎ অমদা লমজিংবীরগনি।

মরূপশিং,

ঐখোয়গী নহাশিংনা সুব্রমনিয়া ভারতীদগী তমজনীংঙাই য়াম্না লৈ। খ্বাইদগী মরুওইবদি থৌনানি। অকিবা অসি সুব্রমনিয়া ভারতীগী মফমদদি খঙদে। মহাক্না হায়খিঃ

அச்சமில்லை அச்சமில்லை அச்சமென்பதில்லையே

இச்சகத்து ளோரெலாம் எதிர்த்து நின்ற போதினும்,

அச்சமில்லை அச்சமில்லை அச்சமென்பதில்லையே

ৱাহন্থোক্তিঃ অকিবা অসি ঐগী লৈতে, অকিবা অসি ঐগী লৈতে, মালেম অসিনা ঐগী মায়োক্তা লেপচরবসু। ঐনা ৱাখল্লোন অসি ঙসি য়ং ইন্দিয়াদা উরি। ঐনা ৱাখল্লোন অসি মখোয়না ইনোবেসন অমসুং এক্সিলেন্সকীদমক চোংথোরকপা মতমদা উরি। ভারতকী স্তার্ত–অপকী অহাংবা অসি মীওইবা খুন্নাইদা করিগুম্বা অনৌবা খরা পীরিবা নহাশিংগী অকিবা য়াওদবা অদুনা মেনশিল্লরি।

মরূপশিং,

ভারতীয়ারনা অরিবা অমসুং অনৌবগী অপুনগী মথৌ তাবা অদুদা থাজবা থমখি। মহাক্না মসিবু অসিবু ঐখোয়গী মরাগা লোইনবা লৈনবা অমসুং তুংলমচৎকী মাইকৈদা মাংদা চখৎপা ঙম্ননবা লৌশিংগী খোংজেল অমা ওইনা লৌখি। মহাক্না তমিল লোন অমসুং ইমা ভারত অসিবু মহাক্কী মিৎ অনি ওইনা লৌখি। মহাক্না অফাওবা ভারতকী, বেদ অমসুং উপনিশদশিংগী, ঐখোয়গী নাৎকী, চৎনবীগী, ঐখোয়গী হৌখ্রবা মিংচৎশিংগী মতাংদা ইশৈ কয়া শকখি (ইখি)। অদুবু মতম অদুমক্তদা, মহাক্না ঐখোয়দা হৌখ্রবা মিংচৎ অদুদা ইচম চম্না হিংদুনা লৈথোকপসু মতিক চাদে হায়না খঙহনখি। ঐখোয়না সাইন্তিফিক ওইবা ৱাখল্লোন, থিজিন্নবগী ইথিল অমসুং চাউখৎপগী মায়কৈদা চংশিনবা মথৌ তাই।

মহাকবি ভারতীয়ারগী চাউখৎপগী ৱাহন্থোক্তা নুপীগী থৌদাং য়াওই। খ্বাইদগী মরুওইবা মিৎয়েংশিংগী মনুংদা নুপীশিংগী মনীং তম্বা অমদি মপাঙ্গল হাপ্পা অসিনি। মহাকবি ভারতীয়ারনা ইরম্মি মদুদি নুপীশিংনা মকোক থাংগৎতুনা চৎকদবনি অমসুং মীয়ামগা থোং মান্ননা চৎকদবনি। ঐখোয়দা মহাক্কী মিৎয়েং অসিনা ইথিল পীনবীরি অমসুং নুপীশিংবু মপাঙ্গল কলহন্নবগীদমক থবক তৌরি। অদোম্না মসি খঙবদা নুংঙাইবা পোকপীগনি মদুদি ঐখোয়গী সরকারশিংগী থবক খুদিংমক্তা, নুপীগী ইকাই খুম্নবদা মরুওইবা থম্লি।

ঙসি, নুপী ওন্ত্রপ্রিনর করোর ১৫ হেনবদা মুদ্রা য়োজনানচিংবা স্কিমনশিংনা ফন্দ পীরি। মখোয়না মখোয়গী মকোক নোনখৎতুনা থবক তৌরি, ঐখোয়গী মিৎতা য়েংলি অমসুং মখোয় করম্না মরোমদোম লেপচবা ঙম্বগে হায়বদু ঐখোয়দা ফোংদোক্লি।

ঙসি নুপীশিং অসি পর্মানেন্ত কমিসন তৌবগা লোইননা ঐখোয়গী আর্ম ফোর্সশিংগী শরুক অমা ওইরে। মখোয়না মখোয়গী মকোক নোনখৎতুনা থবক তৌরি, ঐখোয়গী মিৎতা য়েংলি অমসুং লৈবাক অসি শোইরোইদবা খুত্তা শিন্নরি হায়না ঐখোয়দা ফাওহল্লি। ঙসিদি, শোইদ–ঙামদবা সেনিতেসনগী অৱাৎপা মায়োক্নরম্বী লাইরবদগী লাইরবী নুপীশিংদা শোইদ–ঙামদবা অমসুং তরু–তনানবা তোইলেৎ করোর ১০ হেন্না ফংহনখ্রে।

মখোয় অৱাবা অমমুক মায়োক্নদ্রে। মখোয় হৌজিক মহাকবি ভারতীয়ারনা খঞ্জরম্বা অদুগুম্না মখোয় মখোয়গী মকোক নোনখৎতুনা চৎলি অমসুং পুম্নমক্কা মিৎচান্নরি। মসি অনৌবা ভারতকী নারী শক্তিগী য়ুগনি। মখোয়না অফা অপুনশিং নমখাইরি অমসুং শাফু অমা পীরি। মসি সুব্রমনিয়া ভারতীয়ারদা কৎচবা অনৌবা ভারতনি।

মরূপশিং,

মহাকবি ভারতীয়ারনা খঙখি মদুদি মচেৎ তারবা খুন্নাই অমত্তনা মায় পাকপা ঙম্লোই। মসিগা লোইননা, মহাক্না খুন্নাইগী মান্নদবশিং অমসুং খুন্নাইগী ফত্তবশিং ফোংদোক্তবা রাজনীতিগা মনীং তম্বগী অহাংবগী মতাংদা ইখি। মহাক্না হায়রম্মি, অমসুং মদু ঐনা পঞ্জরিঃ

இனியொரு விதி செய்வோம் – அதை

எந்த நாளும் காப்போம்

தனியொரு வனுக்குணவிலை யெனில்

ஜகத்தினை யழித்திடுவோம்

ৱাহন্থোক্তিঃ ঐখোয়না কাংলোন অমা শেম্মি অমসুং মদু মতম চুপ্পা ঙাকই। কনাগুম্বা মীওই অমা চারা হেল্লবা, অদু ওইরবদি মালেম অসিনা মদুগীদমক প্রাইচিৎ তৌগদবনি। মহাক্না তম্বীরম্বশিং অদুনা ঐখোয়দা পুন্না লৈনবা অমসুং মীপুম খুদিংমক্কী মপাঙ্গল লৈহন্নবা মতম পুম্নমক্তা চেৎনা নীংশিংহল্লি। মরুওইনা লাইরবশিং অমসুং শোৎথহৌরিবশিংদা মিৎয়েং চংখি।

মরূপশিং,

ঐখোয়না নহাশিংনা ভারতীদগী তমজনীংঙাই ময়াম অমা লৈ। ঐখোয়গী লৈবাক অসিগী মীপুম খুদিংমক্তা মহাক্কী লাইরিক পানবা অমদি মখোয়দগী ইথিল লৌজনবা হায়জরি। ঐনা বনাবীল কলচরেল সেন্তরদা মখোয়গী অঙকপা থবক অমসুং ভারতীয়ারগী পাউজেলশিংবু শন্দোকপীবগীদমক থাগৎপা ফোংদোকচরি। ঐনা থাজৈ মদুদি ফেস্তিবেল অসিদগী ভারতপু অনৌবা তুংলমচৎ অমদা পুবদা মতেং ওইগদবা কান্নরবা ৱারী–ৱাতাই পাংথোক্কনি।

থাগৎচরি।

অদোম্বু থাগৎচরি।

Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
PM Modi at UN: India working towards restoring 2.6 crore hectares of degraded land by 2030

Media Coverage

PM Modi at UN: India working towards restoring 2.6 crore hectares of degraded land by 2030
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 15 জুন, 2021
June 15, 2021
Share
 
Comments

PM Modi at UN: India working towards restoring 2.6 crore hectares of degraded land by 2030

Modi Govt pursuing reforms to steer India Towards Atmanirbhar Bharat