SHG মেম্বর লাখ অমদা সীদ কেপিতেল এসিস্তেন্স য়েন্থোকখ্রে
ৱর্ল্দ ফুদ ইন্দিয়া 2023গী শরুক ওইনা ফুদ স্ত্রীত হৌদোকখ্রে
“তেক্নোলোজী অমসুং তেস্ত পুনশিনবনা তুংলমচৎকী ইকনোমীগীদমক লম্বী য়াৎলগনি”
“সরকারনা পাইখৎপা ইনভেস্তর-ফ্রেন্দলী পোলিসীশিংনা ফুদ সেক্তরবু অনৌবা পনখৈশিং তম্না পুখৎলি”
“ভারতনা ফুদ প্রোসেসিং ইন্দস্ত্রীগী সেক্তর খুদিংমক্তা শীংথানীংঙাই ওইনা গ্রোথ লৈবা ঙমখি”
“ফুদ প্রোসেসিং সেক্তরদা ভারতকী গ্রোথ স্তোরীগী য়ুম্বী অহুম অসি অপীকপা লৌমীশিং, অপীকপা ইন্দস্ত্রীশিং অমসুং নুপীশিংনি”
“‘ৱান দিস্ত্রিক্ত ৱান প্রদক্ত’গুম্বা স্কিমশিংনা অপীকপা লৌমীশিং অমসুং অপীকপা ইন্দস্ত্রীশিংদা অনৌবা আইদেন্তিতী অমা পীরি”
“ভারতকী নুপীশিংনা ফুদ প্রোসেসিং ইন্দস্ত্রী লমজিংনবগী মহৌশাগী ওইবা মতিক-ময়াই লৈজৈ”
“ভারতকী ফুদ দাইভর্সিতী অসি গ্লোবেল ইনভেস্তরশিংগীদমক দিবিদেন্ত অমনি”
“ভারতকী সস্তেনেবল ফুদ কলচর অসি চহি লিশিং কয়াগী মমাংদগী থোরকখি। ঐখোয়গী ইপা-ইপুশিংনা চাবগী হৈনবীশিংবু আয়ুর্বেদকা মরী লৈনহল্লমখি”
“মিল্লেৎসনা ভারতকী ‘সুপরফুদ বক্কেৎ’কী শরুক অমা ওইরি অমসুং সরকারনা মসিবু শ্রী অন্না হায়না শকখঙখি”
শ্রী মোদীনা থৌরম অসিদা উৎখিবা একজিবিসনসু চৎতুনা য়েংখি। থৌরম অসিনা ভারতপু ‘মালেমগী ফুদ বাস্কেৎ’ ওইনা উৎনবা অমসুং 2023বু ইন্তর্নেস্নেল ইয়র ওফ মিল্লেৎস হায়না পালন তৌনবা পান্দম থম্মি।

ঙসিগী থৌরমদা শরুক য়াবীরিবা ঐহাক্কী কেন্দ্রগী কেবিনেতকী মরুপ শ্রী পিয়ুশ গোয়লজী, গিরিরাজ সিংহজী, পাশুপতি পারসজী, পুরুশোত্তম রুপালাজী, প্রহলাদ সিংহ পতেলজী, মালেমগী তোঙানব-তোঙানবা লৈবাকশিংদগী লাক্লিবা মীথুংলেন, রাজ্যশিংদগী লাক্লিবা মন্ত্রী, ইন্দস্ত্রী অমসুং স্তার্তঅপ মালেমগী মরুপ খুদিংমক, লৈবাক শিনবা থুংবগী ঐহাক্কী লৌমী ইচিল ইনাওশিং, ইবেম্মা অমসুং ইবুংঙোশিং পুম্নমকপু ঐহাক্না ইকায় খুম্নবা উৎপগা লোয়ননা ৱর্ল্দ ফুদ ইন্দিয়া গ্লোবেল কনফরেন্স অসিদা তরাম্না ওকচরি।

ঐহাক হৌজিক তেক্নোলজী পেভিলিয়ন য়েংজরুরে। মফমসিদা শিন লাঙলিবা তেক্নোলোজী পেভিলিয়ন, স্তার্তঅপ পেভিলিয়ন অমসুং ফুদ স্ত্রীতকুম্বা খুদোংচাবা কয়া শিন-লাঙলিবা অসি তসেংনা মশক থোকই। মহাও অমসুং তেক্নোলোজীগী মসিগুম্বা পুনশিন্নবগী মতৌনা অনৌবা ফ্যুচর অমা শেম্লগনি, অনৌবা শেন্মিৎলোনগী শাহৌদা শাফু পীগনি। হোংবা নাইবা ঙসিগী মালেমসিনা 21শুবা চহি চা অসিদা থেংনরিবা খ্বাইদগী অচৌবা শিংনবশিংগী মরক্তা ফুদ সেক্যুরিতীসু য়াওরি। মরম অদুনা, ৱর্ল্স ফুদ ইন্দিয়াগী থৌরম অসি য়াম্না মরু ওইরিবনি।

 

মরুপশিং,

প্রোসেস ফুদ ইন্দস্ত্রী অসিবু ভারত্তা ঙসি সনরাইস সেক্তর অমা ওইনা য়েংনরি। অহানবা ৱর্ল্দ ফুদ ইন্দিয়াগী থৌরমদগী ফংখিবা কান্নবশিংনা মসিগী অচৌবা খুদম অমা ওইরি। হৌখিবা চহি 9দা, সেক্তর অসিদা লুপা করোর লিশিং য়াংখৈগী FDI লাকখি। মসিদি ভারত সরকারগী প্রো-ইন্দস্ত্রী অমসুং প্রো-ফার্মর পোলিসীগী মহৈনি। ঐখোয়না ফুদ প্রোসেসিং সেক্তরগীদমক্তা PLI স্কিমসু হৌদোক্লে। মসিগী মখাদা, ইন্দস্ত্রী অমসুং অনৌবা প্লেয়রশিংনা কান্নবা য়াম্না ফংলি।

ঙসিদি, পোস্ত-হার্ভেতস্ত ইনফ্রাস্ত্রকচরগীদমক্তা প্রোজেক্ত লিশিং কয়াগী থবকশিং এগ্রি ইনফ্রা ফন্দগী মখাদা ভারত্তা পাংথোক্লি। মসিদসু, লুপা করোর লিশিং য়াংখৈ হেনবগী শেনফম থাদরি। ফিশরী অমসুং এনিমেল হসবেন্দরীগী ওইনসু, প্রোসেসিং ইনফ্রাস্ত্রকচরগী মরী লৈননা লুপা করোর লিশিং কয়া থাদনবা পুক্নিংসু থৌগৎলি।

মরুপশিং,

ঙসি ভারত্তা শেম্লিবা ইনভেস্তর ফ্রেনলী পোলিসীশিং অসিনা ফুদ সেক্তরবু অনৌবা অৱাংবা থাক্তা পুখৎলি। হৌখিবা চহি 9দা তৌখিবা এগ্রি এক্সপোর্তশিংদা প্রোসেস ফুদকী শরুক অসি হান্নদগী হেনগৎলগা চাদা 23গী চাংদা য়ৌখ্রে। চহি 9গী মনুং অসিদা, প্রোসেস ফুদকী এক্সপোর্ত্তা চাউরাক্না চাদা 150 হেনগৎখি। ঐখোয়না ঙসিদি, USD মিলিয়ন 50,000দগী হেনবা এগ্রো এক্সপোর্ত তৌদুনা মালেমগী 7শুবা থাক্তা লৈরে। মমাংদা হান্না ঙম্লমদবা মওংদা শাহৌ লৌবা ঙমখিদবা ফুদ প্রোসেসিংগা মরী লৈনবা সেক্তর অমত্তা ভারত্তা ঙসি লৈত্রে। মসিদি ফুদ সেক্তরগা মরী লৈনবা কম্পেনী অমসুং স্তার্তঅপ খুদিংগী য়াম্না চাউবা খুদোংচাবা অমা ওইরে।

মরুপশিং,

খোঙজেল য়াঙনা অমসুং অথুবা মতমদা গ্রোথ লৌরিবা অসিমক ঐখোয়না খোঙফম চেৎখিবা অমসুং নীংহন্নবা লৈতনা হোৎনখিবদগী ওইথোক্লিবনি। ঐখোয়গী সরকারগী মতমদা ভারতনা খ্বাইদগী ইহান হানবা এগ্রি এক্সপোর্ত পোলিসী শেমখি। ঐখোয়না লৈবাক শিনবা থুংবা কোনবা লোজিস্তিক্স অমসুং ইনফ্রাস্ত্রকচরগী নেতৱর্ক অমসু শেমখ্রে।

 

ঙসিদি, খুঙ্গং অমসুং খুঙ্গংগী থাক্তা লৈবা মফম 100 হেনবদা এক্সপোর্ত হব লৈরে, মসিনা মরম ওইরগা জিলাশিংনা মালেমগী কৈথেলদা হকথেংননা পোত্থোক থাবা ঙমলে। মমাংদা, লৈবাক অসিদা মেগা ফুদ পার্ক অনিখক লৈরম্বনি। ঙসিদি, মসিগী মশিংনা 20দগী হেল্লে। ঐখোয়গী প্রোসেসিং কেপাসিতী অসি মমাংদা মেত্রিক তন লাখ 12 ওইরম্মি, ঙসিদি, মসিনা মেত্রিক তন লাখ 200দগীসু হেল্লে। মসিনা হায়বদি, চহি 9গী মনুংদা শরুক 15 হেন্না হেনগৎলে হায়বনি।

মালেমগী কৈথেলদা অহানবা ওইনা য়ৌবা পোত্থোক কয়া অমসু য়াওরি। খুদম ওইনা হায়রবদা – হিমাচল প্রদেশকী চনম অমুবা, কৎচকী দ্রাগোন ফ্রুইত নত্ত্রগা কমলম, মধ্য প্রদেশকী সোয়া মিক পাউদর, লদাখকী কার্কিচু শেম, পঞ্জাবকী কেবেন্দিশ লফোই, জম্মুগী গুচ্চী মশ্রুম, কর্নাতকাগী খোইহী অহিংবা। মীরম লৈবাক্তা য়াম্না পাম্নবা মসিগুম্বা পোত্থোক কয়া ঐখোয়না থাদোক্লে। মসিনা হায়বদি, ঐখোয়গী ওইবা মালেমগী অচৌবা কৈথেল অমা লৈরে হায়বনি।

মরুপশিং,

ভারতকী মনুংদসু ৱাফম অমা থোক্লকলি। ঐহাক্না মসিদা মীয়ামগী পুক্নিং চীংশিনবা পাম্মি। ঙসিদি, ভারত্তা অর্বানাইজেসন অসি খোঙজেল য়াঙনা পাংথোক্লি। খুদোংচাবা হেনগৎলকপগা লোয়ননা, য়ুমগী মপান্দা থবক তৌবা মীওইশিংগী মশিংসু য়াম্না হেনগৎলক্লি। মসিনা মরম ওইরগা, পেকেজ ফুদকী দিমান্দ য়াম্না হেনগৎলে। মসিনা ঐখোয়গী লৌমী, স্তার্তঅপ অমসুং অপীকপা ইন্তর্প্রাইসশিংগী মফমদা হান্না লৈরমদবা খুদোংচাবা কয়া লৈহল্লে। মসিগুম্বা খুদোংচাবা, মিৎয়েং শানবা পোলিসীশিংদা অদোমগী থৌরাংশিংসু য়াম্না পাক চাউবগী মথৌ তারি।

 

মরুপশিং,

ফুদ প্রোসেসিং সেক্তরদা উরিবা ভারতকী শাহৌগী ৱারি অসিদা মরু ওইবা ফম্বাক অহুম য়াওরি। অপীকপা লৌমী, স্মোল স্কেল ইন্দস্ত্রী অমসুং নুপীশিং। অপীকপা লৌমীশিংনা শরুক য়াবা অমসুং মখোয়না খুদোংচাবা হেন্না ফংহন্নবগীদমক্তা ঐখোয়না ফার্মর প্রদ্যুস ওর্গনাইজেসন (FPO) অসিবু কান্নবা প্লেতফোর্ম অমা ওইনা শিজিন্নরি। ঐখোয়না ভারত্তা অনৌবা FPO 10,000 শেমহল্লি, মসিগী মনুংদগী লিশিং তরেত্তী হান্ননা শেম্বা লোইখ্রে। মসিনা লৌমীশিংনা কৈথেলদা য়ৌবা অমসুং প্রোসেসিং তৌবগী খুদোংচাবশিংবু হেন্না খুমাং চাউশিনহল্লি। স্মোল স্কেল ইন্দস্ত্রীশিংনা শরুক য়াবগী চাং হেনগৎহন্নবা, চাউরাক্না মাইক্রো ইন্তর্প্রাইস লাখ অনিবু ফুদ প্রোসেসিং তৌনবগীদমক্তা শেমখ্রে। ৱান দিস্ত্রিক্ত ৱান প্রদক্ত – ODOPগুম্বা স্কিমশিংনা অপীকপা লৌমী অমসুং স্মোল স্কেল ইন্দস্ত্রীশিংদা অনৌবা শক্তাক অমা পীরে।

মরুপশিং,

ঙসিদি, ভারতনা মালেমদা নুপীনা লমজিংদুনা চাউখৎপা পুরকপগী লম্বী তাক্লি। ভারতকী শেন্মিৎলোন্দা নুপীশিংনা শরুক তম্বগী চাংসু লেপ্তনা হেনগৎলক্লি। ফুদ প্রোসেসিং ইন্দস্ত্রীনসু মসিগী কান্নবা ফংলি। ভারত্তা ঙসি সেল্ফ হেল্প গ্রুপ করোর মাপন্দগী হেন্না লৈরে। মমাংগী চহি লিশিং কয়াদগী, ফুদ সাইন্সকী মকোক থোংবা সাইন্তিস্তশিং অসি নুপীনা ওইদুনা লাক্লি হায়বা অদোমসু খঙলবনি। ঐখোয়না চিঞ্জাক মখল কয়া উরিবা অসিসু ভারতকী নুপী সাইন্তিস্তশিংগী স্কিল অমসুং লৌশিংদগী ফংলিবনি। অচার, পাফোর, চিপ্স, মুরব্বাগুম্বা পোত্থোক কয়া অমা নুপীশিংনা মশাগী য়ুমদুনা শেম-শাদুনা কৈথেলদা মরাং কায়না ফংহল্লি।

ভারতকী নুপীশিংগী মফমদা ফুদ প্রোসেসিং ইন্দস্ত্রীবু লুচিংবা ঙম্বগী পোকপদগী পীথোকচরক্লবা মতিক মগুন লৈজৈ। মরম অদুনা, নুপী, কোত্তেজ ইন্দস্ত্রী অমসুং সেল্ফ হেল্প গ্রুপশিংবু থাক খুদিংদা তেংবাংদুনা খুমাং চাউশিনহল্লিবনি। ঙসিগী থৌরম অসিদসু, নুপীশিংনা চলায়জরিবা সেল্ফ হেল্প গ্রুপ লাখ অমা হেনবগী মফমদা লুপা করোর কয়াগী সীদ কেপিতেল পীরি, অদুগা ঐহাক্না হৌজিক তেক্নোলোজী শিজিন্নদুনা মফমসিদগী মখোয়গী একাউন্ততা শেল হাপখ্রবনি। ঐহাক্না নুপীশিং অসিবু অখন্নবা ওইনা থাগৎচরি অমসুং য়াইফ পাউজেলসু পীজরি।

 

মরুপশিং,

ভারত্তা কলচরেল দাইবর্সিতী অমা লৈরিবা অসিগা চপ মান্নবা মওংদা ফুদ দাইবর্সিতীসু লৈরিবনি। ঐখোয়গী মসিগুম্বা ফুদ দাইবর্সিতী অসিনা মালেমগী ইনভেস্তর খুদিংগী শেল হেন্না তানবগী থোওং অমসু ওইরি। ঙসিদি, মালেম্না ভারত্তা থৱাই চঙবা হেল্লিবমখৈ, অদোম খুদিংগী খুদোংচাবসু হেনগৎলক্লি। মালেমগী ফুদ ইন্দস্ত্রীনা ভারতকী চিঞ্জাক্কী চৎনবীদগী তমজগদবা য়াম্না লৈরিবনি।

পুন্সি খুদিংগী শরুক অমা, নত্ত্রগা ইমুংশিংগী ৱাখল্লোনগী শরুক অমা মতম পুম্বদা ওইদুনা লাক্লিবা ৱাফম অমা ঐখোয়গী লমদমসিদা লৈরি। ঐখোয়গী হায়নবী অমা লৈ – ‘য়থা অন্নম, তথা মন্নম’। মসিনা হায়বদি, ঐখোয়না চারিবা অদুগা মান্ননা ঐখোয়না ৱাখল খল্লি হায়বনি। অদুনা, চিঞ্জাক্না হকচাংগী নুংঙাই য়াইফবগী হীরম ওইবতা নত্তনা, ঐখোয়গী মেন্তেল হেল্থতসু মরু ওইবা থৌদাং য়াই। ভারতকী সস্তেনেবল ওইবা ফুদ কলচর অসিদি চাউখৎ থৌরাংগী চহি লিশিং কয়াগী খোঙচৎকী মহৈনি। ঐখোয়না ইপা-ইপুশিংনা চাবা থকপগী হৈনবীবু আয়ুর্বেদগা মরী লৈনহল্লমখি। আয়ুর্বেদদা হায়বা অমা লৈ – ‘ঋত ভুক’ – কুমগী মখা পোন্না চা-থকপা, ‘মতি ভুক’ – বেলেন্স দাইত, অমসুং ‘হতি ভুক’ – হকশেলদা কান্নবা চিঞ্জাক। মসিদি ভারতকী সাইন্তিফিক ওইবা ৱাখল্লোনগী মরু ওইবা শরুক অমনি।

হৱাই-চেংৱাইগী লল্লোন ইতিকশিং অসিগী খুত্থাংদগী মালেম্না ভারতকী মসিগুম্বা লৌশিংদগী কান্নবা ফংগনি, অদুগা অখন্নবা ওইনা, মরু-মরাংগী লল্লোন ইতিক্তগী মরু ওইনা লৌশিং অসি চহি চা কয়াদগী ফংদুনা লাক্লিবনি। ঐখোয়না ঙসি গ্লোবেল ফুদ এক্যুরিতীগী ৱারি শাবা, গ্লোবেল হেল্থকী মতাংদা য়াম্না লুনা খল্লিবা অসি য়েংলুরবদি, ঐখোয়গী ফুদ প্রোসেসিং ইন্দস্ত্রীশিংনা সস্তেনেবল ওইবা অমসুং অফবা চিঞ্জাক চাবগী হৈনবগী মসিগুম্বা অরিবা লৌশিং অসি নীংথিনা খঙবগী মথৌ তারে। মসিবু থবক্তা ওন্থোকপগী মথৌ তারে।

ঐহাক অদোমগী মফমদা মিল্লেৎকী খুদম অমা পীজগে। মালেম্না চহি খুদিংগী মিল্লেৎকী চহি পাংথোক্লি। মিল্লেতনা ঐখোয়গী সুপরফুদ বক্কেৎকী শরুক অমা ওই হায়বসি পুম্নমক্না খঙলবনি। ঐখোয়না ভারত্তা মসিবু শ্রী অন্না হায়বা শক্তাক পীরি। সিভিলাইজেসন কয়া অমনা মিল্লেত্তা চহি চা কয়াদগী অহানবা প্রাইওরিতী পীদুনা লাক্লি। অদুবু, মমাংগী দিকেদ খরদগী, ভারত য়াওনা অতোপ্পা লৈবাক কয়াদা মিল্লেত অসি ফুদ হেবিত্তগী মাঙশিল্লক্লি। মসিনা গ্লোবেল হেল্থতা য়াম্না চাউবা অকায়বা পী। লোয়ননা, সস্তেনেবল ওইনা লৌ-উবা, সস্তেনেবল ইকোনোমীদসু মসিগী চৈথেং ফংলে।

ভারতনা হৌদোক্তুনা মালেমদা ঙসিদি মিল্লেৎকী মতাংদা এৱিয়র্নেস শন্দোক্নবা খোঙথাং অমা হৌদোকখ্রে। মালেমগী য়োগ নুমিৎনা য়োগবু মালেমগী কাচিন কোয়া খুদিংদা য়ৌহনখিবগুম্না মিল্লেৎপুসু মালেমগী মফম খুদিংদা য়ৌহনবা ঙমগনি হায়না ঐহাক্না থাজৈ। ভারতনা G20দা মালেমগী লুচিংবা কয়াবু হন্দক্তা য়ুম্বু ওইখি, মদুদা পুম্নমক্কী পুখুমদা মিল্লেৎকী মথেল য়াওবা মখৈ থাক ৱাংনা মিল্লেৎপু পুখৎখি।

 

ঙসিদি, ভারতকী চাউর-চাউরবা কম্পেনী কয়ানা মিল্লেত্তগী শেম্বা প্রোসেস তৌরবা চিঞ্জাক কয়া কৈথেলদা য়ৌহল্লে। মাইকৈ অসিদা অহেনবা খুদোংচাবা কয়া থোক্লকহন্নবা, শ্রী অন্নাবু ফুদ মার্কেতকী শরুক চাউনা কনবা ঙমহন্নবা অদোম্না খন্নবীয়ু, অপুনবা রোদমেপ অমা শেম্বীয়ু, অদুগা মদুনা লৌমী অমসুং ইন্দস্ত্রীশিংবুসু কান্নবা ফংহল্লু।

মরুপশিং,

কনফরেন্স অসিদা, ফ্যুচরিস্তিক সবজেক্ত কয়া অমা অদোমগী মাঙদা খন্ন-নৈনগদৌরি। ইন্দস্ত্রী অমসুং মালেমগী অপাম্বশিংবু খঙদুনা অদোম্না ৱা খন্নবীয়ু অমসুং পুম্নমকপু মাইকৈ অদুদা পুবীয়ু। খুদম ওইনা হায়রবদা, G20না নই-দিল্লী দিক্লারেসন্দা সস্তেনেবল ওইবা লৌউ-শিংউ, ফুদ সেক্যুরিতী অমসুং ন্যুত্রিসন সেক্যুরিতীদা অহেনবা মিৎয়েং চঙলি। ফুদ প্রোসেসিংগা মরী লৈনবা পার্ত্নর খুদিংগী হীরম অসিদা অচৌবা থৌদাং লৈরি। ঐখোয়সু মসিগীদমক্তা শেম শাদুনা লৈবগী তঙাই ফদবা লৈরিবনি।

ঐখোয়না লৈবাক্কী অঙাং, নুপীমচা অমসুং মীরোনবী করোর 10দগী হেনবগী মফমদা মচি ওইবা চিঞ্জাক পীজরি। দাইবর্সিফাইদ ফুদ বাস্কেত অমগী মাইকৈদা ঐখোয়গী চিঞ্জাক য়েন্থোকপগী প্রোগ্রাম্বু পুবগী মতমদু হৌজিক লাক্লে। মসিগা মান্ননা, ঐখোয়না ফুদ-হার্ভেস্ত-লোস অসিসু হন্থহনবা তাবনি। পেকেজিং নীংথিনা তৌবা ঙম্নবা অফবা তেক্নোলোজী পুরক্নবা ঐখোয়না হোৎনবা তারি। চিঞ্জাক লেমহন্দনবা হোৎনবা হায়বসিনা সস্তেনেবল ওইবা পুন্সি মহিং হিংবদা অচৌবা শিংনবা অমসু ওইরি। ঐখোয়গী পোত্থোকশিং অসি লেমদনবা মওংদা শেম শাগদবনি।

মসিদা তেক্নোলোজীগী মরু ওইবা থৌদাং অমুক য়াওরি। ঐখোয়না য়াম্না থুনা অমাঙ-অতা থোকপা পোত্থোকশিংগী প্রোসেসিংদা অহেনবা মিৎয়েং চঙবা তাই। মসিদগী পোৎ মাঙবসু হন্থগনি, লৌমীশিংদসু কান্নগনি, অদুগা মমল য়াম্না হোংবগী মতৌসু থিংবদা মতেং ফংগনি। ঐখোয়না লৌমীশিংগী অপাম্বা অমসুং কঞ্জ্যুমরশিংগী পেনবগী মতৌগী মরক্তা মান্নবা খল অমা পুরকপা তাই। মসিগুম্বা হীরম শিং অসি থৌরম অসিদা শোইদনা খন্নগনি হায়বগী ঐহাক্না থাজবা থম্মি। মসিদগী লাক্কদৌরিবা ৱারোইশিন অসিনা সস্তেনেবল ওইবা অমসুং ফুদ সেক্যুরিতী লৈবা তুংগী মতমগী মালেম অমগী ফম্বাক শেমগনি।

 

ঐহাক্না পুম্নমকপু অমুক্কা হন্না থাগৎচরি। ঙসিগা মরী লৈনবা হীরমগী মতাংদা খঙবা, খঙবা পাম্বা  দিল্লী অমসুং দিল্লীগী মনাক নকপগী মীওইশিং, এগ্রিকলচর য়ুনিভর্সিতী মহৈরোই ওইরো, স্তার্তঅপ মালেমগী মীওই ওইরো, লৌমীগী লুপকী মীওই ওইরো, ঐহাক্না করিগুম্বা খরা হায়জনীংই। মসিগী থৌরম অসি নুমিৎ হুম্নি চত্থগনি, অদোম শোইদনা লাকপীয়ু, পুং মরি মঙা কাইথোকপীয়ু, অদুগা মালেম অসি কয়া য়াম্না খোঙজেল য়াঙনা হোংলি হায়বা য়েংবীয়ু। ঐখোয়গী লবুক্তা শিজিন্নরিবা পোৎলম খুদিংবু মওং কয়া য়াম্না শিজিন্নবা য়াবগে, ভেল্যু ইদিসন তৌদুনা ঐখোয়গী শেন্থোক কয়া য়াম্না হেনগৎহনবা য়াবগে হায়বা ৱাফম খুদিংমক মফমসিদা লৈরবনি।

ঐহাক্না ফংজবা মতম খরসিদা ঐহাক্না উজখিবা খুদিংমক ইথিল পীনিংঙাই ঙাক্তনি। ঐহাক্না হায়জনীংবদি, স্তোল খুদিংদা চৎপীদুনা অদোম্না য়েংলিবা/উরিবশিংবু মীয়ামদা খঙহনবা, ভেল্যু ইদিসন তৌবগী থবকশিংদি অদোম্না পাংথোকপা য়াই। অদুগা ঐহাক্না লৈবাক মীয়ামদসু হায়জগনি, দিল্লী লাকপা য়াবা ওইরবদি, নুমিৎ হুম্নিখক কাইথোকপীদুনা অশুক চাউনা পাংথোক্লিবা থৌরম অসিগী কান্নবা লৌবীয়ু। থাজবা অসিগা লোয়ননা ঐহাক্না মীয়ামদগী কায়নবগী য়াথং নিজরি। পুম্নমকপু হন্না হন্না থাগৎচরি।

থাগৎচরি!

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
EPFO Payroll data shows surge in youth employment; 15.48 lakh net members added in February 2024

Media Coverage

EPFO Payroll data shows surge in youth employment; 15.48 lakh net members added in February 2024
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 21 এপ্ৰিল, 2024
April 21, 2024

Citizens Celebrate India’s Multi-Sectoral Progress With the Modi Government