Share
 
Comments
Performs pooja and darshan at Akshardham Temple
“India’s spiritual tradition and thought has eternal and universal significance”
“Journey from Vedas to Vivekananda can be witnessed today in this centenary celebration”
“Supreme goal of one’s life should be Seva”
“Tradition of getting a pen to file nomination from Swami Ji Maharaj has continued from Rajkot to Kashi”
“Our saintly traditions are not just limited to the propagation of culture, creed, ethics and ideology but the saints of India have tied the world together by emboldening the sentiment of ‘Vasudhaiva Kutumbakam’”
“Pramukh Swami Maharaj Ji believed in Dev Bhakti and Desh Bhakti”
“Not ‘Rajasi’ or ‘Tamsik’, one has to continue moving while staying ‘Satvik’”

জয় স্বামীনারায়ন!

জয় স্বামীনারায়ন!

পরম পুজ্য মহন্ত স্বামী জী, ইকায়খুম্নরবা লম্বোবশিং, গভর্নর শ্রী, মুখ্যমন্ত্রী শ্রী অমদি মফমসিদা তিনবিরিবা সতসঙ্গী ইমুং পুম্নমক, পুৱারী ওইরগদবা থৌরম অসিদা হকথেংননা শরুক য়াবা ফংজবা অমদি সতসঙ্গী ওইনবগী তাঞ্জা ফংজবা ঐগী লাইবক ফবনি‍। অসুক চাউখ্রবা থাক্তা অমদি থা অমা চুপ্না চত্থরিবা থৌরম, অদুগা থৌরম অসি তিল্লিবা মীশিংখক্তা নত্তনা মতম শাংনা চত্থরিবা অসিনা অচৌবা থৌরম ওইহনবনি হায়না ঐনা খল্লি‍। অদুবু মফমসিদা ঐনা লেনখিবা মতমসিদা মফমসিদা লাইফমগুম শেংলবা মফম অমগী ইথিল ঐঙোন্দা পোকখি‍। মফমসিদা অচৌবা ৱাখলগী ইথিল অমা লৈরি‍। মফমসিদা ঐখোয়না নাৎ, ঐখোয়গী পারী পুরীগী লন, ঐখোয়গী লাইনিং পরম, ঐখোয়গী চৎনবী, ঐখোয়গী নাৎ, ঐখোয়গী মহৌশা পুম্নমক শুনা তিল্লরে‍।

মফমসিদা ভারতকী মচু খুদিংমক উবা ফংলি‍। অসিগুম্লবা থৌরম অসিদা থৌরম অসিগী ৱাখল্লোন শাগৎলিবা অমদি মসিবু অশেংবা ওইনা পাঙথোক্নবগীদমক হোৎনরিবশিং অসিগীদমক ইকায়খুম্নরবা লম্বোইবশিংগী খুয়াখাদা ইকোক নোঞ্জরি‍। ঐনা মখোয়গী মফমদা থম্মোয়নুংদগী নুংঙাইবা ফোঙদোকচরি অমদি মহন্ত স্বামী জীগী থৌজালদগী চাউখ্রবা থৌরম অসি পাঙথোক্লি অমদি মসিনা লৈবাক অসিগী, মালেম অসিগী পুক্নিং চিংশিনবতা নত্তনা লাক্কদৌরিবা মীরোলশিংদসু ইথিল পীরগনি অমদি পুক্নিং থৌগৎলগনি‍।

জনুৱারী ১৫ ফাওবা মালেম পুম্বদগী ঐগী ইপা শক্লবা ইকায়খুম্নরবা অথোয়বা স্বামী জীবু ইকায়খুম্নবা উৎননবা মফমসিদা লাক্নগদৌরি‍। তিল্লিবা ময়ামগী মরক্তগী ময়া অমদি খঙবিরমগনি, য়ু.এন.দসু, য়ুনাইতেদ নেসন্সতসু প্রমুখ স্মামী জীগী চহি চাম্ম শুরকপা কুমওন থৌরম পাঙথোকখি অমদি মসিনা মহাক্কী ৱাখল্লোন কয়া য়াম্না মতিং লৈবগে, কয়ামুক য়াম্না মরুওইবগে হায়বগী খুদম্নি অমদি ঐখোয়গী অথোইবা লম্বোইবশিংনা লেঙবিরম্বা বেদদগী বিবেকানন্দ ফাওবগী পরিংবু প্রমুখ স্বামী জীগুম্বা অথোইবা লম্বোইবশিংনা মাঙদা পুখৎপিরম্বা, বসুদেব কুতুম্বকমগী ৱাখল্লোনবু ঙসি চহি চাম্ম ফারকপা নীংশিং থৌরম অসিদা মদুগী মশকসু উবা ফংলি‍। মফমসিদা লিংখৎলকখিবা ময়োল্লম, ঐখোয়গী চহি লিশিং কয়াগী অথোইবা লম্বোইবশিংগী চৎনবী, লম্বোইবা পুম্বগী চৎনবীশিং পুম্নমক অমত্তা ওইবা উবা ফংলি‍। ঐখোয়গী লম্বোইবশিংগী চৎনবী লাইনিং, জাৎ, চৎনবী অমদি ৱাখল্লোন অমখক্তদা লোইবা নত্তে‍। ঐখোয়গী লম্বোইবশিংনা মালেম পুম্ববু মরী শমজিন্ননবগীদমক বসুদেব কুতুম্বকমগী ৱাখল্লোন মপাঙ্গল কনহল্লম্মী অমদি হৌজিকসু ব্রহ্মবিহারি স্বামী জীনসু করিগুম্বা নুংগী ওইবা ৱাফম খরা তাকপিরিবা ঐগী লাইবক ফবনি‍। ঐনা অঙাং ওইরিঙৈদগী হৌনা অসিগুম্বা হীরমশিংদা ঐ পুক্নিং চঙদুনা লাকই, মরম অসিনা ঐনা লাপ্না লাক্তুনা প্রমুখ স্বামী জীগী মনাক্তা হেক হেক লাক্লম্মী‍। মহাক্কা য়াম্না নক্না লোয়নবা ফংলক্কনি হায়বা ঐনা কৈদৌঙৈদসু খল্লুদে‍। অদুবু মহাকপু লাপ্না উবা ফংজনবগী তাঞ্জা ফংবদা ঐ নুংঙাইখি, ঐনা মদুবু পামখি, ঐ চহি য়াম্না নৌরিঙৈ মতম্নি, অদুবু ঐঙোন্দা লাংতক্নবদি হেনগৎলকখি‍। চহি কয়াগী মতুংদা, ১৯৮১দা ওইরমগনি, অহানবা ওইনা ঐনা মহাক্কা ঐখক্তগা সতসঙ্ক অমা পাঙথোক্নবগী তাঞ্জা ফংখি অমদি অঙকপা মওংদা মহাক্না ঐগী মরমদা ঈ-পাউ খরা খোমজিলম্মী অমদি নুমিত্তুমা লাইনিং অমদি লাইগী মরমদা খন্নদনা, লাইনিং পরমগী মরমদা খন্নদনা, থৌগল, মীওইবগী থৌগলনচিংবা হীরমশিংদা মহাক্না লেপ্তনা ৱা ঙাংখি‍।

মদু ঐগী অহানবা উনজবনি অমদি ৱাহৈ খুদিংমক ঐগী থম্মোয়দা মমি তাখি অমদি থৌগলনা পুন্সিগী খ্বাইদগী ৱাংবা পান্দম ওইগদবনি হায়বা পাউতাক অমখক ঐঙোন্দা পীখি‍। মীওই অমনা অরোইবা য়াহিপ তান্দ্রিবা ফাওবা থৌগল তৌবা লেপ্লোইদবনি হায়খি‍। ঐখোয়গী পুরানশিংদা, মীওইবগী থৌগল তৌবসি নারায়নগী থৌগল তৌবনি হায়বিরম্মী‍। থৱায় পানবা খুদিংমক্তা সিভ লেঙশিন্দুনা লৈ, অদুবু মহাক্না অচৌবা লাইনিং পরমগী খন্নবা অদু অচম্বা ৱাহৈশিংনা ফোঙদোকখি‍। মহাক্না মীওই অমনা লৌশিনবা ঙম্বা চাংদা পাউতাক পীখি‍। মহাক্না অফাওবা সাইন্তিস্ত অব্দুল কলাম জীগুম্বা কয়াগসু উনখি অমদি মখোয়না অপেনবা ফাওখি অদুগা মহাক্না ঐগুম্বা অচম্বা সোসিএল ৱর্করশিংগসু উনখি অমদি অপেনবা পোকখি‍। মসি মহাক্কী ৱাখলগী পাক চাউবা মওং মতৌদু উৎপনি অমদি লাইনিংগী লম্বোইবা অমা ওইনা মহাক্কী মরমদা ৱাফম কয়া অমা হায়রম্বা খঙলম্বদি য়াই‍। অদুবু ঐগী ৱাখলদা মতম পুম্বদা লৈখিবা ৱাফমদি মহাক তশেংনমক খুন্নাইদা অওনবা পুরকপা পাম্বা মীওই অমনি, মহাক রিফোর্মিস্ত অমা ওইরম্মী অমদি ঐখোয়না মহাকপু নীংশিংবা মতমদা ঐনা মহাকপু তোঙান তোঙানবা মখলগী লীক্লুনা লেংলিবা পরেং অমা ওইনা উই‍।

অদুগা নুংগী মরী অদু মীওইবা খুন্নাই, তুংলমচৎ, চৎনরিবা মওং মতৌদা খেন্নবশিং কয়াবু লেংলিবা মরীনি‍। অদুগা মতমগী মঙলানশিং, মতম্না পুরকপা খুদিংমক লৌশিনবা, অঙকপা ফংনা নীংথিরবা মহাক্কী পুনশিনবা মতৌ, মহাক্কী মওং মতৌশিং তোপ তোপ্পী, মহাক্না মীওইবদা নুংগী অফবা অদুতবু মতম পুম্বদা পুক্নিং থৌগৎলি‍। মহাক্না কৈদৌঙৈদসু মসি তৌ, লাইগী মিংখৈ শোল্লু পুম্নমক অফবা ওইগনি হায়দে, নহাক্না অৱাৎপা কয়া থেংনরক্কনি, খুদোংচাদবা কয়া থেংনরক্কনি, অদুবু নহাক্কী নুংদা লৈরিবা অফবা অদুদা পুক্নিং চঙউ হায়না মহাক্না হেক হেক হায়বিরম্মী‍। মহাক্না ঈশিং চাইবগুম, হার হাপ্পিবগুম্না মতিং হাপ্পিরম্মী‍। নহাক্কী নুংদা লৈরিবা অফবদুখক্তনা নহাক্কী ফত্তববু মাঙহনবা ঙমগনি হায়না হেক হেক হায়বিরম্মী‍। অদুগা মওং অমদা, মহাক্না মসিবু মীওইবগী পুক্নিং ৱাখলদা অওনবা পুরক্নবগী পাম্বৈ অমা ওইনা শীজিন্নরম্মী‍। মহাক্না ঐখোয়গী খুন্নাইদা লৈরিবা মতম শাংলবা অনেম-অৱাংগী থাক খায়ববু মুত্থৎলম্মী অমদি মহাক্কী থম্মোয় শেংবা মওং মতৌনা পুম্নমক অসি ওইথোকপন‍ি‍। চুম্নগী মতম ওইরবসু, শিংনবনা থল্লবা মতম ওইরবসু পুম্নমকপু মতেং পাংদুনা, পুম্নমক্কীদমক পুক্নিং ৱাজদুনা, ইকায়খুম্নরবা প্রমুখ স্বামী জীনা মতম পুম্নমক্তা মীপুম খুদিংবু খুন্নাইগী য়াইফনবা থবক তৌনবগীদমক, মীমাঙ থানা থৌদাং য়ানবগীদমক পুক্নিং থৌগৎলম্মী‍। মোর্বীদা অহানবা ওইনা মাচ্চু দামদা খুদোংথিবা মায়োক্নবা মতমদা ঐ ভলুন্তিয়র ওইনা থবক তৌখি‍। মহাক্না ঐখোয়গী মকোক থোংবা গুরুশিং, লম্বোইবআ খর অমদি সতসঙ্কীশিংবু মফমদুদা থারম্মী অমদি মখোয়না লৈবাক কোত্থোকপা য়াওখি‍। মখোয় লৈখিদ্রবা মীওইশিং পোৎলোয়বা য়াওখি‍। ঐনা মুখ্য মন্ত্রী ওইনা ৱাশক লৌরবা মতুংদা ২০১২তা মহাক্কী মনাক্তা চৎখিবা ঐ নীংশিংলি‍। অয়াম্বা মতমদা ঐগী পুন্সিগী মরুওইবা তাঙ্কক অমা লাকপা খুদিং ঐনা প্রমুখ স্বামী জীগী মফমদা হেক হেক চৎলম্মী‍। মীওই খরখক খঙলমগনি ঐনা ২০০২গী মীখল থেংনবা মতম্নি‍। 

অহানবা ওইনা ঐ মীখল থেংনবা মতমনি, ঐনা অহানবা ওইবা নোমিনেসন ফাইল তৌবা মতম্নি, অমদি ঐ রাজকোৎকী মীহুৎ অমা ওইনবা হোৎনরিবা মতম্নি, ঐনা মফমদুদা চৎপদা লম্বোইবা অনি লৈরম্মী, মখোয়না ঐঙোন্দা উপু মচা অমা পীরম্মী, ঐনা মদু হাংদোকখি অমদি মনুংদা কলম অমা য়াওরম্মী, মখোয়না মদু প্রমুখ স্বামী জীনা থারকপনি, নহাক্না নোমিনেসনদা খুৎয়েক পীবদা মদু শীজিন্নৌ হায়রকই হায়রকখি‍। মদুদগী ঐনা কাসীদা মীখলগীদমক চৎখি‍।

মীখলগীদমক মিং থাজিনবা মতমদা খুৎয়েক পীনবগীদমক প্রমুখ স্বামী জীগী মনাক্তা চৎখিদবা মীখল অমত্তা য়াওখিদ্রি‍। অদুগা ঐনা কাসীদা চৎপা মতমদা, ঐঙোন্দা অঙকপা অমা থোকখি, কলম অদুগী মচুদু বি.জি.পি.গী ফিরালগী মচু ওইরমখি‍। মখুমদু অশংবা মচুনি অদুগা মনীংদুনা গেরুৱা মচুনি‍। মদুনা তাকপদি মহাক্না মদু নুমিৎ খরনি চেকশিন্না থম্লগা ঐঙোন্দা চপ মান্নবা মচুগী কলম অমা পীরকপা ওইরমগনি‍। শেংনা হায়রবদা মহাক্না ঐগীদমক্তা অদুক য়াম্না খনবিরমগনি হায়বা খল্লুদে, ময়ামসু মসি তাবদা শোয়দনা ঙকপিরমগনি‍। চহি ৪০সিদা প্রমুখ স্বামী জীনা ঐঙোন্দা কুর্তা-পজমা থারকখিদবা চহি অমত্তা য়াওখিদে, মসিমক ঐগী লাইবক ফবনি‍। মচা অমনা ফনা য়াম্না অচৌবা মী ওইরবসু, মমা মপাশিংগী মফমদদি অঙাং অদুমক ওইদুনা লৈ‍। লৈবাক অসিনা ঐবু প্রধান মন্ত্রী ওইহনবিখি অদুবু প্রমুখ স্বামী জীনা হৌদোকপিরম্বা ঐঙোন্দা ফিরোল থারকপগী চৎনবীদুদি লেপখিদে‍। মসি ইন্সতিত্যুস্নেল ওইবা নৎত্রগা লাইনিংগী ওইবা মরী নত্তে, মসি মপা মচাগী নুংশিনবা মরী, তৎন-থানবা য়াররোইদবা মরীদু শোয়দনা ওইগনি হায়না ঐনা খল্লি অমদি ঙসিমকসু মহাক্না লৈরিবা মফমদুদগী ঐবু শোয়দনা মীকুপ খুদিংমক য়েংশিনবিরমগনি‍।

ঐগী থবক থৌরমশিং চেকশিন্না শেন্নবিরমগনি‍। ঐনা মহাক্না তাকপিরম্বা লম্বী কায়দনা চৎলিবরা হায়বা মহাক্না শেন্নবিরমগনি‍। কত্চতা য়ুহা হাবদা, ঐনা ভলুন্তিয়র ওইনা থবক তৌখিবা মতমদা, ঐ মুখ্য মন্ত্রী ওইরক্কনি হায়বা করিসু খল্লুদে‍। অদুবু ঐনা মফমদুদা লৈরম্লিবা লম্বোইবশিং উনরুবদা, ঐনা মফমদু হেক য়ৌবগা করি করি চীঞ্জাক য়াওরবগে হংখি, মখোয়না অতৈ করিসু হায়দনা নহাক্না চৎলুবা মফম খুদিংদা নহাক্কী চীঞ্জাক ফংগনি হায়বিরকখি‍। নহাক্না অথেঙবা অহিংদা লাক্লবসু, চীঞ্জাক লৈরমগনি‍। ঐনা ভুজতা থবক তৌখিবা মতমদসু লম্বোইবশিংনা ঐগীদমক্তা ৱাবিখি‍। হায়বদি মখোয়গী মফমদা ঐবু নুংশিবিবগী ঈথিল লৈরম্মী, ৱাফম অসি লাইনিংগী ৱাফম নত্তে ইচম চম্বা মীওইবগী লীচৎকী ৱাফম্নি‍।

পুন্সিগী অরুবা তাঙ্কক কয়াদা প্রমুখ স্বামী মশামক্না ঐঙোন্দা ফোন তৌরক্তুনা ৱারী শানখিদবা তাঞ্জাম ইয়াও য়াওখিদে‍। মহাক্কী মমিং পনবা ভিদিও অমা ঐনা মঙোন্দা উৎখিবা ঐ নীংশিংলি‍। ১৯৯১-৯২দা স্রীনগরগী লাল চৌক্তা মচু অহুমগী ফিরাল চিংখৎনবা ঐগী পার্তীনা এক্তা য়াত্রা থৌরাং তৌখি‍। খোঙচৎ অদু দোক্তর মুর্লি মনোহর জীগী লুচিং মখাদা চৎখিবনি অমদি ঐনা মদুগী শিল লাংলিবশিং য়েংশিনখি‍। খোঙশান্দ্রিঙৈদা, ঐনা প্রমুখ স্বামী জীগী থৌজাল নিজখি, মরম অসিনা মহাক্না ঐনা কদায়দা চৎকদবা অমদি ঐনা করি তৌরিবা খঙলম্মী‍। ঐখোয়না পঞ্জাব ফাওদুনা চৎপা মতমদা, ঐখোয়গী খোঙচৎ অদুদা তেরোরিস্ত খুৎপু অমা য়াওরকখি, ঐখোয়গী খোঙলোয় খরা থৱায় থাখি‍। মদু লৈবাকসিগী য়াম্না নুংনাংনিংঙাই ওইবা তাঞ্জা অমনি, মফম কয়াদা নোংমৈ কাপ্পদা মীওই কয়া শিখি‍। মফমদুদগী ঐখোয়না জম্মু য়ৌখি‍। ঐখোয়না লাল চৌক্তা মচু অহুমগী ফিরাল চিংখৎখি‍। ঐনা জম্মুদা হেক থুংখিবগা, ঐঙোন্দা অহানবা লাকখিবা ফোন অদু প্রমুখ স্বামী জীদগী ওইখি, মহাক নুংঙাইরি, লাইনা থৌজানবিবা ওইসনু, নহাক্না অমুক লাক্লবদি ঐখোয় অমুক উনখিসি, নঙোন্দা করি থোকপগে হায়বদু ঐখোয় তাগে হায়না ইচম চম্বা ৱারী ৱাতায় শানখি‍। ঐনা মুখ্য মন্ত্রী ওইরবা মতুংদা মুখ্য মন্ত্রীগী শঙ্গায়দা লৈবা ঐগী য়ুম, অক্সরধামগী মমাঙদা মিতর ২০ খক্তমক লাপ্পা মফমদা ঐ লৈখি‍। ঐনা চত্থোক চৎশিন তৌবদা অক্সরধামগী চীংদোল য়েংজরগা চত্থোক চৎশিন তৌখি‍। তেরোরিস্তশিংনা সহজ-নিত্য নত অমদি অক্সরধামদা লান্দারকখি, অমদি ঐনা প্রমুখ স্বামীজীদা ফোন তৌখি‍। য়া্ম্না চাউবা লান্দা অমনি, লান্দা অদু অক্সরধামদা চত্থখিবনি, লম্বোইবশিংদা করি থোক্লমগনি, নোংমৈ কয়াসু কাপখি, কনা কনা শোক্লবনো হায়বা করিসু খঙদবনা য়াম্না নুংনাংনিংঙাই ওইখি‍। অদুগুম্বা লাংফমগী মতমদুদা, অচৌবা তেরোরিস্ত লান্দা অদুদা মীওই কয়া শিখি‍। ঐনা প্রমুখ স্বামী জীদা কোল তৌবদা মহাক্না করি হায়রকখিবগে হায়বদা, ইনাউ, নহাক্কী য়ুম নঙগী মাঙদা লৈরে‍। নঙোন্দা করিসু খুদোংচাদবা থোক্তবা নত্তরা? পাবুং, অদোম্না লাংফমগী পুংফম অসিদা ঐগীদমক্তা ৱাবিরি হায়না ঐনা হায়খি‍। মদুদা মহাক্না লাইদা থাজৌ, পুম্নমক য়াইফবা ওইগনি‍। থাজবা মফমদা লাই লৈবনি, মীওই অমা হেক্তা ওইসনু অদুগুম্বা পুংফমদুদা পুক্নিং ফাথনা লৈবা ঙম্বা হায়বসি লাইনিং পরমগী মতিং য়াওদনা ঙম্বা নত্তে‍। মতমদুদা ৱাফমদু প্রমুখ স্বামীনা মহাক্না তাকপিখিবা অমদি লাইনিং পরৈ চেৎপনা খুদম ওইনা তাকপিখি‍। অদুগা ঐনা ৱাফম অমা মতম পুম্নমক্তা নীংশিংখি, ঐনা মহাকপু ইপামক্নি খঞ্জখি, অদোম্নদি মহাকপু ঐগী গুরুনি খনবিরমগনি‍। অদুগা অতোপ্পা ৱাফম অমনা ঐগী পুক্নিং চিংশিনখি অমদি ঐনা মসি দিল্লী অক্সরধাম শাখিবা মতমদসু হায়খি, মরমদি কনাগুম্বা মীশক অমনা ঐঙোন্দা অক্সরধাম অসি য়মুনা তুরেল তোর্বান্দা লৈহনবা হায়বসি য়োগীজী মহারাজকী অপাম্বনি হায়খি‍। মহাক্না য়োগী জী মহারাজনা হায়বিরম্বা ৱাফমদু হায়রম্বা ওইরম্বদি য়াই, অদুবু মহাক্কী গুরুগী ৱাফম ঙাক্না হিংলিবা মনাই অমগী মতৌদু য়েংবিয়ু‍। য়োগী জী ঙসি তাইবংপানসিদা লৈত্রে, অদুবু মহাক্না য়োগী জী হায়বা ৱাহৈসিগা লোয়ননা হিংদুনা লৈরি মরমদি য়োগী জীগী মমাঙদা গুরু মকোকসু মনাইনি‍। ঐখোয়না মহাক্কী মতিংবু গুরু অমা ওইনা উরি, অদুবু ঐনদি মহাকপু মহাক্কী গুরুগী য়াথং ঙাক্লিবা মনাই অমনি হায়না উরি‍। অক্সরধাম য়মুনা তুরেল তোর্বান্দা শাদুনা ঙসিদি মালেম পুম্বদগী মীয়াম্না অক্সাধামদা লাক্লি‍। ঐখোয়না চহি কয়া চুপ্না চত্থরক্লিবা থবকশিং, ঐখোয়বু চহি কয়া পুক্নিং থৌগত্তুনা লাক্লিবা থবকশিংদগী ভারতকী পারী পুরীগী অথোইবা লনশিংবু খঙননবা ঐখোয় হোৎনসি‍। ঙসি মালেমগী মফম অমদা হেক্তা চৎপদা, লাইশঙ হায়বসি অনৌবা ওইদ্রে, লাইশঙশিং অসি চহি লিশিং কয়াগী মমাঙদগী শাদুনা লাকই‍। অদুবু ঐখোয়গী লাইশঙ শাবগী চৎনবী মতমগা চুনহন্নবা, লাইনিং অমদি মতমগী হোংলক্লিবা মচৎপু লাইশঙশিং শেমগৎপদা পুনশিনবা তাই‍। প্রমুখ স্বামী জীনা অথোইবা চৎনবী অমা হৌদোকপিরম্মী হায়বা ঐ খঙই‍। ৱাফম অসিদা মখোয়না থম্লিবা থাজবা অসিগী মরমদা ঐখোয়গী অহলশিং, ঐখোয়গী অনৌবা লম্বোইবা মীরোলগী পুক্নিংদা করি ফাওরমগদগে হায়বা মী কয়া অমদি খঙদে‍। ঙল্লিঙৈ মতমদা, সতসঙ্গী পুম্নমক পেন্দবা পোম্লম্মী, মখোয়না লম্বোইবা অমা ওইদুনা লম্বোইবা স্বামীনারায়নগী মতুং ইনবা পাম্লম্মী হায়বা ৱাফম অমা হায়নরম্মী‍। মসিদগী করিগুম্বা নহাক্না লম্বোইবা অমা ওইবা পাম্লবদি লম্বোইবা স্বামীনারায়ন ওইয়ু অদুগা নুংঙাইগনি হায়বা ৱারী অসি হায়নবা হৌরকখি‍। অদুবু প্রমুখ স্বামী জীনা লম্বোইদগী চৎনবীবু মপুং ফানা হোংদোকখি, স্বামী বিবেকানন্দ জীনা রামকৃষ্ণ মিসনগী খুত্থাঙদা লম্বোইবগী পুন্সিবু থৌগলগী মশক্লোমদা পাকথোক চাউথোকহনখি‍। প্রমুখ স্বামী জী লম্বোইবা অমনি, মহাক মশাগী নুংঙাইনবগীদমক ওইখিবা নত্তে, লম্বোইবা হায়বসি খুন্নাইগী য়াইফনবনি অমদি মহাক্না লম্বোইবা খুদিংমকপু শেম শাখি অমদি মফমসিদা লেঙশিনবিরিবা লম্বোইবা খুদিংমক্না খুন্নাইগী থবক্কীদমক মাঙজিল থানা হোৎনরি, মখোয়গী থৌদাং য়ারি‍। মসি শুপ্নতগী থৌজাল পীরগা অরান খুভম ফংবগী ৱাফম নত্তে, উমংদা চত্তুনা ত্রাইবেলশিংগীদমক থবক তৌগদবনি‍। মহৌশাগী খুদোংথিবা থৌদোক থোক্লকপা মতমদা মখোয়না ভলুন্তিয়র ওইনা থবক তৌই‍। হায়রিবা চৎনবী অসি হৌদোকপদা ইকায়খুম্নরবা প্রমুখ স্বামী মহারাজনা অচৌবা থৌদাং লৌবিরম্মী‍। মহাক্না লাইশঙশিংগী খুত্থাঙদা ঐখোয়গী শক্তম য়োকখৎনবা, মপাঙ্গল কনখৎহন্নবা অমদি পুক্নিং থৌগৎনবা মতম লৌবগুম লম্বোইবশিংগী য়াইফনবগীদমকসু মতম চপ চানা লৌখি‍। প্রমুখ স্বামীজীনা গান্ধী নগরদা লৈরম্বা য়াই, অহমদবাদতা লৈরম্বা য়াই, অচৌবা ময়োল্লম অমদা লৈরম্বা য়াই, অদুবু মহাক্না অয়াম্বা মতমদা সাহরনপুরদা লৈবা পামখি‍। মফমদু মসিদগী কিলোমিতর ৮০-৯০রোম লাপ্পী অমদি মফমদুদা মখোয়না লম্বোইবশিংগী শিন্দমশঙ লিংখৎনবা হোৎনখি অমদি ঙসি ঐনা অখরা অমা হেক্তদগী মীওইশিংগী উনবা মতমদা নখোয়না সাহরনপুরদা নুমিৎ নিনিদি চত্তুনা ঐখোয়গী লম্বোইবশিংনা করি করি তম্লিবগে, ঐখোয়গা মহাত্মাশিং কমদৌনা লৈবগে য়েংনবা হেক হেক হায়‍। মখোয়না লম্বোইবা মহাত্মাশিং উরুরগা হল্লক্লবা মতুংদা অমুকসু অদুম চৎখিগনি‍। হৌজিক মতমগী মতুং ইন্না, ঐখোয়না লোল তম্বিরি, ঐখোয়না ইংলিস লোল তম্বিরি, ঐখোয়না সংস্কৃৎ তম্বিরি, ঐখোয়না সাইন্স তম্বিরি, ঐখোয়না লাইনিংগী চৎনবীসু তম্বিরি‍। মসিগী মরমদা চাওখৎনবা মপুং ফানা হোৎনরগা, পুম্নমক অসি ঙম্বা লম্বোইবশিং খুন্নাইদা থোরক্কদৌরিবনি‍। অপাম মীহৌবা থাদোকপা মথৌ তাই, অপাম মীহৌবা থাদোকপা হায়বসি ৱাফম মচাদি নত্তে, মসিদা থৌনা চঙই‍। অদুগা মহাক্না লম্বোইবগী মপুং ফাবা চৎনবী অমা শেমগৎপগুম ভারতকী চৎনবীবু মালেম পুম্বদা তাক্নবগীদমক অক্সরধামগী খুত্থাঙদা হোৎনবিরম্মী‍। অদুগা ৱাফম অমনা, ইকায়খুম্নরবা প্রমুখ স্বামী জী মহারাজনা লম্বোইবগী চৎনবীগী খ্বাইদগী ফবা মতৌ পুথোক্নবগীদমক থৌওং অমা লিংখৎপিরম্মী‍। মখোয়না চহিচা কয়া হৌখ্রবসু অনৌবা লম্বোইবা মথং মথং লাক্তুনা মখা শমথহৌনবা ইন্সতিত্যুস্নেল মেকানিজম অমা শেমগৎপিরম্মী‍। অদুগা হায়রিবা থৌওং অসি তুংদা লাক্কদবা লম্বোইবা মীরোল কয়ানা অনৌবা চৎনবীশিং হাপচিনবা য়ানবা শেম্বিরমবা ঐগী মীৎমাঙদা উরি‍। অদুগা ঐনা থেংনরকপদা, মহাক্না লাই নীংজবা অমদি মরৈবাক নীংবগী মরক্তা খেন্নবা থম্বিরমদে‍। অদোম্না লাই নীংলবসু নৎত্রগা লৈবাক নীংবা ওইরবসু ঐগী ইফমদদি অনিমক সতসঙ্গীনি‍। লাইনিং পরিংদা চৎলিবা অদুসু সতসঙ্গীনি, অদুগা মরৈবাক নীংবগী লম্বীদা চৎলিবা অদুসু সতসঙ্গীনি‍। ঙসি, প্রমুখ স্বামী জীগী চহি চাম্ম ফারকপগী থৌরম অসিনা ঐখোয়গী অনৌবা মীরোলশিংগী পুক্নিং থৌগৎফম ওইরগনি অমদি ইখৌ লাংবা হেনগৎহল্লগনি‍। ঙসিগী মতমসিদসু অদোম্না প্রমুখ স্বামী জীগী পুন্সিগী মরমদা নৈনবদা, মহাক্না অচৌবা খুদোংচাদবা হায়বা অমা লৈগনি হায়বিরমদে, মহাক্না অচম্বা ৱাফমশিং ফোঙদোকপিরম্মী, পুন্সিদা কান্নরবা ৱাফম কয়া ফোঙদোকপিরম্মী অমদি য়াম্লবা মীওই কয়াগী মরী শেমগৎপিরম্মী‍। ঐঙোন্দা পাউদম্লকপদা মফমসিদা ভলুন্তিয়র লিশিং ৮০ লৈ হায়‍। ঐনা মফমসিদা লাকপদা, ঐখোয়গী ব্রহ্ম জীনা ভলুন্তিয়র ময়াম অসি প্রধান মন্ত্রী লাকপগীদমক থৌরাং তৌরিবনি হায়বিখি‍। ঐনা অদোমসু অথোইবা মীশক অমনি অদোম কাউবিরবরা হায়খি‍। ঐনা মহাক স্বয়মসেবক অমনি, ঐসু স্বয়মসেবক অমনি হায়দুনা ঐখোয় অনি খুৎ শোক্নখি‍। অদুগা ঐনা লিশিং ৮০সিদা অমগা হাপচিনবিরো হায়খি‍। হায়নিংবদি য়াম্মী, ঙসিদি মতম কুইরবা ৱাফম কয়া নীংশিংলক্লি‍। অদুবু ঐনা মতম পুম্নমক্তা প্রমুখ স্বামী জী লৈতবগী অৱাৎপদুদি ফাওদুনা লৈহৌরগনি‍। ঐনা মহাক্কা লোয়ননা থোইদোকপা অচৌবা থৌদাং অমত্তা পাঙথোকখিদে, ঐনা ৱাখল লৌশিং তানশিন্নবগীদমক করিসু তৌখিদে, ঐনা মফমসিদা লাক্তুনা ফমজবখক পামখি‍। খুদম ওইনা অদোম্না উ অমগী মখাদা ফম্বদা চোকথবা ফাওরকপা য়াওই, অদুগা করিগুম্বা উখাদুদা ফম্বদা নুংঙাইবা ফাওরবদি উ অদুনসু নফমদা করিগুম্বা খরা হায়বা হৌরকই‍। ঐনা প্রমুখ স্বামীগী মনাক্তা হেক হেক ফমবা মতমদা, খোংনাং পাম্বী অমগী মখাদা ফম্বগুম, লৌশিংগী পুক্কৈ অমগী খুয়াখাদা ফম্বগুম ফাওখি‍। ৱাফমশিং অসি ময়েক ওইনা ইথোকপা ঙমখিগদ্রা হায়বা ঐ খঙদে, অদুবু ঐগী নুংগী ওইবা পুন্সি খোঙচৎ অসিদি লম্বোইবগী চৎনবী, লাইনিংগী চৎনবী অমদি ইকায়খুম্নরবা য়োগী জী মহারাজ, ইকায়খুম্নরবা প্রমুখ স্বামী মহারাজ অমদি ইকায়খুম্নরবা মহন্ত স্বামী মহারাজনা পুন্দুনা চৎলি‍। অসিগুম্বা শেংলবা মফম অমদা খুরৌ চেল্লবা তাইবং অসিদগী ইশাবু ঙাকথোকচদুনা ঐগী থৌদাং পাঙননবগী থৌনা ফংজবা ঐগী লাইবক ফবন‍ি‍। অসিগুম্বা ইথিল অমা লেপ্তনা ফংদুনা লাক্লি অমদি মসিনা মরম ওইরগা মীওই অমনা কোনুংগী নুংঙাইবা তাল্লোইদবনি, কল্লক মিহৌবা তাল্লোইদবনি, মহাক্না শেংলবা থৌগল্লোই অমা ওইনবা হোৎনগদবনি‍। ময়ামগী মফমদা য়াইফ পাউজেল পীজরি‍।

স্বামীনারায়ন্না য়াইফরে‍।

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
Banking sector recovery has given leg up to GDP growth

Media Coverage

Banking sector recovery has given leg up to GDP growth
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 5 জুন, 2023
June 05, 2023
Share
 
Comments

A New Era of Growth & Development in India with the Modi Government