PM inaugurates and lays the Foundation stone for 24 projects related to Energy, Road, Railways and Water worth over Rs 46,300 crores in Rajasthan
The Governments at the Center and State are becoming a symbol of Good Governance today: PM
In these 10 years we have given lot of emphasis in providing facilities to the people of the country, on reducing difficulties from their life: PM
We believe in cooperation, not opposition, in providing solutions: PM
I am seeing the day when there will be no shortage of water in Rajasthan, there will be enough water for development in Rajasthan: PM
Conserving water resources, utilizing every drop of water is not the responsibility of government alone, It is the responsibility of entire society: PM
There is immense potential for solar energy in Rajasthan, it can become the leading state of the country in this sector: PM
ভারত মাতা কী জয়।
ভারত মাতা কী জয়।
গোবিন্দগী সহর অসিদা, গোবিন্দদেব জিগী মফমদা ঐনা কোক নোঞ্জরি। ময়াম পুম্নমক রাম রাম!
রাজস্থানগী রাজ্যপাল হরিবাবু বাগরে, রাজস্থানগী চীফ মিনিস্তর ভজনলাল শর্মা, ঙসি মধ্য প্রদেসতগী লাকপা ঐখোয়গী নুংশিরবা চীফ মিনিস্তর মোহন যাদব, ঐগী মরুপ সি.আর পতিল জি, ভাগিরথ চৌধুরি জি, রাজস্থানগী দিপুতি চীফ মিনিস্তর দিয়া কুমারি জি, প্রেম চান্দ ভাইরাভ জি, অতোপ্পা মিনিস্তরশিং, এম.পিশিং, রাজস্থানগী এম.এল.এশিং, অতোপ্পা শক্নাইরবশিং অমসুং রাজস্থানগী ঐগী নুংশিরবা ইনাওশিং অমসুং ইচলশিং। রাজস্থানগী পঞ্জয়ত লিশিং কয়াদা পুনলিবা, ভর্চুএল ওইনা ঐখোয়গা উনরিবা ঐগী ইনাওশিং অমসুং ইচলশিং।
রাজস্থানগী বি.জে.পি সরকার চহি অমা মপুংফারকপদা ঐনা রাজস্থান সরকার অমসুং রাজস্থানগী মীয়াম থাগৎপা ফোঙদোকচরি। চহি অমগী খোঙচৎ মতুংদা, থৌজাল পীনবা অদোম মিল্লিয়ন কয়া লাকখি অমসুং মদুগী মাইকৈ অদুদা ওপন জিপতা লাকপদা, পন্দলগীদা মীওই শরুক অহুম হেন্না উবা ফংখি। থৌরম অসিদা তিনখিবা মীওই লাখ কয়াগী থৌজাল ফংবা অসি মহাক্কী লাইবক ফবনি। ঙসিগী থৌরম অসি শুপ্নগী সরকার চহি অমা মপুংফারকপগী থৌরম নত্তে, মসিনা রাজস্থানগী অরংবা মঙালগী খুদমনি অমসুং রাজস্থানগী চাউখৎ-থৌরাংগী কুহ্মৈ অমনি। নুমিৎ খরগী মমাঙদা রাইজিং রাজস্থান সম্মিৎ ২০২৪ শরুক য়ানবা ঐ রাজস্থান্দা লাকখ্রে। থৌরম অদুদা মালেম শীনবা থুংবগী ইনভেস্তর কয়া শরুক য়াখি অমসুং ঙসিনা লুপা করোর ৪৬,৩০০ হেনবগী প্রোজেক কয়া শঙ্গারে। হায়রিবা প্রোজেকশিং অসিনা রাজস্থান্দা ঈশিংগী অৱাবশিং কোকহনগনি অমসুং রাজস্থান ভারতকী মনুংদা খ্বাইদগী লম্বী-থোং লৈনবা রাজ্য অমা ওইহনগনি। চাউখৎ-থৌরাংগী থবকশিং অসিনা ইনভেস্তরশিং হেন্না লাকহনগনি, থবক কয়া ফংহনগনি, তুরিজম চাউখৎহনগনি অমসুং রাজস্থানগী লৌমীশিং, নুপীশিং অমসুং নহারোলশিং কান্নবা কয়া ফংগনি। অহানবা চহি অসিদা তুংগী চহি কয়াগী চাউখৎ-থৌরাংগী য়ুম্ফম থোল্লে। রাজস্থান চাউখৎনবা অমসুং অনৌবা মাইকৈ অমা তাক্নবা রাজস্থানগী চীফ মিনিস্তর অমসুং মহাক্কী কাংবুগী থবক অসি থাগৎনিঙাইনি।
মরুপশিং,
ঙসি কেন্দ্র অমসুং রাজ্যদা লৈরিবা বি.জে.পিগী দবল ইঞ্জিন সরকারশিং ঙসি অফবা লৈবাক্কী খুদম অমা ওইরে। মখোয়গী সরকারনা থাজবা পীখিবা থবকশিং মখোয়না মাইপাক্না পাংথোক্কনি। ঙসিদি মীয়াম্না মহাক্কী দল অসি অফবা লৈঙাক্কী খুদম অমনি হায়না ফোঙদোক্লে অমসুং মসি রাজ্য কয়াদগী মীয়ামগী মতেং ফংবদগী ওইথোকপনি। থংন-থংননা মীয়ামগী সেবা তৌনবা মখোয়দা খুদোংচাবা পীবগীদমক ভারতকী মীয়াম থাগৎপা ফোঙদোকচরি। হৌখিবা চহি ৬০ অসিদা দল অমনা অহুমলক কেন্দ্র সরকার অমা শেম্বা লৈখিদ্রি। চহি ৬০গী মতুংদা ভারতকী মীয়াম্না কেন্দ্রদা অহুমলকশুবা ওইনা থংন-থংননা সরকার শেম্লে। লৈবাক অসিগী মীয়ামগী সেবা তৌনবা ঐখোয় থৌজাল ফংলে। নুমিৎ খরনিগী মমাংদা, অনিরকশুবা ওইনা মহারাস্ত্রাদা বি.জে.পিনা সরকার শেম্লে। মীখলগী ফলশিং য়েংলগা, অহুমলকশুবা ওইনা মেজোরিতি ফংলে। বি.জে.পিনা হান্নদগী হেন্না সিতশিং ফংলে। মসিগী মমাঙদা, হরিয়ানদা অহুমলকশুবা ওইনা বি.জে.পিনা সরকার শেমখ্রে। হরিয়ানাদশু মীয়াম্না ঐখোয়না মেজোরিতিদগী হেন্না পীরে। হন্দক পাংথোকখিবা রাজস্থানগী বাই-ইলেক্সনশিংদা মীয়াম্না বি.জে.পি শৌগৎপা ঐখোয়না উরে। বি.জে.পিগী থবক অমসুং থবক কনবা বি.জে.পিগী শিন্মীশিংদা ঙসি মীয়াম্না কয়া য়াম্না থাজবগে হায়বা মসিনা উৎলে।
মরুপশিং,
রাজস্থান অসি মতম শাংনা থবক তৌনবা বি.জে.পিগী খুদোংচাবা ফংবা রাজ্যনি। অহানবদা, ভাইরোন সিংহ সেখাৱাতনা রাজস্থানদা চাউখৎপগী অকনবা য়ুম্ফম অমা থোনখি। শ্রীমতি বসুন্ধারা রাজে সিন্দিয়ানা মহাক্কী মহুৎশীনখি অমসুং রাজস্থানগী মমাঙগী সরকারশিংগী অফবা লৈঙাক্কী চৎনবী অমা মাঙলোমদা মহাক্না পুখৎখি। হৌজিক অফবা লৈঙাক্কী চৎনবী অমা মখা তানা মপাঙ্গল কনখৎহন্নবা শ্রী ভজনলাল শর্মাগী সরকার অসিনা অকনবা থবক কয়া পায়খৎলে। হৌখিবা চহি অমদা পায়খৎখিবা থবকশিংদা মসিগী মমি তারে।
মরুপশিং,
হৌখিবা চহি অমদা করি থবক পাংথোকখি হায়বগী অকুপ্পা মফম অসিদা লৈরে। লায়রবা ইমুংশিং, নুপীশিং, শিন্মীশিং, বিশ্বাকর্মাশিং অমসুং নোমেদিক ত্রাইবশিংগী য়াইফনবা ৱারেপ কয়া লৌরে। মমাঙগী কংগ্রেস সরকারনা রাজ্য অসিগী নহারোলশিংদা অরানবা কয়া চৎথখি। পেপর লিক, থবক হাপ্পগী ৱাথোকশিং অসি হৌখিবা সরকারশিংগী শক্তম ওইখি। নহারোলশিং অৱাবা মায়োক্নখি অমসুং হৌজিক হৌখিবা সরকারনা পাংথোক্লম্বা থবকশিং চুমথোক্নবা থবক পায়খৎলে। রাজস্থান সরকারনা মসি থিজিনবা হৌরে অমসুং মীওই কয়া ফারে। মসি খক নত্তনা, হৌখিবা চহিদা রাজস্থান থবক লিশিং কয়া পীনবা খুদোংচাবশিং পীখ্রে অমসুং থবকশিং হাপ্নবা অরোন-অথুপশিং লৈতনা থবক লৌনবা চাংয়েংশিং পাংথোকখ্রে। হৌখিবা সরকারশিংগী মনুংদা রাজস্থানগী মীয়াম্না অতোপ্পা রাজ্যশিংগী মীওইশিংদগী পেত্রোল অমসুং দিজলগী মমল হেন্না পীখি। হৌজিক মীয়াম্না পাল্লিবা সরকার অসিগী মখাদা পেত্রোল অমসুং দিজলগী মমল তানা ফংলে। হন্দক কেন্দ্র সরকারনা পি.এম কিষান সম্মান নিধি য়োজনাগী মখাদা লৌমীশিংগী বেঙ্ক একাউন্তশিংদা হকথেংননা শেন হাপচিনখ্রে অমসুং লৌমীশিং মতেং পাংনবা রাজস্থান সরকারনা অহেনবা শেন হাপচিনখ্রে। লৈঙাক অসিগী ৱাশকশিং থবক ওইনা পাংথোক্তুনা কেন্দ্র অমসুং রাজ্য সরকারশিংনা ইনফ্রাস্ত্রকচর প্রোজেকশিং য়াংনা পায়খৎলে অমসুং ঙসিগী থৌরম অসি ৱাশক অদুগী শরুক অমনি।
মরুপশিং,
রাজস্থানগী মীয়ামগী থৌজালগা লোয়ননা, হৌখিবা চহি ১০ অসিদা কেন্দ্রদা মহাক্কী সরকারনা শক্তি পায়রে। হৌখিবা চহি ১০ দা মীয়ামগী পুন্সিদা থেংনরিবা অৱাবশিং হন্থহন্নবা ঐখোয়না লৈবাক অসিগী মীয়ামদা খুদোংচাবশিং ফংহন্নবা থবক কয়া পায়খৎলে। নিংতম্লবা মতুংদা চহি ৫০-৬০ মমাঙগী সরকারশিংনা পাংথোকখিবা থবকশিং অদুদগী হেন্না হৌখিবা চহি ১০ অসিদা মহাক্কী সরকারনা থবকশিং পাংথোক্লে। রাজস্থান্দগী মফম কয়াদা ইকংগী অৱাবা মায়োক্নখি অদুগা অতোপ্পা মফমশিংদা তুরেলশিং শীজিন্নদনা সমুদ্রদা তিনখি। মসিগী অৱাবা অসি কোক্নবা তুরেলশিং শম্ননবা অতল বিহারি বাজপায়না মঙলান অমা মঙখি অমসুং মসিগীদমক অখন্নবা কম্মিতি অমা শেমখি। থবক অসিগী পান্দমদি তুরেলশিংগী অহেনবা ঈশিং ইকং থোক্লিবা মফমশিংদা পুরকপনি, ঈশিং ইচাউ অমসুং ইকংগী অৱাবা অনিমক কোকহনবনি। থবক অসি সু্প্রিম কোর্তনশু শৌগৎখি অদুবু হৌখিবা সরকারশিংনা ঈশিংগী অৱাবশিং কোকহন্নবা হোৎনখিদে অমসুং মসিগী মহুত্ত রাজ্যশিংগী মরক্ত ঈশিংগী খৎনবা পুক্নিং থৌগৎখি। মসিগী কুতনিতি অসিদা রাজস্থান অৱাবা কয়া মায়োক্নখি, রাজ্য অসিগী ইমাশিং, ইচলশিং অমসুং লৌমীশিং অৱাবা মায়োক্নখি।
মরুপশিং,
ঐনা গুজরাতকী চীফ মিনিস্তর ওইরিঙৈদা সারদার সরোভর দাম লোইশিনখিবা অদু ঐন নিংশিংলি, নরমাদা তুরেলগী ঈশিং গুজরাত অমসুং রাজস্থানগী মফম কয়াদা পুনবা অচৌবা কেম্পেন অমা পায়খৎখি। অদুবু মতম অদুগী কংগ্রেস সরকার অমসুং এন.জি.ও খরনা মদু থিংনবা হোৎনখি। অদুবু ঐখোয়না ঈশিংগী মরুওইবা খঙখি। ঐগী ওইনা, ঐনা হায়রি মদুদি ঈশিং অসি পারসনি, পারসনা য়োৎতা শোকপদা সনা ওনবগুম, ঈশিংনা শোকপদা লৈবাক অসি অনৌবা থৌনা অমসুং শক্তি পী। ঈশিং ফংহন্নবা ঐনা চোকথবা নাইদনা হোৎনখি, অথিংবা কয়া মায়োক্নখি, মরৈ কয়া য়েৎলকখি, অদুবু ঈশিংগী মরুওইবা খঙখি। গুজরাত খক্তনা নরমাদা তুরেলগী কান্নবা ফংবগী মহুত্ত, রাজস্থানশু নরমাদা তুরেলগী কান্নবা ফংখি। অপনবা লৈখিদে, মেমোরেন্দম পীশিনখিদে, খোঙজং চঙশিনখিদে। দাম অসি শাবা হেক লোইবগা, গুজরাত্তা ঈশিং পীখি, মখোয়না রাজস্থানদা ঈশিং পীখি। ঐখোয়না ঈশিং ফংহনবগী থবক পায়খৎপা হৌখি। নুমিৎ খরনিগী মতুংদা, ভাইরোন সিংহ সেখাৱাত অমসুং জসৱান্ত সিংহ গুজরাত্ত লাক্কনি অমসুং চীফ মিনিস্তর উনবা পাম্মী হায়না চীফ মিনিস্তরগী ওফিসতা মেসেজ অমা খঙহৌদনা ফংখি। মখোয় করি মরমগীদমক লাকপনো হায়বা ঐ খঙখিদে। মখোয় ঐগী ওফিসতা লাকখি, করিগীদমক লাকপনো হায়না ঐনা হংখি… মহাক্না হায়খি, থবক অমতা লৈতে, নহাক উনবা লাকপনি হায়না মহাক্না হায়খি। মখোয় অনিমক ঐগী সেনিয়র লুচিংবশিংনি। মহাক ঐগী মাঙদা ফম্নবা লাকপা নত্তে, মহাক্না ঐ ইকায়খুম্নবা উৎপা পামখি, ঐ খজিক্তং ইকায়বা পোকখি। অদুবু মখোয়না ঐ ইকায়খুম্নখি, মখোয় অনিমক পুক্নিং নুংশিখি, মখোয়গী মীৎশিং পীরাং শিন্থখি। মহাক্না হায়খি, মোদী জি, অদোম ঈশিং পীবগী ৱাহন্থোক খঙলে, নহাক্না গুজরাতকী নরমাদা তুরেলগী ঈশিং রাজস্থান্দা য়াম্না লাইনা ফংহল্লে, মসিদা ঐগী থম্মোয় পেল্লে। মরম অদুনা রাজস্থানগী মীওই করোর কয়াগী থাগৎপা ফোঙদোক্নবা ঙসি ঐ নহাক্কী ওফিসতা লাকপনি।
মরুপশিং,
মসি মফম অদুদা ঈশিং কয়া য়াম্না মরুওইবগে হায়বগী ৱারি অমনি। হৌজিক জালোর, বারমর, চুরু, ঝুনঝুনু জোধপুর নাগৌর, হনুমানগরগুম্বা জিলাশিংদা নরমাদা তুরেলগী ঈশিং ফংবদা ঐ হরাওরে।
মরুপশিং,
মফম অসিদা হায়না অমা লৈ মদুদি অদোম্না নরমাদা জিদা ঈরুপ্লবদি অমসুং অকোয়বদা কোইনা চৎলবদি মীরোল কয়াগী পাপশিং চামথোক্কনি। অদুবু সাইন্সকী অঙকপশিং য়েংলবদি, মতম অমদা ঐখোয়না ইমা নরমাদা কোইনা চৎলমখি, ঙসিদি ইমা নরমাদা মশামক্না কোইনা চৎলে অমসুং হনুমানগর ফাওবা য়ৌরে।
মরুপশিং,
ইস্তর্ন কেনেল প্রোজেক (ই আর সি পি)… কংগ্রেসনা প্রোজেক অসি থেংদনবা হোৎনখিবা অসি কংগ্রেসকী ৱাখল্লোনগী হকথেংনবা খুদম অমনি। লৌমীশিংগী মিংদা মখোয়না অচৌবা থবকশিং পাংথোকখি। অদুবু মখোয়না লৌমীশিং নত্ত্রগা অতোপ্পশিংগী থবক অমতা তৌখিদে। বি.জে.পিগী থৌশিলদি ৱারি শানবনি, ৱাথোক ওইহনবা নত্তে। অথিংবা অমসুং অপনবা পীবগী মহুত্তা ঐখোয়গী সরকারনা মতেং পাংনবদা থাজবা থমখি। মরম অদুনা ঐখোয়গী সরকারনা ই.আর.সি.পি অয়াবা পীখি অমসুং শাংদোকখি। মধ্য প্রদেস অমসুং রাজস্থান্দা মখোয়গী সরকারশিং লাকপদগী, চম্বল তুরেল অমসুং মসিগী মশাশিং হায়বদি পার্বতি, কালিসিন্ধ, কুনো, বনাস, রুপারেল, গম্ভিরি অমসুং মেজ তুরেলশিং শম্ননবা পর্বতি-কালিসিন্ধ-চম্বল লিঙ্ক প্রোজেক য়ানবা অমা পুরক্লে। অদোম্না উরিবা ফোতো অসিদা, কেন্দ্রগী ঈশিংগী মন্ত্রী অমসুং রাজ্য অনিগী চীফ মিনিস্তরশিং উরিবা অসি অচম্বা ফোতো নত্তে। লাক্কদৌরিবা চহি কয়াদা, ভারতকী মফম কয়াগী রাজনিতিৱালাশিংদা ফোতো অসিনা ৱাহং হংগনি, ঈশিংগী অৱাবা কোক্নবা, তুরেল ঈশিংগী য়ানবা পুরক্নবা মধ্য প্রদেস অমসুং রাজস্থান পুন্না চৎমিন্নরে হায়না রাজ্য খুদিংমক্না হংগনি, অদোম্না তৌরিবা রাজনিতি অসি করম্বা মখলনো? করিগুম্বা ঈশিং অসি সমুদ্রদা তিনখ্রবদি, অদোম চে অমদা খুৎয়েক পীবা ঙম্লোই। ফোতো অসি তুংগী চহি কয়াদা লৈবাক শীনবা থুংনা উরগনি। লৈবাক্কী খনবা অমসুং থবক তৌবা মীওইনা মীয়ামগী থবক তৌনবা খুদোংচাবা ফংলকপা মতমদা, কনাগুম্বা অমনা মধ্য প্রদেসতগী ঈশিং পুরকই, কনাগুম্বা অমনা রাজস্থানদগী ঈশিং পুরকই। সুজলাম-সুফালাম শেম্নবা পুরুসারথা চৎনবী হৌরকখি। চহি অমা মপুংফারকপগী থৌরম ওইরবশু, তুংগী চহি কয়াগী অফবশিং ঙসিগী থৌরম অসিদা ইদুনা লৈহৌরগনি। পর্বতি-কালিসিন্ধ-চম্বল লিঙ্ক প্রোজেক অসিনা রাজস্থান অমসুং মধ্য প্রদেস অনিমক চাউখৎপা য়াংখৎহনবগা লোয়ননা রাজস্থানগী জিলা ২১ দা ইথৈ অমসুং থক্নবা ঈশিং পীগনি।
মরুপশিং,
নরমাদাগী ঈশিং গুজরাতকী তোঙান-তোঙানবা তুরেলশিংগা শম্নরে। অদোম্না অহমেদবাদতা চৎলবদি অদোম্না সবরমাতি তুরেল উবা ফংগনি। ঙসিদগী চহি ২০ গী মমাঙদা অঙাং অমদা সবরমাতগী এসে অমা ইনবা হায়রবদি। সবরমাতিদা সর্কসকী তেন্তশিং লৈখি হায়না ইগনি। মতম অদুদা নুংঙাইবা সর্কস সোশিং লৈখি। সবরমাতিদা ক্রিকেত শান্নবা য়াম্না নুংঙাইখি। সবরমাতিগী লৈঙোই য়াম্না ফবা ওইখি। মরমদি সবরমাতিদা ঈশিং অমতা উখিদে। ঙসিদি নরমাদা তুরেলদগী সবরমাতি তুরেল হিংলে অমসুং অদোম্না অহমেদবাদতা তুরেল তোর্বান উবা ফংলে। অসিগুম্বা ফজবা মফম খর ঐগী মীৎনা রাজস্থানদা উবা ফংগনি হায়না ঐনা থাজৈ।
মরুপশিং,
রাজস্থান্দা ঈশিংগী অৱাৎপা লৈতবা, রাজস্থানগী চাউখৎ-থৌরাংগী ঈশিং মরাংকাইনা লৈবা নুমিৎ অদু উনবা ঐনা পান্দম থম্লি। পর্বতি-কালিসিন্ধ-চম্বল লিঙ্ক প্রোজেক অসিনা রাজস্থান অমসুং মধ্য প্রদেস অনিমক চাউখৎপা য়াংখৎহনবগা লোয়ননা রাজস্থানগী জিলা ২১ দা ইথৈ অমসুং থক্নবা ঈশিং পীগনি। মসিনা রাজস্থান অমসুং মধ্য প্রদেস অনিমক্কী চাউখৎপা য়াংখৎকনি।
মরুপশিং,
ঙসি ইসারদা লিঙ্ক প্রোজেক উরেপ-উয়ুং তমখ্রে। হরিয়ানা অমসুং রাজস্থান অনিমক কান্নবা পীনবা তাজেৱালাদগী সেখাৱাতিদা ঈশিং পুরক্নবা য়ানবা অমা পুরক্লে। অথুবা মতমদা রাজস্থানদা য়ুমথোং চাদা ১০০ তোতি ঈশিং ফংলগনি হায়না ঐনা থাজৈ।
মরুপশিং,
ঐখোয়গী সি.আর পতিলগী লমজিং মখাদা অচৌবা কেম্পেন অমা পাংথোক্লি। মসি মহাক্না মেদিয়াদা ফোঙদোকখিদে। অদুবু ঐনা মহাক্কী থৌনা ফজনা খঙই। মীয়াম শরুক য়াবা কেম্পেন অমা হৌদোক্লে। নোংগী ঈশিং লোকশিন্নবা গুহাশিং তৌরে। মীয়াম শরুক য়াদুনা, ঙসি রাজস্থান্দা নোংগী ঈশিং লোকশিন্নবা থৌরাং তৌরে হায়বা ঐ খঙলে। হৌখিবা থা খর অসিদা ঈশিং তাংবা ভারতকী রাজ্যশিংদা নোংগী ঈশিং লোকশিন্নবা মফম লাখ অহুমলোম শেমগৎলে। মসিগী থবক অসিনা ঐখোয়গী মালেম ইমাগী ঈশিং খৌরাংবা কোকহন্নবা নোংগী ঈশিং তুংশিনগনি হায়না ঐনা থাজৈ। মফম অসিদা লৈরিবা মচানুপা অমতনা, মচানুপী অমতনা কৈদৌঙৈদা মখোয়গী মালেম ইমা ঈশিং খৌরাংহনবা পাম্লোই। ঐখোয়না ঈশিং খৌরাংবা ফাওরকপদা, ঐখোয়দা অপনবা পী, মদুগী খুদোংচাদবা অদুনা ঐখোয়গী মালেম ইমাদা শোকহল্লি। নোংগী ঈশিং মরিক খুদিংনা মালেম ইমাগী খৌরাংবা কোকহল্লি। মালেম ইমাগী থৌজাল হেক ফংবদা, মালেমগী শক্তি অমতনা ঐখোয় মাইথিবা পীবা ঙম্লোই। গুজরাত্ত জেন মহাত্মা অমা লৈরমবা অদু ঐ নিংশিংলি। চহি ১০০ গী মমাঙদা, মহাক্না ইখি, থক্নবা ঈশিং দুকান্দা য়োনবা মতম অমা লাক্কনি। মসি চহি ১০০গী মমাঙদা ইরমখিবনি।
মরুপশিং,
ঐখোয়গী তুংগী মীরোলশিং ঈশিং ৱাৎপদগী শিহন্দবা হায়বসি ঐখোয়গী থৌদাংনি। ঐখোয়গী তুংগী মীরোলশিংনা ঐখোয়না মখোয়দা ঈশিং শীন্নরসি, সুজলাম সুফালাম য়েহ হামারি ধর্তি মাতা। মসিগী অফবা থবক অসি পাংথোকপগীদমক ঐনা ঙসি মধ্য প্রদেসকী মীয়াম, মধ্যা প্রদেসগী সরকার থাগৎপা ফোঙদোকচরি। ঐনা রাজস্থানগী সরকার অমসুং রাজস্থানগী মীয়াম থাগৎপা ফোঙদোকচরি। হৌজিক মসিগী থবক অসি অপনবা লৈতনা মখা তানা পাংথোক্কদবনি। করিগুম্বা থৌরাংশিং মপুংফাদনা লোইশিল্লবদি রাজস্থানগী মরাইবক হোংখিগনি।
মরুপশিং,
২১শুবা চহিচাগী ভারত্ত নুপীশিংদা শক্তি পীবা অসি য়াম্না মরুওই। সেল্ফ হেল্প গ্রুপকী ইহৌ অসিনা নুপীশিংগী থৌনাগী খুদম অমা ওইরে অমসুং হৌখিবা চহি ১০ দা হায়রিব গ্রুপশিং অসিদা রাজস্থানদগী নুপী লাখ কয়া য়াওনা লৈবাক শীনবা থুংবগী নুপী করোর ১০ হেন্না শরুক য়াখ্রে। গ্রুপশিং অসিগা বেঙ্কশিংগা শম্নহন্দুনা মখোয়গী মপাঙ্গল কনখৎহন্নবা মখোয়গী সরকারনা চোকথবা নাইদনা হোৎনরি, গ্রুপশিং অসিদা পীবা শেন্থং লুপা লাখ ১০ দগী লুপা লাখ ২০ দা হেনগৎলে অমসুং লুপা করোর লাখ ৮ গী মতেং পাংখ্রে। খুঙ্গংগী শেন্মিৎলোন্দা শিংথানিঙাই ওইবা শাফু অমা ওইহন্দুনা, নুপীশিংগী গ্রুপশিং অসিগী পোৎথোকশিংগী অনৌবা কৈথেলশিং ফংহন্নবা অমসুং মখোয়দা ত্রেনিং পীনবা সরকারনা থৌরাং তৌরে। সেল্ফ হেল্প গ্রুপশিংদগী নুপী করোর অহুম “লাখপতি দিদি” ওইনা শেমগৎনবা হৌজিক সরকারনা থবক পায়খৎলি অমসুং নুপী করোর ১.২৫ মাঙজৌননা লাখপতি দিদি ওইখ্রে অমসুং চহি অমদা লুপা লাখ ১ হেন্না তাল্লে।
মরুপশিং,
নুপীশিংদা শক্তি পীনবা ঐখোয়না স্কিম কয়া পায়খৎলে। নমো দ্রোন দিদি স্কিমগী মখাদা নুপী লিশিং কয়া দ্রোন পাইলোতশিং ওইনা ত্রেন তৌরে। গ্রুপ লিশিং কয়া দ্রোনশিং ফংখ্রে অমসুং নুপীশিংনা দ্রোনশিং লৌ উবদা অমসুং শেন তানবদা শীজিন্নরে। স্কিম অসি খুমাঙচাউশিন্নবা রাজস্থান সরকারনা শিংথানিঙাই ওইবা থবকশিং পায়খৎলে।
মরুপশিং,
হন্দক, ঐখোয়না ইচলশিং অমসুং ইচানুপীশিংগী অতোপ্পা অচৌবা স্কিম অমা হৌদোক্লে। হন্দক নুপীশিংগী বিমা শখি য়োজনা কৌবা স্কিম অমা হৌদোকখ্রে। হায়রিবা স্কিম অসিগী মখাদা খুঙ্গংশিংগী নুপীশিং ইন্সুরেন্সকী থবক শরুক য়াগনি অমসুং ত্রেনিং ফংগনি। স্কিম অসিনা মখোয়দা শেন্থোক লৈহনগনি অমসুং লৈবাক্কী থবক তৌনবা অতোপ্পা খুদোংচাবা অমা পীগনি। বেঙ্ক শখিশিংনা লৈবাক অসিগী মফম কয়া বেঙ্কগী থবকশিং ফংহল্লে অমসুং বেঙ্ক একাউন্ত হাংদোকপা, মীয়ামদা লোনগী খুদোংচাবশিং ফংহনবদা মখোয়না মতেং পাংলি। হৌজিক বিমা শখিশিংনা ভারতকী ইমুং খুদিংমক ইন্সুরেন্সগী থবকশিংগা শম্নবদা মতেং পাংগনি। ঐনা কেমেরামেন্দা হায়জরি মদুদি চানবীদুনা অদোমগী কেমেরা অদু অতোপ্পা নাকলদা লৈথোকপীয়ু, মফম অদুদা মীওই মিল্লিয়ন কয়া লৈরি।
মরুপশিং,
বিকসিত ভারত অমা শেমগৎপদা তঙাইফদবা অমা ওইরিবা খুঙ্গংশিংগী শেন-থুমগী ফিবম ফগৎনবা ঐখোয়গী বি.জে.পি সরকারনা লেপ্তনা হোৎনরি। খুঙ্গংদা শেন্থোক লৈহন্নবা অমসুং থবক ফংহন্নবা থবক খুদিংমক মখোয়না মীৎয়েং চঙলি। ইলেক্ত্রিসিতি সেক্তরদা রাজস্থানগী বি.জে.পি সরকারনা থবক কয়া পায়খৎলে অমসুং মখোয়না নমদুনা অহিংদা ঈশিং চনবগী থবকশিং তোকহন্নবা অয়ুক-নুংথিলগী মতমদা লৌমীশিংদা ইলেক্ত্রিসিতি পীনবা রাজস্থান সরকারনা থবক পায়খৎলে।
মরুপশিং,
রাজস্থান্দা সোলার ইনর্জিগী খুদোংচাবা কয়া মরাংকাইনা লৈরি, হিরম অসিদা রাজ্য অসিনা লৈবাক অসিদা মাঙজিল থাবা ঙমগনি। ইলেক্ত্রিসিতি বিল জিরোদা হন্থহন্নবা সরকারনা সোলার ইনর্জি অসি পাম্বৈ অমা ওইহল্লে। কেন্দ্র সরকারনা পি.এম সুর্য়াঘর ফ্রি ইলেক্ত্রিসিতি স্কিম পায়খৎতুনা য়ুম মথক্ত সোলার পেনেলশিং থম্নবা লুপা ৭৮,০০০ পীরে। মসিগী ফংলকপা সোলার ইনর্জি অদু য়ুমশিংনা শীজিন্নগনি অমসুং অহেনবা অদুনা সরকারনা লৈগনি। স্কিম অসিগীদমক ইমুং করোর ১.৪ রেজিস্তার তৌরে অমসুং ইমুং লাখ ৭ রোম সোলার পেনেলশিং খিনখ্রে। রাজস্থানদা ইমুং ২০,০০০ রোম স্কিম অসিদা শরুক য়ারে অমসুং হায়রিবা য়ুমশিং অদুনা সোলার পৱার পুথোকপা হৌরে অমসুং মখোয়গী ইলেক্ত্রিসিতিগী বিলশিং কনবা ঙম্লে।
মরুপশিং,
য়ুম মথক্ত সোলার পেনেলশিং থম্বদা শেনগী মতেং পীবা খক নত্তনা লৌবুকশিংদা থম্বদশু সরকারনা মতেং পীরি। পি.এম কুসুম স্কিমগী মখাদা, তুংদা অনৌবা সোলার প্লান্ত কয়া লিংখৎনবা রাজস্থান সরকারনা থৌরাং তৌরে। ইমুং খুদিংমক অমসুং লৌমী খুদিংমক ইনর্জি পুথোকপা ওইরকপা মতমদা, ইমুং খুদিংমক ইলেক্ত্রিসিতিদগী শেন ফংলগনি অমসুং মখোয়গী শেন্থোক হেনগৎলগনি।
মরুপশিং,
রাজস্থান লম্বী, রেল অমসুং এয়রগী খুদোংচাবা খ্বাইদগী য়াম্না লৈবা রাজ্য ওইনবা ঐখোয়না থবক পায়খৎলে। অচৌবা উদ্যোগকী মফমশিং হায়বদি দিল্লি, বদোদারা অমসুং মুম্বাইগী মরক্ত রাজস্থান লৈরি অমসুং মসি রাজ্য অসিগী মীয়াম অমসুং নহারোলশিংগী অচৌবা খুদোংচাবা অমনি। হায়রিবা সহর অহুম অসিগা রাজস্থানগা শম্নবা অনৌবা এক্সপ্রেসৱে লৈবাক অসিদা খ্বাইদগী ফবা অমা ওইরগনি। মেজ তুরেলদা অনৌবা থোং অমা শাবা অসিনা সাৱাই মাধোপুর, বুন্দি, তোঙ অমসুং কোতা জিলাশিংদা কান্নবা পীরগনি। থোং অসিনা হায়রিবা জিলাশিং অসিগী লৌমীশিং দিল্লি, মুম্বাই অমসুং বদোদারাগী কৈথেলশিং য়াম্না লাইনা য়ৌহল্লগনি। মসিনা লমকোয়বা মীওইশিংনা জয়পুর অমসুং রনথাম্বোর তাইগর রিজার্ব য়ৌবদা খুদোংচাহল্লগনি। সরকারগী মরুওইবা পান্দমদি মীয়ামগী মতম চঙহন্দবা অমসুং মখোয়গী খুদোংচাবা হেনগৎহনবনি।
মরুপশিং,
জামনগর-অমৃতশর ইকোনোমিক কোরিদোরনা দিল্লি-অমৃতশর-কাত্রা এক্সপ্রেসৱেগা শম্নবা মতমদা, মসিনা রাজস্থানগা বাইসনো দেবী লাইফমগা শম্নহনগনি। লম্বী অসিনা অৱাং ভারতকী ইন্দস্ত্রিশিং কন্দলা অমসুং মুন্দ্রা হিথাংফমশিংগা শম্নহগনি, অচৌবা পোৎ-চৈ থমফমশিং লিংখৎতুনা রাজস্থানদা ত্রান্সপোর্ত সেক্তর কান্নবা পীগনি, নহারোল কয়া থবক ফংগনি।
মরুপশিং,
জোধপুর রিং রোদনা জয়পুর, পালি, বারমর, জয়সালমর, নাগৌর অমসুং মালেমগী ঙমখৈদা লম্বী-থোংগী ফিবম ফগৎহল্লগনি। মসিনা সহরদা লম্বী চিনবা হন্থহনগনি, লমকোয়বা মীওইশিং, ললোনবশিং জোধপুরদা চৎপদা হেন্না লাইহল্লগনি।
মরুপশিং,
ঙসিগী থৌরম অসিদা ঐগী মাঙদা বি.জে.পি থৌমী লিশিং কয়া লৈরি। মখোয়গী থবকশিং ঙসি ঐখোয়না উরে। বি.জে.পি থৌমীশিংদা ঐনা করিগুম্বা খর হায়নিংই। বি.জে.পি মালেমদা খ্বাইদগী চাউবা রাজনিতি দলনি, বি.জে.পি অসি অচৌবা খুন্নাইগী খোঙজং অমনি। বি.জে.পিগী ওইনা দলদগী লৈবাক অসিনা হেন্না চাউই। লৈবাক অসিগীদমক কৎথোকপগী থৌনাগা লোয়ননা বি.জে.পি থৌমী খুদিংমক থবক তৌরি। বি.জে.পীগী থৌমী অমা রাজনিতি খক শরুক য়াবা নত্তনা, মহাক্না খুন্নাইগী অৱাবশিং কোকহনবদশু শরুক য়ারি। ঙসি ঐখোয় ঈশিং তুংশিনবগা য়াম্না মরী লৈনবা থৌরম অমা পাংথোক্লি। ঈশিং তুংশিনবা, ঈশিং মরিক অমা ফাওবা শীজিন্নবা অসি সরকার খক্তগী থৌদাং নত্তে, মসি অপুনবা খুন্নাইগী থৌদাংনি। মীয়াম্না মাইক্রো-ইরিগেসন, দ্রিপ ইরিগেসন শীজিন্নগদবনি অমসুং অমৃত সরোভরশিং শেমজিন-শাজিনগদবনি অমসুং ঈশিং তুংশিনবগী মতাংদা ৱাখল তাবা হেনগৎহনগদবনি। লৌমীশিংনা মহৌশাগী লৌউ পায়খৎপদা পু্ক্নিং থৌগৎকদবনি।
উ য়াম্না হৌরিবমখৈ, মালেম অসিনা ঈশিং য়াম্না চুপশিনবা ঙমগনি হায়বা ঐখোয় নিংথিনা খঙলে। মসিদা এক পের মা কে নাম কেম্পেন্না য়াম্না চাউনা মতেং পাংলি। ইমাশিং অমসুং মালেম ইমা ইকায়খুম্নবা উৎনবা “এম পের মা কে নাম” কেম্পেন পায়খৎলে। মীয়াম্না সোলার ইনর্জি শীজিন্নবগী মতাংদা অমসুং পি.এম সু্র্যঘর কেম্পেনগী মতাংদা ৱাখল তাবা হেনগৎহনগদবনি। খোঙজং অমগী অচুম্বা ৱাখল্লোন খঙলবা মতমদা অমসুং মদুগী থৌসিল অদু খঙলবা মতমদা মীয়াম্না কেম্পেন অদু শরুক য়াই অমসুং মসি ঐখোয়না শ্বাছ ভারত অভিয়ান অমসুং বেতি বচাউ, বেতি পরাউ কেম্পেনশিংদা উবা ফংলে। মসিগা চপ মান্নবা মাইপাকপশিং মহৌশাগী অকোয়বগী ফিবম কনবদা ফংবা ঙমগনি।
মরুপশিং,
রাজস্থানদা পায়খৎলিবা অনৌবা চাউখৎ-থৌরাং অমসুং ইনফ্রাস্ত্রকচর প্রোজেকশিংগী কান্নবা হৌজিক অমসুং তুংগী মীরোলশিংনা ফংগনি। হায়রিবা থবকশিং অসিনা চাউখৎলবা রাজস্থান অমা শেমগৎকনি, মসিনা ভারতকী চাউখৎপা য়াংশিনহনগনি। লাক্লিবা চহিশিংদা, কেন্দ্র অমসুং রাজ্যগী সরকারশিংনা চাউখৎপগী খোঙজেল য়াংখৎনবা থবক তৌগনি অমসুং রাজস্থানগী চাউখৎ-থৌরাংগী থবকশিংদা কেন্দ্র সরকারনা পাংবা য়াবা থবকশিং পাংগনি। থৌজাল পীনবা লাক্লিবা মশিং য়াম্লবা মীয়াম, মরুওইনা ইমাশিং অমসুং ইচলশিং, অমুক হন্না ঐনা কোক নোঞ্জরি অমসুং থাগৎপা ফোঙদোকচরি। অদোমগী মফমদা ঐগী য়াইফ-পাউজেল পীজরি। অদোমগী খুৎ অনিমক থাগৎতুনা অমসুং অকনবা খোঞ্জেলনা ঐগা লোয়ননা হায়মিন্নসি-
ভারত মাতা কী জয়!
ভারত মাতা কী জয়!
ভারত মাতা কী জয়!
অদোম ঙমখৈ লৈতনা থাগৎপা ফোঙদোকচরি।
