বেত্রিবেল মুরুগনুক্কু….হরোহরা
মুরুগান তেম্পল ত্রস্তকী চেয়রমেন হিস এক্সিলেন্সী প্রসিদেন্ত প্রবোৱো, পা হাশিম, মেনেজিং ত্রস্তী দোক্তর. কোবলান, তামিল নাদু অমসুং ইন্দোনেসিয়াদগী লাকপা মকোক থোংবা মীওইশিং, পুজারিশিং অমসুং আচার্য়শিং, ইন্দিয়ন দাইস্পোরাগী মীহুৎশিং, ইন্দোনেসিয়া অমসুং অতোপ্পা লৈবাকশিংদগী লাকপা মরুপশিং অমসুং মসিগী অফবা থৌরম অসিদা শরুক য়াবীরিবা, অমসুং অচৌবা লাইশং অসি শাগৎপদা শরুক য়াবীরিবা আর্তিসান পুম্নমক!
জকার্তাগী মুরুগান লাইশঙগী মহা কুম্ভ-অভিশেগমগী অসিগুম্লবা অখন্নবা থৌরম অসিদা শরুক য়াবা অসি ঐহাক্কী নুংঙাইবা অমনি। ঐগী ইচিল-ইনাও, প্রসিদেন্ত প্রবোৱোনা লাকপা অসিনা ঐগীদমক হেন্না অখন্নবা ওইহল্লে। ঐহাক জকার্তাদগী কিলোমিতর কয়া লাপ্না লৈজরবসু, ঐহাক্কী পুক্নিংদি ভারত অমসুং ইন্দোনেসিয়াগী মরক্তা লৈনরিবা মরী অদুগুম্না থৌরম অসিদা য়াম্না নকশিন্নৈ।
নুমিৎ খরনিগী মমাংদা, রাস্ত্রপতি প্রবোৱোনা ভারত মচা করোর 140গী নুংশিবা পুদুনা ভারত থাদোকখি। ঐহাক্না থাজবা থম্লি মদুদি মহাক্কী খুত্থাংদা, মফম অদুদা লৈরিবা ভারত মচা খুদিংমক্কী য়াইফ-পাউজেলশিং অদোম পুম্নমক্না খংবা ঙমগনি।
জকার্তা লাইশঙগী মহা কুম্ভ-অভিশেখমগী থৌরমদা ভারত-ইন্দোনেসিয়া য়াওনা মালেম শিনবা থুংনা লৈরিবা লোর্দ মুরুগানগী ভক্ত মিলিয়ন কয়াগা লোয়ননা ঐনা অদোম পুম্নমকপু নুংঙাইবা ফোংদোকচরি। তিরুপুগলগী ঈশৈশিংগী খুত্থাংদা লোর্দ মুরুগানগী ইকায়খুম্নবা অসি মখা তানা শকখঙলসি হায়না ঐনা হায়জরি। স্কন্দা শাস্থি কাভচামগী মন্ত্রশিংনা মীপুম খুদিংমকপু ঙাকথোকপা ওইরসনু।
ঐহাক্না দোক্তর কোবলান অমসুং মহাক্কী মরুপ-মপাং পুম্নমক্না অৱাংবা থাক্কী থবক পায়খৎতুনা লাইশং শাবগী মখোয়গী মংলান অদু মপুং ফাহনবগীদমক থাগৎপা ফোংদোকচরি।
মরুপশিং,
ভারত অমসুং ইন্দোনেসিয়াগী মীয়ামগীদমক্তা, ঐখোয়গী মরী অসি জিও-পোলিতিকেল খক্তগী নত্তে। চহি লিশিং কয়াগী মমাংদগী চৎনবীনা ঐখোয়বু শম্নহল্লি। চহি লিশিং কয়াগী পুৱারীনা ঐখোয়বু শম্নহল্লি। ঐখোয়গী মরী অসি হেরিতেজ, সাইন্স, থাজবগী মরীনি। ঐখোয়গী মরী অসি থাজবা অমগা লোয়ননা, থাজবগা লোয়ননা শাগোন্নৈ। ঐখোয়না লোর্দ মুরুগান অমসুং লোর্দ শ্রী রামগা মরী লৈনরি। অমসুং, ঐখোয়না ভগবান বুদ্ধগা মরী লৈনরি।
মরম অসিনা মরুপশিং,
ইন্দোনেসিয়াদা চৎপা ভারতকী মীওই অমনা প্রম্বনান লাইশঙদা থৌনিবা ফংজরবদি, মহাক্না কাশী অমসুং কেদর্নাথতা থেংনখিবা অদুগুম্লবা স্পিরিচুএলগী ওইবা মওং অদু থেংনৈ। ভারতকী মীয়াম্না ককাৱিন অমসুং সেরত রামায়নগী মরমদা খঙলকপা মতমদা, মখোয়না ভাল্মিকী রামায়ন, কম্ব রামায়ন অমসুং রামচরিত মানসতা থেংনখিবা অদুগুম্না চপ মান্নবা ৱাখল্লোন অমা ফাওই। হৌজিক, ইন্দোনেসিয়াগী রামলীলা অসিসু ভারত্তা অয়োধ্যাদা পাংথোক্লি। অদুগা মান্ননা, ঐখোয়না বালিদা 'ওম স্বস্তি-অস্তু' হায়বদু তাবদা, ভারতকী বৈদিক স্কোলরশিংনা স্বস্তিগী লাইরিক পাংথোকখিবা অদু ঐখোয়না নীংশিংলি।
অদোমগী বোরোবুদুর স্তুপাদা, ঐখোয়না ভারতকী সরনাথ অমসুং বোদ্ধ গায়াদা ঐখোয়না থেংনরিবা ভগবান বুদ্ধগী তম্বীরোলশিং অদু উবা ফংলি। বালি জাত্রা অসি হৌজিক ফাওবা ঐখোয়গী ওরিশা রাজ্যদা পাংথোক্লি। হায়রিবা কুহ্মৈ অসি মতম অমদা ভারত-ইন্দোনেসিয়াগী ললোন-ইতিক অমসুং চৎনবীগা শম্নহল্লিবা অরিবা সমুদ্রগী খোঙচৎশিংগা মরী লৈনৈ। ঙসিসু, ভারতকী মীওইশিংনা 'গারুদা ইন্দোনেসিয়া'গী এয়র ত্রাভেলদা চংলকপা মতমদা, মখোয়না মসিদা ঐখোয়গী শেয়র কলচরসু উবা ফংলি।
মরুপশিং,
ঐখোয়গী মরী অসি অসিগুম্বা মপাঙ্গল কনবা শক্তমশিংনা শম্নৈ। হৌজিত্তি রাস্ত্রপতি প্রবোৱোনা ভারত্তা লাকখিবা মতমদা, ঐখোয় অনিমক্না হায়রিবা শরুক য়ামিন্নরিবা হেরিতেজ অসিগা মরী লৈনবা ৱাফম কয়াগী মতাংদা ৱারী শানখি অমসুং মখোয়শিং অদুগীদমক ইকাই খুম্নবা উৎখি। ঙসি, জাকার্তাদা লোর্দ মুরুগানগী অনৌবা চাউরবা লাইশঙ অসিগী খুত্থাংদা, ঐখোয়গী চহি চা কয়াগী হেরিতেজ অসিদা অনৌবা গোল্দন চেপ্তর অমা হাপচিল্লি।
মসিগী লাইশং অসি ঐখোয়গী থাজবগী অনৌবা মফম অমা ওইবতা নত্তনা ঐখোয়গী কলচরেল ভেল্যুশিংগী অনৌবা মফম অমা ওইগনি হায়না ঐনা থাজৈ।
মরুপশিং,
ঐঙোন্দা হায়খি মদুদি লোর্দ মুরুগানগী মথক্তা, অতোপ্পা লাই অমসুং দেবী কয়াগী মীতমশিংসু লাইশঙ অসিদা থম্লি। অসিগুম্বা মখল-মখা কয়াগী, মখল-মখা কয়াগী অসি ঐখোয়গী চৎনবীগী খ্বাইদগী চাউবা য়ুম্ফম্নি। ইন্দোনেসিয়াদা, মখল-মখা কয়াগী চৎনবী অসিবু 'ভিন্নিকা তুংগল ইকা' হায়না কৌই। ভারত্তা ঐখোয়না মসিবু 'য়ুনিতী ইন দাইবর্সিতী' হায়না কৌই। ইন্দোনেসিয়া অমসুং ভারত্তা তোঙান-তোঙানবা কম্ম্যুনিতীশিংগী মীওইশিংনা অমগা অমগা নকশিন্ননা হিংমিন্নবগী মরম অসি ঐখোয়গী তোঙান-তোঙানবা থাক্তা নুংঙাইবা পোকপগী মরমনি। মরম অদুনা, ঙসিগী অশেংবা নুমিৎ অসিনা ঐখোয়বু তোঙান তোঙানবা থাক্তা অমত্তা ওইনবা পুক্নিং থৌগৎলি।
মরুপশিং,
ঐখোয়গী কলচরেল ভেল্যুশিং, ঐখোয়গী হেরিতেজ, ঐখোয়গী লিগেসি, ঙসি ইন্দোনেসিয়া অমসুং ভারতকী মরক্তা মীয়ামগা মীয়ামগা শম্নবা হেনগৎলক্লি। ঐখোয়না প্রম্বানান লাইশঙ অসি পুন্না ঙাক-শেন্দুনা থম্নবা ৱারেপ লৌরে। ঐখোয়না বোরোবুদুর বৌদ্ধ লাইশঙগীদমক ঐখোয়গী অপুনবা ফিরেপ অদু ফোংদোক্লে। অদোমগী মমাংদা ঐহাক্না ইন্দোনেসিয়াগী রাম লীলাগী অয়োধ্যাদা পাংথোকখিবা থৌরম অদু পনখি! ঐখোয়না অসিগুম্বা প্রোগ্রামশিং অসি হেন্না প্রমোৎ তৌগদবনি। ঐহাক্না থাজবা থম্লি মদুদি প্রসিদেন্ত প্রবোৱোগা লোয়ননা, ঐখোয়না মসিগী মাইকৈ অসিদা খোঙজেল য়াংনা খুমাং চাউশিনগনি।
ঐখোয়গী মমাংঙৈগী মতম অসি ঐখোয়গী অশেংবা তুংলমচৎকী য়ুম্ফম ওইগনি। ঐহাক্না অমুক্কা হন্না রাস্ত্রপতি প্রবোৱোদা ঐহাক্কী থাগৎপা ফোংদোকচরি অমসুং অদোম পুম্নমকপু মন্দির অসিগী মহা কুম্ভ-অভিশেখমগীদমক্তা নুংঙাইবা ফোংদোকচরি। হন্না-হন্না থাগৎচরি।
