মনা ফংলবা অঙাং –ঐনা লাইরিক অহুম ইরে, ঐনা লাইরিকশিং ইবগী মরুওইবা মরমদি ঐনা লাইরিক পাবা পামজবদগীনি। ঐ ইশামক মসিগী অরুবা লায়না অসি লৈরি অমসুং ঐগী হিংনবা চহি অনি খক লৈখি অদুবু ঐগী ইমা, ঐগী ইচে, ঐগী স্কুলগী মতেংগা লোয়ননা…. অমসুং ঐগী লাইরিক ফোঙলিবা মফম অসিদগী ঙসি ঐনা ওইরিবা ফিবম অসি য়ৌরকপনি।
প্রধান মন্ত্রী– কনানা অদোমদা ইথিল পীবগে ?
মনা ফংলবা অঙাং –মসি ঐগী ইংলিসগী ওজানা ওইগনি হায়না ঐনা খল্লি।
প্রধান মন্ত্রী– হৌজিক অদোম্না অতোপ্পশিংদা ইথিল পীরে। মখোয়না অদোমদা করিগুম্বা খর ইরক্লমগনি, অদোমগী লাইরিক পারমগনি।
মনা ফংলবা অঙাং – হোই।
প্রধান মন্ত্রী– অদোম্না করম্বা মখলগী পাউজেল ফংবগে?
মনা ফংলবা অঙাং –ঐনা ফংবা খ্বাইদগী চাউবা পাউজেল অসি,মীয়াম্না মখোয় মশাগী লাইরিক ইবা হৌখিবা অসিনি।
প্রধান মন্ত্রী– কদাইদগী অদোম ত্রেনিং ফংখিবগে, কমদৌনা ত্রেনিং তৌখিবগে?
মনা ফংলবা অঙাং – ত্রেনিং ফংখিদে।
প্রধান মন্ত্রী- ত্রেনিং অমতা তৌখিদে, মসি ঐনা খনবা অদুমক্নি।
মনা ফংলবা অঙাং – হোই সার।
প্রধান মন্ত্রী- অদোম করম্বা চাংদম্নবশিং শরুক য়াখিবগে?
মনা ফংলবা অঙাং –ঐনা ইংলিস, উর্দু, কাস্মিরি খুদিংমক শরুক য়াখি।
প্রধান মন্ত্রী– অদোমগী য়ুতুব চেন্নেল অমা লৈবরা নত্ত্রগা অদোম করিগুম্বা থৌরম খর পাংথোকপরা ?
মনা ফংলবা অঙাং – সার, ঐ য়ুতুবশু শীজিন্নৈ, সার ঐ থৌরমশু পাংথোকই।
প্রধান মন্ত্রী– অদোমগী ইমুংদা ঈশৈ শকপা মীওইশিং য়াওবরা?
মনা ফংলবা অঙাং – কনা অমতা য়াওদে সার।
প্রধান মন্ত্রী– নহাক্না ঈশৈ শকপা হৌরকপনি।
মনা ফংলবা অঙাং – হোই সার।
প্রধান মন্ত্রী- অদোম্না করি তৌবগে? অদোম চেস শান্নবরা?
মনা ফংলবা অঙাং – হোই।
প্রধান মন্ত্রী– কনানা অদোমদা চেস তম্বীবগে?
মনা ফংলবা অঙাং – ইপা অমসুং য়ুতুব
প্রধান মন্ত্রী- ও!
মনা ফংলবা অঙাং – অদুগা ঐগী ওজা।
প্রধান মন্ত্রী– দিল্লি য়াম্না ইংই।
মনা ফংলবা অঙাং – চহি অসিদা কার্গিল বিজয় দিবসগী সিলভর জুব্লি পাংথোক্নবা ঐনা কার্গিল ৱার মেমোরিএলদগী নেসনেল ৱার মেমোরিএল ফাওবা কিমি ১২৫১ সাইকল থৌখি। চহি অনিগী মমাঙদা, অজাদি কা অমৃত মহোৎসব অমসুং নেতাজি সুভাস চন্দ্র বোসকী ১২৫শুবা মপোক নুমিৎ পাংথোক্নবা ঐনা আই.এন.এ মোইরাংদগী নেসনেল ৱার মেমোরিএল নিউ দিল্লি ফাওবা সাইকল থৌখি।
প্রধান মন্ত্রী– অদোম নুমিৎ কয়ানি চঙখি?
মনা ফংলবা অঙাং –অহানবগী খোঙচত্ত ঐনা নুমিৎ ৩২ চঙনা কিমি ২৬১২ সাইকল থৌখি অমসুং হন্দক্কী অসিনা নুমিৎ ১৩ খক চঙখি।
প্রধান মন্ত্রী– অদোম নোংমদা কিমি কয়া য়াম্না থৌবগে?
মনা ফংলবা অঙাং - খোঙচৎ অনিমক অসিদা ঐনা য়াম্লবদা নোংমদা কিমি ১২৯.৫ থৌখি।
মনা ফংলবা অঙাং – খুরুমজরি সার।
প্রধান মন্ত্রী– খুরুমজরি।
মনা ফংলবা অঙাং – ঐনা মালেমগী থাক্ত রেকোর্দ অনি থমখ্রে। অহানবা রেকোর্দ অসিদা ঐনা মিনিত অমদা সেমি ক্লাসিকেল শ্লোগ ৩১ থিখি অমসুং অমসুং অনিশুবা রেকোর্দ অসিনা মিনিত অমদা সংস্কৃত শ্লোগ ১৩ থিখি।
প্রধান মন্ত্রী–মসি ঐখোয়না কদাইদগী তম্বগে?
মনা ফংলবা অঙাং –সার মসি ঐনা য়ুতুবদগী তম্বনি।
প্রধান মন্ত্রী– অদোম্না করি পাংথোকপগে হায়য়ু?
মনা ফংলবা অঙাং – ওম ভুর্ভুভঃ স্বাঃ তৎসবিতুর্ভারণ্যম্ ভার্গো দেবস্য ধীমহি ধীয়ো যো নঃ প্রচোদয়াৎ (সংস্কৃত)
মনা ফংলবা অঙাং - খুরুমজরি সার।
প্রধান মন্ত্রী– খুরুমজরি।
মনা ফংলবা অঙাং - ঐ জাতিগী থাক্ত জুদোদা সনাগী মেদল ফংলে।
প্রধান মন্ত্রী- মীয়াম্না অদোম কিনরমগনি। মসি অদোম্না কদাইদগী তম্লকপগে? স্কুলদা।
মনা ফংলবা অঙাং –স্কুলদগী নত্তে সার, এক্তিবিতি কোচতগী তম্লকপনি।
প্রধান মন্ত্রী- য়াম্না ফরে, অদোমগী মথংগী করি খল্লি?
মনা ফংলবা অঙাং –ওলেমপিক্সতা সনাগী মেদল ফংদুনা ঐনা লৈবাক অসিগী মিংচৎ পুরক্কনি।
প্রধান মন্ত্রী– ৱো,অদুদি অদোম য়াম্না কন্না হোৎনরে।
মনা ফংলবা অঙাং – হোই সার।
প্রধান মন্ত্রী– অদোমগী হেক্কর ক্লব য়াম্না লৈরি।
মনা ফংলবা অঙাং –হোই, হৌজিক ঐখোয়না আইন ঙাক্নবা চৎপগী থবকশিং মপাঙ্গল কনখৎহন্নবা জম্মু অমসুং কাস্মিরদা ত্রেনিং কয়া পীরি অমসুং ঐখোয়না অঙাং ৫০০০ লেম্না তম্বীরে। ঐখোয়না লৈবাক্কী থবক তৌনবা অসিগুম্বা থবকশিং পাংথোকপা ঐখোয়না পাম্মী অমসুং মসি ঐখোয়গী পামজবশুনি।
প্রধান মন্ত্রী– অদোমগী লাইশোন-তিলশোনগী থৌরম করম্না চৎথরি?
মনা ফংলবা অঙাং –প্রার্থনা ৱালা হৌজিক শেমগৎ-শাগৎপগী ফিবমদা লৈরি। বেদাশিং অতোপ্পা লোলশিং হন্দোক্কদবা মরমনা মসিগী মরমদা ঐখোয়না করিগুম্বা খর থিজিল্লি।
মনা ফংলবা অঙাং –পার্কিসন দিজিজগীদমক ঐনা মশা মথন্থ লেংদনা লৈজবা স্পুন অমা পুথোক্লে অমসুং মখা তানা ঐখোয়না ব্রেন এজ প্রিদিক্সন মোদেল অমা শেমগৎলে।
প্রধান মন্ত্রী– অদোম্না থবক অসি তৌরকপা চহি কয়া শুরবগে?
মনা ফংলবা অঙাং –সার, ঐনা মসি তৌরকপা চহি অনি শুরে।
প্রধান মন্ত্রী– অদোম মথংদা করি থবক তৌগনি?
মনা ফংলবা অঙাং –সার, ঐ মখা তানা থিজিনগনি।
প্রধান মন্ত্রী– অদোম কদাইদগীনো?
মনা ফংলবা অঙাং –সার, ঐ বেঙ্গলোরদগীনি, ঐ হিন্দী ফজনা ঙাংবা ঙমদে।
প্রধান মন্ত্রী– য়াম্না ফরে, ঐঙোন্দগী হেন্না ফজনা ঙাংবা ঙম্লে।
মনা ফংলবা অঙাং – সার অদোম থাগৎচরি।
মনা ফংলবা অঙাং – কর্নাতিক ঈশৈ অমসুং সংস্কৃত শ্লোগশিং য়ানশিন্নদুনা ঐনা হরিকথা শক্লে।
প্রধান মন্ত্রী– হরি কথা কয়া শক্লবগে?
মনা ফংলবা অঙাং –ঐনা চাউরাক্না ঈশৈ ১০০ রোম শক্লে।
প্রধান মন্ত্রী– য়াম ফরে।
মনা ফংলবা অঙাং –হৌখিবা চহি অনিদা ঐনা লৈবাক মঙাগী চীংদোল মঙা মতোল লোম্না কারে অমসুং ভারতকী ফিরালশিং পাইহনখ্রে অমসুং ঐনা চৎলুবা লৈবাকশিংনা ঐনা ভারত্তগী লাকপনি হায়বা খঙখি অমসুং মখোয়না য়াম্না নুংশিনা লোয়ননখি অমসুং ইকায়খুম্নবা উৎখি।
প্রধান মন্ত্রী– অদোমগা উনবদা মীয়াম্না করি হায়বগে, অদোম ভারত্তগীনি হায়বদা মখোয়না করি হায়রকপগে?
মনা ফংলবা অঙাং – মখোয়না য়াম্না নুংশিনা লোয়ননখি অমসুং ইকায়খুম্নবা উৎখি অমসুং ঐনা চীংজাউশিং কাবগী মরুওইবা পান্দমদি নুপীমচাশিংদা শক্তি পীবা অমসুং হকচাং ফনা লৈনবা পুক্নিং থৌগৎপনি।
মনা ফংলবা অঙাং – ঐ আর্তিস্তিক রোল্লর স্কেতিং শান্নৈ। ঐ চহি অসিদা নিউ জিলেন্দা পাংথোকখিবা রোল্লর স্কেতিংগী থৌরমদা মালেমগী ওইনা সনাগী মেদল অমা ফংলে অমসুং ঐ জাতি থাক্কী মেদল তরুক ফংলে।
মনা ফংলবা অঙাং –সার ঐ পেরা এথলেত অমনি অমসুং থা অসিগী ১ দগী ৭ ফাওবা থাইলেন্দা পাংথোকপা পেরা স্পোর্ত য়ুথ কম্পতিসন শরুক য়াখি। সার ঐখোয়না সনাগী মেদল ফংদুনা ঐখোয়গী লৈবাক্কী মিংচৎ পুরক্লে।
প্রধান মন্ত্রী- অঙকপনি।
মনা ফংলবা অঙাং –ঐ চহি অসিদা পাংথোকখিবা য়ুথ চেম্পিয়নশিপতা সনাগী মেদল অমা ফংলে। ঐনা মেতচ অসিদা কেজ ৫৭ তা সনাগী মেদল ফংখিবনি অমসুং ঐনা কেজি ৭৬ তা ৱার্ল্দ রেকোর্দ অমা থম্লে অমসুং মসিদশু ঐনা সনাগী মেদল অমা ফংখি।
প্রধান মন্ত্রী– অদোম্না মেদল পুম্নমক লৌরে।
মনা ফংলবা অঙাং – লৌদে সার।
মনা ফংলবা অঙাং –ফ্লেত অমা মৈ চাক্লকখি অমসুং মতম অদুদা কনা অমতা মৈ চাক্লে হায়বা খঙখিদে, মরম অদুনা ঐনা য়ুম অদুদগী থোক্লকপা মৈখু উখি, কনা অমতা য়ুম অদুদা চঙনবগী থৌনা লৈখিদে মরমদি মীওই খুদিংমক মখোয় মৈনা পোক্কনি হায়বগী অকিবা লৈখি অমসুং মখোয়না ঐঙোন্দা য়ুম মনুংদা চঙদনবা হায়খি, অদুবু ঐনা ঐগী থৌনা উৎখি অমসুং মফম অদুদা চঙলগা মৈ মুৎথৎখি।
প্রধান মন্ত্রী– মীওই কয়া কনখিবগে?
মনা ফংলবা অঙাং –মদুদা য়ুম ৭০ অমসুং ইমুং-মনুং ২০০ লৈখি।
প্রধান মন্ত্রী– অদোম ইরোইবা হৈবরা?
মনা ফংলবা অঙাং – হোই।
প্রধান মন্ত্রী– অদোম্না মীওই খুদিংমক কনখিবরা?
মনা ফংলবা অঙাং – হোই।
প্রধান মন্ত্রী – অদোম কিদবরা?
মনা ফংলবা অঙাং – কিদে।
প্রধান মন্ত্রী – য়াম্না ফরে, মীওইশিং অদু কন্দুনা অদোম্না অফবা থবক অমা পাংথোক্লে।
মনা ফংলবা অঙাং – হোই।
প্রধান মন্ত্রী –য়াম ফরে!
