Dr. Singh's life teaches future generations how to rise above adversity and achieve great heights: PM
Dr. Singh will always be remembered as a kind person, a learned economist, and a leader dedicated to reforms: PM
Dr. Singh's distinguished parliamentary career was marked by his humility, gentleness, and intellect: PM
Dr. Singh always rose above party politics, maintaining contact with individuals from all parties and being easily accessible to everyone: PM
হান্নগী প্রধান মন্ত্রী দোক্তর মনমোহন সিংহ লৈখিদবদা ঐখোয় পুম্নমক অৱাবা ফাওহল্লে। মহাক লৈখিদবা অসি লৈবাক অমা ওইনা ঐখোয় পুম্নমক্কী অচৌবা মাঙজবা অমনি। লৈবাক অনি থোক্না খায়দোক্নবা মনুংদা মাঙবা য়াবা মাঙলবা মতুংদা ভারত্ত লাখি অমসুং মফম অসিদা মহৌশাগী ফিবম লৈত্রিঙৈদা হিরম খুদিংমক্ত মাইপাকখি। খুদোংচাদবশিং অমসুং অৱাবশিং মায়োক্নদুনা কমদৌনা মাইপাকপশিং পুরকপা ঙমগনি হায়বা তুংগী মীরোলশিংদা মহাক্কী পুন্সিনা মখা তানা তম্বীগনি।
পুকচেল য়াওবা মীওই অমা ওইনা, নিংথিংনা খঙলবা ইকোনোমিস্ত অমা ওইনা অমসুং অওনবশিং পুরক্নবা কৎথোক্লবা লুচিংবা অমা ওইনা মহাক মতম পুম্নমক্ত নিংশিংদুনা লৈহৌরগনি। ইকোনোমিস্ত অমা ওইনা, তোঙান-তোঙানবা ফমশিংদা মহাক্না ভারত সরকারগী থবক তৌখি। খুদোংচাদবা মতম অমদা মহাক্না রিজার্ব বেঙ্ক ওফ ইন্দিয়গী গভর্নরগী থৌদাং লৌখি। হান্নগী প্রধান মন্ত্রী ভারত রত্ন শ্রী পি.ভি নরসিমহা রাও জিগী মতমদা ফাইনান্স মিনিস্তর ওইনা, লৈবাক অসিনা শেন-থুমগী অৱাবা মায়োক্নবা মতমদা মহাক্না অনৌবা শেন্মিৎলোন অমগী লম্বী শেমখি। প্রধান মন্ত্রী অমা ওইনা লৈবাক অসি চাউখৎনবা মহাক্না পাংথোকখিবা থবকশিং নিংশিংদুনা লৈহৌরগনি।
মীয়াম অমসুং লৈবাক অসি চাউখৎনবা মহাক্না পাংথোকখিবা থবকশিং মতম পুম্নমক্ত নিংশিংদুনা লৈহৌরগনি। দোক্তর মনমোহন সিংহগী পুন্সিদা মহাক্কী পুকচেল শেংবা অমসুং চমজবগী মমি তাখি। মহাক তোপ-তোপ্পা সংসদগী মেম্বর অমনি। মহাক্কী চমজবা, ইং-তপ্পা অমসুং ৱাখল তাবা অসি মহাক্কী সংসদকী মেম্বর ওইরিঙৈগী খুদমশিংনি। চহি অসিদা মহাক্কী রাজ্য সভাগী মতম লোইখিবা অদু ঐ নিংশিংলি, এম.পি অমা ওইনা দোক্তর সাহেবকী কৎথোকপা অসি মীওই খুদিংমক পুক্নিং থৌগৎলগনি হায়না ঐনা ফোঙদোকখি। মীফম মনুংদা মরুওইবা থৌরমশিংদা, মহাক হুইল চিয়ারদা লাকখি অমসুং মহাক্কী সংসদকী মথৌশিং পাংথোকখি।
মালেমগী মমিং লৈরবা মহৈলোয়শঙশিংদগী লাইরিক তম্লক্লবশু অমসুং সরকারগী অচৌবা ফমশিং পায়রবশু, মহাক্না কৈদৌঙৈদা মহাক্কী চম্না হৌরকফম কাউখিদে। রাজনিতিগী খেন্নবা থিদনা, মহাক্না মতম পুম্নমক্ত দল খুদিংমক্কী মীওইগা উনখি অমসুংআ মীওই খুদিংমক্কা লাইনা উনখি। ঐনা চীফ মিনিস্তর ওইরিঙৈদা, লৈবাক্কী অমসুং মালেমগী তোঙান-তোঙানবা ৱাফমশিংদা ঐনা দোক্তর মনমোহন সিংহ জিগা খন্ন-নৈনখি। দিল্লিদা লাক্লবা মতুংদা, ঐনা মতম মতমগী ওইনা মহাক্কা উনখি। ঐনা মহাক্কা উনখিবা অমসুং ঐখোয় লৈবাক্কী ৱাফমশিং খন্নখিবা অদুজ ঐনা মতম পুম্নমক্ত নিংশিংদুনা লৈহৌরগনি। হন্দক ইকুই কুইদনা ঐনা মহাক্কী মপোক নুমিত্ত মহাক্কা ৱারি শানখি।
ঙসি, অৱাবা মতম অসিদা, মহাক্কী ইমুং-মনুংগী অৱাবদা ঐনা শরুক য়াজরি। লৈবাক অসিগী মীয়ামগী মহুৎশীন্দুনা ঐনা দোক্তর মনমোহন সিংহ জিগী মফমদা ইকায়খুম্নবা উৎচরি।
