Share
 
Comments
Remembers immense contribution of the ‘Utkal Keshari’
Pays tribute to Odisha’s Contribution to the freedom struggle
History evolved with people, foreign thought process turned the stories of dynasties and palaces into history: PM
History of Odisha represents the historical strength of entire India: PM

জয় জগন্নাথ!

থৌরম অসিদা ঐহাক্কী ইনাক্তা তিনবীরিবশিং অসি লোক সভাগী মীহুৎ ওইবতা নত্তনা পুন্সি মহিং অমদা মতৌ করম্না মীহুৎ অমা ওইনা থবক তৌবগে তাকপীবা অহিঙবা খুদম অমা ওইরিবা ভাই ভর্তুহরী মাহতাবজী, ধর্মেন্দ্র প্রধানজী, অতোপ্পা শক্নাইরবা মীওইশিং, তিনবীরিবা ইকায়খুম্নরবা মীওইশিং! ‘উৎকল কেসরী’ হরেকৃষ্ণ মাহতাবজীগা মরী লৈনবা থৌরম অসিদা ঐহাক্না শরুক য়াবা ফংজবা অসি ঐহাক্কী লাইবক ফবনি লৌজৈ। ঐখোয়না চহি অমগা মখায়গী মমাংদা ‘উৎকল কেসরী’ হরেকৃষ্ণ মাহতাবজীগী ১০০শুবা মপোক কুমওনবু ইথিল পীবা থৌরম অমা ওইনা পাংথোকখি। ঙসিদি, ঐখোয়না মহাক্কী ফাওরবা লাইরিক ‘ওরিসা ইতিহাস’কী হিন্দিগী ৱাহন্থোক হন্দোক্লে। ওরিশাগী মওং য়াম্বা পু ৱারীগী মতাংদা মীওই খুদিংদা য়ৌবা ঙম্লি, মসি য়াম্না মরু ওইবা অমনি। ওরিয়া অমসুং ইংলিশ লোলগী মথংদা হিন্দি ৱাহন্থোক্কী খুত্থাংদা ঐখোয়না মসিগী মরু ওইবা অসিসু মাই পাকহল্লে। ঐহাক্না অসিগুম্বা থৌদাংগীদমক্তা ভাই ভার্ত্রিহরী মাহতাবজী, হরেকৃষ্ণ মাহতাব ফাউন্দেসন অমসুং মরু ওইবা ওইনা শঙ্কর্লাল পুরোহিৎজী থাগৎচবগা লোয়ননা মখোয়গী য়াইফ পাউজেলসু নীজরি।

মরুপশিং,

ভার্ত্রিহরীজীনা লাইরিক অসিবু ফোঙবীয়ু হায়না ঐহাক্কী মফমদা হায়বগা লোইননা লাইরিক অমসু ঐঙোন্দা পীবিখি। ঐহাক্না পাবদি ঙমদ্রি অদুবু চাউরাকপা অমা য়েংবদদি মসিগী হিন্দিগী ৱাহন্থোক অসিনা নুংঙাইরবা অমসুং তান-চানবগী থৌদোক কয়া অমগা মরী লৈনৈ। ঐখোয়গী লৈবাক্কী নীং-তম্বগী অমৃৎ মহোৎসব পাংথোকপা চহিদা মসিগী লাইরিক অসি ফোঙলি। হরেকৃষ্ণ মাহতাবজীনা কোলেজ থাদোক্তুনা নীং-তম্বগী ইহৌদা শরুক য়াখিবগী থৌদোকসু হন্দক চহিদা চহি ১০০ মপুং ফারে। গান্ধিজীনা থুমগী সত্যগ্রহগীদমক্তা দান্দি খোঙচৎ হৌখিবা মতমদা, হরেকৃষ্ণজীনা ওরিশাদা মসিগী খোঙজং অসিবু লুচিংখিবনি। ইং ২০২৩দা ‘ওরিশা ইতিহাস’ ফোঙখিবসু চহি ৭৫ মপুং ফারগনি হায়বসিসু য়াম্না চান-চাবা ৱাফম্নি। কেন্দ্রদা লৈবাক মীয়াম, খুন্নাইগী ৱাখল্লোন অমগীদমক্তা করিগুম্বা অমা খন্নবা মতমদা অসিগুম্বা তান-চাবগী থৌদোক থোকই হায়বগী ঐহাক্না থাজবা লৈরে।

মরূপশিং,

লাইরিক অসিগী মথৌদাংগী মতাংদা ভর্ত্রিহরীজীনা অসুম্না ইবীরম্মিঃ “দাঃ হরেকৃষ্ণ মাহতাবজী অসি পু ৱারীবু শেম্বীরম্বা, ওইরকপবু উহৌবা অমসুং ইবীরম্বা মীওইনি”। তসেংবদি অসিগুম্বা মীওই অসি য়াম্না তাঙবনি। অসিগুম্বা মীওই মশামকসু পু ৱারীগী শরুক ওইবনি। মাহতাবজীনা নীং-তম ইহৌদা মশাগী পুন্সি কত্থোকখি, নহাগী পুন্সি লোইশিনখি। মহাক্না কৈশুমশঙগী পুন্সি লেনখি। অদুবু খ্বাইদগী মশক থোকপদি, মহাক্না নীং-তম্বগীদা নত্তনা খুন্নাইগীসু লান্থেংনখি। অচান-মীরাই, শোকপ-থেংবা য়াদবগী মাইয়োক্তা হৌবা ইহৌ ওইনা মহাক্না মহাক্কী মপা-মপুগী লাইশঙবু কাস্ত খুদিংগী মীওইগীদমক্তা হাংদোকখি। মতম অদুদা অসিগুম্বা থৌওং পাংথোকপা ঙম্বগী থৌনা অসিদি ঐখোয়না হৌজিক্কী মতম অসিদা খঙবা ঙম্লরোই। মতম অদুগী ওইনা য়েংলুরগদি, থৌওংশিং অসিদা থৌনা কয়া য়াম্না চঙলমগনি হায়বা ঐখোয়না খঙবা ঙমগনি। মসিগীদমক্তা মহাক্না ইমুং-মনুংগী মীওইগা করি থেংনরমগনি। নীং-তম্বা ফংলবা তুংদা মহাক্না ওরিশাগী মুখ্য মন্ত্রী অমা ওইনা রাজ্যসিনা চাউখৎনবা অমসুং অতোপ্পা থবক কয়াগীদমক্তা চাউরবা ৱারেপ কয়া লৌখি। শহর, হিথাংফম, স্তীল-প্লান্তশিংবু মতমগা চান্নহনবা অমসুং চাউখৎপগী থৌওং কয়াদা মরু ওইবা থৌদাং কয়া মহাক্না পাংথোকলমখি।

মরূপশিং,

সরকার পায়রবা তুংদসু মহাক মশাবু নীং-তম লান্মী হায়না অদুমক খঞ্জখি অমসুং মপুন্সি চুপ্পা নীং-তম লান্মী অমা ওইনা হিংখি। মহাক্না মুখ্য মন্ত্রী ওইখিবা পার্তী অদুগী মাইয়োক্তা ইমর্জেন্সীগী মনুংদা ৱা ঙাংলুবগীদমক্তা মহাক জেল চঙখি হায়বা ৱাফম অসি হৌজিক্কী মতমদা তাবদা য়াম্না ঙক্না থোক্কনি। হায়বদি মহাক অসি নীং-তম্বগীদমক্তা অমসুং ভারতকী গনতন্ত্রবু কন্নবগীদমক্তা জেল চঙখিবা অদুগুম্বা নেতা অমনি। ইমর্জেন্সী লোইরবা তুংদা ঐহাক্না মহাক্কা উন্ননবা ওরিশাদা চৎলুবা অসি ঐহাক্কী য়াম্না লাইবক ফবা অমনি। মতমদুদা ঐহাক্তি মীচম্নি। অদুবু মহাক্না ঐঙোন্দা মতম পীবিখি অমসুং পুঙফম অদু অয়ুক্কী চাক চাবা মতম্নি হায়বা ঐহাক্না ঙসিসু নীংশিংলি। মরম অদুনা চাক চাবগী মতম ফাওবগী মনুংদা ৱারী পুম্নমক লোইশিনবা অসি হৌনশানি অদুবু মহাক্না পুং অমগা মখায় হেন্না চাক চাদবমখৈ ঐহাক্কা ৱারী শাদুনা লৈখি অমসুং ৱারোল কয়া অমগী মতাংদা হায়বীখি। ঐহাক্না কনাগুম্বা অমগীদমক্তা রিসর্চ তৌরিবা মৎম্নি। মেতরিএল খরা খোম্লিবনি, মরম অদুনা ঐহাক্না মহাক্কী নাক্তা চৎখিবনি। অচৌবা ইমুং-মনুং অমসুং মরু ওইনা রাজনীতিগী ইমুংশিংদা মচানুপা পোকপশিং অমসুং মখোয়গী মচাশিংবু য়েংবা মতমদা মখোয়না তৌরিবসি করিনো হায়না মতম কয়াদা খনবগী থৌওং কয়া থেংনখ্রে। অদুবু, ভর্ত্রিহরীজীবু উরুবদা মসিগী তাইওন্নবা ৱাখল ফাওই। মসিগী মরমদি, হরেকৃষ্ণজীনা মহাক্কী ইমুং-মনুংদা ইনগদবা লিচত-শাজৎ, হৌন-লোনচৎ কয়াদা মরু ওইবা পীরম্বা কয়া অদু ভর্ত্রিহরীজীগীগুম্বা মরূপ অমা ঐখোয়না ফংলিবনি।

মরূপশিং,

মহাক্না মুখ্য মন্ত্রী ওইরিঙৈদসু ওরিশাগী তুংগীদমক্তা য়াম্না খঞ্জদুনা লমদমসিগী পু ৱারীদসু মশক থোক্না তেংবাংখি হায়বসি ঐখোয়না নীংথিনা খঙনরবনি। মহাক্না ভারতকী পু ৱারী ওইরবা কংগ্রেস্তা মরু ওইবা থৌদাং লৌখি, ওরিশাগী পু ৱারীবু লৈবাক্কী থাক্তা পুবিখি। ওরিশাগী ম্যুজিয়ম, Archives, archaeology section ওইরো, খুদিংমক অসি মাহতাবজীগী পু ৱারী ওইবা মিৎয়েং অমসুং তেংবাংদগী ওইথোক্লিবনি।

মরূপশিং,

অখঙ-অহৈ কয়া অমনা হায়বদা, করিগুম্বা ঐখোয়না ওরিশা ইতিহাসপু পারবদি ওরিশাবু নীংথিনা খঙলবনি, থেংনরবনি। অদুগা মসিগী ৱাফম অসি অচুম্বনি। পু ৱারী অসি হৌখ্রবা মতমগী তাঙ্কক অমখক্তা নত্তে, মসিদি তুংগী মতমগী মিংশেলসু ওইরিবনি। ৱাখল্লোন অসিবু মাংদা থমদুনা, ঙসি লৈবাক অসিনা নীং-তম্বগী পু ৱারীবু অমৃৎ মহোৎসবকী খুত্থাংদা অমুক্কা হিংগৎহল্লি। ঐখোয়না ঙসি ঐখোয়গী নহাশিংনা খঙনবা অমসুং তসেংনা মশাদা ফাওজনবা ঐখোয়গী নীং-তম লান্মী কয়াগী কত্থোকপা অমসুং হোৎনবগী ৱারী কয়া অমুক হিংগৎহল্লি। মশাদা থাজবা অনৌবা ইথিল অমগা মাং থানা চৎপা ঙমহন্নবা হোৎনরি। করিগুম্বা খরা তৌদুনা অনৌবা পান্দম অমগা লোয়ননা চৎনবা হোৎনহল্লি। লৈবাক মীয়াম মাংদা থোক্লকপা ঙমদবা অসিগুম্বা নীং-তম ইহৌগা মরী লৈনবা অসিগুম্বা ৱারী কয়া লৈরি। হৌজিকসু ভর্ত্রিহরীজীনা হায়বীখিবা অদুনি। ভারতকী পু ৱারী অসি কোনুংগী পু ৱারী নত্তে। ভারতকী পু ৱারী অসি নিংথৌরেলগীতা নত্তে। মীওই কয়া-কয়াগী পুন্সিগা লোয়ননা পু ৱারী অসি হৌরকখিবনি, অদুনবু চহি লিশিং কয়াদগী লৈরক্লবা অসিগুম্লবা শক্নাইরবা চৎনবী অসিদা ঐখোয়না হিংদুনা লাক্লিবনি। নিংথৌ অমসুং নিংথৌরেলগী নক্নবা থৌদোকশিংবু পু ৱারীনি হায়না ঐখোয়না লৌবা অসিদি অরানবা ওইগনি। ঐখোয়দি অসিগুম্বা মীওই অদু নত্তে। মহাভারত অমসুং রামায়নবু মপুং ফানা য়েংবীয়ু। মসিগী মপুং ওইবা ৮০%গী শরুক্তি অচম্বা মীওইশিংগী মরমদনি। মরম অদুনা মীওই অপুনবা অসিদা ঐখোয়গী পুন্সিগী মরু ওইবা মিৎয়েং চঙদুনা লাক্লি। ঙসি, ঐখোয়গী নহাশিংনা পু ৱারীগী পদুগুম্বা তাঙ্ককশিংদা পুক্নিং চঙহন্নীংই, চঙবসু চংলি, মখোয়না তুংগী চারোনশিংদসু খঙহন্নবা হোৎনরি। মসিগী থৌওংশিং অসিদগী ইথিল কয়া অমা মাংদা লাক্কনি, লৈবাক্কী তোঙানবা মওং কয়া খঙবা ঙম্লগনি।

মরূপশিং,

হরেকৃষ্ণজীনা নীং-তম ইহৌগী তাঙ্কক কয়া অমা ঐখোয়দা খঙহল্লি, মসিনা ওরিশা খঙনবা অমসুং থিজিন্নবা লম্বী কয়া অমা হাংলি। পাইক ইহৌ, গঞ্জাম ইহৌ অমসুং লার্জা কোল ইহৌদগী হৌরগা সম্বলপুর ইহৌ ফাওবদা, ওরিশাগী লমদম্না মীরমগী মীখা পোনবগী মাইয়োক্তা লাল হৌবগী মৈরীবু মতম পুম্বদা অনৌবা মাইওন পীদুনা লাকখি। লান্মী কয়া অমা ইংলিশশিংনা জেলদা থমখি, মীরমদা থাখি, কয়া অমা হাৎখি। অদুবু নীং-তম ইহৌদি কৈদৌনুংদা হন্থখিদে। সম্বলপুর ইহৌগী থৌনা ফরবা লান্মী, সুরেন্দ্র সায়না ঙসিসু ঐখোয়দা চাউরবা ইথিল পীরি। লৈবাক অসিনা গান্ধীজীগী লুচিং মখাদা লোইলম লৈঙাক্কী মাইয়োক্তা অরোইবা লান হৌখিবা মতমদসু ওরিশা অমসুং মফম অসিগী মীয়াম্না অচৌবা থৌদাং লৌখি। তেংবাংদবগী ইহৌ অমসুং কাঙলোন ইন্দবগী ইহৌ অসি অদুগুম্বা মখলগী ইহৌ অমনি, মদুদা থুমগী সত্যগ্রহ ফাওবদা পন্দিৎ গোপবন্ধু, আচার্য় হরিহর অমসুং হরেকৃষ্ণ মাহতাবনচিংবা মীওইশিংনা ওরিশাবু লুচিংখিবনি। রমা দেবী, মালতী দেবী, কোকিলা দেবী, রানী ভগ্যবতীনচিংবা ইচে-ইচল অমসুং ইমাশিংনা নীং-তম লালহৌবু অনৌবু মাইকৈ তাকপীখি। মতৌ অসুম্না, ওরিশাদা লৈরিবা ঐখোয়গী ত্রাইবেল খুন্নাইগী তেংবাংবু কনানা কাওবা ঙমগনি? ঐখোয়গী ত্রাইবেলশিংনা মরমদম নুংশিবা অমসুং থৌনানা মীরমগী লৈঙাক্লোইবু কৈদৌনুংদা নুংঙাইনা ফমদুনা লৈবা ঙমহনখিদে। নীং-তম লান্দা ত্রাইবেল ইচিল-ইনাওশিংগী লুচিংবগী থৌদাং কয়া য়াম্না মরু ওইখিবগে হায়বা মীয়ামদা খঙহন্নবা ঐহাক্না হোৎনরি হায়বসি অদোম্নসু খঙলম্লগনি। মসিগা মরী লৈনননা মখোয়না থৌদাং য়াখিবা মরু ওইবা মফমশিংদা ম্যুজিয়ম অমমম লৈগদবনি হায়না ঐহাক্না খল্লি। মশিং থীঙমদবা ৱারী কয়া লৈ, মশিং থীঙমদবা কত্থোকপা অমসুং থৌনাগী ৱারী কয়া লৈ। মখোয়না মতৌ করম্না লাল শোক্নখি অমসুং মাই পাকখি হায়বা ৱারী য়াম্না লৈ। মতম শাংলবা ফাওবা ইংলিশশিংবু মখোয়গী লমদমদা খোঙদাবা ঙমহনখিদে। মখোয়গী অসিগুম্বা থৌদৌ কয়াগী মতাংদা লাক্কদৌরিবা চারোনশিংদা খঙহনবগী তঙাই ফদবা য়াম্না লৈ। মখোয়গী হোৎনখিবশিংবু তোঙান্না মশক তাক্তুনা মীয়াম মাংদা পুরকপগী মরু ওইবা অমা লৈ। পু ৱারীনা থৌশাবীদবা অসিগুম্বা ৱারী কয়া অমা লৈরি। ঐখোয়গী কান্নবা লৈগদবা থবক লৈরবদি ঐখোয়না মদুদা অদুমক লুপ্তুনা লৈগল্লি। মরম অদুনা অসিগুম্বা কত্থোকপগী ৱারী কয়া শানদে। মথন্নতা খঙবা ঙমদবা হীরম অদুদি, ঐখোয়না থিজিন্দুনা মাংদা পুরকপা তাবনি। ব্রিতিশকী মাইয়োক্তা ভারত থাদোকউ হায়বা ইহৌদা ওরিশাগী শক্নাইরবা ত্রাইবেল লুচিংবা নায়ক লক্ষমন নায়কজীবু ঐখোয়না নীংশিংফম থোকই। মহাকপু ব্রিতিশনা ফারগা থৌরী য়ান্দুনা হাৎখি। নীং-তম্বগী মঙলানগা লোয়ননা ভারত ইমাগী তম্পাক্তা তুমখ্রে।

মরূপশিং,

নীং-তম্বগী পুৱারীগা লোইননা অমৃৎ মহোৎসবকী মরু ওইবা মাইকৈ অমদি ভারতকী তোঙানবা মওং চেনবা অমসুং নাৎকী কোনুং অমা ওইবা অসিনি। ওরিশাদি ঐখোয়গী অসিগুম্বা নাৎকী মপুং ওইবা মমি অমনি। মফমসিগী লানবন, ধর্মগী ৱাখল্লোন, ত্রাইবেলগী নাৎ অসি লৈবাক অসিগী হেরিতেজনি। লৈবাক্না মসিবু খঙফম থোকই, মরী লৈনফম থোকই। অমসুং হৌরক্লিবা চারোন্না খঙফম থোকই। ঐখোয়না ওরিশা ইতিহাসপু মনুং হুৎনা খঙলিবমখৈ, মসিবু মালেমগী মাংদা পুরকপা ঙমগনি, মীওইবা খুন্নাইবু খঙবগী কান্নরবা মচল কয়া ঐখোয়না ফংবা ঙমগনি। হরেকৃষ্ণজীনা মহাক্কী লাইরিক অসিদা ওরিশাগী লাইনীংদা থাজবা, কলা অমসুং বস্তুগী মতাংদা পল্লিবা অসিদগী ঐখোয়গী নহাশিংনা মাইকৈ অসিদা খঙবগী য়ুম্ফম অমা ওইরিবনি।

মরূপশিং,

ওরিশাগী মমাংঙৈগী ৱারীশিংদা অদোম্না য়েংবদা, ওরিশাগীতা নত্তনা ভারতকী পুৱারীগী মমি উবা ফংগনি। পুৱারীদা ইরম্লিবা অসিগুম্বা ৱারোলশিং অসিনা হৌখ্রবা অমসুং লাক্কদৌবা খুদোংচাববু অমত্তা ওইনা পুন্দুনা ঐখোয়বু লমজিংবীরি। অমুক্তং য়েংবীয়ু, ওরিশাগী পাক-চাউরবা সমুদ্র তোর্বান অসি মতম অমদা ভারতকী চাউরবা হিথাংফম অমসুং মালেমগী লল্লোন-ইতিক তৌফম ওইরম্মি। ইন্দোনেসিয়া, মলেসিয়া, থাইলেন্দ, ম্যানমার অমসুং শ্রী-লঙ্কাগুম্বা লৈবাকশিংগা লোয়ননা লল্লোন-ইতিক তৌরম্বশিং অসি ওরিশা অমসুং ভারতকী নুংঙাই-য়াইফবগী অচৌবা মরম অমনি। পুৱারীগী মরমদা থিজিনবা মীওই খরনদি লমদমসিগী কোনার্ক মন্দিরদা জিরাফকী মমি উবা ফংলিবা অসি মফম অসিনা অফ্রিকা ফাওবগা লল্লোন ইতিক তৌনরম্মি হায়বগী খুদম্নি হায়রি। মরম অদুনা জিরাফকী ৱারোল য়াওরিবনি। মতমদুদা ৱাৎস এপ লৈতে। ওরিশা মীওই মশিং য়াম্বনা লল্লোন ইতিক্কীদমক্তা অতোপ্পা লৈবাকশিংদসু লৈনরম্মি, মখোয়বু তুরেল ৱাংমগী ওরিয়া হায়নসু কৌনরম্মি। ওরিশাগী ময়েক্কা অতৈ লৈবাক্কী ময়েক কয়াগসু মান্নৈ। পুৱারীগী পাউদম্না হায়বগী মতুং ইন্না নিংথৌরেল অশোকানা মসিগী সমুদ্রগী লল্লোন-ইতিক অসিদা য়ুম্ফম ওইদুনা ফংফম থোকপা হক ফংনবা কলিঙ্গদা লান্দাখি হায়রি। মসিগী লান্দা অসিনা মহাকপু মীথোইবা অশোকা হায়না খঙনহনখি। অদুগা ওরিশানা কার্বার খক্তা নত্তনা বৌধ ধর্ম শন্দোকপগী পাম্বৈ অমসু ওইখি।

মরূপশিং,

মতম অদুদা মহৌশানা ঐখোয়দা পীবীরম্বা পোত্থোক খুদিংমক ঙসিসু পীবিরি। ঐখোয়গী নাক্তা হৌজিক লৈরিবা কার্বার তৌবগী সমুদ্র তোর্বান, মেনপাৱর অমসুং কার্বারগী খুদোংচাবশিং অসি ঙসিসু লৈরি। মসিগী মথক্তা ঙসিদি ঐখোয়গী নাক্তা মতমগা চান্নবা বিজ্ঞানগী পাঙ্গলসু লৈরে। ঐখোয়না মহৌশাগী মতমগী অমসুং হৌজিক্কী পাঙ্গলশিং পুন্সিল্লবদি, ওরিশানা চাউখৎপগী অনৌবা থাক অমা য়ৌবা ঙমগনি। অমসুং লৈবাক অসিনা মসিগী মতাংদা য়াম্না লুনা লৌদুনা হোৎনরি। খ্বাইদগী য়াম্না চাউখৎনবগীদমক্তা ঐখোয়না খোঙফম চেৎলি। ঐহাক্না প্রধান মন্ত্রী ওইদ্রিঙৈ অমসুং মীখলগী মতম লেপত্রিঙৈ মতমদা ইং ২০১৩দা ঐহাক্না ৱা ঙাংখি। ঐখোয়গী পার্তীগী থৌরম অমনি। ভারতকী তুং অসি ঐহাক্না মতৌ করম্না উবগে হায়না ঐহাক্না হায়খি। ভারতনা খল মান্ননা চাউখত্ত্রবদি ঐখোয়গী তৌবা ঙম্বগী মতিক অসি নীংথিনা শিজিন্নবা ঙম্লোই হায়না ঐহাক্না হায়খি। মতমদুগী ভারত অসিদা নোংচুপ থংবা লৈবাক্কী শরুক অসিদা লৈই অমা চিংলবদি মতমদুদা নোংচুপথংবা মফমশিংদা হেন্না চাউখৎপগী মমি উবা ফংগনি। শেন্মিৎলোনগী থৌওং কয়া উবা ফংগনি। মখাদগী হৌরগা মথক ফাওবদা উগনি। অদুবু নোংপোকথংবা শরুক্তা মহৌশাগী পোত্থোক য়াম্না লৈ। মফমসিদা creative mindসু য়াম্না লৈ। ওরিয়া ওইরো, বিহার ওইরো, বেঙ্গোল ওইরো, অসম ওইরো, নোর্থ-ইস্ত ওইরো, হ্যুমেন রিসোর্স অদুক্কী মতিক য়াম্না লৈ। লমদম অসি অসিগুম্বা পাঙ্গলশিংগী কোনুংনি। মফম অসিন খক্তনা চাউখৎপা মফম ওইরবসু, ভারত অসি কনাগী মখাদা লৈরোই। পাঙ্গল য়াম্না লৈ। মরম অদুনা, মমাংগী চহি ৬কী analysis য়েংবদা, ভারত পুম্বগী চাউখৎপগী খোঙথাং অসি ইনফ্রাস্ত্রকচরনা ওইবনি। মসিদা খ্বাইদগী ৱাংবা মিৎয়েং চঙবনি। অদুগা নোংচুপ অমসুং নোংপোক্কী খলদা ১৯-২০গী চাংদা খেৎনবা লৈরিবা অসিদি মহৌশাগী পোত্থোক খেৎনবগীনি। অদুগা অদোম্না য়েংলবদি, ভারতনা সনাগী মতমদি নোংপোক থংবা ভারতনা ভারতপু লুচিংবা মতমদনি। ওরিশা, বিহার নত্ত্রগা কোলকতা ওইরো, মখোয়শিং অসিদি ভারতপু লুচিংলম্বা লমদমশিংনি। মতম অদুদা সনাগী মতম ওইরম্লিবসি লমদম অসিদা পাঙ্গল চাউনা লৈরম্বননি। মসিগী পাঙ্গল অসিবু ঐখোয়না মাংদা পুথোক্তুনা হোৎনরবদি, ভারতপু অমুক হন্না অৱাংবা থাক্তা পুরকপা ঙমগনি।

মরূপশিং,

কার্বার অমসুং ইন্দস্ত্রীগী খ্বাইদগী অহানবা তঙাই ফদবা অসি ইনফ্রাস্ত্রকচরনি। ঙসিদি, ওরিশাদা কিলোমীতর লিশিং কয়াগী নেস্নেল হাইৱে, হিথাংফম ফাওবা শম্নহনগদবা সমুদ্র তোর্বানগী হাইৱে কয়া শারি। হৌখিবা চহি ৬-৭তগী কিলোমীতর কয়াগী অনৌবা রেল লম্বীসু থাখ্রে। সাগরমালা প্রোজেক্তসু করোর লিশিং কয়া থাদখ্রে। ইনফ্রাস্ত্রকচরগী মথংদা পাংথোক্কদবা মরু ওইবা থৌদাংদি ইন্দস্ত্রীনি। ঐখোয়না মাইকৈ অসিদা ইন্দস্ত্রী, কম্পেনীশিংবু পুক্নিং থৌগৎপগী থবক পায়খৎলি। থাউ অমসুং গ্যাসকা মরী লৈনবা কার্বারগী খুদোংচাবা কয়া ওরিশাদা লৈ, মসিগীদমক্তসু করোর লিশিং কয়া অমা থাদখ্রে। থাউগী রিফাইনরী, ইথানোল বাইও রিফাইনরী ওইরো, মখোয়গীদমক্তা অনৌবা প্লান্ত কয়া অমা ওরিশাদা শারি। মতৌ অসুম্না, স্তীল ইন্দস্ত্রীগী চাউখৎপা য়াবগী খুদোংচাবগী মতাংদসু থবক পায়খৎলি। লমদম অসিদা করোর লিশিং কয়া অমা থাদরি। ওরিশাদা সমুদ্রগী খুত্থাংদা চাউখৎপা য়াবগী খুদোংচাবসু লৈরিবনি। Blue Revolution গী খুত্থাংদগী মসিগী খুদোংচাবশিং অসিদা য়ুম্ফম ওইদুনা ওরিশানা মফম অসিগী লৌমী অমসুং ঙামীশিংগী পুন্সি মহিং ফগৎহন্নবা থবক পায়খৎনবা লৈবাক্না হোৎনরি। 

মরূপশিং,

লাক্কদৌরিবা মতমশিংদা অসিগুম্লবা কার্বারগী খুদোংচাবশিং অসিগীদমক্তা স্কিলগী মথৌ তাবা য়াম্না লৈগনি। কগুদোংচাবশিং অসি লৌদুনা ওরিশাগী নহাশিংনা কান্নবা ফংনবগীদমক্তা আই.আই.তি. ভুবনেশ্বর, আই.আই.এস.ই.আর. বহরামপুর অমসুং ইন্দিয়ন ইন্সতিত্যুৎ ওফ স্কিলগুম্বা লুপশিংগী উরেপ-উয়ুং তমখ্রে। হন্দক্কী চহিগী জনুৱারীদা ঐহাক্না ওরিশাদা আই.আই.এম. সম্বলপুর শঙ্গাবগী লাইবক ফবসু ফংজখি। মসিগী লুপ অসিনা লাক্কদৌরিবা মতমদা ওরিশাগী তুংগী লম্বী য়াৎকনি, চাউখৎপগী অনৌবা থাক্তা পুগনি।

মরূপশিং,

উৎকলমনী গোপবন্ধুনা অসুম্না ইরম্মিঃ জগৎ সরসে ভারত কনল। তা মধে পুন্য নীলাচল। হৌজিক লৈবাক অসিনা নীং-তম্বগী চহি ৭৫ শুবগী নুংঙাইরবা থৌরম পাংথোক্নবা শেম-শারি। অদুনা ঐখোয়না মসিগী ৱাখল্লোন অসিবু অমুক্কা হন্না মঙফাওনহনগদবনি। অদুগা ঐহাক্কী নাক্তা চপ চাবা মশিং লৈতে হায়না উবা ফংই। অদুবু কোলকতাগী মথংদা ওরিয়া য়াম্না লৈবা শহর অমদি সুরৎ ওইরমগদরা হায়না খল্লি। মরম অদুনা ঐহাক্কা মখোয়গগী মরক্তা করিগুম্বা মরী অমদি লৈ। পুন্সিবু নীংথিজনা অমসুং মশক থোক্না হিংবগী হৌনবী অসি ঐহাক্না য়াম্না নক্ননা উবা ফংই। মখোয়গী মমিংগা করিগুম্বা তৌহৈদবা থবক অমত্তগা মরী লৈনদে। মখোয়না য়াম্না ইংনা-চিক্না হিংবা পাম্মি। ঐহাক্না নোংপোক ভারতকী ৱারী শাবা মতমদা লৈবাক অসিদা ঙসি মুম্বাইগী মতাংদা ৱারী শানৈ। নীং-তমদ্রিঙৈগী মমাংদা করাচীগী, লাহোরগী ৱারী শানরম্মি। তপ্না-তপ্না বেঙ্গালোর অমসুং হাইদ্রবাদকী ৱারী শাবা হৌনরকখি। চেন্নৈগী হৌনরকখি অমসুং কোলকতাগুম্বা ভারতকী চাউখৎপগী অমসুং শেন্মিৎলোনগী মতাংদা মীয়াম্না নীংশিংনবা হৌরকখি। মতিক লৈবা, তুংগী খনবা কোলকতানা বেঙ্গোল খক্তা নত্তনা, অপুনবা নোংপোক ভারতকী চাউখৎনবগীদমক্তা য়াম্না চাউনা লুচিংবা য়াই। ঐখোয়না কোলকতানা অমুক হন্না মতিক লৈহল্লক্নবা অমসুং নোংপোক লমদমগী শক্তি অমা ওইরক্নবা কন্না হোৎনরি। অমসুং, ঐখোয়না মসিগী অপুনবা মেপ অসিদা য়েংদুনা থবক কয়া পায়খৎলি। অদুগা অসিগুম্বা থৌওংশিং অসিনা লৈবাক অসিদা য়াম্না কান্নহনগনি হায়না ঐহাক্না থাজবা থম্মি। ঐহাক্না ঙসি, শ্রীমান হরেকৃষ্ণ মাহতাব ফাউন্দেসনগী শক্নাইরবা মীওইশিংদা মহাক্কী থবকশিং অসিবু মাং থানা পুদুনা চৎপগী খুদোংচাবা অমনি হায়না হায়জনীংই। ঐখোয়না ওরিশাগী পুৱারী, মফম অসিগী সংস্কৃতী, হৌন-লোনচৎপু মালেম শিনবা থুংনা য়ৌহনগদবনি। লাকপীরো, অমৃৎ মহোৎসব অসিদা লৈবাক্কী মীয়ামগা পুন্দুনা মীওই খুদিংগী খোঙজং অমা চঙশিল্লসি। মসিগী খোঙজং অসিনা হরেকৃষ্ণ মাহতাবনা নীং-তম লান্দা থৌনা হাপ্লম্বদৌনা চপ-মান্ননা হাপ্পা ঙমগনি। মসিগী য়াইফরবা ৱাখল্লোনগা লোয়ননা ঐহাক্না শক্নাইরবা ইমুং অসিগা পুঞ্জবগী খুদোংচাবা ফংজরে। ঐহাক্না মাহতাব ফাউন্দেসন অমসুং ভাই ভর্ত্রিহরীজীবুসু থাগৎচরি। অদুগা অদোমগী মরক্তা লাক্তুনা ঐহাক্কী ৱাখল্লোন ফোঙদোকপগী খুদোংচাবসু ফংজরে। অদুগা ঐহাক্না ইকায়খুম্নজবা মীওই অমগী মরমদগী অসিগুম্বা পুৱারী ওইরবা থৌরমগী শরুক অমা ওইজবসু ফংজরে। ঐহাক্না অমুক্কা হন্না থাগৎপা ফোংদোকচরি।

হন্না হন্না অমুক্কা থাগৎচরি।

Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
India's total FDI inflow rises 38% year-on-year to $6.24 billion in April

Media Coverage

India's total FDI inflow rises 38% year-on-year to $6.24 billion in April
...

Nm on the go

Always be the first to hear from the PM. Get the App Now!
...
Today’s meeting on J&K is an important step in the ongoing efforts towards a developed and progressive J&K: PM
June 24, 2021
Share
 
Comments
Our priority is to strengthen grassroots democracy in J&K: PM
Delimitation has to happen at a quick pace so that J&K gets an elected Government: PM

The Prime Minister, Shri Narendra Modi has called today’s meeting with political leaders from Jammu and Kashmir an important step in the ongoing efforts towards a developed and progressive J&K, where all-round growth is furthered.

In a series of tweets after the meeting, the Prime Minister said.

“Today’s meeting with political leaders from Jammu and Kashmir is an important step in the ongoing efforts towards a developed and progressive J&K, where all-round growth is furthered.

Our priority is to strengthen grassroots democracy in J&K. Delimitation has to happen at a quick pace so that polls can happen and J&K gets an elected Government that gives strength to J&K’s development trajectory.

Our democracy’s biggest strength is the ability to sit across a table and exchange views. I told the leaders of J&K that it is the people, specially the youth who have to provide political leadership to J&K, and ensure their aspirations are duly fulfilled.”