রউমা সভে কে প্রণাম বা।
দেশৱা খাতীর, বিহার খাতীর, গাৱ কে জিনগী কে আসান বনাৱে খাতীর ওর ব্যবস্থা মজবুত কে খাতীর, মছলী উত্পাদন খাতীর, দায়রী, পশুপালন ওর কৃষি ক্ষেত্র মে পঢ়াই ওর রিসর্চ সে জুড়ল সৈকড়ন করৌর রুপয়া কে য়োজনা কে শিলান্যাস ওর লোকার্পণ ভইল হ। একরা খাতীর উসসে বিহার কে ভাই-বহন লোগন কে অন্ধা বধাই দে তনী।
বিহারগী রাজ্যপাল ফাগু চৌহানজী, মুখ্য মন্ত্রী শ্রীমান নীতীশ কুমারজী, কেন্দ্রগী মন্ত্রীমন্দলগী ঐহাক্কী মরূপ শ্রীমান গিরিরাজ সিংহজী, প্রতাপ চন্দ্র সারঙ্গীজী, সঞ্জীব বালিয়ানজী, বিহারগী উপ-মুখ্য মন্ত্রী ইচাও সুশীলজী, বিহার বিধানসভাগী অধ্যক্ষ শ্রীমান বিজয় চৌধরীজী, রাজ্য মন্দলগী অতোপ্পা মীহুৎশিং, সাংসদকী মীহুৎশিং, এম.এল.এ.শিং অমদি ঐহাক্কী নুংশিজরবা মরূপশিং,
মরূপশিং, ঙসি হৌদোক্লিবা স্কীমশিংসিগী মরুমদা লৈরিবা ৱাখল্লোন অসি ঐখোয়গী ২১শুবা চহি চাগী ভারত অসি আত্মনির্ভর ভারতকী থৌনা, পাঙ্গল ওইহনবনি। হোৎনরিবশিংসি হৌজিক মসিগী চহি চা অসিদা
হীগোক্কী য়াওল হায়বদি ঙা য়োকপগী থবক্কা মরি লৈনবা থবক, অঙৌবা য়াওল হায়বদি দায়রীগা মরি লৈনবা থবক, অথুম্বা য়াওল হায়বদি খোইহী লোকপগী, ঐখোয়গী খুঙ্গংশিং অসি খুঞ্জাও-লৈচাউহনসি, পাঙ্গল কলহনসি। প্রধানমন্ত্রী মত্স্য সম্পদা য়োজনা অসি মসিগী পান্দম অসি মসিদা য়েংলগা সেমখিবনি। লৈবাক অসিগী রাজ্য ২১দা য়োজনা অসি পাংথোকপা হৌগদৌরে। মথংগী চহি ৪-৫দা মসিদা লুপা করোর লিশিং ২০ হেন্না চাদিং তৌরগনি। মসিদগী ঙসি লুপা করোর ১৭০০গী থবক হৌরগনি। বিহারগী পতনা, পুর্নিয়া, সীতামঢ়ী, মধেপুরা, কিশনগঞ্জ অমসুং সমস্তীপুরদা খুদোংচাবা কয়া হৌদোকখ্রে অমদি উরেপ-উয়ুং তমখ্রে।
মসিদা ঙাগী পোত্থোকশিংনা অনৌবা ইনফ্রাস্ত্রকচর ফংলগনি, অনৌবা খুৎশু-খুৎলাই ফংলগনি, অনৌবা কৈথেলসু ফংলগনি। মসিদগী লৌ উবগা লোয়ন-লোয়ননা অতোপ্পা পাম্বৈশিংদগী শেল তান্নবগী খুদোংচাবসু হেন্না ফংলগনি।
মরূপশিং, লৈবাক অসিগী শরুক খুদিংদা মরুওইনা সমুদ্র খুদিংদা অমদি তুরেলগী তোর্বান্দা তারিবা মফমশিংদা ঙা লল্লোন্নবগী য়েংঙগা, অহানবা ওইনা লৈবাক অসিদা খ্বাইদগী চাউবা স্কীম শেমখ্রে। নিং-খা তম্লবা মতুংদা ইনভেস্ত তৌখিবা অদুদগী শরুক কয়া অমা হেন্না প্রধান মন্ত্রী ফীশ ইস্তেত স্কীমদা ইনভেস্ত তৌরি। হৌজিক গিরিরাজজীনা হায়বিখিবা মশিং অদু তাবতদা মদুদি অসুম্না তৌবরা হায়বসি খংবদা অদোম পুম্নমক্তা অঙকপা ফাওগনি, অদুবু অদোম্না অশেংবা অসি খংবা তারবদি সরকার অসিনা লম কয়াদা অদুক্কী মতিক মীয়ামগী ফন্নবা তৌনবগীদমক্তা মতৌ করম্না অশাংবা মতমগী য়োজনাশিং অসি করম-করম্না খুমাং চাউশিলহল্লিবনো হায়না খনগনি।
লৈবাক অসিদা ঙা লল্লোনবা য়োংসিন্নবা তোঙানবা মন্ত্রালয় অমসু শেমখ্রে। মসিদগী ঙামী মরূপশিংনা ঙা য়োকপা অমদি লল্লোনবগা মরি লৈনবা মরূপশিংনা কান্নবা ফংলি। লাক্কদৌরিবা চহি ৩-৪সিদা ঙা এক্সপোর্ত তৌবা অসি শরুক অসি হেনগৎহন্নবগীসু পান্দম্নি। মসিদগী ফিশরিজগী সেক্তরদা খক্তদা অনৌবা থবক লাক্ষ কয়া থোরক্লগনি। হৌজিক মরূপশিংগা ৱারী শান্নজখিবা অদুদগী ঐহাক্কী থাজবা অসি ঐহাক্না রাজ্যশিংনা থাজজবা অদু উবদা অমদি ঐহাক্কী ইনাও ব্রজেশজীগা ৱারী শান্নজখি, ইনাও জ্যোতী মন্দলগা ৱারী শান্নজখি অমদি ইচানুপী মোনিকাগা ৱারী শান্নখিবা মতমদা কয়াগী মতিক থাজবা উবা ফংখি।
মরূপশিং, ঙা য়োকপা অসি অফবা ঈশিং ফংবগী য়াম্না মখা পোল্লি। মসিগী থবক অসিদা গঙ্গা অসি লু-নান্না অমদি মরা তপ্পা ওইহনবগী মিশন অসিদগী মতেং ফংলি। গঙ্গাগী মনাক নকপদা তুরেলদা চত্থোক-চৎশিন তৌবগী থবকসু চত্থরি, মসিদগী ফিসরীজগী সেক্তরনা শোইদনা ফংগনি। অগস্ত ১৫দা মিশন দোলফিন লাউথোকখিবা অসিসু ফিশরিজগী সেক্তরদা মশানা ইথীল পীজরগনি, হায়বদি মখল অমগী বাইয়ো-প্রদক্কী মতেংনি, অহেনবা কান্নবা ফংলগনি। ঐকোয়গী নীতীশ বাবুনা মসিগী মিশন অসিদা হেন্না পুক্নিং লাংতক্নৈ হায়বা খংলে। গঙ্গা দোলফিনগী মশিং অসি হেনগৎপা তারবদি গঙ্গাগী তোর্বান্দা তারিবা মীওইশিংনা য়াম্না কান্নাবা ফংগনি, মী খুদিংমক্না ফংগনি হায়বা ঐহাক্না থাজৈ।
মরূপশিং, নীতীশজীগী লিচিং মখাদা বিহারগী খুঙ্গংশিংফাওবা ঈশিং ফংহন্নবগী শিংথানিংঙাই ওইবা থবক তৌরি। চহি ৪-৫গী মমাংদা শুপ্নতগী য়ুম চাদা ২ খক্তদা অফবা ঈশিং ফংহল্লম্বা অদু ঙসি চাদা ৭০ য়ৌখ্রে। চাউরাক্না য়ুম করোর অমগা মখাইমু্ক্তা ঈশিং ফংহল্লি। নীতীশজীগী কেম্পেন অসি জল জীবন মিশন্দগী অনৌবা থৌনা ফংলে। কোরোনাগী মতম অসিদসু য়ুং লাক্ষ ৬০মুক্তা তোতীগী ঈশিং ফংহনখ্রে হায়না পাও পীরকখি। মসি চাউনা মায় পাকপা অমনি। মসি লুরবা তানফম অসিদসু লৈবাক অসিনা থবক পুম্বা লেপ্নখ্রবা মতমসিদা ঐখোয়গী খুঙ্গংশিদা থাজবা অমগা লোয়ননা থবক তৌরি হায়বগী খুদম্নি। কোরোনা লৈরবসু চেং-হৱাই, উহে, এঞ্জাং-নাপী, শঙ্গোম্নচিংবা অচংবা পোৎ খুদিংমক মন্দিশিংফাওবা য়ৌহন্দুনা, হাইরিফাওবা করিগুম্বা অতৎ-অখম লৈহন্দনা মীয়ামদা ফংহল্লি।
মরূপশিং,মতম অসিদা চে, উহৈ, শঙ্গোম্নচিংবা মখল খুদিংগী পোত্থোক খুদিংমক য়াম্না মরাং কাইনা পুথোক্লি। মসিদা নত্তনা সরকারশিংনা দায়রীগী ইন্দস্ত্রীনসু লুরবা তানফম অসিদা রেকোর্দকী খুৎলৈসু লৈখ্রে। পি.এম.সম্মান নিধিদগী লৈবাক অসিগী লৌমী করোর ১০দগী হেনবগী বেঙ্ক একাউন্তা চুমদ্রিংনা শেল চংহনখ্রে। মসিদা লৌমী লাক্ষ ৭৫রোমদি বিহারগীসুনি। হৌজিক লুপা করোর লিশিং ৬লোম বিহারগী লৌমীশিংগী বেঙ্ক একাউন্তা হাপখ্রে। অসিগুম্বা হোৎনবশিং অসিগী মরম্না খুঙ্গং অসিদা লায়চৎ অসিগী চৈথেং অসি খ্বাইদগী তানা ফংহনবদা মায় পাক্লি। মসি শিংতানিংঙাই ওইরিবসিগী মরমদি বিহারদা কোরোনাগা লোয়ন-লোয়ননা ঈশিং-ঈচাউগী খম-থেংবা অৱাবা অদুসু থৌনা লৈনা মায়োক্নরি।
মরূপশিং, কোরোনাগা লোয়ন-লোয়ননা নোং কন্না চুবা অমদি ঈশিং-ঈচাউগী মরম্না বিহার য়াওনা মনাক নকপা মফমশিংদসু মসিগী ফীভম অসি ওইখি হায়বসি ঐখোয় খুদিংনা য়াম্না নিংথিনা খংনরে। রাজ্য সরকার অমসুং কেন্দ্র সরকার, অনিমক্না হোৎনরিবা অসি অৱাবা কোকহন্নবগী থবক অসি য়াংনা লোইশিনবনি। লেম্না চেং ফংহনবা অমদি প্রধান মন্ত্রী গরীব কল্যান রোজগার য়োজনা অভিয়ানগী কান্নবা অসি বিহারগী তেংবাংগী মথৌ তাবা মরূপশিংফাওবা য়ৌহনবা ঙম্নবা, মপান্দগী খুঙ্গংদগী হল্লকখিবা শিন্মীশিংগী ইমুংফাওবা য়ৌহন্নবগী ৱাফম অসিদা অকনবা মিৎয়েং থম্লি। মরম অসিনা লেম্না চেং ফংবগী য়োজনা অসি জুনগী মতুং দিৱালী অমসুং ছঠ পুজাফাওবা শাংদোকখি।
মরূপশিং, কোরোনা লুরবা তানফম অসিদা সহরদগী হল্লকখিবা মাইগ্রেন্ত ৱার্কর মরূপশিংগ মরক্তগী কয়া অমা শা-শন লোইবরোমদা চংশিল্লক্লি। । কেন্দ্র সরকার অমসুং বিহার সরকারগী য়োজনা কয়া অমদগী মখোয়বু পুক্নিং থৌগৎপীরি। ঐহাক্না অসিগুম্বা মরূপশিংদা হায়জগদবদি অদোম্না তাংলিবা খোংথাং অসি শোইদনা তুংদা অফবা ওইগনি হায়বসিনি। অদোমগী তুংগী পুন্সি অদু শোইদনা অফবা ওইগনি হায়বা ঐহাক্কী ৱাহৈ অসি ইরগা থম্বিয়ু। সরকারনা লেপ্তনা হোৎনবনা লৈবাক অসিগী দায়রী সেক্তরসু পাকথোক-চাউথোক্নবা, অনৌবা পোৎলমশিং শান্নবা, অনৌবা ইনোবেসন ওইনবা, মসিদগী লৌমীনা শা-শন লোইবদগী হেন্না চাগা ফংনবা তৌসি। মসিগী লোয়ননা শাশিংগী অফবা মচা লৌবগা লোয়ননা লৈবাক অসিমক্তদা খ্বাইদগী ফবা মচা ধারাগী শা ওইহন্নবা, মখোয়গী হকচাং ফনবা অমসুং মখোয়গী চান-থক্নবা অদু অফবা ওইবা, হকচাং ফবা ওইনবা মিৎয়েং থমখ্রে। মসিগী পান্দম অসিদা লোয়ননা করোর ৫০দগী হেনবা শা-শনশিং অসি খোংলক চফাৎপা অমদি য়া চাফাৎপগী অনাবশিং অসিদগী কোকহন্নবা লেম্না তীকা কাপ্পগী কেম্পেন চত্থরি। শাশিংদা অফবা শজিকশিংগীদমক্তা তোঙান-তোঙানবা য়োজনাশিংদগী থৌরাংশিং তৌখ্রে। লৈবাক অসিদা অফবা মচা ধারা লৈহন্নবগীদমক্তা মিশন গোকুল চত্থরি। চহি অমখক্তংগী মমাংদা ইরমসিগী ওইবা মচা ধারা লৈনবা লৈবাক পুম্বগী ওইবা আর্তিফিসিএল ইন্সিমিনেসন প্রোগ্রাম হৌদোকখ্রে, মসিগী তাঙ্কক অমা ঙসি মপুং ফাখ্রে।
মরূপশিং, বিহার অসি খ্বাইদগী ফবা ইরমগী মচা ধারা লৈহন্নবগী মতাংদা লৈবাক অসিগী খ্বাইদগী অথোইবা সেন্তর অমা ওইরক্লি। নেস্নেল গোকুল মিশন্দগী ঙসি পুর্নিয়া, পতনা, বরৌনীদা অনৌবা খুদোংচাবশিং শেম্লিবশিং অসিদগী দায়রী সেক্তরদা বিহারগী ফীভম অসি হেন্না ফগৎলগনি। পুর্নিয়াদা শারিবা সেন্তর অসি ভারতকী খ্বাইদগী চাউবা সেন্তরশিংগী মনুংদগী অমনি। মসিদগী শুপ্নতগী বিহারখক্তা নত্তনা নোংপোক থংবা ভারতকী অচৌবা শরুকশিংনা কান্নবা ফংগনি। কেন্দ্র অসিদগী ‘বছৌর’ অমসুং ‘রেদ পুর্নিয়া’ গুম্বা ইরমগী মচা ধারা অসি লৈহনবা অমদি ঙাকপি-শেনবিবদসু হেন্না ফগৎহনগনি।
মরূপশিং,
এগো গায় সামান্যতঃ এক সাল এক বচ্চা দেৱেলী। লেকিন আই.বি.এফ. তক্নিক সে এক গায়কী মদদ সে এক সাল মে অনেকো প্রয়োগশালা মে হো রহল বা। হমার লক্ষ্য ই তক্নিক কে গাৱ-গাৱ তক পহুঞ্চাৱে কে বা।
মরূপশিং,
শাশিংগী অফবা মচা লৌবগা লোয়ননা মখোয়বু য়েংশিনবা অমদি মখোয়গী ওইবা বৈজ্ঞানিক ওইবা ই-পাও অসিসু অদুক্কী মতিক মথৌ তাই।মসিগীদমক্তসু হৌখিবা চহি কয়াদগী লেপ্তনা তেক্নোলোজী শিজিন্নরি। মসিগী মতাং অসিদা ঙসি ‘ই-গোপালা’ এপ হৌদোকখ্রে। ই-গোপালা এপ অসিদগী শা-শন লোইরিবশিংনা অফবা লাইবস্তোক খনবদা লাইহনগনি। মরক্তা শেন চাবা মীদগী নান্থোকপা ঙম্লগনি। মসিগী এপ অসি শা-শন লোইরিবশিংগী পোত্থোক্তগী হৌরগা মকোয়গী হকশেল অমদি মচিঞ্জাক্কা মরি লৈনবা ই-পাও কয়া অমা পীগনি। মসিদগী লৌমীনা মখোয়গী শাশিংনা করম্বা মতমদা মথৌ তাবগে অমদি করিগুম্বা নারক্লবদি মদুগীদমক্তা কদায়দা অহোংবা লায়েংফম লৈবগে হায়বদু খংবা ঙমগনি। এপ অসি শাদা য়ুম্ফম ওইরগা মরি লৈনহল্লি হায়বগী ৱা নত্তে। মসিগী থবক অসি মপুং ফারবদি ই-গোপালা এপ্তসু নম্বর হাপ্পগা শা অদুগা মরি লৈনবা ই-পাও খুদিংমক লাইনা ফংবা ঙমগনি। মসিনা শা লোইবশিংনা শা লৈবা-য়োনবা লাইনা তৌবা য়াগনি।
মরূপশিং, লৌ উবা ওইরো, ঙা য়োকপা ওইরো মসি খুদিংমক অসি য়াম্না য়াংনা চাউখৎহন্নবা বৈজ্ঞানিক ওইবা থৌওংশিং শিজিন্নবা অমদি খুঙ্গংদা অনৌবা ইনফ্রাস্ত্রকচর শেম্বা অসি য়াম্না মথৌ তাই। বিহার অসি এগ্রীকলচরগা মরি লৈনবগী মহৈ তম্বা অমসুং রিসর্চ তৌবগী অথোইবা সেন্তর অমা ওইরি। দিল্লীদদি মসি মীশিংনা পুসা-পুসা অসি অদুম তাদুনা লৈনৈ। মী খরখক্তনা অশেংবা পুসা অসি দিল্লীদা নত্তে বিহারগী সমস্তিপুরদনি হায়বা খংই। মসিদা লৈরিবা অসি মদুগী ফাইবোক্কুম্বনি।
মরূপশিং, মীখা পোন্দুনা লৈরিঙৈগী মতমদা সমস্তিপুরগী পুসাদা জিতিগী থাক্কী এগ্রীকলচর রিসর্চ সেন্তর হাংদোকখি। নিং-খা তম্লবা মতুমদা দা. রাজেন্দ্র প্রসাদ অমসুং জননায়ক কর্পুরী ঠাকুরগুম্বা মিৎয়েং শানবা লুচিংবশিং অসিনা মসিগী চৎনবি অসি মখা চত্থহনখি। মখোয়না হোৎনবিরম্বশিং অদুদগী ইথিলনা কুমজা ২০১৬দা দা. রাজেন্দ্র প্রসাদনা এগ্রীকলচরেল য়ুনিবর্সিতী অসি সেন্ত্রেল য়ুনিবর্সিতী ওইনা শকখংবিখি। মসিগী মতুংদা মসিগী য়ুনিবর্সিতী অসিদা অমসুং মসিগী মখাদা লৈবা কোলেজশিং কোর্সেসশিংগী খুদোংচাবশিং অসি হেন্না পাকথোক-চাউথোকখি। মোতিহারীদা লৈবা এগ্রীকলচর অমসুং ফোরেস্ত্রীগী অনৌবা কোলেজ ওইরো, পুসাদা লৈবা স্কুল ওফ এগ্রীব্যুজিনেস অমসুং রুরেল মেনেজমেন্ত ওইরো, বিহারগী এগ্রীকলচর সাইন্স অমসুং এগ্রীকলচর মেনেজমেন্তকী মহৈ তম্নবগী এজুকেসন সিস্তেমশিং অসি হেন্না মপাঙ্গল কনখৎহল্লি। মসিগী থবক অসি খুমাং চাউশিলহল্লদুনা স্কুল ওফ এগ্রীব্যুজিনেস অমসুং রুরেল মেনেজমেন্তকী অনৌবা শঙলেন শঙ্গাখ্রে। মসিগা লোয়ননা অনৌবা সোস্তেল, স্তেদিয়ম অমসুং গেস্ত হাউসকীসু উরেপ উয়ুং তমখ্রে।
মরূপশিং, লৌউ-শিংউবগী লমগী অনৌবা মখলগী মথৌ তাবশিং অসিদা য়েংঙগা হৌকিবা চহি ৫-৬তগী লৈবাক অসিদা অচৌবা কেম্পেন তৌরি। চহি ৬কী মমাংদা লৈবাক অসিদা এগ্রীকলচর য়ুনিবর্সিতী অমখক্তমক লৈরম্বা অদু হৌজিক ৩ লৈরে। বিহার অসিদা চহি খুদিংগী ঈশিং-ঈচাউ থোকপনা লৌ উরিবা লৌমীশিং অসি মতৌ করম্না কনগদগে হায়বসিগী মতাংদা গান্ধী রিসর্চ সেন্তর অমা শাখ্রে। মসিদা মোতীপুরগী ঙাগা মরি লৈনবা রিজ্নেল রিসর্চ অমসুং ত্রেনিং সেন্তর, মোতিহারীদা ঙা য়োকপগা মরি লৈনবা এগ্রীকলচর অমদি দায়রী চাউখৎনবা সেন্তরনচিংবশিং ইন্সতিত্যুৎশিং অসি বিজাঞান অমসুং তেক্নোলোজীগা শমজিন্নহন্নবা হৌদোকখিবনি।
মরূপশিং, হৌজিক ভারত অসি খুঙ্গংগী মনাক মক্তদা ফুদ প্রোসেসিংগা মরি লৈনবা ইন্দস্ত্রীসু লৈরগদবা অমদি মনাক মক্তদা রিসর্চ সেন্তরসু লৈরগদবা ফীভমগী মায়কৈরোমদা চংশিল্লক্লি। হায়বদি-জয় কিসান, জয় বিজ্ঞান অমসুং জয় অনুসন্ধান ওইনা হায়বা য়ারে। পাঙ্গল অহু অসি অমত্তা ওইনা পুনশিন্নদুনা থবক তৌবা তারবদি লৈবাক অসিগী খুঙ্গংগী পুন্সি অসিদা অচৌবা অহোংবা অমা লাকপা হায়বসি শোইদ্রবনি। বিহারদা মসিগীদমক্তা তৌবা য়াবা কয়া অমা লৈ। মফমসিগী উহৈ-ৱাহৈ, লিচি ওইরো, মতোং য়াম্না য়াওবা হৈনৌ ওইরো, হৈক্রু ওইরো, মখানা ওইরো নত্রগা মধুবনীগী অয়েকপা লাই ওইরো অসিগুন্বা পোৎলম কয়া অমা বিহারগী জিলা-জিলা কয়াদা লৈরি। ঐখোয়না মসিগী লোকেল প্রদকশিংগীদমক্তা হেন্না ভোকেল ওইগদবনি। ঐখোয়না লোকেলগীদমক্তা অদুক্কী মতিক ভোকেল ওইরিবমখৈ বিহার অসি অদুক্কী মতিক আত্মনির্ভর ওইগনি।
মরূপশিং, বিহারগী ইনখৎলক্লিবশিংনা মরুওইনা ঐখোয়গী ইচলশিংনা হান্নদগী হৌনা শিংথানিংঙাই ওইবা থৌদাং লৌবিরিবা অসিদা ঐহাক নুংঙাই। শ্রীবিধিগী ফৌ থাবা ওইরো, লীজদা লম লৌরগা এঞ্জাং তাবা ওইরো, অজ্জোলা য়াওনা অতোপ্পা বাইও ফর্তিলাইজরশিং শিজিন্নবা ওইরো, লৌউ-শিংউবগী মেছিনরীগা মরি লৈনবা হায়রিং সেন্তর ওইরো, বিহারগী নুপীগী থৌনা অসি আত্মনির্ভর ভারত অভিয়ানগী পাঙ্গল ওইবদা মাংজিল থারি। পুর্নিয়া জিলাদা চুজাক লল্লোনবগা মরি লৈনবা ‘অরন্যক এফ.পি.ও.’ অমসুং কোসীদা নুপীশিংনা দায়রীগী থবক তৌবা লৌমীশিংগী ‘কৌশিকী মিল্ক প্রদ্যূসর কম্পনি’গুম্বা গ্রুপ কয়ানা শিংথানিংঙাই ওইবা থবক তৌরি।
হৌজিক্কী ঐখোয়গী থৱায় য়াওবা নহা ওইরিবশিং অসিগীদমক্তা, ইচলশিংগীদমক্তা কেন্দ্র সরকারনা অখন্নবা ফন্দ অমসু শেম্লে। লুপা লাক্ষ ২গী ইনফ্রাস্ত্রকচর ফন্দ ফন্দগী অসিগুম্বা এফ.পি.ও.-এগ্রো প্রদক্কী য়ুনিয়নশিংদা নিংথিনা থবক তৌরিবা গ্রুপশিংদা, খুঙ্গংদা গোদাউন, কোল্দ স্তোরেজ অমদি অতোপ্পা খুদোংচাবশিং অসি শান্নবা শেলগী তেংবাং লাইনা ফংগনি। মসিদা নত্তনা ঐখোয়গী ইচলশিংনা সেল্ফ হেল্প গ্রুপশিংদা তেংবাং য়াম্না পীরি। ঙসি বিহারদা ফীভম অসি চহি ২০১৩-১৪গা য়েংনবদা সেল্ফ হেল্প গ্রুপশিংনা ফংলিবা লোন্দা শরুক ৩২ হেনগৎহনখ্রে। লৈবাক অসিদা, বেঙ্কশিংদা, ঐখোয়গী ইচলশিং অসিগী মপাঙ্গলনা মখোয়না ওন্তর্প্রিন্যুর্শিপ অসিদা কয়া য়াম্না থাজবগে হায়বসি উৎনবনি।
মরূপশিং, বিহারগী খুঙ্গংশিং অসি,লৈবাক অসিগী খুঙ্গংশিং অসি আত্মনির্ভর ভারতকী অথোইবা সেন্তর অমা ওইহন্নবা লেপ্তনা হোৎনরি। হোৎনরিবশিং অসিদা বিহারগী হোৎনবা কল্লবা মরূপশিং অচৌবা থৌদাং লৈ অমসুং অদোমদগী লৈবাক অসিনা পাংথোকহন্নিবা কয়াসু য়াম্না য়াম্মি। বিহারগী মীশিং,লৈবাক অসিদা লৈবা ওইরো নত্রগা মীরমদা মশাগী হোৎনজমন্না, মশাগী হৈথোই-শিংথোইবনা মশানা মতিক চাজবনি হোৎনরি। বিহারগী মীশিংনা হৌজিক আত্মনির্ভর বিহারগী মংলান অসি মপুং ফাহন্নবগীদমক্তা লেপ্তনা থবক তৌগনি হায়বা ঐহাক্না থাজৈ। চাউখৎনবগী য়োজনাশিং হৌদোকপগী দমক্তা ঐহাক্না ময়াম পুম্নমক্কী মফমদা নুংঙাইবা ফোংদোকচরি অদুগা অমুক্কা হন্না ঐহাক্কী অনিংবশিং অসি ফোংদোকচগনি, ঐহাক্না অদোমদগী থবক কয়া পাংথোরক্কনি হায়বগী থাজবা কয়া থমজরিবশিং অসি হায়জগে অদুগা ঐহাক্কী খঞ্জরিবশিং অসি মাস্ক অমসুং গজ অনি লাপ্না লৈনবগী চৎন-পথাপ অসি শোইদনা ঙাক্না চৎপনি, শোই-ঙামদবা ওইবিয়ু, হকচাং ফনা লৈবিয়ু।
ঐখোয়গী য়ুমদা লৈবা চহি য়াম্লবা ইমুগী মীওইশিংবু নিংথিনা চেকশিন্না থম্বিয়ু, মসি য়াম্না মথৌ তাবনি, কোরোনা অসি লাইনা লৌবিগনু অমদি নাগরিক খুদিংমকপু, ঐখোয়গীদা বৈজ্ঞানিকশিংনা শাবা ভেক্সিন অসি পুথোরক্ত্রিবফাওবা অদুবু মসিগী সোসিএল ভেক্সিন অসিনা কোরোনাদগী কন্নবা অথোইবা পাম্বৈনি, কন্ননবগী লম্বিনি অমসুং মরম অসিনা গজ অনি লাপ্না লৈনবা, মাস্ক, মফম অমদা হেক্তা লোক-তিন শিত্তবা, অহল ওইরবশিংগীদমক্তা খনবিবা হায়রিবা হিরমশিং অসি হন্না ঙসি অদোম ময়াগী মরক্তা লাক্লি, অমুক হন্না নিংশিংজদুনা অমুক হন্না ময়ামগী মরক্তা লাকচনবগী তাঞ্জা ফংলিবা অসিগীদমক্তা রাজ্য সরকারবু, গিরিরাজজীবু হন্না-হন্না থাগৎচরি।
হন্না-হন্না থাগৎচরি !!!
