বিশ্বকর্মা জয়েন্তিগী নুমিৎতা ত্রেদিস্নেল আর্তিসান অমসুং ক্রাফসকী মীওইশিংগীদমক ‘পি.এম. বিশ্বকর্মা’ হৌদোকখ্রে
পি.এম. বিশ্বকর্মা লোগো, তেগলাইন ‘সম্মান সামর্থ্য সমৃধি’ অমসুং পোর্তেল লোঞ্চ তৌখ্রে
কস্তমাইজ তৌরবা স্তাম্প শীত অমসুং তুলকিৎ বুকলেৎ ফোঙখ্রে
বেনিফিসরী 18দা বিশ্বকর্মা সর্তিফিকেৎশিং য়েন্থোকখ্রে
“ঐহাক্না লৈবাক্কী শিন্মী খুদিংমক্তা, বিশ্বকর্মা খুদিংমক্তা ‘য়শোভুমি’ কৎথোক্লি”
“বিশ্বকর্মাশিংবু শকখঙবিবা অমসুং মতেং পীবিবা অসি তানফম অসিদা য়াম্না মরু ওই”
“আউৎসোর্স তৌরিবা থবক অসি ঐখোয়গী বিশ্বকর্মা মরুপশিংদা পীগদবনি অমসুং মখোয়না গ্লোবেল সপ্লাই চেনগী মরু ওইবা শরুক অমা ওইহনগদবনি”
“মতমগী অহোংবা লাক্লিবা অসিদা বিশ্বকর্মা মরুপশিংগীদমক ত্রেনিং, তেক্নোলোজী অমসুং খুৎলাইশিং মরু ওই”
“কনা লৈজদ্রবশিংগীদমক মোদীনা লেপ্পী”
“ভোকেল ফোর লোকেল অসি লৈবাক পুম্বগী থৌদাংনি”
“ঙসিগী বিক্ষিৎ ভারতন সেক্তর খুদিংমক্তা অনৌবা শক্তাক অমা পীরি”
“য়শোভুমিনা পীরিবা পাউজেল অসি ময়েক শেংই। মফম অসিদা পাঙথোকপা থৌরম অমা হেক্তনা মাইপাকপা ঙমগনি অমসুং মীংচৎ ফংগনি”
“ভারত মন্দপম অমসুং য়শোভুমি সেন্তরনা দ
নুমিৎ অসিগী অঙনবদা প্রধান মন্ত্রীনা দ্বারকা সেক্তর 21দগী অনৌবা মেত্রো স্তেসন ‘য়শোভুমি দ্বারকা সেক্তর 24’ ফাওবগী দিল্লী এয়রপোর্ত মেত্রো এক্সপ্রেস লাইনগী এক্সতেন্সন শঙ্গাখি।
মহাক্না মসিদা চৎপীনবা প্রজাশিংদা হায়জখি। প্রধান মন্ত্রীনা হায়খি মদুদি আর্তিসান লাখ কয়া অমসুং মখোয়গী ইমুং মনুংশিংগীদমক পি.এম. বিশ্বকর্মা স্কিম অসি আশাগী মঙাল অমা ওইরি।

 

ভারত মাতা কি-জয়!

ভারত মাতা কি-জয়!

ভারত মাতা কি-জয়!

লৈবাক্কী কাচিন কোয়া খুদিংমক্তগী অচৌবা বিল্দিং অসিদা তিল্লিবা কেন্দ্রগী মন্ত্রী-মন্দলদা ঐগী মরুপ ওইরিবা নুংশিরবা ইচিল-ইনাওশিং, সহর 70 হেনবদগী প্রোগ্রাম অসিদা শরুক য়ারিবা ঐগী নুংশিরবা প্রজাশিং, অতোপ্পা দিস্তিঙ্গুইস গেস্তশিং অমসুং ঐগী ইমুংগী মীওই পুম্নমক!

ঙসি অসি ভগৱান বিশ্বকর্মাগী মপোক নুমিৎ পালন তৌরি। নুমিৎ অসি ত্রেদিস্নেল আর্তিসানশিং অমসুং ক্রাফস তৌরিবা মীওইশিংদা কৎথোক্লি। বিশ্বকর্মা জয়েন্তিগী নুমিৎনা লাকপদা লৈবাক্কী মীওই পুম্নমক্ত ঐহাক্না য়াইফ পাউজেল পীজরি। নুমিৎ অসিদা ঐহাক্না লৈবাক্কী মফম খুদিংমক্তগী বিশ্বকর্মা করোর কয়াগা লোয়ননা কন্নেক্ত তৌনবা খুদোংচাবা অমা ফংজরি। মীকুপ খরগী মমাংদা ঐহাক্না ঐগী বিশ্বকর্মা ইচিল ইনাও কয়াগা ৱারী শাখি। মফম অসিদা লাকপদা ঐনা থেংলিবা অসিগী মরম অসি মখোয়গা ৱারী শদুনা লৈরুবননি। অমসুং মফম অদুদা উৎলম্বা একজিবিসন অদু অদুক্কী মতিক ফজবনা হনীংবা পোকখিদে। মসিদা চৎপীনবা প্রজাশিংদা হায়জখি। মসি নুমিৎ 2-3 চৎথখিগনি মরম অসিনা দিল্লীদা লৈরিবশিংনা মসি য়েংবা শোইদনা চৎপীয়ু।

মরুপশিং,

ভগৱান বিশ্বকর্মাগী থৌজালশিংগা লোয়ননা ঙসি প্রধান মন্ত্রী বিশ্বকর্মা য়োজনা হৌদোক্লি। পি.এম. বিশ্বকর্মা য়োজনা অসিনা মখোয়গী মখুৎ, খুৎলাইশিংগা লোয়ননা হৈশিংনা থবক তৌরিবা অমসুং ত্রেদিস্নেল প্রেক্তিস ঙাক্না চৎলিবা ইমুং করোর কয়াগীদমক অনৌবা আশাগী মঙাল ওইনা লাক্লি।

ঐগী নুংশিজরবা ইমুং-মনুংশিং,

স্কিম অসিগা লোয়ননা ঙসি লৈবাক অসিদা ইন্তর্নেস্নেল একজিবিসন সেন্তর – য়শোভুমিসু খুৎশিন্নরি। থবক অসিদা ঐগী শিন্মী ইচিল ইনাওশিং, ঐগী বিশ্বকর্মা মরুপশিংগী কৎথোকপা অমসুং হোৎনবা কনবগী মমি তারি। ঙসি ঐহাক্না লৈবাক্কী শিন্মী খুদিংমক্তা, বিশ্বকর্মা খুদিংমক্তা ‘য়শোভুমি’ অসি কৎথোক্লি। মশিং য়াম্লবা ঐখোয়গী বিশ্বকর্মা মরুপশিংনসু য়শোভুমিগী বেনিফিসরীশিং ওইরি। ঙসিগী থৌরম অসিগা লিঙ্ক তৌখিবা বিশ্বকর্মা লিশিং কয়াদা ঐহাক্না পাউজেল অমা  অখন্ননা পীজনীংই। খুঙ্গংদা নখোয়না শাবা, নখোয়না চত্থরিবা কালা, নখোয়না শারিবা ক্রাফ অদু উৎথোক্নবা অচৌবা সেন্তর অসিনা শক্তি লৈরবা মেদিয়াম অমা ওইরগনি। মসিনা মালেমদা নখোয়গী কালা, নখোয়গী স্কিলশিং অমসুং নখোয়গী খুৎহৈবগী কালা অদু উৎলগনি। মসিনা ভারতকী লোকেল প্রদক্তশিং গ্লোবেল য়ৌহনবদা মরু ওইবা থৌদাং লৌরগনি।

ঐগী নুংশিজরবা ইমুং-মনুংশিং,

ঐখোয়গী দেবতা অসুম্না ইরি, 'यो विश्वं जगतं करोत्येसे स विश्वकर्मा' মসিগী ৱাহন্থোক্তি মালেম পুম্ববু শারিবা নত্ত্রগা মসি শাবগী থবক্কা মরী লৈনবা মীওইশিংবু ‘বিশ্বকর্মা’ কৌই। চহি লিশিং কয়া ভারতকী চাউখৎ-খোঙচৎকী য়ুম্বী ওইদুনা লাকখিবা মরুপশিং অদু ঐখোয়গী বিশ্বকর্মাশিংনি। ঐখোয়গী য়াংলেন শরূনা ঐখোয়গী হকচাংগী মরু ওইবা থৌদাং লৌবগুম্না বিশ্বকর্মা মরুপশিং অসিনা ঐখোয়গী খুন্নাইগী পুন্সিরোলদা মরু ওইবা থৌদাং লৌরি। ঐখোয়গী বিশ্বকর্মা মরুপশিং অসিনা নোংমগী পুন্সিদা চংদবা য়াদ্রবা থবক অমসুং স্কিলশিংগা মরী লৈনৈ। ঐখোয়গী এগ্রিকলচরেল সিস্তেমদা য়েংবীয়ু, য়োৎ শাবা য়াওদনা লৌউবা ওইথোক্কদ্রা? খুঙ্গংশিংদা খোঙউপ শারিবশিং, শম কক্লিবশিং অমসুং ফিরোল তুরিবশিং, মখোয়গী মরু ওইবা অসি কৈদৌনুংদা হন্থরোই। রেফ্রিজিরেতরগী চহিচা অসিদা ফাওবা মীয়াম্না লৈপাক্কী চফু অমসুং পাত্রাদগী ঈশিং থকপা পাম্নরি। মালেমনা ফনা চাউখৎলবসু, তেক্নোলোজীনা মীপুম খুদিংমক্তা য়ৌশিনবা ঙম্লবসু মখোয়গী থৌদাং অমসুং মরুওইবা অদুদা অদুমক লেংদনা লৈগনি। মরম অসিনা হৌজিক্কী ওইনা বিশ্বকর্মা মরুপশিং অসিগী মরু ওইবা অদু শকখঙবা অমসুং অঙম্বা অমওংদা মতেং পাংবা তঙাই ফদে।

মরুপশিং,

সরকারনা বিশ্বকর্মাশিংদা ইকাই খুম্নবা উৎপা, মতিক-ময়াই হেনগৎহন্নবা অমসুং খুমাং চাউশিনহন্নবা মপাং অমা ওইনা লেপ্পী। স্কিম অসিনা আর্তিসান অমসুং ক্রাফসমেনশিংগীদমক লম 18দা মরু ওইবা মীৎয়েং চংলি। তোঙান-তোঙানবা শিন্ফম 18 অসিদা থবক তৌদবা  মীওই লৈতবা খুঙ্গং অমত্তা লৈরোই। মখোয়শিং অদুদি উ শুবা, উগী শান্নপোৎশিং শাবা, য়োৎকী থবক শুবা, সনা শাবা, লৈপাক্কী চফু শাবা, স্কল্পতর, খোঙউপ শাবা, ফী তুবা, শম ককপা, ফী শুবা, ফী শাবা, লৈ পরেং শাবা, লাং শাবা, হী শাবা অমসুং তোঙান-তোঙানবা অতোপ্পশিং য়াওরি। সরকারনা পি.এম. বিশ্বকর্মা স্কিমগী মখাদা লুপা করোর 13,000 চাদিং তৌরগনি ।

 ঐগী নুংশিজরবা ইমুং-মনুংশিং,

চহি 30-35গী মমাংদা ঐহাক্না য়ুরোপকী ব্রুসেল্সতা চৎলুই। ঐহাক্না মফম অদুদা লৈরিঙৈদা ঐগী য়ুম্বুনা ঐবু মফম অদুগী জ্বেল্লরী একজিবিসন অমদা পুবিখি। খঙনীংদনা ঐহাক্না মফম অদুগী অসিগুম্বা পোৎলমশিংগী মার্কেৎকী মরমদা মখোয়দা হংখি। অঙকপা ওইরিবদি মখোয়ন মেছিন্না শাবা লিংকোনগী দিমান্দ অসি নেম্মি অদুবু খুৎনা শাবা লিক কোন মীয়াম্না পাম্নবা হেল্লি অমসুং মমলসু তাংই হায়না পাউখুম পীরকখি। নখোয়না নীংথিনা হক্তুনা শারিবা অদুগী দিমান্দ মালেমদা হেনগৎলক্লি। হৌজিক মতম অসিদা অচৌবা কম্পনীশিংনা মখোয়গী প্রদক্সন অপীকপা কম্পনীশিংদা আউৎসোর্স তৌনবা উবা ফংই। মসি মালেম শিনবা থুংবগী ওইনা অচৌবা ইন্দস্ত্রী অমনি। ঐখোয়গী বিশ্বকর্মা মরুপশিংদা আউৎসোর্স তৌরিবা থবক অসি লাক্নবা মাইকৈদা চংশিল্লি অমসুং নখোয়বু সপ্লাই চেনগী শরুক অমা ওইহন্নবা হোৎনরি। ঐখোয়না নখোয়বু ইফিসিএন্ত ওইহন্দুনা অচৌবা ইন্তর্নেস্নেল কম্পনীশিংনা মখোঙনা থোংনা নখোয়গী এক্সপর্তিজ অদু পাম্বগী লাকহনবা পাম্মি। মরম অসিনা স্কিম অসি বিশ্বকর্মা মরুপশিংবু মোর্দন এজতা পুশিন্নবা খোঙথাং অমনি।

মরুপশিং,

মতমদা অহোংবা লাক্লিবা অসিদা বিশ্বকর্মা মরুপশিংগীদমক ত্রেনিং, তেক্নোলোজী অমসুং খুৎলাইশিং মরু ওই। সরকারনা বিশ্বকর্মা য়োজনাগী খুত্থাংদা নখোয়দা ত্রেনিং পীনবা অকনবা মীৎয়েং চংলি। ত্রেনিং মনুংদসু নোংমদা এলাৱেন্স ওইনা লুপা 500 ত্রেনিং মনুংদা ফংহনগনি মরমদি নখোয় অসি কন্না হোৎন্দুনা নোংমগী চরা তাল্লিবা মীওইশিংনি। মোদর্ন তুলকিৎকীদমক লুপা লিশিং 15গী তুলকিৎ ভৌচর পীগনি আমসুং সরকারনা মখোয়গী প্রদক্তশিংগী ব্রান্দিং, পেকেজিং অমসুং মার্কেতিং তৌবদা মতেং পাংগনি। তুলকিৎশিং অদু GST রেজিস্তর তৌবা দুকানশিংদগী খক্তা লৈগদবনি। আইন্না য়াদবা থৌওং চৎথবদি তুমিন্না লৈরোই। মখা তানা ঐহাক্না কন্না হায়জরি মদুদি তুলশিং অদু মেদ ইন ইন্দিয়া ওইগদবনি।

ঐগী নুংশিজরবা ইমুং-মনুংশিং,

সরকারনা নখোয়গী বিজিনেস অদু চাউথোকহনবা করিগুম্বা পাম্বা তারদবি মদুগী অহানবগী কেপিতেল অদু খুদোংচাদবা অমত্তা থেংনহনদনা পীনবা থৌরাংসু পাইখৎখ্রে। স্কিম অসিগী মখাদা বিশ্বকর্মা মরুপশিংনা কোল্লাতরেল অমত্তা য়াওদনা লুপা লাখ 3 ফাওবগী লোন লৌবা য়াগনি। বেঙ্কশিংনা নখোয়দা কোল্লাতরেল হংলক্ত্রিবা অদু মোদীনা নখোয়গী লোনগী গরেন্তী ওইবগীনি। বিশ্বকর্মা মরুপশিংনা অতাবা শেন্দোইগী চাংদা লোন লৌবা য়াহল্লি। সরকারনা প্রোবিজন অমা শেমখ্রে করিগুম্বা নখোয়গী ত্রেনিং লোইরবদি অমসুং অহানবা ওইনা অনৌবা খুৎলাইশিং লৈরবদি নখোয়না অহানবা ওইনা লুপা লাখ 1 ফাওবগী লোন লৌবা য়াগনি। অমসুং লোন অদু শীংগৎলবা মতুংদা থবক নীংথিনা তৌরবদু মখা তানা লুপা লাখ 2 ফাওবগী লোন অমুক লৌথবা য়াহল্লি।

ঐগী নুংশিজরবা ইমুং-মনুংশিং,

ঙসি ঐখোয়গী লৈবাক অসিদা লৈরিবা সরকার অসিনা শোত্থরবশিংদা মীৎয়েং চংলি। ঐখোয়গী সরকারনা “ৱান দিস্ত্রিক্ত, ৱান প্রদক্ত (ODOP)” স্কিমগী খুত্থাংদা জিলা খুদিংমক্তগী তোপ-তোপ্পা পোৎলম পুথোক্লিববু থৌগৎলি। কেন্দ্রদা লৈরিবা সরকার অসিনা শোত্থরবশিং চাউখৎহনবদা মীৎয়েং থম্মি। পি.এম. স্বানিধি স্কিমগী খুত্থাংদা স্ত্রীৎ ভেন্দরশিংগীদমক বেঙ্ককী থোং হাংলি। ঐখোয়গী সরকারনা নীংতম্বা ফংলবা মতুংদা অহানবা ওইনা বঞ্জারা অমসুং নোমেদিক ত্রাইবশিংদা মীৎয়েং চংখি। ঐখোয়গী সরকারনা থাক খুদিংমক্তা ‘দিব্যাঙ্গশিং’গীদমক স্পেসিএলাইজ ফেসিলিতীশিং পীরি। কনা লৈজদ্রবশিংগীদমক মোদীনা লেপ্পী। ঐহাক্না শেবা তৌনবা, ইকাই খুম্ননীংঙাই ওইরিবা পুন্সি অমা ফংহন্নবা অমসুং সর্ভিসশিংগী দেলিবরী শোইদনা তৌনবা হোৎনরি। মসি মোদীগী গরেন্তী।

ঐগী নুংশিজরবা ইমুং-মনুংশিং,

মালেমনা G20 ক্রাফ বজারদা তেক্নোলোজী অমসুং ত্রেদিসন পুনশিনবগী ফল উবা ফংখি। লাকখিবা দিগনিতরীশিংগী খুদোলশিং ফাওবা বিশ্বকর্মা মরুপশিংনা শাবা পোৎলমশিং ওইখি। ভোকেল ফোর লোকেলগীদমক কৎথোকপা অসি লৈবাক পুম্বগী থৌদাংনি। অহানবদা ঐখোয়না ভোকেল ফোর লোকেল তৌবা তাই অমসুং মতুংদা লোকেল গ্লোবেলদা চংশিনগনি।

মরুপশিং,

গনেশ ছতুর্থি, ধন্তেরাস, দীপাৱলি অমসুং অতোপ্পশিং য়াওনা হায়রিবা লৈবাক অসিদা পাঙথোক্কদৌরিবা কুহ্মৈশিং অসিদা লৈবাক্কী প্রজা খুদিংমক্না লোকেল প্রদক্তশিং মরু ওইনা লৈবাক অসিগী বিশ্বকর্মাশিংনা জাতিদা শরুক তম্মিবা অদু লৈনবা হায়জরি। লোকেল লৈনবা ঐহাক্না হায়রিবা অসিদা মীওই খরানা মসি দিৱালীগী দিয়াশিং লৈবা ওইনা খক্তা খল্লি। ঐখোয়গী স্কিল লৈরবা বিশ্বকর্মাশিংগী মমি তারিবা, ভারতকী লৈহাওগী মনল চেনবা অমসুং হুমাং মমল য়াওবা অপীকপা অমসুং অচৌবা পোৎলম খুদিংমক লৈবীয়ু।

ঐগী নুংশিজরবা ইমুং-মনুংশিং,

ঙসিগী বিক্ষিৎ ভারতন সেক্তর খুদিংমক্তা অনৌবা শক্তাক অমা পীরি। হন্দক্তা ঐখোয়না ভারত মন্দপমনা মালেমগী পুক্নিং চীংশিনখিবা অদু উবা ফংখি। ইন্তর্নেস্নেল একজিবিসন সেন্তর - য়শোভুমিনা ত্রেদিসন অসিবু হেন্না খুমাং চাউশিনহল্লি। য়শোভুমিনা পীরিবা পাউজেল অসি ময়েক শেংই। মফম অসিদা পাঙথোকপা থৌরম অমা হেক্তনা মাইপাকপা ঙমগনি অমসুং মীংচৎ ফংগনি। মসিনা ভারতকী তুংলমচৎ তাক্নবা পাম্বৈ অমা ওইরগনি।

মরুপশিং,

ভারতকী অচৌবা শেন্মীৎলোনগী তৌবা ঙম্বা অমসুং কম্মর্সিএলগী মতিক ময়াই অসি উৎথোক্নবা লৈবাককী কোনুংগী মসি মরু ওইবা সেন্তর অমনি। হায় মসিদা মলতিমোদেল কন্নেক্তিবিতী অমসুং পি.এম. গতিশক্তি অনিমক্কী মমি তারি। অহেনবা ওইনা মসি এয়রপোর্তকী মনাক্তা লৈরি অমসুং মেত্রো স্তেসন্না কন্নেক্তিবিতী লৈহল্লি। ঙসি শঙ্গাখিবা মেত্রো স্তেসন অসিনা কমপ্লেক্স অসিগা দাইরেক্ত ওইনা ইন্তিগ্রেৎ তৌখি। মেত্রো ফেসিলিতী অসিনা দিল্লীগী তোঙান-তোঙানবা শরুকশিংদগী লাকপা মীওইশিংনা চৎথোক চৎশিন তৌবদা চংবা মতম চাউনা হন্ধহনবা ঙমদুনা লায়না এক্সেসিবল ওইহল্লগনি। বিজিতরশিংগীদমক কম্পেক্স অসিনা এক্কোমোদসন, এন্তর্তেনমেন্ত, শোপ্পিং অমসুং তুরিজম ফেসিলিশিং পুম্নমক য়শোভুমিগী ইকোসিস্তেম মনুংদা ফংহন্নবা দিজাইন তৌখি।

ঐগী নুংশিজরবা ইমুং-মনুংশিং,

মতমগী ইচেলদা অহোংবা লাকপগা লোয়ননা চাউখৎ-থৌরাং অমসুং থবক্কী অনৌবা সেক্তরশিং থোরক্লি। মীওই অমত্তনা ভারত্তা চহি য়াংখৈ অমসুং হুমফুগী মমাংদা অসুক চাউনা IT সেক্তর অমা লৈরক্কনি খল্লুদে। চহি কুনথ্রাদগী কুনথ্রা-মঙা ফাওবগী মমাংদা সোসিএল মেদিয়া অসি ফিক্সনেল ওইরমখি। হৌজিক ভারতকীদমক অতোপ্পা মরু ওইবা সেক্তর অমা লোইনাইদ্রবা তৌবা ঙম্বশিংগা লোয়ননা থোরক্লি অমসুং সেক্তর অসি কনফরেন্স তুরিজমনি। গ্লোবেল কনফরেন্স তুরিজম ইন্দস্ত্রীগী ভেল্যু লুপা করোর 25,000 হেন্না ওইরি। চহি অমদা মালেমদা অচৌবা একজিবিসন অমসুং এক্সপো লিশিং 32 হেন্না পাঙথোক্লি।  মীশিং য়ামদ্রবদা করোর 2-5 লৈবা লৈবাক্না ইভেন্তশিং অসি পাঙথোক্লি অমসুং চাউখৎলি। ভারত্তা মীশিং করোর 140 লৈবগা লোয়ননা মসিদগী চাউনা কান্নবা ফংবা শোইদনা ঙমগনি। মফম অসিদা লাকপা মীপুম খুদিংমক্না চাউনা কান্নবা ফংগনি। মসি অচৌবা মার্কেৎ অমনি। ইচম চম্বা লমকোইবা অমদগী হেন্না কনফরেন্স তুরিজমগীদমক লাক্লিবা মীওইশিংনা হেন্না চাদিং তৌরি। অসিগুম্বা অচৌবা ইন্দস্ত্রীদা ভারতকী শিয়র অসি শুপ্নগী চাদা অমরোম খক্তা ওইরি অমসুং ভারত্তা লৈরিবা অচৌবা কম্পনীশিংনা চহি খুদিংগী মখোয়গী ইভেন্তশিং পাঙথোক্নবা মীরমদা চৎলি। ভারতনা হৌজিক্তি কনফরেন্স তুরিজমগীদমক মশাবু শেম শাজরি।

অমসুং মরুপশিং নখোয়না খঙই মদুদি এভেঞ্চরগী রিসোর্স লৈবা মফমদা খক্তা এভেঞ্চর তুরিজম পাঙথোক্কনি। মোদর্ন মেদিকেল ফেসিলিতীশিং লৈবা মফমদা খক্তা মেদিকেল তুরিজম পাঙথোক্কনি। হিস্তোরিকেল, রিলিজস অমসুং স্পিরিচুএল এক্তিবিতীশিং তৌবা মফমদা খক্তা স্পিরিচুএল তুরিজম পাঙথোক্কনি। পুৱারী অমসুং হেরিতেজ লৈবা মফমদা খক্তা হেরিতেজ তুরিজম তৌই। মতৌ অসুম্না কনফরেন্স তুরিজম অসি ইভেন্তশিং, মীফমশিং অমসুং একজিবিসনগীমদক মথৌ তাবা রিসোর্সশিং লৈবা মফমদা খক্তা খুমাং চাউশিল্লি মরম অসিনা ভারত মন্দপম অমসুং য়শোভুমি সেন্তরনা হৌজিক দিল্লীবু কনফরেন্স তুরিজমগী খ্বাইদগী চাউবা হব ওইহল্লি। নহা লাখ কয়ানা থবক ফংলগনি। তুংলমচৎতা ‘য়শোভুমিনা ইন্তর্নেস্নেল কনফরেন্সশিং, মীফমশিং অমসুং একজিবিসনশিংগীদমক মালেম শিনবা থুংবদা লৈরিবা লৈবাকশিংদগী মীফমগী লাকফম ওইরগনি।

ঙসি ঐহাক্না মালেমগী অকোইবদা লৈরিবা লৈবাকশিংদগী একজিবিসন অমসুং ইভেন্ত ইন্দস্ত্রীগা মরী লৈনবা মীওইশিংবু দিল্লীদা লাক্নবা বর্তন তৌজরি। ঐহাক্না লৈবাক্কী লমদম খুদিংমক্তগী, নোংপোক-নোংচুপ-অৱাং-মখাদা লৈরিবা ফিল্ম ইন্দস্ত্রী অমসুং TV ইন্দস্ত্রীবু বর্তন তৌজরি। নখোয়গী এৱার্দ সেরেমোনীশিং, ফিল্ম ফেস্তিবেলশিং মফম অসিদা পাঙথোকপীয়ু, অহআনবা ফিল্ম শোশিং মফম অসিদা উৎপীয়ু। ঐহাক্না ইন্তর্নেস্নেল ইভেন্ত কম্পনীশিং, একজিবিসন সেক্তরগা মরী লৈনবা মীওইশিংবু ভারত মন্দপম অমসুং য়শোভুমিদ লাকপীনবা বর্তন তৌজরি

ঐগী নুংশিজরবা ইমুং-মনুংশিং,

ঐহাক্না ভারত মন্দপম অমসুং য়শোভুমিনা ভারতকী মীয়োক-মীচান ফবা, খুমাং চাউশিনবা অমসুং মতিক-ময়াইগী খুদমশিং ওইরগনি হায়না থাজৈ। ভারত মন্দপম অমসুং য়শোভুমি অনিমক অসি ভারতকী নাৎ অমদি স্তেৎ-ওফ-দি-আর্ত ফেসিলিতীশিংগী অপুনবা অমনি, অমসুং অচৌবা এস্তাব্লিশমেন্তশিং অসিনা মালেমগী মাংদা ভারতকী ৱারী ফোঙদোক্লি। মসিনা মশাগী খ্বাইদগী ফবা ফেসিলিতীশিং থম্বা পাম্লিবা অনৌবা ভারতকী অনীংবা অপাম্বশিংগী মমিসু তারি।

ঐগী ৱাহৈশিং অসি নীংশিংবীয়ু, ভারতনা হৌজিক লেপ্পা তৌররোই। মাংদা চংশিন্নবা, অনৌবা পান্দমশিং থম্নবা, মদু ফংনবা হোৎননবা অমসুং ভারতপু 2047 ফাওবদা চাউখৎপা লৈবাক অমা ওইহল্লসি। মসি ঐখোয়না অমত্তা ওইনা পুনশিনবগী মতমনি। ঐখোয়গী বিশ্বকর্মা মরুপশিংনা মেক ইন ইন্দিয়াগী মনীনি অমসুং ইন্তর্নেস্নেল কনভেন্সন সেন্তর অসিনা মনী অসিবু মালেমদা উৎথোক্নবা পাম্বৈ অমা ওইরগনি। অমুক হন্না ঐহাক্না মসিগী তুংলমচৎতা কান্নবা ফংহনগদৌরিবা থৌশিল অসিগীদমক বিশ্বকর্মা মরুপশিংদা নুংঙাইবা ফোঙদোকচরি। অনৌবা সেন্তর, য়শোভুমিনা ভারতকী মীংচৎকী খুদম অমা ওইরসনু, দিল্লীগী মীংচৎ হেনগৎহল্লসনু। য়াইফ পাউজেলগা লোয়ননা ঐহাক্না হন্না-হন্না থাগৎচরি!

খুরুমজরি!

 

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Under PM Modi’s leadership, Indian Railways is carving a new identity in the world

Media Coverage

Under PM Modi’s leadership, Indian Railways is carving a new identity in the world
NM on the go

Nm on the go

Always be the first to hear from the PM. Get the App Now!
...
PM to interact with beneficiaries of Viksit Bharat Sankalp Yatra on 30th November
November 29, 2023
In a key step towards women led development, PM to launch Pradhan Mantri Mahila Kisan Drone Kendra
15,000 drones to be provided to women SHGs over next three years
PM to dedicate landmark 10,000th Jan Aushadi Kendra at AIIMS Deoghar
PM to also launch the programme to increase the number of Jan Aushadhi Kendras in the country from 10,000 to 25,000
Both initiatives mark the fulfilment of promises announced by the Prime Minister during this year’s Independence Day speech

Prime Minister Shri Narendra Modi will interact with beneficiaries of the Viksit Bharat Sankalp Yatra on 30th November at 11 AM via video conferencing. Viksit Bharat Sankalp Yatra is being undertaken across the country with the aim to attain saturation of flagship schemes of the government through ensuring that the benefits of these schemes reach all targeted beneficiaries in a time bound manner.

It has been the constant endeavour of the Prime Minister to ensure women led development. In yet another step in this direction, Prime Minister will launch Pradhan Mantri Mahila Kisan Drone Kendra. It will provide drones to women Self Help Groups (SHGs) so that this technology can be used by them for livelihood assistance. 15,000 drones will be provided to women SHGs in the course of the next three years. Women will also be provided necessary training to fly and use drones. The initiative will encourage the use of technology in agriculture.

Making healthcare affordable and easily accessible has been the cornerstone of the Prime Minister’s vision for a healthy India. One of the major initiatives in this direction has been the establishment of Jan Aushadhi Kendra to make medicines available at affordable prices. During the programme, Prime Minister will dedicate the landmark 10,000th Jan Aushadi Kendra at AIIMS, Deoghar. Further, Prime Minister will also launch the programme to increase the number of Jan Aushadhi Kendras in the country from 10,000 to 25,000.

Both these initiatives of providing drones to women SHGs and increasing the number of Jan Aushadhi Kendras from 10,000 to 25,000 were announced by the Prime Minister during his Independence Day speech earlier this year. The programme marks the fulfilment of these promises.