গুজরাতকী মীয়াম্না পাম্নরবা মুখ্য মন্ত্রী, শ্রী ভুপেন্দ্র ভাই পতেল, কেন্দ্রগী মন্ত্রী মন্দলদা ঐহাক্কী মরুপ ওইরিবা অশ্বিনি বৈশ্নো, রাজীব চন্দ্রসেখর, ইন্দস্ত্রীদগী ঐহাক্কী মরুপশিং, ঐহাক্কী মরুপ সঞ্জয় মেহরোত্রা, য়ং লিয়ু, অজিৎ মনোচা, অনিল অগর্ৱাল, অনিরুধ দেবগন, মার্ক শ্রী পেপরমাস্তর, শ্রী প্রভু রাজা, অতোপ্পা এক্সিলেন্সীশিং, নুপী অমদি নুপাশিং,
ঐহাক্না কনফরেন্স অসিদা উখ্রবা মীওই কয়া উবা ফংলি। অহানবা ওইনা উনবা মীওই খরসু য়াওরি। সোফৱেয়রশিং অপদেৎ তৌবা মথৌ তাবগুম্না প্রোগ্রাম অসিসু অপদেৎ তৌবা মথৌ তাই। ইন্দস্ত্রী, এক্সপর্তশিং, পোলিসী মেকরশিংগা লোয়ননা লৈনরিবা মরীশিং অসি SEMCON ইন্দিয়াগী খুত্থাংদা অপদেৎ তৌরি। অমসুং ঐহাক্না খঙই অমসুং ঐহাক্না খল্লি ঐখোয়গী মরীশিং সিনক্রোনাইজেসন তৌনবগীদমক মসি য়াম্না মরু ওই। ভারত অমসুং মপান লৈবাকশিংদগী কম্পনী কয়ানা SEMCON ইন্দিয়া য়াওরুনবা লাক্লি, ঐখোয়গী স্তার্ত-অপশিংসু লাক্লি। ঐহাক্না পুম্নমকপু SEMCON ইন্দিয়াদা তরাম্না ওকচরি। অমসুং ঐহাক্না একজিবিসন অসি, লম অসিদা কয়াম খুমাং চাউশিল্লিবা, অনৌবা ইনোৎকা লোয়ননা অনৌবা মীওইশিং, অনৌবা কম্পনীশিং, অনৌবা প্রদক্তশিং হৌজিক উবা ফংজরে, ঐহাক্না মতম খজিক্তং ফংখি অদুবু নুংঙাইরবা এক্সপরিয়েন্স ফংখি। ঐহাক্না মীপুম খুদিংমক, গুজরাতকী হৌরক্লিবা মীরোলদা একজিবিসন অসি নুমিৎ খরনি চত্থখিগনি মসিদা শোইদনা চৎপীনবা, মালেমদা শেমখিবা অনৌবা তেক্নোলোজীগী শক্তি খঙনবা হায়জরি।
মরুপশিং,
মমাং চহিদা ঐখোয় পুম্নমক্না সেমিকোন ইন্দিয়াগী অহানবা ইদিসন্দা শরুক য়াখি। অমসুং মদুদা কনাগুম্বা অমনা ভারতকী সেমিকন্দক্তর সেক্তরদা করিগীদমক ইনভেস্ত তৌগনি? হায়বগী মতাংদা খন্নখি, মীয়াম্না হঙখি “করিগী ইনভেস্ত তৌগদৌরিবনো?” হৌজিক ঐখোয়না চহি অমগী মতুংদা উন্নরি অদুনা ৱাহং অসিদা অহোংবা লাক্লে। হৌজিক হায়রি “করিগীদমক ইনভেস্ত তৌরোইদৌরিবনো?” অমসুং শুপ্নগী ৱাহংদা অহোংবা লাকপা খক্তা নত্তনা নুংশিৎকী মৈরমদসু অহোংবা লাক্লে। অমসুং নখোয় পুম্নমক্না ৱাখল্লোন অসি হোংলে, নখোয়গী খোঙথাংশিংদা অহোংবা লাক্লে। মরম অসিনা মসিগী থাজবা অসি উৎনবা থৌশিল অসি পাইখৎকিবা মফম অসিদা তিল্লিবা কম্পনী পুম্নমকপু ঐহাক্না নুংঙাইবা ফোঙদোকচরি। নখোয়গী তুংলমচৎ অসি ভারতকী অনীংবা অপাম্বশিংগী মরী লৈনহল্লি। নখোয়গী মঙলানশিং অসি ভারতকী মতিক-ময়াইগা পুনশিনখি। অমসুং ভারতনা কনাগুম্বা অমত্তবু নুংঙাইতবা তৌহনখিদে। 21শুবা চহিচাগী ভারত্তা নখোয়গীদমক খুদোংচাবশিং পীরি। ভারতকী দেমোক্রেসী, ভারতকী দেমোগ্রাফী, ভারত্তগী ফংলিবা দিবিদেন্ত অসিনা নখোয়গী বিজিনেসপু শরুক অনি-অহুম হেনগৎহল্লগনি।
মরুপশিং,
নখোয়গী ইন্দস্ত্রীদা মোর’স লোগী মতাংদা তোইনা পল্লি। মসিগী মরমদা অকুপ্পা মরোল ঐহাক্না খঙদে অদুবু ঐহাক্না খঙই মদুদি মসিদা ‘এক্সপোনেন্সিএল গ্রোথ’ অসি মরু ওই। ঐখোয়গী হায়নবা অমা লৈ – নুংথিলগী মতম শরুক অনি হেনগৎহল্লু, নুমিদাংগী মতম শরুক মরি হেনগৎলক্কনি। অমসুং মসিসু অসিগুম্বা অমনি। ঙসি ঐখোয়না ভারতকী দিজিতেল সেক্তরদা, ইলেক্ত্রোনিক-মেন্যুফেকচরিংদা চপ মান্নবা ‘এক্সপোনেন্সিএল গ্রোথ’ উবা ফংলি। নুমিৎ খরনিগী মমাংদা ভারতনা সেক্তর অসিদা মচিন তুমখৎলক্লিবা প্লেয়র অমা ওইবা ঙমখি। ঙসি গ্লোবেল ইলেক্ত্রোনিক্স-মেন্যুফেকচরিংদা ঐখোয়গী শিয়র অসি শরুক কয়া হেনগৎলকখি। 2014দা ভারতকী ইলেক্ত্রোনিক্স প্রদক্সন অসি $30 বিলিয়নদগী তাখি। ঙসি মসি 100 বিলিয়ন দোলর ফাওনা হেনবা ঙম্লে। ভারত্তগী ইলেক্ত্রোনিক্স এক্সপোর্ত তৌবা অসি শুপ্নগী চহি অনিগী মনুংদা শরুক অনি হেনগৎলকখি। মোবাইল ফোনশিং এক্সপোর্ত তৌবা অসি হৌজিক ভারত্তা শরুক অনি হেনগৎলকখ্রে। মতম অমদা মোবাইল ফোনশিংগী ইম্পোর্তর লৈবাক অসিনা মালেমগী খ্বাইদগী ফবা মোবাইল ফোনশিং এক্সপোর্ত তৌরি।
অমসুং মরুপশিং,
সেক্তর খরদা ঐখোয়গী গ্রোথ অসি মোর্স লোদগী হেল্লি। 2014গী মমাংদা ভারত্তা মোবাইল মেন্যুফেকচরিং য়ুনিৎ 2 খক্তা লৈরমখি। ঙসি মসিগী মশিং অসি 200 হেন্না হেনখ্রে। করিগুম্বা ঐখোয়না ব্রোদবেন্দ কন্নেক্তিবিতীগী মতাংদা পল্লবদি 2014দা ভারত্তা য়ুজর 60 মিলিয়ন লৈরমখি। মসিগী মশিং অসি ঙসি 800 মিলিয়ন হেন্না হায়বদি য়ুজর 800 মিলিয়নদা হেনগৎখি। 2014দা ভারত্তা ইন্তর্নেৎ কন্নেক্সন 250 মিলিয়ন লৈ। ঙসি মশিং অসি 850 মিলিয়ন হায়বদি করোর 85 হেন্না হেল্লে। মসিগী মশিং অসিনা ভারতকী মাইপাকপা অদু তাকপা খক্তা নত্তনা মশিং অমমমনা নখোয়গী ইন্দস্ত্রীগী চাউখৎলক্লিবা বিজিনেসকী ইন্দিকেতর অমা ওইরি। ‘এক্সপোনেন্সিএল গ্রোথ’কী পান্দমগা লোয়ননা মাংদা চংশিল্লিবা সেমিকোন ইন্দস্ত্রীগী লম অসিদা ভারতনা মসিবু ফংনবা হোৎনবদা য়াম্না চাউবা থৌদাং অমা লৈ।
মরুপশিং,
ঙসি মলেম্না মরিশুবা ইন্দস্ত্রিএল রিভোল্যুসন – ‘ইন্দস্ত্রী ফোর পোইন্ত O’ উবা ফংলি। মালেমনা অসিগুম্বা ইন্দস্ত্রিএল রিভোল্যুসন অমা হেক্তা থেংনবা খুদিং মসিগী য়ুম্ফম অসি মফম অমা নত্ত্রগা অমগী মীয়ামগী অনীংবা অপাম্বশিংনা ওইখি। মসি মমাংগী ইন্দস্ত্রিএল রিভোল্যুসন অমসুং অমেরিকাগী মঙলানগী মরক্তা লৈরিবা মরী অদুনি। ঙসি ঐহাক্না চপ মান্নবা মরী অদু মরিশুবা ইন্দস্ত্রিএল রিভোল্যুসন অমসুং ভারতকী অনীংবা অপাম্বশিং অদু উবা ফংলি। ঙসি ভারত মচাগী অনীংবা অপাম্বশিংনা ভারতকী চাউখৎ-থৌরাংদা শাহৌ পীরি। ঙসি ভারত অসি মালেমদা লায়রবা খোঙজেল য়াংনা মাংহল্লিবা লৈবাক ওইরি। ঙসি ভারত অসি নিও মিদল ক্লাস খোঙজেল য়াংনা হেনগৎলক্লিবা মালেমগী লৈবাক অমা ওইরি। ভারতকী মীয়াম অসি তেক ফ্রেন্দলী ওই অমসুং তেক্নোলোজী শীজিন্নবদসু চপ মান্ননা খোঙজেল য়াংই।
ঙসি ভারত্তা অহোংবা দেতা, ক্বালিতী লৈয়া দিজিতেল ইনফ্রাস্ত্রকচরনা খুঙ্গং খুদিংদা হৌশিল্লি অমসুং অপনবা লৈতবা পাৱর সপ্লাইনা দিজিতেল প্রদক্তশিং শীজিন্নবদা শরুক কয়া হেনগৎহল্লি। হকশেলদগী লৌউ-শিংউ অমসুং লোজিস্তিক্স ফাওবদা ভারতনা স্মার্ত তেক্নোলোজী শীজিন্নবগা মরী লৈনবা অচৌবা বিজন অমদা থবক তৌরি। মফম অসিদা মশিং য়াম্লবা মীয়াম লৈ, মমাংদা তঙাই ফদবা হোম এপ্লাইন্সশিং শীজিন্নরমদবা অদু হৌজিক্তি হকথেংননা ইন্তর-কন্নেক্তেদ স্মার্ত দিভাইসশিং শীজিন্নরি। অচম্বা বাইক অমা ফাওবা থৌবা ফংদবা ভারত্তা নহা কয়া লৈ অদুবু হৌজিক মখোয়না স্মার্ত ইলেক্ত্রিক মোবিলিতী শীজিন্নরি। ভারতকী হেনগৎলক্লিবা নিও-মিদল ক্লাসনা ভারত মচাশিংগী অনীংবা অপাম্বশিংগী পাৱরহাউস ওইরি। নখোয়না ওইথোকপা য়াবশিং থল্লবা ভারত্তা অচৌবা চিপমেকিং ইকোসিস্তেম অমা শেম্বা তাই। অমসুং ঐহাক্না থাজৈ মসিদা খোঙজেল য়াংনা মাংদা চংশিনবা মীওই অদুনা অহানবা খোঙথাং থাংবগী খুদোংচাবা ফংগনি।
মরুপশিং,
মালেমগী লাইচৎ অমসুং রসিয়া-য়ুক্রেন লানগী চৈথেংশিংদগী নখোয় পুম্নমক ফগৎলক্লি। ভারতনসু সেমিকন্দক্তরশিং অসি শুপ্নগী মথৌ তাবা অমা খক্তা নত্তে হায়বসু খঙলে। ঙসি মালেমনা থাজবা, রিলাইএবল ওইবা চিপ সপ্লাই চেন অমসু মথৌ তাই। মালেমগী খ্বাইদগী চাউবা দেমোক্রেসীদগী হেন্না থাজবা য়াবা খোঙলোই অমা কনানা ওইগনি? ঐহাক্না নুংঙাই মদুদি মালেমনা ভারত্তা থাজবা থম্বা অসি লেপ্পা লৈতনা হেনগৎলক্লি। অমসুং মসি করিগীদমক থাজরিবনো? ঙসি ইনভেস্তরশিং অসিনা ভারত্তা থাজবা থম্মি মরমদি মসি স্তেবল, রেস্পোন্সিবল অমসুং রিফোর্ম-ওরিয়েন্তেদ গভর্নমেন্ত অমনি। ইন্দস্ত্রীনা ভারত্তা থাজবা থম্মি মরমদি ঙসি ইনফ্রাস্ত্রকচর অসি সেক্তর খুদিংমক্তা খোঙজেল য়াংনা চাউখৎলক্লি। তেক সেক্তরনা ভারত্তা থাজবা থম্মি মরমদি মফম অসিদা তেক্নোলোজীনা খোঙজেল য়াংনা খুমাং চাউশিল্লি। অমসুং ঙসি সেমিকন্দক্তর ইন্দস্ত্রীনা ভারত্তা থাজবা থম্মি মরমদি ঐখোয়দা য়াম্লবা তেলেন্ত পুল, স্কিল ইঞ্জিনীয়র অমসুং দিজাইনরশিং লৈ। মালেমগী খ্বাইদগী চাউবা অমসুং য়ুনিফাইদ মার্কেৎকী শরুক অমা ওইনীংবা কনাগুম্বা অমা হেক্তনা ভারত্তা থাজবা থম্মি। ঐখোয়না নখোয়দা ভারত্তা শাও হায়বা মতমদা মসিদা ভারতকীদমক শাবা, মালেমগীদমক শাবসু য়াওরি।
মরুপশিং,
ভারতনা মাগী মালেমগী থৌদাং য়াম্না মুন্না খঙই। মরম অসিনা মপাং ওইরিবা লৈবাকশিংগা লোয়ননা পুন্না ঐখোয়না কমপ্রিহেন্সিব রোদমেও অমদা থবক তৌরি। মরম অসিনা ঐখোয়না ভারত্তা অচৌবা সেমিকন্দক্তর ইকোসিস্তেম অমা শেম্নবা হোৎনবদা ঐখোয়গী অপুনবা খোঙথাং পাইখৎলি। হন্দক্তা ঐখোয়না নেস্নেল ক্বান্তম মিসন অয়াবা পীখি। নেস্নেল রিসর্চ ফাউন্দেসন বিলসু পার্লিয়ামেন্তদা পুথোক্লগনি। হৌজিক ঐখোয়না সেমিকন্দক্তর ইকোসিস্তেম অমা শেম্নবা ঐখোয়না ইঞ্জিনীয়রিং করিকুলমদা অহোংবশিং পুরক্লি। অসিগুম্বা অচৌবা কোলেজ 300 হেন্না ভারত্তা মশক খঙদোকখ্রে, মসিদা সেমিকন্দক্তরদা কোর্সশিংসু হাংলগনি। ঐখোয়গী চিপ্স তু স্তার্তঅপ প্রোগ্রামনা ইঞ্জিনীয়রশিংগী মতেং পাংলগনি। মথংগী চহি 5দা দিজাইন ইঞ্জিনীয়র লাখ অমা হেন্না লৈবাক অসিদগী পুথোক্লগনি। ভারতকী চাউখৎলক্লিবা স্তার্ত-অপ ইকোসিসএম অসিনা সেমিকন্দক্তর সেক্তর মপাঙ্গল কনখৎহল্লগনি। SEMCON ইন্দিয়াদা শরুক য়ারিবা পুম্নমক্কীদমক মসিগী ৱাফমশিং অসিনা মখোয়গী থাজবা হেনগৎহল্লগনি।
মরুপশিং, নখোয়না কন্দক্তর অমদি ইন্সুলেতরশিংগী মরক্তা লৈরিবা খেন্নবা অসি য়াম্না মুন্না খঙই। কন্দক্তরশিংদা ইনর্জী ফাওদুনা চৎপা ঙম্মি, অদুবু ইন্সুলেতরদদি চৎপা ঙমদে। ভারতনা সেমিকন্দক্তর ইন্দস্ত্রীগীদমক অফবা ইনর্জী কন্দক্তর অমা ওইনবা ‘চেকবোক্স’ খুদিংমক তিক তৌরি। সেক্তর অসিগীদমক ইলেক্ত্রিসিতী মথৌ তাই। হৌখিবা দিকেদ অসিদা ঐখোয়গী সোলর পাৱর ইনস্তোল তৌখিবগী কেপাসিতী শরুক 20 হেনগৎহনখ্রে। ঐখোয়না দিকেদ অসি লোইরকপদা রিন্যুএবল ইনর্জী কেপাসিতীগী তার্গেৎ অসি 500GW য়ৌনবা পান্দম থম্মি। সোলর PV মোদ্যুলশিং, গ্রীন হাইদ্রোজেন অমসুং ইলেক্ত্রোলাইজরশিং পুথোক্নবা মরু ওইবা খোঙথাং কয়ামরুম পাইখৎখি। ভারত্তা পুরক্লিবা পোলিসীগী রিফোর্মশিং অসিনা সেমিকন্দক্তর ইকোসিস্তেম শেম্বদা অফবা শাফু অমা পীরগনি। অনৌবা মেন্যুফেকচরিং ইন্দস্ত্রীগীদমক ঐখোয়না তেক্স কোক্নবা কয়া লাউথোকখ্রে। ঙসি ভারত অসি মালেমগী খ্বাইদগী তাবা কোর্পোরেৎ তেক্স লৈবাকশিংগী মনুংদা অমা ওইরি। ঐখোয়না তেক্সেসন প্রোসেস অসি ফেসলেস অমসুং সীমলেস ওইহনখ্রে। ঐখোয়না ইজ ওফ দুইং বিজিনেসকী লম্বীদা অপনবা ওইরিবা অরিবা আইনশিং অমসুং কমপ্লায়েন্সশিং অসি লৌথোকখি। সেমিকন্দক্তর ইন্দস্ত্রীগীদমক সরকারনা অখন্নবা ইনসেন্তিবশিংসু পীখ্রে। মসিগী ৱারেপশিং, পোলিসীশিং অসিনা ভারতনা সেমিকন্দক্তর ইন্দস্ত্রীগীদমক রেদ কার্পেৎ অমা থারি হায়না তাক্লি। ভারতনা রিফোর্মগী লম্বেলদা মাংদা চংশিনবা অসিদা নখোয়গীদমক অনৌবা খুদোংচাবা কয়া শেম্লগনি। ভারতনা সেমিকন্দক্তর ইনভেস্তমেন্তশিংগীদমক অফবা কন্দক্তর অমা ওইরি।
মরুপশিং,
খোঙথাংশিং অসিগী চৈরক্তা ভারতনা গ্লোবেল সপ্লাই চেনগী মথৌ তাবশিংগী মরমদসু খঙই। রো মেতরিএল, ত্রেন তৌরবা মেন পাৱর অমসুং মেছিনরীগী মতাংদা নখোয়না থম্মিবা থাজবা অদু ঐখোয়না খঙই। মরম অসিনা ঐখোয়না নখোয়গা লোয়ননা থবক তৌমিন্নবা খৌরাংনা ঙাইরি। প্রাইবেৎ প্লেয়রশিংগা লোয়ননা খুৎশম্নদুনা থবক তৌখিবা সেক্তরনা অনৌবা পনখৈশিং য়ৌবা ঙমখি। স্পেস সেক্তর নত্ত্রগা জিওস্পাসিএল সেক্তর ওইরবসু ঐখোয়না মফম খুদিংমক্তা অফবা ফলশিং ফংবা ঙমখি। নখোয় নীংশিংলম্বা য়াই মমাং চহিগী সেমিকোন্দা সরকার অসিনা সেমিকন্দক্তর ইন্দস্ত্রীগী প্লেয়রশিংগী সজেসনশিং লোখি। সজেসনশিং অসিদা য়ুম্ফম ওইরগা সরকার অসিনা মরু ওইবা ৱারেপশিং লোখি। SEMCON ইন্দিয়া প্রোগ্রামগী মখাদা ঐখোয়ান পীরিবা ইনসেন্তিবশিং অসি হেনগৎলকখী। হৌজিক তেক্নোলোজী ফর্মশিংদা ভারত্তা সেমিকন্দক্তর মেন্যুফেকচরিং ফেসিলিতীশিং শানবা চাদা য়াংখৈগী শেলগী তেংবাং পীরগনি। ঐখোয়না লেপ্পা লৈতনা লৈবাক্কী সেমিকন্দক্তর সেক্তরগী শাহৌ খোঙজেল য়াংখৎহন্নবা পোলিসী রিফোর্মশিং পাইখৎলি।
মরুপশিং,
G-20 গী প্রিসিদেন্ত ওইনা ভারতনা পীখিবা থিম অসি ৱান আর্থ, ]আন ফেমিলী, ৱান ফ্যুচরনি। মসি ভারতপু সেমিকন্দক্তর মেন্যুফেকচরিং হব অমা ওইহন্নবা লৈরিবা ঐখোয়গী নুংগী ওইবা ৱাখল্লোন অদুনি। ভারতকী স্কিল, ভারতকী কেপাসিতী, ভারতকী তৌবা ঙম্বনা মালেম পুম্বদা কান্নবা পীবা অসি ভারতকী অপাম্বনি। মালেমগী য়াইফনবা, হেন্না ফবা মালেম অমগীদমক ঐখোয়না ভারতকী মতিক ময়াই অসি হেনগৎহনবা পাম্মি। নখোয়না শরুক য়াবা, নখোয়গী সজেসনশিং, নখোয়গী ৱাখল্লোনশিং তরাম্না ওকচরি। ভারত সরকারনা খোঙথাং খুদিংদা নখোয়গীদমক লেপ্পি। ঐহাক্না সেমিকোন সম্মিৎ অসিগীদমক য়াইফ মঙ্গোল পীজরি অমসুং ঐহাক্না খুদোংচাবা অমা লাকপা ওইরসনু হায়না থৌনিজরি অমসুং লাল কিলাদগী ঐহাক্না হায়খি মসি তানফম চারে অমসুং মসি লৈবাক খক্তগী নত্তে মালেমগীদমক্তসুনি। ঐহাক্না হেন্না য়াইফবা ওইরসনু হায়না থৌনিজরি! থাগৎচরি।
