Share
 
Comments
It is a very special day for entire India: PM Modi at Bodo Peace Accord ceremony in Kokrajhar
Bodo Peace Accord done by bringing on all stakeholders together with a sincere effort to resolve the decades old crisis: PM Modi
After we came to power, most regions of Tripura, Mizoram, Meghalaya, and Arunachal Pradesh are free from AFSPA: PM

ভারত ইমানা য়াইফরে…

ভারত ইমানা য়াইফরে…

ভারত ইমানা য়াইফরে…

ফম্বাকথক্তা লেংশিনবিরিবা অসমগী রাজ্যপাল, সংসদতা ঐহাক্কী মরূপ, তোঙান তোঙানবা বোর্দ অমসুং সংস্থানশিংগী লুচিংবশিং, মফম অসিদা তিনবিরিবা এন.দি.এফ.বি.গী তোঙান তোঙানবা গ্রুপশিংগী মরূপশিং, মফম অসিদা লেংবিরক্লিবা শক্নাইরবশিং অমসুং ঐখোয়বু থৌজাল পীবিনবা মশিং য়াম্না লেংবিরক্লিবা ঐহাক্কী নুংশিজরবা ইচিল-ইনাও অমসুং ইচল-ইচেশিং।

ঐহাক অসমদা কয়ারক হন্না লাকচখ্রে। মফম অসিদসু লাকচখ্রে। রিজন পুম্নমক অসিদা ঐহাক্না চহী কয়াদগী চত্থোক চৎশিং তৌদুনা লাক্লি, দিকেদ কয়াদগী চত্থদুনা লাক্লি। প্রধান মন্ত্রী ওইরবা মতুংদসু হঞ্জিন-হঞ্জিন অদোমগা উনজনবা লাকচরি। অদুবু ঙসি অদোমগী মায়থোংদা উবা ফংলিবা থৱায় য়াওবা অদু মফম অসিগী আরোনাই অমসুং দোখোনাগী মচু কয়ানা থল্লবা এতমোসফিয়ারদগী হেন্না পেনিঙাই ওইরি।

পব্লিক লাইফতা, পোলিতিকেল লাইফতা রেলি কয়া অমা উখ্রে, রেলি কয়া অমদা ৱা ঙাংখ্রে অদুবু পুন্সিদা কৈদৌনুংদা অসুক য়ামখ্রবা মীয়াম তিনবা উজবগী তঞ্জা ফংজখিদ্রি। পোলিতিকেল লাইফকী পন্দিৎশিংনা করিগুম্বা মতমদা শোইদনা হায়গনি মদুদি নিংতম্লবা মতুংগী হিন্দুস্তানগী খ্বাইদগী চাউবা পোলিতিকেল রেলি অদু মসি ওইগনি। ঐহাক্না হেলিকোপ্তরদগী উবা ফংখি, হেলিকোপ্তরদগী য়েংলবা ফাওবসু য়েংখিবা খুদিং মীগী মী ঙাক্তা উবা ফংখি। থোংদা মীওই কয়া অমা লেপ্লিবা অদু ঐহাক উবা ফংখি।

ইচিল-ইনাও অমসুং ইচল-ইচেশিং অসুক য়াম্না ঐখোয়বু থৌজাল পীবা লাকপীরি। ঐহাক্না ময়াম পুম্নমকপু খুরুমজরি। ইমাশিং-ইচল ইচেশিং, ঐহাক্কী ইচিল-ইনাওশিং, ঐহাক্কী মহারোলশিং, ঙসি ঐহাক থম্মোই শেংনা অদোম্বু লেংগোন্নবা লাকচরি, অসমদা লৈরিবা ঐহাক্কী নুংশিজরবা ইচিল-ইনাও অমসুং ইচল-ইচেশিংবু অনৌ থাজবা অমা পীনবগীদমক লাকচবনি। মতৌ করম্না খুঙ্গং-খুঙ্গংশিংদা ইশা-ইশাগী মোতোর সাইকলদা রেলি চৎখিবগে, রিজন পুম্বদা মৈরা থান্দুনা দিৱালী পাংথোকখিবগে হায়বদু ঙরাং লৈবাক পুম্বনা উখ্রে। দিৱালীগী মতমদা ফাওবা অদুক য়াম্বা মৈরা থানলমগনি নত্রগা থানলমলোই হায়বা ঐহাক অঙকপা ফাওই।

ইচিল-ইনাও অমসুং ইচল-ইচেশিং, ঙসিগী নুমীৎ অসি লৈবাক অসিগীদমক মথৌদাং লৌদুনা থৱায় কত্থোকখিবা অদুগুম্লবা থৱাইনা পোন্থা পীখ্রবা লিশিং কয়া অদুবু নিংশিংবা নুমীৎনি। ঙসিগী নুমীৎ অসি বোরোফা উপেন্দ্রনাথ ব্রহ্ম জী, রুপনাথ ব্রহ্ম জী অসিনচিংবা মফম অসিগী লুচিংবশিংগী থৌদাং অদু নিংশিংবা নুমীৎনি, মখোয়বু খুরুমজবা নুমীৎনি। ঙসিগী নুমীৎ অসি, এগ্রিমেন্ত অসিগীদমক মরুওইবা থৌদাং লৌখিবা ওল বোরো স্তূদেন্তস য়ুনিয়ন, নেস্নেল দেমোক্রেতিক ফ্রন্ত ওফ বোরোলেন্দগা শম্নরিবা নহা ওইরিবা মরূপশিং, বি.তি.সি.গী চিফ শ্রী হগরাম মাহীলারে অমসুং অসম সরকারগী কমিতমেন্ত অদোম ময়াম্বু ঐহাক্কী মায়কৈদগী তৌবিমল খংবা উৎচবতা নত্তনা হিন্দুস্তান পুম্বদগী তৌবিমল খংবা উৎচরি। ঙসি হিন্দুস্তানগী মীওই কোতি ১৩০না অদোম্বু নুঙাইবা ফোংদোক্লি। অদোম্বু তৌবিমল খংবা উৎলি, অদোম্বু থাগৎপা ফোংদোক্লি।

মরূপশিং ঙসিগী নুমীৎ অসি বোরো মরূপ পুম্নমক্কী, রিজন পুম্নমক অসিগী, সমাজ খুদিংমক অমসুং মফম অসিগী গুরুশিংগী, ইন্তেলেকচুয়েলশিংগী, কলা, সাহিত্যকারশিংগী হোৎনখিবশিং অদু সেলেব্রেত তৌনবা তঞ্জানি। মায় পাকপগী ইশৈ শক্নবা তঞ্জানি। অদোম ময়ামগী মতেংদগী পর্মনেন্ত পিছকী লম্বী অসি ওইরক্লিবনি। ঙসিগী নুমীৎ অসি অসম য়াওনা অৱাং নোংপোক পুম্বগীদমক ২১শুবা চহীচাদা অনৌবা অয়ুক, অনৌবা ইন্সপিরেসন তরাম্না ওক্নবা তঞ্জানি। ঙসিগী নুমীৎ অসি চাউখৎপা অমসুং থাজবগী মরুওইবা ইচেলবু হেন্না চেৎশিলহন্নবা ৱাশক লৌনবা নুমীৎনি। হৌজিক্তি হিংসাগী অমম্বা অদু লমদম অসিদা অমুক হলকহল্লরোইদবনি। হৌজিক্তি লমদম অসিদা কনাগুম্বী মমা অমত্তগী মচাগী, কনুগুম্বী মচে-মচল অমত্তগী মবুং-মৌপ্বাগী কনাগুম্বা মবুং-মৌপ্বা অমত্তগী মচে-মচলগী ঈ তাররোই, হিংসা তৌররোই। ঐহাক্না অনৌবা ভারতকী রিজোলুসন্দা ময়াম পুম্নমকপু, শান্তি পামজবা অসমবু, শান্তি অমসুং দিবেলপমেন্ত পামজবা অৱাং-নোংপোকপু থমোই শেংনা তরাম্না ওকচরি, তৌবিমল খংবা উৎচরি।

মরূপশিং, অৱাং নোংপোক্তা শান্তি অমসুং দিবেলপমেন্তকী অনৌবা পন্দুপ অমা হাপচিনবা অসি য়াম্না পুৱারী ওইবা ৱাফম্নি। লৈবাক অসিনা মহাত্মা গান্ধীগী ১৫০শুবা মপোক কুমওন পাংথোক্লিঙৈ মতম অসিদা পুৱারী ওইরবা থৌদোক থোক্লিবা অসি নুঙাইরবা তঞ্জা অমনি। অদুগা মসি হিন্দুস্তানগী খক্তা নত্তনা মালেমগীদমক হিংসাগী লম্বী থাদোক্তুনা অহিংসাগী লম্বী খন্নবগীদমক পুক্নিং থৌগৎপা সাইত অমা ওইরি। মহাত্মা গান্ধীনা হায়বিরম্মি মদুদি অহিংসাগী লম্বীদা চৎতুনা ঐখোয়না ফংবা খুদিংমক অদু পুম্নমক্না তরাম্না ওকই। হৌজিক অসমদা মরূপ কয়ানা শান্তি অমসুং অহিংসাগী লম্বীদা চৎপগা লোয়ননা লোকতন্ত্রবু তরাম্না ওক্লে, ভারতকী সংবিধানবু অৱাংবা থাক্তা পুখৎলে।

মরূপশিং, ঙসি ঐখোয়না কোক্রাঝারদা অসিগুম্লবা পুৱারী ওইরবা পিছ একোর্দ অসিবু সেলেব্রেত তৌনবগীদমক ঐখোয়না পুল্লরিবা মতম অসিদা গোলাঘাৎতা শ্রীমন্ত শঙ্করদেব সংঘগী চহীগী কনফরেন্সসু পাংথোক্লি হায়না ইফমদা তাকপিররে।
মোই মোহাপুরুখ শ্রীমন্তো হোঙ্কোর দেবোলোই গোভীর প্রোনিপাত জাসিসু।

মোই লোগোত ওধিবেখোন খোনোরু হোফোলতা কামনা কোরিলো!!

(ঐহাক্না মহাপুরুশ শঙ্করদেব জীবু খুরুমজরি। ঐহাক্না কনফরেন্স মায় পাক্না পাংথোক্নবা থৌনিজরি।)

ইচিল-ইনাও অমসুং ইচল-ইচেশিং, শ্রীমন্ত শঙ্করদেব জীনা অসমগী লোন অমসুং সহিত্যবু চাউখৎহনবগা লোয়ননা ভারত পুম্ববু, মালেম পুম্ববু ফিদম্নফম ওইরবা পুন্সী হিংনবা লম্বী তাকপিখি।

শঙ্করদেব জীনা অসম য়াওনা মালেম পুম্বদা হায়বিখি মদুদি-

সত্য শৌচ অহিংসা শিখেবে সমদম।

সুখ দুখ শীত উস্ন আত হৈব সম॥

হায়বদি অচুম্বা, অমোৎপা শেংদোকপা, অহিংসা, শান্তি, নমহৎপগী পরা তম্মু। নুঙাইবা, অৱাবা, মৈশা, অইংববু খাংনবা নশাবু থৌরাং তৌ। মহাক্কী ৱাখল্লোনশিংদা মীওইবগী মশাগী দিবেলপমেন্তকা লোয়ননা সমাজকী দিবেলপমেন্তকীসু পাউজেল য়াওরি। ঙসি দিকেদ কয়াগী মতুংদা লমদম পুম্বা অসিদা মীওইবগী দিবেলপমেন্ত, সমাজকী দিবেলপমেন্তকী লম্বী অসি এমপৱার তৌরে।

ইচিল-ইনাও অমসুং ইচল-ইচেশিংদা বোরো লেন্দ মুবমেন্তকী শরুক ওইরুবা মীওই পুম্নমকপু লৈবাক্কী ইচেলদা তিল্লকপদা তরাম্না ওকচরি। দিকেদ মঙাগী মতুংদা থাজবগা লোয়ননা বোরো লেন্দ মুবমেন্তগা মরী লৈনরিবা মরূপ খুদিংমক্কী থাজবা অমসুং এস্পিরেসন অদু ইকায় খুম্নবা ফংলে। পার্তী খুদিংমক্না পুল্লগা শান্তিগীদমক প্রোস্পেরিতী অমসুং দিবেলপমেন্তকীদমক হিংসাদা চৈখৈ চিংলে। ঐহাক্না লৈবাক্কী মফমদা মসিমসু খংহন্নিংই মরমদি ঐহাক্কী নুংশিজরবা ইচিল-ইনাও অমসুং ইচল-ইচেশিং হিন্দুস্তান পুম্বনা তঞ্জা অসি য়েংলি। তি.ভি. চেনেল পুম্বনা ঙসি মখোয়গী কেমেরা অদোমদা ফোকস তৌরি। মরমদি অদোম্না অনৌবা ইতিহাস অমা শেম্লি। হিন্দুস্তান্দা অনৌবা থাজবা অমা পোকহল্লে। অদোম ময়াম্না শান্তিগী লম্বীদা থৌনা অমা পীরি।

ইচিল-ইনাও অমসুং ইচল-ইচেশিং, ঐহাক্না ময়াম পুম্নমকপু তৌবিমল খংবা উৎচনিংই মদুদি হৌজিক্তি অন্দলোন অসিগা মরী লৈনবা দিমান্দ পুম্নমক লোইশিনখ্রে। হৌজিক্তি মদুদা চৈখৈ চিংখ্রে। ১৯৯৩দা তৌনখিবা এগ্রিমেন্ত, ২০০৩দা তৌনখিবা এগ্রিমেন্ত অদুগী মতুংদা মপুং ফানা শান্তি পুরকপা ঙমখিদে। হৌজিক্তি কেন্দ্র সরকার, অসম সরকার অমসুং বোরো অন্দলোনগা মরী লৈনবা সংস্থানশিংনা পুৱারী ওইরবা একোর্দতা য়ানিংবা ফোংদোকখিবা, মদুদা খুৎয়েক পীনখিবা অদুগী মতুংদা হৌজিক করিগুম্বা দিমান্দ অমত্তা লেমহৌদ্রে।

মরূপশিং, ঐঙোন্দা থাজবা থম্বিয়ু, ঐহাক্না অদোমগী অৱা-অনা, অদোমগী আশা, অদোমগী এস্পিরেসনশিং, অদোমগী অঙাংশিংগী তুংগী য়াইফনবগীদমক ঐঙোন্দগী ওইথোকপা য়াবা পুম্নমক পাংথোকপদা নিংহন্নরোই। মরমদি ঐহাক খংই নোংমৈ থাদোক্তুনা, বোম অমসুং পিস্তোলগী লম্বী থাদোক্তুনা অদোম্না হল্লকপা অসিদা করম্বা ফিভমদা অদোম লাক্লমগনি হায়বা ঐহাক খংই। ৱাখলনা লাম্বা ফংই মরম অদুনা শান্তিগী লম্বী অসিদা তিংখং অমত্তা ফাওবা অদোমদা য়ুদনবা ঐহাক্না হোৎনগনি। মরমদি শান্তিগী লম্বী অসি নুংশিবগী ইকায় খুম্নবগী লম্বী অমনি, অহিংসাগী লম্বী অসিনা অসম পুম্বা অদোমগী থমোইবু খুদুম চল্লগনি। হিন্দুস্তান পুম্বা অদোমগী থমোইবু খুদুম চল্লগনি। মরমদি অদোম্না অচুম্বা লম্বী খল্লে।

মরূপশিং, একোর্দ অসিগী কানবা অসি বোরো ত্রাইবকী মরূপশিংগা লোয়ননা অতোপ্পা সমাজকী মীওইশিংসু ফংগনি। মরমদি এগ্রিমেন্ত অসিগী মতুং ইন্না বোরো তেরিতোরিয়েল কাউন্সিলগী অধিকারশিংগী সর্কলসু চাউথোকহল্লে, অহেনবা পোতেন্সিয়েল পীরে। এগ্রিমেন্ত অসিদা পুম্নমক্কী মায়পাকপা ওইরে অদুগা খ্বাইদগী চাউবা ৱাফম্না শান্তিগী মায়পাকপা ওইরে, মীওইবা জাতিগী মায়পাকপা ওইরে। হৌজিক অদোম্না লেপ্লগা খুবাক খুদুনা ঐহাকপু ইকায় খুম্নবিরি, ঐহাক্না পামজরিবদি অদোম্না হৌগৎলগা অমুক হন্না খুবাক খুবা অদুনি, ঐহাক্কীদমক নত্তে, শান্তিগীদমক, ঐহাক্না ময়াম পুম্নমকপু তৌবিমল খংবা উৎচরি।

একোর্দকী মতুং ইন্না বি.তি.এ.দি.না কোল্লিবা লমদমগী ঙমখৈ লেপথোক্নবগীদমক কমিসনসু শেমলগনি। লমদম অসিনা লুপা কোতি ১৫০০গী স্পিসিয়েল দিবেলপমেন্ত পেকেজ ফংগনি, মদুগী কানবা অদু কোক্রাঝার, চিরাং, বক্সা অমসুং উদালগুরিগুম্বা জিলাশিংদসু ফংগনি। এগ্রিমেন্ত অসিগী মতুংদা লমদম অসিদা রাজনিতিক, ইকোনোমিক, লাইরিক লাইসু, মখল খুদিংমক্কী প্রোগ্রেস পুরক্লগনি।

ইচিল-ইনাও অমসুং ইচল-ইচেশিং, হৌজিক সরকারনা হোৎনরিবা অসি অসম একোর্দকী সেক্সন ৬পুসু অথুবা মতমদা ইমপ্লিমেন্ত তৌবনি। ঐহাক্না অসমগী মীয়ামদা থাজবা পীরি মদুদি হিরম অসিগা মরী লৈনবা কমিতীগী রিপোর্ত লাক্লবা মতুংদা কেন্দ্র সরকারনা খোংজেল য়াংনা থবক পায়খৎকনি। ঐখোয় পন্দুনা থমগদবা মীওই নত্তে। ঐখোয়দি থৌদাং লৌবা মীওইশিংনি। মরম অদুনা চহী কয়াদগী পন্দুনা লৈরক্লবা অসমগী ৱাফমশিংসু ঐখোয়না মপুং ফানা পাংথোক্কনি।
ইচিল-ইনাও অমসুং ইচল-ইচেশিং, নেস্নেল ইন্তরেস্ত অসি খ্বাইদগী মকোক্তা লৈবা মতমদা ফিভম অদু থাদোক্তুনা চৎপা য়াদে। অৱাং নোংপোক্কী হিরম খুদিংমক সেন্সিতিব ওইরম্মি মরম অদুনা ঐখোয়না অনৌবা এপ্রোচকা লোয়ননা থবক তৌবা হৌখি। ঐখোয়না অৱাং নোংপোক্কী তোঙান তোঙানবা লমদমশিংগী ইমোস্নেল এস্পেক্তশিং খংখি, মখোয়গী এক্সপেক্তেসনশিং খংখি। মফম অসিদা লৈরিবা মীওইশিংগা এফিনিতী কয়াগা লোয়ননা, মখোয়বু ইশাগী খন্না ৱারী শানবা হৌখি। ঐখোয়না থাজবা পোকহনখি। মখোয়বু মীতোপনি থংখিদে, অদোম্বু মীতোপনি খনখিদে, অদোমগী লুচিংবশিংবু অতোপ্পনি খনখিদে, ইশাগীনি খনখি। ঙসি মদুগী মহৈ ওইনা অৱাং নোংপোক্তা চহী খুদিংগী মীওই লিশিং কয়া এক্সত্রিমিজম্না মরম ওইদুনা মশাগী পুন্সী পীখম্নরম্বা অদু হৌজিক্তি মফম অসিদা মপুং ফানা শান্তি পুরক্লে অমদি এক্সত্রিমিজম মুৎশিল্লক্লে।

অৱাং নোংপোক্তা চাউরাক্না মফম খুদিংমক্তা আর্ম ফোর্সেস স্পিসিয়েল পৱার এক্ত চৎনরম্মি, হৌজিক্তি ঐখোয় লাক্লবা মতুংদা ত্রিপুরা, মিজোরাম, মেঘালায়া অমসুং অরুনাচল প্রদেশকী মফম অয়াম্বা আর্ম ফোর্সেস স্পিসিয়েল পৱার এক্ত লৌথোকখ্রে। ইন্তরপ্রিনর ইনবেস্তমেন্তকীদমক থৌরাং তৌরমদবা অৱাং নোংপোক্তা হৌজিক্তি মফম অসিদা ইনবেস্ত তৌবা হৌরে, অনৌবা ইন্তরপ্রিনর হৌদোক্লে। অৱাং নোংপোক্তা মশা-মশাগী হোমলেন্দগী ৱাফমদা খৎনরম্বা অদু হৌজিক্তি মফম অসিদা এক ভারত শ্রেস্ত ভারতকী ৱাখল্লোন হেন্না চেৎশিলহল্লে। হিংশানা মরম ওইদুনা মীওই লিশিং কয়া মশাগী লমদমদা রিফ্যুজী ওইরম্বা অৱাং নোংপোক অদু হৌজিক্তি মফম অসিদা মীওইশিং অদু ইকায় খুম্নবগা লোয়ননা খুন্দানবা অনৌবা খুদোংচাবশিং পীরি। লৈবাক্কী লেমহৌরিবা শরুকশিংগী মীওইশিংনা চৎপা কিরম্বা অৱাং নোংপোক্তা হৌজিক্তি মখোয়গী নেক্স তুরিস্ত দেস্তিনেসন শেম্বা হৌরক্লে।

মরূপশিং, অহোংবা অসি করম্না লাকখিবনো? নুমিৎ অমা খক্তদা লাকখিব্রা? নত্তে। মসি চহী মঙাগী হোৎনখিবগী মহৈনি। অহানবদদি নোর্থ ইস্তকী রাজ্যশিংবু রেসিপেন্ত ওইনা উরম্মি। ঙসিদি মখোয়বু দিবেলপমেন্তকী গ্রোথ ইঞ্জিন ওইনা উরে। হান্নদি অৱাং নোংপোক্কী রাজ্যশিং অসি দিল্লীদগী য়াম্না লাপ্না লৈ হায়না লৌনরম্মি, ঙসিদি দিল্লীনা অদোমগী থোংজিন্দা লেপতুনা অদোমগী অৱা নুঙাইবু থিরি। ঐহাক্কী সরকারগী মন্ত্রীশিংগীদমক্তদি ঐহাক্না রোস্তর শেমদুনা নুমীৎ ১০-১৫ খুদিংদা কেন্দ্র সরকারগী মন্ত্রী অমা নত্রগা অমা অৱাং নোংপোক্তা শোইদনা চৎহল্লে। অহিং লেক্কনি, মীয়ামগা উনগনি, সমস্যশিং লোইশিনগনি। ঐহাক অমসুং ঐহাক্কী সরকারনা চাং নাইনা অদোমগী মরক্তা লাক্তুনা অদোমগী সমস্যশিং খংদোক্লি, অদোমদগী দাইরেক্ত ফিদবেক লৌদুনা কেন্দ্র সরকারগী মরুওইবা নীতিশিং শেম্লি।

মরূপশিং, ১৩শুবা ফাইনান্স কমিসনগী মতমদা অৱাং নোংপোক্কী রাজ্য ৮ পুল্লগা লুপা কোতি লিশিং ৯০দগী তানা ফংলম্মি। ১৪শুবা ফাইনান্স কমিসন্দা ঐখোয়না লাক্লবা মতুংদা মসি হেঙ্গৎহন্দুনা লুপা কোতি লাখ ৩ পীনবা লেপ্নখি।
হৌখিবা চহী অহুম-মরি অসিদা অৱাং নোংপোক্তা কিলোমীতর ৩০০০ হেন্না লম্বী থোং শেমখ্রে। অনৌবা নেস্নেল হায়ৱে অয়াবা পীখ্রে। নোর্থ ইস্তকী রেল নেতৱার্ক পুম্বা ব্রোদগেজদা ওন্থোকখ্রে। অৱাং নোংপোক্তা অনৌবা এয়ারপোর্তশি শাবা অমসুং অরিবা এয়ারপোর্তশিংগী মোর্দনাইজেসনগী থবকসু খোংজেল য়াংনা চংশিল্লি।

অৱাং নোংপোক্তা তুরেল কয়া অমা লৈরি, এক্সতেন্সিব ৱাতর রিসোর্স কয়া লৈরি, অদুবু ২০১৪ ফাওবদা মফম অসিদা শুপ্নতগী ৱাতর-ৱে অমখক্তমক লৈরম্মি। ঈশিংনা থল্লবা নুমীৎ ৩৬৫ চেল্লিবা তুরেলশিং য়েংশিনবিনবা কনাসু লৈরমদে। হৌজিক্তি মফম অসিদা দর্জন অমদগী হেনবা ৱাতর-ৱেদা থবক তৌরি। অৱাং নোংপোক্কী নহাশিং ওফ এদজুকেসন, স্কিল অমসুং স্পোর্তসকী অনৌবা ইন্সতিত্যুতশিংনা চেৎশিলহনবদসু পুক্নিং চংলি। মসিদসু নত্তনা অৱাং নোংপোক্কী মহৈরোইশিংগীদমক দিল্লী অমসুং বেঙ্গলুরুদা অনৌবা হোস্তেলস শাবগীসু থবক তৌরি।

মরূপশিং, রেলৱে স্তেসন ওইগেরা, অনৌবা রেলৱে রুত ওইগেরা, অনৌবা এয়ারপোর্ত ওইগেরা, অনৌবা ৱাতর-ৱে ওইগেরা নত্রগা ইন্তরনেল কনেক্তিবিতী ওইগেরা, ঙসিদি থবক কয়া অমা অৱাং নোংপোক্তা পায়খৎলিবা অসি মমাংদা অমুক্তা পায়খৎখিদ্রি। ঐখোয়না দিকেদ কয়া লীরবা পন্দুনা লৈরবা প্রোজেক্তশিং লোইশিনবগা লোয়ননা অনৌবা প্রোজেক্তশিংসু খোংজেল য়াংনা লোইশিন্নবা হোৎনরি। খোংজেল য়াংনা লোইশিলক্লিবা প্রোজেক্তশিং অসিনা অৱাং নোংপোক্তা কনেক্তিবিতী ফগৎহল্লগনি, তুরিজম সেক্তর মপাঙ্গল কলহল্লগনি অমসুং এমপ্লোইমেন্তকী অনৌবা তঞ্জা কয়া অমাসু শেম্লগনি। হৌখিবা থা মক্তদা অৱাং নোংপোক্কী রাজ্য নিপালদা চত্থগদবা গ্যাস গ্রিদ প্রোজেক্তকীদমক চাউরাক্না লুপা কোতি লিশিং ৯গী অয়াবা পীখ্রে।

মরূপশিং, ঙসি লৈবক অসিদা ঐখোয়গী সরকারনা পুকচেল শেংনা হোৎনবনা ৱাখল্লোন অসি দিবেলপ তৌরকপনি মদুদি পুম্নমক্কা লোয়নবনা লৈবাক্কী য়াইফবনি। ৱাখল্লোন অসিনা নুমীৎ খরগী মমাংদা গুৱাহাতিদা তোঙান তোঙানবা গ্রুপ ৮গী চাউরাক্না কেদর চাতরুক য়াঙ্খৈনা হিংসাগী লম্বী থাদোক্তুনা শান্তিগী লম্বী খনখি। কেদরশিং অসিনা অনৌবা থুৎলাই, য়াম্লবা পোৎখাইবগী মচাক অমসুং নোংমৈ মরুশিংগা লোয়ননা মখোয় মশানা মশাবু সরেন্দর তৌরকখি। অহিংসাদা সরেন্দর তৌরকখি। হৌজিক মখোয় কেন্দ্র অমসুং রাজ্য সরকারগী স্কিমশিংগী মতুং ইন্না হিহেবিলিতেত তৌহল্লি।

মরূপশিং, হৌখিবা চহীদা নেস্নেল লিবরেসন ফ্রন্ত ওফ ত্রিপুরা অমসুং সরকারগী মরক্তা এগ্রিমেন্ত অমা পাংথোকখি। এগ্রিমেন্ত অসিসু য়াম্না মরুওইবা খোংথাং অমনি হায়না ঐহাক্না লৌই। ১৯৯৭তগী নেস্নেল লিবরেসন ফ্রন্ত ওফ ত্রিপুরাদা অথিংবা থম্দুনা লাক্লি। চহী কয়া অমা ওর্গনাইজেসন অসিনা হিংসাগী লম্বীদা চত্থখি। ঐখোয়গী সরকারনা চহী ২০১৫দা নেস্নেল লিবরেসন ফ্রন্ত ওফ ত্রিপুরাগা ৱারী শানবা হৌখি। মখোয়বু থাজহন্নবা হোৎনখি। মরক্তা মীওই খরা থম্দুনা মতেং লৌখি। মসিগী মতুং মতম খরা লৈরগা বোম-নোংমৈ, পিস্তোল খক্তদা থাজবা থম্লম্বা মখোয়শিং অসিসু পুম্নমক থাদোক্লে অমদি হিংসা শন্দোকপা লেপখ্রে। লেপ্পা লৈতনা হোৎনরবা মতুং মমাং চহীগী ওগস্ত ১০দা পাংথোকখিবা এগ্রিমেন্তকী মতুংদা ওর্গনাইজেসন অসিনা খুৎলাই থাদোক্নবা অমসুং ভারতকী সংবিধানগী পালন তৌনবগীদমক থৌরাং তৌখি, মহৌশাগী ইচেলদা হল্লকখি। এগ্রিমেন্ত অসিগী মতুংদা নেস্নেল লিবরেসন ফ্রন্ত ওফ ত্রিপুরাগী কেদর কয়ানা সরেন্দর তৌরখি।

মরূপশিং, অমুক্কা হন্না বোরো মরূপশিংবু, অসম অমসুং অৱাং নোংপোকপু ঐহাক্না ঙসি হন্না-হন্না নুঙাইবা ফোংদোকচরি। অমদি য়াইফ পাউজেলগা লোয়ননা অমুক্কা হন্না তিনবিরিবা মীয়াম অসি পুন্সিদা অমুক হন্না উবা ফংগনি হায়বা থাজদে। হিন্দুস্তানগী রাজনেতা অমত্তনা অসিগুম্বা থৌজাল ফংনবগী লাইবক ফবা অদু মমাংদা ফংলমখিরোই অদুগা তুংদসু ফংগনি নত্রগা ফংলোই হায়বা ঙমদে। ঐহাক ইশানা ইশাবু লাইবক য়াম্না ফবনি হায়না লৌজৈ। অদোম্না অসুক য়াম্না নুংশিবিরিবা অসুক য়াম্না থৌজাল পীনবিরিবা।

থৌজাল অসিমক, নুংশিবিরিবা অসিমক ঐহাক্কী ইন্সপিরেসন্নি। মসিমক্না ঐহাকপু লৈবাক্কীদমক অদোমগীদমক অয়ুক নুমিদাং খংদনা করিগুম্বা খরা নত্রগা খরা তৌনবা থৌনা পীরি। ঐহাক্না অদোম ময়ামগী মফমদা ফনা য়াম্না থাগৎপা ফোংদোকচরবসু, অদোম ময়ামগী মফমদা ফনা য়াম্না তৌবিমল খংবা উৎচরবসু, ৱাৎতুনতা লৈরগনি। অদুগা অহিংসাগী লম্বী খন্নবগীদমক খুৎলাই থাদোক্নবগীদমক মাংলোমদা থোরক্লিবা নহাশিং। অদোমগী অনৌবা পুন্সি হৌরে হায়বা অদোম্না থাজবা থম্বিয়ু। লৈবাক পুম্বগী থৌজাল অদোমগী থক্তা হৈথররে। লৈবাক অসিগী প্রজা কোতি ১৩০গী থৌজাল অদোম্না ফংলে। ঐহাক্না অৱাং নোংপোক্তা, নক্সল মফমশিংদা, জম্মু কাশ্মিরদা হৌজিকসু নোংমৈদা থাজবা থম্লিবা মখোয়শিং অদুদা ঐহাক্না হায়জরি লাকপীরো ঐহাক্কী বোরোগী নহাশিংদগী করিগুম্বা খরা তম্বিরো লাকলো। ঐহাক্কী বোরোগী নহাশিংদগী ইন্সপাইরেসন লৌবিদুনা হল্লকলো, মরুওইবা ইচেলদা লাকপীরো, পুন্সি হিংদুনা পুন্সিগী মহাও লৌবিয়ু, থাজবা অসিগা লোয়ননা অমুক হন্না লমদম অসিবু খুরুমজদুনা, লমদম অসিগীদমক হিংলিবা অদুগুম্লবা মহাপুরুসশিংবু খুরুমজদুনা পুম্নমকপু খুরুমজবগা লোয়ননা মতাং অসিৱাইদা ঐহাক্কী ৱারোল লোইশিনজরগে। অদোম্বু হন্না হন্না থাগৎচরি।

ভারত ইমানা য়াইফরে…

খোংজেল হৌনা লাউবিয়ু, লৈবাক অসিগী প্রজা কোতি ১৩০গী থমোইনুংদা য়ৌনবা খোংজেল হৌনা লাউবিয়ু…

ভারত ইমানা য়াইফরে…

ভারত ইমানা য়াইফরে…

ভারত ইমানা য়াইফরে…

ভারত ইমানা য়াইফরে…

ভারত ইমানা য়াইফরে…

মহাত্মা গান্ধী অমর রহে, অমর রহে

মহাত্মা গান্ধী অমর রহে, অমর রহে

মহাত্মা গান্ধী অমর রহে, অমর রহে

অদোম্বু হন্না-হন্না থাগৎচরি। 

 
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
India's agriculture exports jump to $ 41 billion despite pandemic disruptions

Media Coverage

India's agriculture exports jump to $ 41 billion despite pandemic disruptions
...

Nm on the go

Always be the first to hear from the PM. Get the App Now!
...
PM condoles demise of Swami Shivamayanandaji Maharaj of Ramakrishna Math
June 12, 2021
Share
 
Comments

The Prime Minister, Shri Narendra Modi has expressed grief over the demise of Swami Shivamayanandaji Maharaj of Ramakrishna Math.

In a tweet, the Prime Minister said, "Swami Shivamayanandaji Maharaj of the Ramakrishna Math was actively involved in a wide range of community service initiatives focused on social empowerment. His contributions to the worlds of culture and spirituality will always be remembered. Saddened by his demise. Om Shanti."