হর হর মহাদেব!
ময়াম পুম্নমকপু ঐহাক্না খুরুমজরি…
য়ু.পি.গী রাজ্যপাল অনন্দি বেন পতেল, মুখ্য মন্ত্রী য়োগী অদিত্যনাথ, কেন্দ্রগী মন্ত্রী-মন্দলগী ঐহাক্কী মরুপশিং, রাজ্য সরকারগী মন্ত্রীশিং, অতোপ্পা দিগনিতরীশিং অমসুং কাশিগী ঐহাক্কী নুংশিরবা ইচিল-ইনাওশিং!
নবরাত্রি অসি য়াইফরবা মতমনি। ঙসি মা চন্দ্রঘন্তা থৌনিজবা নুমিৎনি। য়াইফরবা নুমিৎ অসিদা কাশিগী লমদমদা লাক্তুনা নখোয়গী নরক্তা য়াওজবা ফংজবা অসি ঐহাক্কী লাইবক ফবনি। মা চন্দ্রঘন্তাগী থৌজালশিংগা লোয়ননা ঙসি বনারাসকী নুংঙাইবা অমদি চাউখৎপগী অনৌবা পন্দুপ অমগা হাপচিল্লি। ঙসি মফম অসিদা পব্লিক ত্রান্সপোর্ত রোপৱেগী উরেপ-উয়ুং তমখি। বনারসকী অপুনবা চাউখৎ থৌরাংগা মরী লৈনবা লুপা করোর কয়াগী অতোপ্পা প্রোজেক্তশিং শঙ্গাখি অমসুং উরেপ উয়ুং তমখি। মসিদা থক্নবা ঈশৈ, হকশেল, এজুকেসন, গঙ্গা লুনানহনবা, ফ্লদ কন্ত্রোল, পুলিস ফেসিলিতী, স্পোর্তস ফেসিলিতী, অতোপ্পা প্রোজেক্ত কয়া য়াওখি। ঙসি আই.আই.তি. বি.ঐচ.য়ু.দা ‘সেন্তর ওফ এক্সিলেন্স ওন মেচিন তুল্স দিজাইন’গী উরেপ-উয়ুংসু তমখি। হায়বদি বনারসনা অতোপ্পা মালেমগী থাক্কী ইন্সতিত্যুত অমসু ফংলগনি। বনারসকী মীয়াম অমসুং পুর্ভঞ্চলগী মীয়ামদা প্রোজেক্তশিং অসিগীদমক নুংঙাইবা ফোঙদোকচরি।
ইচিল-ইনাওশিং,
ঙসি কাশিগী চাউখৎ-থৌরাংগী মতাংদা লৈবাক্তা অমদি মালেমদা ঙাংনরি। কাশিদা লাকপা মীওই অমা হেক্তনা মফম অসিদগী অনৌবা শক্তি পুদুনা চৎলি। চহি ৮-৯গী মমাংদা কাশিগী মীয়াম্না মখোয়গী সহর নৌনা শেমগৎনবা ৱাশকখি মতম অদুদা মীওই খরনা চিংনবা পোকখি। মীওই কয়ানা বনারসতা অহোংবা পুরকপা ঙমলোই, কাশিগী মীয়াম্না মাইপাকপা ঙমলোই হায়না খনখি। অদুবু কাশিগী মীয়াম্না, নখোয় পুম্নমক্না চিংনবা অদু অরানবনি হায়না নখোয়না কন্না হোৎনবগা লোয়ননা উৎপা ঙমখি।
মরুপশিং,
ঙসি কাশিদা অরিবা অমসুং অনৌবা মওং-মতৌ অনিমক অমুক্তংদা উবা ফংলি। ভারত অমসুং মপানদা ঐহাক্না থেংনবা মীওইশিংনা বিশ্বানাথ ধাম নৌনা শেমজিল্লিবা অসি কয়াদা পুক্নিং শুমহৎনীংঙাই ওইরিবা হায়না পাউদমলকখি। গঙ্গা তোর্বান্দা পাইখৎলিবা থবক অসিদা মীয়াম্না অঙকপা পোকখি। হন্দক্তা ঐখোয়গী কাশিদগী মালেমগী খ্বাইদগী শাংবা রিভর ক্রুজ কমথাখিবদা মসিগী মতাংদা কয়া অমা ঙাংনখি। গঙ্গাদা মসি ওইথোক্কনি হায়না ৱাখল খনবা ফাওবা ওইথোক্তবা মতম অমা লৈরমখি। অদুবু বনারাসকী মীয়াম্না মদু থবক ওইনা উৎখি। মীয়ামগী খোঙথাংশিং অসিগী মহৈ ওইনা চহি অমগী মনুংদা কাশিদা লমকোইবা করোর ৭ হেন্না লাকখি। লাক্লিবা মীওই করোর ৭ অসিনা বনারসতা লৈখি, মখোয় খরনা পুরি কচোরি চাই, খরনা জলেবি চাই, খরনা লস্সি থকই। অইবা মতমদা নুংঙাইনা লেল্লি। অমসুং ঐখোয়গী বনারসি পান, মফম অসিগী উগী শান্নপোৎশিং, বনারসি সারী, কার্পেৎ ৱার্ক্কীদমক থা খুদিংগী বনারসতা মীওই লাখ ৫০ হেন্না লাকখি। মহাদেবকী থৌজালশিংগা লোয়ননা অচৌবা থবক অসি পাঙথোক্লি। বনারসতা লাকখিবা মীওইশিং অসিনা মখোয়গা লোয়ননা বনারসকী ইমুং খুদিংমক্কীদমক শেন্থোক লম্বী পুদুনা লাকখি। মফম অসিদা লাক্লিবা লমকোইবশিংনা থবক্কী অনৌবা খুদোংচাবশিং পীরি।
মরুপশিং,
চহি ৮-৯ চাউখৎ-থৌরাংগী থবকশিং পাইখৎলবা মতুংদা বনারসকী চাউখৎ খোঙজেল হেনগৎলকখি, হৌজিক অনৌবা খোঙজেল অমা হাপ্পা মতম ওইরে। ঙসি তুরিজম অমসুং সহর অসি ফজথোকহনবগা মরী লৈনবা তোঙান-তোঙানবা প্রোজেক্তশিং শঙ্গাখি অমসুং উরেপ-উয়ুং তমখি। লম্বী, থোং, রেল, এয়রপোর্ত ওইরবসু কন্নেক্তিবিতীগী অনৌবা পাম্বৈশিংনা কাশিদা চত্থোক চৎশিন তৌবদা খুদোংচাহল্লি। অদুবু হৌজিক ঐখোয়না খোঙকাপ অমগা মাংদা থাংজিনবা মতম য়ৌরে। হৌজিক মফম অসিদা রোপৱে শারি, কাশিদা লাকপদা খুদোংচাবা অমসুং কাশিদা পুক্নিং চীংশিনবা হেনগৎলগনি। রোপৱে অসি শারবা মতুংদা বনারস কেন্ত রেলৱে স্তেসন অমসুং কাশি বিশ্বানাথ কোরিদোরগী মরক্তা লৈরিবা অরাপ্পা শুপ্নগ মিনিৎ খরদা হন্থহল্লগনি। মসিনা বনারসকী মীয়ামগী খুদোংচাবা হেন্না হেনগৎহল্লগনি। মসিনা কেন্ত স্তেসন অমসুং গৌদোলিয়াদা ত্রাফিক হন্থহল্লগনি।
মরুপশিং,
মনাক নকপা সহরশিং অমসুং অতোপ্পা রাজ্যশিংদগী মীয়াম্না তোঙান-তোঙানবা মরমশিংগীদমক বারনসীদা লাকই। চহি খরা অসিদা মহাক্না বারনসীগী মফম অমদা লাক্লগনি থবক লোইশিল্লগা রেলৱে নত্ত্রগস বস স্তেন্দদা চৎখি। মহাক্না বনারসতা চৎনীংবগী অপাম্বদি লৈ অদুবু মফম অদুগী ত্রাফিক জাম অদুনা কনানা চৎকনি হায়না মহাক্না খনখি। মহাক্না লেমহৌরিবা মতম অদু স্তেসন্দা অদুমক লৈবনা ফৈ খনখি। অদুগুম্বা মীওইশিংদা রোপৱে অসিনা চাউনা কান্নবা পীরনি।
ইচিল-ইনাওশিং,
রোপ-ৱে প্রোজেক্তসি শুপ্নগী ত্রান্সপোর্তেসন প্রোজেক্ত অমা নত্তে। রোপৱে স্তেসন অসি কেন্ত রেলৱে স্তেসন মথক্তা শাখি মরমদি মসিদগী মীয়াম্না খুদোংচাবা ফংনবনি। ওতোমেতিক স্তিয়রশিং, লিফ, হ্বীল চিয়র রেম্প, রেস্তরুম অমসুং পার্কিং মফম অসিদা লৈরি। রোপৱে স্তেসনশিংদা অচা-অথক্কী খুদোংচাবা অমসুং শোপ্পিংগী খুদোংচাবসু লৈগনি। মসিনা কাশিগী ললোন-ইতিক তৌনবা অমসুং থবক ফংনবা মফম অমা ওইরগনি।
মরুপশিং,
ঙসি বনারসকী এয়র কন্নেক্তিবিতী মপাঙ্গল কনখৎহন্নবা মাইকৈদা অচৌবা থবক অমা পাইখৎকনি। ঙসি ববৎপুর এয়রপোর্ত্তা অনৌবা এ.তি.সি. তাৱর অমা শঙ্গাখি। হৌজিক ফাওবদা এয়রক্রাফ ৫০ হেনবনা লৈবাক অসিদগী অমসুং মালেমগী লৈবাক কয়াদগী মফম অসিদা লাক্লি। অনৌবা এ.তি.সি. তাৱর অমা শাবগা লোয়ননা মসিগী কেপাসিতী হেনগৎহল্লগনি। মসিনা তুংলমচৎতা এয়রপোর্ত পাকথোক চাউথোকহনবদা লায়হল্লগনি।
ইচিল-ইনাওশিং,
স্মার্ত সিতী মিসনগী মখাদা কাশিদা পাইখৎলিবা থবক অসিনা খুদোংচাবা হেনগৎহল্লগনি অমসুং চৎথোক চৎশিনগী পাম্বৈ ফগৎহল্লগনি। কাশিদা লাকপা ভক্তা অমসুং লমকোইবশিংগী অপীকপা তঙাই ফদবশিং য়েংলগা ফ্লোতিং জেত্তী শারি। নামামি গঙ্গে মিসনগী মখাদা গঙ্গাগী নাকলদা লৈবা সহরশিংদা সিৱেজ ত্রীৎমেন্তগী অচৌবা নেৎৱার্ক অমা শেমখি। হৌখিবা চহি ৮-৯দা নখোয়না গঙ্গা তোর্বান্দা অহোংবা উবা ফংলমগনি। গঙ্গাগী নাকল অনিমক্তা অকোইবা ঙাকশেনবগা মরী লৈনবা অচৌবা কেম্পেন অমা হৌরগনি। গঙ্গাগী নাকল অনিমক্তা কিলোমিতর ৫ শাংবা মফমদা মহৌশাগী লৌউ-পথাপ থৌগৎনবা সরকারগী খোঙথাং পাইখৎকনি। মসিগীদমক চহি অসিগী বজেৎতা লাউথোকখি। হার নত্ত্রগা অতোপ্পা মতেংগা মরী লৈনবা মহৌশাগী লৌউ পথাপকী অনৌবা সেন্তরশিং হাংদোক্লি।
মরুপশিং,
বরানসীগা লোয়ননা নোংপোক থংবা উত্তর প্রদেশ পুম্নমক লৌউ-শিংউ অমদি এগ্রি-এক্সপোর্তকী মকোল অমা ওইরকপদা ঐহাক্না হরাওবা পোকই। বরানসীগী প্রোসেসিং, ত্রান্সপোর্তেসন অমদি স্তোরেজ ফেসিলিতীশিংনা বরানসিগী ‘লেংদা’ হৈনৌ অমদি ঘাজিপুরগী ‘ভিন্দী’ অমদি ‘হরি মির্চ’, জোনপুরগী ‘মুলী অমদি খরবুজ’তা অনৌবা ইনোৎ হাপ্তুনা মালেমগী কৈথেলশিংদা য়ৌবা ঙম্লি। অমসুং এক্সপোর্ত তৌরিবা মখৈ লৌমীশিংদা শেল হেন্না য়ৌগনি। হৌজিক কার্খিয়াম্ব ফুদ পার্কদা শারিবা ইন্তিগ্রেতেদ পেকহাউসনা লৌমী অমসুং মালীশিংদা চাউনা কান্নবা পীরগনি। ঙসি পুলিস ফোর্সকা মরী লৈনবা প্রোজেক্তশিং মফম অসিদা শঙ্গাখি। মসিনা পুলিস ফোর্স, লো এন্দ ওর্দরদা থাজবা হেনগৎহল্লগনি হায়না ঐহাক্না থাজৈ।
মরুপশিং,
লৈঙাক অসিনা চৎলিবা চাওখৎপগী লম্বী অসিদা থৌগল অমদি মিনুংসিগী মচাকশিং য়াওরি। লমদম অসিদা মায়োক্নরিবা শীংনবা অমদি অফবা থক্নবা ঈশিংনা ওইরি। ঙসি থক্নবা অরূবা ঈশিংগা মরী লৈনবা প্রোজেক্ত কয়া শঙ্গারি অদুগা তোঙান তোঙানবা প্রোজেক্তশিংগী উরেপ উয়ুংসু তম্লি। ‘হর খর নল সে জল’ কেম্পেনগী মরমদা পনখি অমদি হৌখিবা চহি ৩সিদা লৈবাকসিগী য়ুমথোঙ করোর ৮দা তোতীগী ঈশিং ফংহল্লে। উজ্জ্বলা য়োজনাগী মরমদসু পনখি অমদি সেৱাপুরীগী এল.পি.জি. বোত্লিং প্লান্ত অসিনা বেনিফিসরীশিংদা কান্নবা পীবতা নত্তনা নোংপোক উত্তর প্রদেশ অমদি নোংচুপ বিহারগী মফমশিংগী গ্যাস সিলিন্দরগী দিমান্দসু ফংহল্লগনি।
মরুপশিং,
ঙসি কেন্দ্রদা অমদি উত্তর প্রদেশতা লৈরিবা লৈঙাকশিং অসিনা লায়রবশিংগী থৌগলদা থাজবা থম্মি। মীয়াম্না ঐহাকপু ‘প্রধান মন্ত্রী’ হায়না কৌজরবসু, মহাক্কী মফমদদি মহাক অসি মীয়ামগী থৌগলগীদমক্তা লৈবনি। থৌগল তৌবগী ৱাখল্লোনগা লোয়ননা ঐহাক্না কাশি, লৈবাক অসিবু, য়ু.পি.বু শেবা তৌজরি। মীকুপ খরগী মমাংদা তোঙান তোঙানবা লৈঙাক্কী স্কীমশিংগী বেনিফিসরীশিংগা ৱারী শান্নখি। বরানসীগী মীওই লিশিং কয়ানা লৈঙাক্কী স্কীমশিংগী কান্নবশিং ফংলিবসিদা অপেনবা পোকই। ২০১৪গী মমাঙদা বেঙ্ক একাউন্ত অমা হাংদোকপা খুদোং চারমদবা ফীভম অদু নীংশিংলুবদা খুমাং কাংই। ইচম চম্বা ইমুং অমনা বেঙ্কশিংদগী লোনশিং ফংগনি হায়বা ৱাখল খল্লুদে। ঙসিদি লৈবাকসিগী খ্বায়দগী লায়রবা মীওই ফাওবা জন ধন একাউন্ত অমমম লৈদুনা শেলগী তেংবাং লৈঙাক্কী মায়কৈদগী হকথেংননা ফংলি। অপীকপা লৌমী, বিজিনেসমেন নৎত্রগা সেল্ফ-হেল্প গ্রুপশিং ওইরবসু, মুদ্রা য়োজনাগী খুত্থাঙদা লোন অমা লৌবা হায়বসি লায়হল্লে। শন ইরোই অমদি ঙা মচা কোকহনবা মীওইশিংদসু কিসান ক্রেদিৎ কার্দ পীরে, স্ত্রীত ভেন্দরশিং পি.এম. স্বানিধী য়োজনাগী খুত্থাঙদা লোন ফংবা হৌরে, অমদি ভারতকী বিস্বকর্মশিংগীদমক পি.এম. বিস্বকর্ম য়োজনা হৌদোক্লে। অমৃৎ কাল অসিদা ভারতকী চাওখৎ লম্বীদা মীপুম খুদিংমক্না থৌদাং য়াননবা অমদি কনাগুম্বা অমত্তা চিত্থহৌদনবা লৈঙাক্না থবক পায়খৎলি।
ইচিল-ইনাওশিং,
শান্নরোয় লাখ অমনা শরুক য়াখিবা খেলো বনারস কম্পিতিসনগী ৱিন্নরশিংগা লোয়ননা ৱারী শাখি। মসিদা তোঙান-তোঙানবা মশান্নশিংদা নহা লাখ অমা হেনবনা শরুক য়াখি। ঐহাক্কী বনারস পার্লিয়ামেন্ত কনস্তিত্যুএন্সীগী মীপুম খুদিংমক্তা নুংঙাইবা ফোঙদোকচরি। বনারসকী নহাশিংগীদমক অনৌবা শান্ন-খোৎনবগী ফেসিলিতীশিং মফম অসিদা শেমগৎলি। সিগ্রা স্তেদিয়ম পাকথোক চাউথোকপগী ফেজ ২ অমদি ৩গী উরেপ উয়ুং ঙসি তমখি। মালেমগী থাক্কী ক্রিকেৎ স্তেদিয়ম অমসু বরানসীদা শারক্কদৌরি। স্তেদিয়ম অসি শাবা লোইরকপদা কাশিদা মীৎয়েং চংনবা অতোপ্পা মরম অমগা হাপচিল্লগনি।
ইচিল-ইনাওশিং,
ঙসি উত্তর প্রদেশনা স্তেত অসিগী হীরম খুদিংদা চাওখৎপা পুরকপগী অনৌবা মায়ওন অমা হাপচিল্লি। উত্তর প্রদেশকী য়োগী লৈঙাক্কী অনিসুবা তর্মগী অহানবা চহি হয়েং, মার্চ ২৫দা মপুং ফারগনি। শ্রী য়োগীনা স্তেত অসিগী খ্বায়দগী মতম শাংনা পায়বা মুখ্য মন্ত্রী ওইবগী অনৌবা রেকোর্দ অমসু শেম্লে। উত্তর প্রদেশনা নীংবা কায়বগী মরুমদগী থোরক্তুনা মীয়ামগী অনিংবা অপাম্বগী লম্বীদা খোঙ থাংজিল্লক্লি। উত্তর প্রদেশ অসি ঙাকশেল অমদি থৌগলগী থৌওং হেনগৎহন্দুনা নুংঙাই য়াইফবা পুরকপগী তশেং তশেংবা খুদম অমনি। ঙসিগী অনৌবা চাওখৎ থৌরাংগী প্রোজেক্তশিং অসিনা নুংঙাই য়াইফবগী লম্বীগী মপাঙ্গল হাপ্লি। চাউখৎ-থৌরাংগী থবক কয়া অসিগীদমক মীপুম খুদিংমক্কী মফমদা অমুক্কা হন্না নুংঙাইবা ফোঙদোকচরি। হর হর মহাদেব!
থাগৎচরি।
