খুরুমজরি,
গুজরাৎকী রাজ্যপাল শ্রীমান আচার্য় দেববর্তজী, লোকসভাগী স্পীকর শ্রীমান ওম বীরলাজী, পার্লিয়ামেন্তরী এফিয়র্স মন্ত্রী শ্রী প্রহলাদ জোশীজী, রাজ্যসভাগী ভাইস চিয়রমেন শ্রী হরিবংশজী, পার্লিয়ামেন্তরী এফিয়র্সকী রাজ্য মন্ত্রী শ্রী অর্জুন মেঘৱালজী, গুজরাত বিধানসভাগী স্পীকর শ্রী রাজেন্দ্র ত্রিবেদীজী, লৈবাক অসিগী তোঙান তোঙানবা লেজিস্লেচরশিংগী প্রিসাইদিং ওফিসরশিং, অতৈ অখঙ-অহৈ, ইবুংঙো অমসুং ইবেম্মশিং।
ঙসি ইমা নর্মদাগী তোর্বান্দদা, সরদার পতেলগী মশাইগোন্দা য়াম্না মরুওইবা তাঞ্জা অনিনা ইতিল্লরি। কন্সতিত্যুসনগী নুমিৎ অসিদা ঐগী নুংশিরবা ইরৈবাকচাশিংদা নুংঙাইবা ফোংদোকচরি। ঐখোয়গী কন্সতিত্যুসন শেম্বদা শরুক য়াবীখিবা য়াবীখিবী পুম্নমক্তা ঐখোয়না ইকোক নোঞ্জরি। ঙসি কন্সতিত্যুসন নুমিৎসুনি অমসুং কন্সতিত্যুসনবু ঙাক-শেন্নবগীদমক্তা মরুওইবা থৌদাং লৌবীখিবা অদোম প্রিসাইদিং ওফিসরশিংগী সেমিনারসু পাংথোক্লি। চহি অসি ওফিসরশিংগী সেমিনারগী চহি চাম্মশুবা কুমওনশুনি। মসিগী মরুওইরবা তাঞ্জা অসিগীদমক্তা ঐনা অদোম পুম্নমকপু হন্না হন্না নুংঙাইবা ফোংদোকচরি।
মরূপশা,
ঙসি দোক্তর রাজেন্দ্র প্রসাদ অমসুং বাবা অম্বেদকরদগী হৌরগা কন্সতিত্যুএন্ত এসেম্বলীগী মীওই পুম্নমক্তা ইকোক নোঞ্জবগী নুমিৎনি, মখোয়গী চোকথবা নাইদনা হোৎনবীখিবা অদুনা ঐখোয় ইরৈবাকচা পুম্নমক্না কন্সতিত্যুসন অসি ফংজখিবনি। ঙসিগী নুমিৎ অসিদা পুজা তৌনীংঙাই ওইরবা বাপুগী ইথিল অদুবু, সরদার বল্লভভাই পতেলগী কমিৎমেন্ত অদুবু খুরুমজগদবনি। অসিগুম্বা মীহুৎ কয়ানা ভারত শেমগৎপগী লম্বী য়াৎপীরম্মি। লৈবাক অসিনা অদুগুম্বা হোৎনখিবশিং অদুবু নীংশিংনবগী পান্দমদা, চহি ৫গী মমাংদা নবেম্বর ২৬তা কন্সতিত্যুসন নুমিৎ পাংথোক্নবা ৱারেপ লৌখি। ঐনা লৈবাক অপুনবদা ঐখোয়গী লোক্তন্ত্রগী মরুওইবা থৌরম অসিদা নুংঙাইবা ফোংদোকচরি।
মরূপশা,
ঙসিগী তাং অসি, লৈবাক অসিদা খ্বাইদগী চাউনা তেরোরিস্তনা লান্দাখিবগা মরী লৈনে। ২০০৮দা পাকিস্তান্দগী লাকপা তেরোরিস্তশিংনা মুম্বৈদা লান্দাখি। লান্দা অদুদা ভারত মচা কয়াগী পুন্সি মাংখি। অতোপ্পা লৈবাক্তগী লাকপা কয়া শিখি। ঐনা মুম্বৈগী লান্দা অদুদা লৈখিদবা পুম্নমক্কী মফমদা শ্রদ্ধাঞ্জলি কৎচরি। লান্দা অদুদা ঐখোয়গী পুলিস ফোর্সকী থৌনা ফরবা কয়াসু পুন্সি লোমখি। ঐনা মখোয়বুসু খুরুমজরি। ঙসিগী ভারতনা অনৌবা পোলিসী-অনৌবা লম্বীদা তেরোরিজমগা মায়োক্নরি। ঐনা ঙসি মুম্বৈগী লান্দাগুম্বা থৌরাংশিংবু মায়থিহল্লিবা, তেরিরিজম্বু অপীকপা মফম অমদা তাশিন্দুনা থম্লিবা, ভারতকী ঙাক-শেলদা মিৎকুপ খুদিং শরুক য়ারিবা সেক্যুরিতী ফোর্সশিংবুসু খুরুমজরি।
মরূপশা,
প্রিসাইদিং ওফিসর ওইনা, অদোম্না ঐখোয়গী দিমোক্রেসীদা অচৌবা থৌদাং লৈরি। অদোম প্রিসাইদিং ওফিসর পুম্নমক, কাংলোন শেম্বা অমা ওইনা কন্সতিত্যুসন অমসুং লৈবাক্কী মীচম মীয়ামগী শম্নহন্নবা য়াম্না মরুওইবা মরী অমনি। লেজিস্লেতর ওইবগা লোইননা অদোম হাউসকী স্পীকরসুনি। মসিদা ঐখোয়গী মরুওইরবা শরুক অহুম – লেজিস্লেচর, এগজুকেতিব অমসুং জ্যুরিদিসরীগী মরক্তা হেন্না নুংশি চান্নবা হেনগৎহনবদা অদোম্না য়াম্না চাউবা থৌদাং য়াবীরি। মাগী মাগী সেমিনারদা মসিগী মতাংদা য়াম্না ৱারী-ৱাতাইসু তৌনখি। কন্সতিত্যুসনগী ঙাক-শেলদা জ্যুদিসরীগী মশাগী থৌদাং লৈ। অদুবু স্পীকরনা লো মেকিং বোদীগী ফেস ওই। মরম অসিনা স্পীকর, অমরোমদদি কন্সতিতযুসনগী ঙাকশ-শেলগী চুঙ্গোইগী অহানবা গার্দসুনি।
মরূপশা,
কন্সতিত্যুসনগী মচাক অহুমগী থৌদাংদগী হৌরগা মওং-মতৌ ফাওবা কন্সতিত্যুসন্দা পল্লি। ৭০গী মতমদা ঐখোয়না উখি মদুদি সেপরেসন ওফ পাৱরগী মওং-মতৌ অদু করম্না থুগাইনবা হোৎনখিবগে, অদুবু মদুগী পাউখুমসু লৈবাক অসিগী কন্সতিত্যুসন অসিমক্তদগী ফংখি। ইমর্জেন্সী মতম অদুগী মতুংদগী চেক্স এন্দ বেলেন্সকী সিস্তেম অসুম অসুম কনশিনবা হৌখি। লেজিসলেচর, এগজ্যুকেতিব অমসুং জ্যুদিসরী অহুমনা মতম অদুদগী করিগুম্বা খরা তমজদুনা মাংদা চখৎখি।
মরূপশা,
অসিগুম্বা মখলগী হোৎনবশিং খ্বাইদগী চাউবা শাফু মীয়ামগী থাজবদা পীরি। লুবদগী লুরবা মতমদসু মীয়ামগী থাজবা মচাক অহুম অসিদা লেংদনা লৈরি। মসি ঐখোয়না মতম অসিদা মালেমমগী লাইচৎকী মতমদসু ময়েক শেংনা উখ্রে। ভারতকী করোর ১৩০দগী হেল্লবা মীয়াম্না পীখিবা মপুং ফাবগী শক্তাক অদুগী চাউরবা মরম অমদি, ভারত মচা পুম্নমক্না কন্সতিত্যুসনগী শরুক অহুমদা মপুং ফানা থাজবা থম্বা অসিনি। থাজবা অসিবু হেনগৎহন্নবা হাউস অনিমক্না মতমদগী হেন্না থবক তৌই।
লাইচৎকী মতম অসিদা লৈবাক অসিগী পার্লিয়ামেন্তনা লৈবাক্কী কান্ননবগা মরী লৈনবা কাংলোনশিংগীদমক্তা, আত্মনির্ভর ভারতকীদমক্তা, মরুওইবা কাংলোনশিংগীদমক্তা শেম-শাবা অমসুং কমিৎমন্ত উৎখিবা অদু অমুক্তা ওইখিদ্রিবা মওংনি। মতম অসিদা পার্লিয়ামেন্তকী হাউস অনিমক্তা অপীবা মতমদগী হেন্না থবক শুখি।
মতম অসিদ হাউস অনিমক্না অপীবা মতমদগী হেন্না থবক শুখি। এম.পি.শিংনা মখোয়গী তলবতসু হন্থহন্দুনা মখোয়গী কমিৎমেন্ত পীখি। রাজ্য কয়ামরুমগী এম.এল.এ.শিংনসু মখোয়গী তলবকী শরুক খরা পীদুনা কোরোনাগী মায়োক্তা চংশিল্লিবা লাঞ্জংদা মখোয়গী থৌদাং য়াখি। ঐনা থৌওংশিং অসিবু পুক্নীং থৌগৎচরি। কোবিদকী মতমদা, মসিগী খোংথাংশিং অসিনা মীয়ামগী থাজবা হেনগৎহল্লি।
মরূপশা,
কোরোনাগী মতম অসিদা ঐখোগী মীখলগী সিস্তেমগী অচেৎপা মশক অদুসু মালেম্না উখ্রে। অসুক্কী মতিক চাউনা মীখল পাংথোকপা, মতম চানা ফল হায়দোকপা, নীংথিজবা মওংদা সরকার শেম্বা, মসি অদুক লাইবদি নত্তে। ঐখোয়না ঐখোয়গী কন্সতিত্যুসন্দগী ফংলিবা থৌনা অসিনা অসিগুম্বা অরুবা থবকশিংবু লাইথোকহল্লি।
লাক্কদৌরিবা মতম অসিদা কন্সতিত্যুসন অসি ৭৫শুবা চহিগী মায়কৈদা খোংজেল য়াংনা চংশিল্লি। মতৌ অসুম্না নীং তম্লবা ভারতসু চহি ৭৫ শুগদৌরে। মসিদা থৌরাংশিং অসিবু মতমগী মতুং ইন্না শেম্নবগীদমক্তা অচৌবা খোংথাং থাংজিন্নবা ঐখোয়না ৱারেপ লৌবা মওংদা থবক তৌবা তাই। লৈবাক অমা ওইনা লৌখিবা ফিরেপ খুদিংমক অদুবু পাংথোক্নবগীদমক্তা লেজিস্লেচর, এগজিক্যুতিব অমসুং জ্যুদিসরী, মখোয় অসি হেন্না চান্নহনবগা লোইননা থবক তৌদুনা লৈগদবনি। ঐখোয়গী ৱারেপ খুদিংমক্কী য়ুম্ফম ফালা অমদা ওনগদবনি, পথাপ অমখক ওইহনগদবনি অমসুং পথাপ অদু লৈবাক্কী কান্নবা ওইগদবনি। লৈবাক্কী কান্নবা, মসি ঐখোয়গী ফালা ওইগদবনি।
ঐখোয়না নীংশিংগদবনি মদুদি ৱাখল্লোন্দা লৈবাক্কী কান্নবা, মীয়ামগী কান্নবা নত্তনা মদুগী মহুত্তা রাজনীতিদা শাফু পীরবদি মদুগী মাংজবা লৈবাক অসিনা ফংবা তাই। পুম্নমক্না তোঙান তোঙান্না খল্লবদি, করি ফল ওইগনি, মসিগী শাখি… অদোম নুমিৎ নিনিদগী মফম অসিদা লৈরক্লি, সরদার সরোবর দামসু মদুগীদমক য়াম্না চাউরবা খুদম্নি।
মরূপশা,
কেবরিয়া প্রভাসকী মতুংদা অদোম ময়াম্না সরদার সরোবর দামগী পাক–চাউবা উরে, মতিক মগুন উরে, মসিগী মপাঙ্গল উরে। অদুবু দাম অসিগী থবক চহি কয়া পন্দুনা লৈখি, লেপ্তুনা লৈখি। ঙসি দাম অসিগী কান্নবা গুজরাতকা লোইননা মধ্য প্রদেশ, মহারাস্ত্রা অমসুং রাজস্থানগী লম হেক্তর লাখ ২.৫গী ইথৈ–লৌখোংগী খুদোংচাবা ফংহল্লে। দাম অসিদগী গুজরাতকী লম হেক্তর লাখ ১৮দা, গুজরাতকী খুঙ্গং লিশিং ৯দগী হেনবা, রাজস্থান অমসুং গুজরাতকী অচৌ-অপীক শহর কয়া মরুমদা য়ুমগী ঈশিং পীবা মসিগী সরদার সরোবর দাম অসিগী মরমদগী ওইথোকপা ঙম্লে।
অমসুং ঈশিংগী মতাং পল্লকপদা ঐ ৱাফম অমা নীংশিংলকই। নর্মদাগী ঈশিং অসি চয়েৎনবা থোকখিবা মতমদা, খুদোংথিবা কয়া নংখিবা মতমদা, অচুম্বনা লম্বী খরা পীরকখি, অদুবু রাজস্থানদা ঈশিং য়ৌহনখিবদদি ভৈরো সিংহজী শেখাৱৎ অমসুং জস্বন্ত সিংহজী, অনিমক্না গান্ধী নগরদা অখন্ননা উনবা লাকখি। ঐনা হংখি করি থবক লৈবগে, হায়রকখি লাক্লগা হায়গে। মখোয় লাকখি অমসুং মখোয়না অদুক্কী মতিক থাগৎপা ফোংদোকখি, অদুক্কী মতিক থৌজান পীখি। ঐনা হায়খি অদুক্কী মতিক মীনুংশি, অদুক্কী মতিক ইমোশন করিগী। হায়রকই, পুৱারীনা শাখিনি মদুদি ঈশিং মরিক অমতংগীসু লাল তৌনরিবনি, লান শোক্নখি, ইমুং অনিগী মরক্তা খাইবুংনখি। লানফম অমত্তা থোক্তনা, খৎন-চৈনবা অমত্তা তৌদনা গুজরাত্তগী নর্মদাগী ঈশিং রাজ্স্থান য়ৌখ্রে, রাজস্থানগী কংলবা লৈমাইদা মসিগী ঈশিং য়ৌহনখ্রে, মসি ঐখোয়গীদমক্তা অদুক্কী মতিক চাউথোকচনীংঙাই অমসুং নুংঙাইবগী হিরম্নি অমসুং মরম অসিনা ঐখোয় নঙবু উন্নবা লাক্লিবনি। অদোম য়েংবীয়ু, থবক অসি করিগুম্বা হান্ননা তৌরম্লবদি… দাম অসিদগী পুথোক্লিবা মৈ অসি, মসিগী অনম্বা কান্নবদি মধ্য প্রদেশ অমসুং মহারাস্ত্রনা ফংলি।
মরূপশা,
পুম্নমক অসি য়াম্না ঙল্লিঙৈদা ওইথোক্লম্বা য়াবনি। অদুবু কুমজা কয়া মীয়াম্না মসিবু ফংঙমদনা লৈরকখি। অসুম্না তৌখিবা মখোয় অদু, নীংঙমদবসু ফাওবীদে। অসুক চাউনা লৈবাক্কী মাং-তাক্লিবসিগী মরম ওইরিবশিংদুগী মায়থোংদা নীংঙমদবা মমি অমত্তা তাদে। ঐখোয়না লৈবাক অসি অসিগুম্বা চৎনবী অসিদগী লৌথোক্কদবনি।
মরূপশা,
সরদার পতেলজীগী অসুক্কী মতিক চাউখ্রবা মীতম অসিগী মাংদা চংদুনা য়েংজরগা, অদোম ময়াম্নসু অনৌবা ইনর্জী ফংবীরমগনি। অদোমসু অনৌবা ইথিল অমা পোকপীরমগনি। মালেমগী খ্বাইদগী ৱাংবা মীতম, স্তেচু ওফ য়ুনিতী, মসি ভারত মচা পুম্নমক্কী চাউথোকচনীংঙাইনি। অমসুং সরদার পতেলগী স্তেচু শাবদা জনসংঘগী মেম্বর য়াওদে, ভাজপাগী মেম্বর য়াওদে, রাজনীতি অমত্তগী খুৎ য়াওদে। হাউস্তা ৱাখল্লোন অমগী মথৌ তাবা অদুগুম্না লৈবাক অসিদসু ৱাখল্লোন অমগী তঙাইফদবা লৈ। মসি সরদার সাহেবকী নীংশিং মীতম অসি ৱাফম অদুগী অহিংবা খুদম্নি মদুদি মফম অসিদা রাজনীতিগী খুৎ অমত্তা য়াওদে।
মরূপশা,
ঐখোয়গী কন্সতিত্যুসনদা শক্তম কয়া য়াওরি, অদুবু খ্বাইদগী মরুওইবা শক্তমদি ঐখোয়গী থৌদাংদা পীরিবা মরুওইবশিংদুনি। মহাত্মা গান্ধীনা মসিগীদমক য়াম্না লাংতক্নখি। মহাক্না হক & থৌদাংদা অনকপা মরী অমা উখি। মহাক্না ফাওখি মদুদি ঐখোয়না ইথৌ অমুকপু পাংথোক্লবদি, হক অদু মথন্তা লাকচগনি।
হৌজিক কন্সতিত্যুসনগী মতাংদা মীচম মীয়াম্না খঙবা অসি হেন্না পাকথোক–চাউথোকহন্নবা ঐখোয় হোৎনগদবনি। হৌজিক অদোম্না তাবীরি কে.ৱাই.সি…নো য়োর কস্তমর অসি দিজিতেল সেক্যুরিতীগী মরুওইবা শরুক অমনি। মতৌ অসুম্না কে.ৱাই.সি. হায়বদি নো য়োর কন্সতিত্যুসন অসিনা ঐখোয়গী কন্সতিত্যুসনগী চুঙ্গোই অসিবুসু মপাঙ্গল কলহনবা ঙমগনি। মরম অসিনা কন্সতিত্যুসনগী মায়কৈদা খঙবা হেনগৎহন্নবা খোংজং লেপ্তনা চংশিনবা, মসি লৈবাক অসিগী লাক্কদৌরিবা মীরোলগীদমক্তা মথৌ তাবা ওইনা লৌই। মরুওইনা স্কুলশিংদা, কোলেজশিংদা, ঐখোয়গী অনৌবা মীরোলদা মসিগা য়াম নকশিন্না খঙনহনবা তাই।
মরূপশা,
ঐখোয়গী অসিদা খ্বাইদগী চাউবা সমস্যা মসিসু লৈরি মদুদি কন্সতিত্যুসন অমসুং কাংলোন (লিগেল)গী লোন্দা অসি, মহাক্কীদমক্তা কাংলোন অসি শেম্লিবা, মীশক অদুনা খঙবদা লুনা থোকই। অরুবা ৱাহৈ, অশাং অশাংবা পরেংশিং, অচৌ অচৌবা পেরগ্রাফ, ক্লোজ–সব ক্লোজ, হায়বদি খজিক্তদা অরুবা লাং অমগুম থোকই। ঐখোয়গী কাংলোনগী লোন্দা অসি মীচম মীয়ামনসু খঙবা ঙম্নবা অদুক্কী মতিক লাইহনগদবনি। ঐখোয় ভারতকী মীয়াম্না কন্সতিত্যুসন অসি ইশাদা পীজবনি। মরম অসিনা মসিগী মখাদা লৌখিবা ৱারেপ খুদিংমক, কাংলোন খুদিংমক্কা মীয়ামগা হকথেংননা কনেক্ত ফাওহন্নবা, হোৎনগদবনি।
মসিদা অদোম প্রিসাইদিং ওফিসরশিংগী য়াম্না চাউবা মতেং ওইবা য়াই। মতমগী মতুং ইন্না মগুন মাংখ্রবা কাংলোনশিং অদু লৌথোকপগী থৌওংসু অরাইবা ওইহনগদবনি। হৌখিবা চহিশিংদা অসিগুম্বা কাংলোন কয়া লৌথোকখ্রে। ঐখোয়না অরিবা কাংলোনশিংদা শেমদোকপগুম্না, অরিবা কাংলোনশিং অদুবু রিপোল তৌনবগী থৌওং মশানা অদুম চৎথজবা অদুগুম্বা থৌরাং শেম্বা য়ারোইদ্রা?
মরূপশা,
অতোপ্পা হিরম অমগা লৈরি অমসুং মদসু অদুক্কী মতিক মরুওই অমসুং মদু মীখলগীনি। ৱন নেসন ৱন ইলেক্সন অসি শুপনগী ৱারী শাননবা হিরম অমখক্তা নত্তে মসি ভারতকী তঙাইফদবনি। থা খরা খুদিংগী ভারত্তা কদাইদনো মীখল অমদি অদুম্মক পাংথোকই। মসিনা চাউখৎপগী থবক্তা পীবা শাফু অদু অদোম্না ময়েক শেংনা খঙবীরি। মসিদা ৱন নেসন ৱন ইলেক্সন্দা মুন্না নৈনবা অসি মথৌ তাই। অমসুং মসিদা প্রিসাইদিং ওফিসরশিংনা ফনা য়াম্না লমজিংবীবা ঙমগনি, গাইদ তৌবা ঙমগনি, লীদ তৌবা ঙমগনি। মসিগা লোইননা লোকসভাবু ওইরো, বিধানসভাবু ওইরো নত্ত্রগা পঞ্চায়ৎকী মীখলবু ওইরো, মসিগীদমক্তা ভোতর লিস্ত অমখক্তমক চৎননবা ঐখোয়না খ্বাইদগী হান্না লম্বী শেমগদবনি। ঙসি পুম্নমক্কী তোঙান তোঙানবা ভোতর লিস্ত লৈ, ঐখোয়না করিগী চাদিং তৌরিবনো, মতম করিগী মাংহল্লিবনো। হৌজিক্কী পুম্নমক্কীদমক্তা চহি ১৮গী মথক হায়না লেপখ্রে। অহানবদদি চহিদা খেন্নবা লৈরম্মি, মরম অসিনা খরা তোঙান্না তাখি, হৌজিক মথৌ অমত্তা তাদ্রে।
মরূপশা,
দিজিতেলাইজেসনগী মতাংদা পর্লিয়ামেন্ততা অমসুং এসেম্বলী খরদা খরা হৌৎনখি, অদুবু হৌজিক দিজিতেলাইজেসন মপুং ফানা তৌনবগী মতম লাক্লে। করিগুম্বা অদোম প্রিসাইদিং ওফিসরশিংনা মসিগা মরী লৈনবা ইনিসিএতিবশিং পাইখৎলগদি ঐনা থাজৈ মদুদি ঐখোয়গী এম.এল.এ.শিং, এম.পি.শিংসু খোংজেল য়াংনা তেক্নোলোজীবু এদোপ্ত তৌগনি। নীং খা তম্বগী চহি ৭৫ অসিগী মতুং ইন্না অদোম মসিগা মরী লৈনবা পান্দম লেপথোকপা ঙমগদ্রা? তার্গেৎ অমা লেপ্লগা মফম অসিদগী চৎপা ঙমগদ্রা?
মরূপশা,
ঙসি লৈবাক অসিগী এসেমব্লী হাউস পুম্নমকপু দেতা শিয়র তৌনবগী মায়কৈদা মাংদা চংশিনবা মথৌ তাই, অদুবু লৈবাক অসিদা দেতাবেজ লৈগদবনি। এম.পি. পুম্নমক্কী থবক-থৌরমগী রিয়েল তাইম অমা মীচম মীয়াম্নসু ফংননবা অমসুং লৈবাক্কী এম.পি. পুম্নমকপুসু ফংহন্নবা। মসিগীদমক্তা “নেস্নেসল ই-বিধান এপ্লিকেসন” ওইনা অনৌবা দিজিতেল প্লেৎফোর্ম হান্নদগী শেমখ্রে। ঐনা অদোম ময়ামদা হায়জরি মদুদি প্রোজেক্ত অসিবু অদুক্কী মতিক থুনা এদোপ্ত তৌগদবনি। হৌজিক ঐখোয় ঐখোয়গী থবক-থৌরমদা অদুক্কী মতিক য়াম্না তেক্নোলোজী শিজিন্নবা, পেপরলেস ওইবা মওংদা শাফু পীগদবনি।
মরূপশা,
অমুক্কা হন্না থৌরম অসিদা ঐবু কৌবীরকপগীদমক্তা ঐনা স্পীকর মহোদয়গী তৌবীমল খঙবা উৎচরি। ঐনা অসুম্না সজেসন পীখি অদুবু স্পীকর সাহেবনা কেবরিয়াদা থৌরম অসিগী ৱারী শান্নৈ। গুজরাতকী মীয়ামগী মীকৌ মীচান্দি অদুক্কী মতিক ফজৈ, অসুম্না ঐখোয়গী লৈবাক্কী কাচিন কোয়া খুদিংমক্তা অসিগুম্বা লমচৎ লৈরবদি মসিদা অৱাৎপা অমত্তা লৈররোই, অসুম্না ঐনা মপুং ফানা থাজৈ। অদুবু মসিবু উরুরবা মতুংদা ওইবা য়াই অদোমগী থমোইদা অনৌবা ৱাখল্লোন কয়া লাকপা। করিগুম্বা মদুদা ৱাখল্লোন অদু য়ৌহল্লগদি মদুগী চাউখৎ-থৌরাংদা কান্নবা শোইদনা ফংগনি। মরমদি লৈবাক অমগীদমক্তা চাউথোকচনীংঙাইগী মফম অমা শেম্মি, মদুদা ঐখোয় পুম্নমক্কী থৌদাং য়াওই। মরমদি মসিগী মরুদা অদোম্না নীংশিংলমগনি হিন্দুস্তানগী খুঙ্গং খুদিংমক্তগী লৌমীশিংনা লৌবুক্তা শিজিন্নবা খুৎলাই অদুগুম্বা অমনবা খুৎলাই খোমজিনখি হিন্দুস্তানগী খুঙ্গং লাখ তরুক্তগী। অমসুং মদুবু মফম অসিদা শৌদোকহন্দুনা স্তেচু অসি শাবদা লৌমীশিংনা লৌবুক্তা শিজিন্নখিবা খুৎলাইদগী য়োৎ লৌথোক্লগা মসিদা শিজিন্নখি। হায়বদি মসিগা লোইননা অমরোমদা হিন্দুস্তানগী খুঙ্গং পুম্নমক, লৌমী পুম্নমক য়াওখি।
মরূপশা,
নর্মদা অমসুং সরদার সাহেবকী মশাইগোন্দা লৈরিবা অসিনা অদোমদা ইথিল পীনবীদুনা লৈরসনু হায়বা ৱাহৈ অসিগা লোইননা অদোম ময়াম্বু ঐগী মায়কৈদগী হন্না হন্না তৌবীমল খঙবা উৎচরি!!
হন্না হন্না থাগৎচরি!!
হন্না হন্না নুংঙাইবা ফোংদোকচরি।
