অদোগুম্বা ইকায় খুম্নরশিং, দেনমার্ক্কী প্রধান মন্ত্রী, দেনমার্ক্কী অতোপ্পা মীথুংলেন অমসুং মীদিয়াগী ইচিল-ইনাওশিং!!!
খুরুমজরি!
কোরোনা লাইচৎ লাক্ত্রিঙৈগী মমাংদগী, মসিগী হাইদ্রবাদ হাউস অসিনা সরকারগী মকোকশিং অমসুং রাজ্যগী মকোকশিং ওক্তুনা লাকখি। থৌওং অসি মমাংগী থা ১৮-২০দগী চত্থদুনা লাক্লি। ঙসিসু, দেনিশ প্রধান মন্ত্রী লাক্তুনা অনৌবা মীফম পরিং অমুক হৌদোকপদা ঐহাক্না নুংঙাইবা ফাওই।
ইকায় খুম্নরবশিং,
হন্দক্কী খোঙচৎনা অদোমগী অহানবা ওইবসিসু য়াম্না তান চাবনি। অদোমগা লোয়ননা, দেনিশ দেলিগেৎ অমসুং লল্লোন-ইতিক্কী মকোক থোংবশিংসু ঐহাক্না তরাম্না ওকচরি।
মরুপশিং,
ঙসি ঐখোয়না হকথেংননা অহানবা ওইনা উন্নরবসু, কোরোনা মনুংদসু ভারত অমসুং দেনমার্ক্না পাউ ফাওনবা অমসুং তেংবাংগী মরী লৈনখি। ঙসিদগী চহি অমগী মমাংদা, ঐখোয়না ভর্চুএল সম্মিৎকী খুত্থাংদা গ্রীন স্ত্রেতজিক পার্ত্নরশিপ হৌদোকপগী পুৱারী ওইরবা ৱারেপ লৌখি। মসিদি ঐখোয়গী লৈবাক অনিগী মিৎয়েং শানবা অমসুং অকোয়বগী ফিভম ইকায় খুম্নবগী মতৌননি। মসিগী পার্ত্নরশিপ অসি মতৌ করম্না তেংবাংনদুনা, তেক্নোলোজী শিজিন্নদুনা অকোয়ববু ঙাক-শেন্দুনা থম্বগা লোয়ননা গ্রীন গ্রোথকীদমক্তা করম্না থবক তৌমিন্নবা য়াবগে হায়বগী খুদম্নি। ঐখোয়না ঙসি পার্ত্নরশিপ অসিদগী চাউখৎপা কয়াম্না ফংলে হায়বা য়েংশিনলি অমসুং লাক্কদৌরিবা মতমদা অইং-অশা হোংবগী মতাংদা তেংবাংমিন্নবা হেনগৎপগী খোঙফম চেৎপগী ৱাফম ফোংদোক্নরি। হীরম অসিগা মরী লৈনবা ওইনা, দেনমার্ক্না ইন্তর্নেস্নেল সোলর এলাইএন্সকী মেম্বর ওইবদসু য়াম্না নুংঙাইবা ফাওই। ঐখোয়গী তেংবাংমিন্নবদা, মসিগী অনৌবা থৌওং অমসু ঙসিদগী হাপচিল্লে।
মরুপশিং,
দেনিশ কম্পেনীশিং অসি ভারতকী ওইনদি অনৌবা নত্তে। ইনর্জী, ফুদ প্রোসেসিং, লোজিস্তিক্স, ইনফ্রাস্ত্রকচর, মেছিনরী, সোফৱেয়রনচিংবা সেক্তর কয়াদা দেনিশ কম্পেনীশিংনা মতম শাংনদগী ভারতকা থবক তৌমিন্নদুনা লাক্লি। মখোয়না “মেক ইন ইন্দিয়া”দা নত্তনা “মেক ইন ইন্দিয়া ফোর দি ৱর্ল্দ”বু মাই-পাকহন্নবা মরু ওইবা থৌদাং য়ারি। ভারত চাউখৎপগী ঐখোয়না থম্লিবা পান্দম, খোঙজেল য়াঙনা অমসুং পাক-শন্না চঙশিন্নীংলিবা অসিদসু দেনিশকী হৈ-শিংবা অমসুং তেক্নোলোজীনা য়াম্না তেংবাংলি। ভারতকী শেন্মিৎলোন্দা অহোংবা কয়া লাক্লিবা, মরু ওইনা মেন্যুফেকচরিং সেক্তরদা পায়খৎখিবা খোঙথাং, অসিনা অসিগুম্বা কম্পেনী কয়াগী খুদোংচাবা ওইগদৌরি। ঙসিগী মীফম অসিদা ঐখোয়না হীরম অসিগী মতাংদা কুপ্না খন্নখি।
মরুপশিং,
ঐখোয়না হৌজিক লৈরিবা তেংবাংমিন্নবগী থৌওংসিদা অনৌবা হীরম কয়া হাপচিনবগা লোয়ননা পাক-চাউবা হেনগৎহন্নবা ঙসি ৱারেপ অমসু লৌরে। হেল্থ সেক্তরদসু ঐখোয়না অনৌবা পার্ত্নরশিপ অমা হৌদোক্লে। ভারত্তা লৌউ-শিংউগী পোত্থোক অমসুং লৌমীশিংগী শেন্থোক হেনগৎহন্নবগীদমক্তা, লৌউ-শিংউগা মরী লৈনবা তেক্নোলোজীদসু ঐখোয়না তেংবাংমিন্নবগী য়ানবা অমা পুরক্লে। ঐখোয়না মসিগী মখাদা ফুদ সেফতী, কোল্দ চেন, ফুদ প্রোসেসিং, ফর্তিলাইজর, ফিশরী, এক্বাকলচরনচিংবা সেক্তর কয়াগী তেক্নোলোজীদসু থবক পায়খৎকনি। ঐখোয়না স্মার্ত ৱাতর রিসোর্স মেনেজমেন্ত, ‘ৱেস্ত তু বেস্ত’ অমসুং অফবা সপ্লাই চেন্নচিংবা সেক্তরশিংদসু তেংবাংনগনি।
মরুপশিং,
ঙসি ৱারী শাবসিদা, ঐখোয়না লমদমসিগী অমসুং মালেমগী তোঙান-তোঙানবা শিংনবশিংগী মতাংদা য়াম্না কুপ্না খন্ন-নৈনখি। মালেমগী ৱাফম কয়া অমদা দেনমার্ক্না ঐখোয়বু নীংথিনা শৌগৎলিবা অসিগীদমক্তা ঐহাক্না থাগৎপা ফোংদোকচরি। লাক্কদৌরিবা মতমশিংদসু, গনতন্ত্রগী ভেল্যু চেনবা, কাংলন্দা য়ুম্ফম ওইবা থৌওং চত্থবা লৈবাক অনি অসিনা হৌজিক লৈরিবা তেংবাংমিন্নবগী থৌওং অসিগা লোয়ননা থবক তৌমিন্নখিগনি।
ইকায় খুম্নরবশিং,
মথংগী ভারত-নোর্দিক সম্মিৎ য়ুম্বু ওইবা অমসুং ঐহাকপু দেনমার্ক্কী খোঙচৎকীদমক্তা পাউজেল পীবীরকপগীদমক্তা ঐহাক্না থাগৎপা ফোংদোকচনীংই। ঙসিগী কান্নরবা ৱারী-ৱাতাই অমসুং য়ানখিবশিংদা অফবা মিৎয়েং য়েংবগী থাগৎপা ফোংদোকপগা লোয়ননা ঐখোয়গী বাইলেতরেল মরী অসিদা অনৌবা তাঙ্কক অমা হৌবসিদা ঐহাক্না অমুক্কা হন্না থাগৎচরি।
অমুক্কা হন্না পুম্নমকপু থাগৎচরি।
आज से एक साल पहले, हमने अपनी virtual summit में भारत और डेनमार्क के बीच Green Strategic Partnership स्थापित करने का ऐतिहासिक निर्णय लिया था।
— PMO India (@PMOIndia) October 9, 2021
यह हम दोनों देशों की दूरगामी सोच और पर्यावरण के प्रति सम्मान का प्रतीक है: PM
Energy, food processing, logistics, infrastructure, machinery, software आदि अनेक क्षेत्रों में डेनिश कंपनियां लंबे समय से भारत में काम कर रही हैं।
— PMO India (@PMOIndia) October 9, 2021
उन्होंने न सिर्फ ‘Make in India’ बल्कि ‘Make in India for the World’ को सफल बनाने में महत्वपूर्ण योगदान दिया है: PM @narendramodi
भारत में Agricultural productivity और किसानों की आय बढ़ाने के लिए, कृषि सम्बंधित technology में भी हमने सहयोग करने का निर्णय लिया है।
— PMO India (@PMOIndia) October 9, 2021
इसके अंतर्गत food safety, cold chain, food processing, fertilizers, fisheries, aquaculture, आदि क्षेत्रों की technologies पर काम किया जायेगा: PM
हमने आज एक निर्णय यह भी लिया, कि हम अपने सहयोग के दायरे का सतत रूप से विस्तार करते रहेंगे, उसमें नए आयाम जोड़ते रहेंगे।
— PMO India (@PMOIndia) October 9, 2021
स्वास्थ्य के क्षेत्र में हमने एक नई पार्टनरशिप की शुरुआत की है: PM @narendramodi
