Share
 
Comments
Nine long years ago, it was decided in St. Petersburg that the target of doubling the tiger population would be 2022.We in India completed this target four years early: PM
Once the people of India decide to do something, there is no force that can prevent them for getting the desired results: PM Modi
It is possible to strike a healthy balance between development and environment: PM Modi

মন্ত্রী পরিশদতা ঐহাক্কী মরূপ, শ্রী প্রকাশ জাবদেকরজী, শ্রীমান বাবুল সুপ্রিয়োজী, মফম অসিদা তিনবীরিবা শক্নাইরবশিং। অহানবা মক্তদা ময়াম পুম্নমকপু গ্লোবেল তাইগর দেগী নুংঙাইবা ফোংদোকচরি।

চহী অসিগী গ্লোবেল তাইগর দে অসি মরু ওইরিবগী মরমদি ভারতনা পুৱারী ওইরবা এচিবমেন্ত অমা ফংবা ঙম্লে। এচিবমেন্ত অসিগীদমক ঐহাক্না ময়াম পুম্নমকপু, মালেম পুম্বদা লৈরিবা লমলক্কী শা-উচেক নুংশিজবশিংবু, মিশন অসিগা মরী লৈনবা ওফিসিয়েল খুদিংমকপু, এম্প্লোই খুদিংমকপু অখন্ননা উমংশিংদা লৈরিবা ঐখোয়গী ত্রাইবেল ইচিল-ইনাও অমসুং ইচে-ইচলশিংবু থম্মোই শেংনা হন্না-হন্না নুংঙাইবা ফোংদোকচরি।

মরূপশিং,

ঙসি গ্লোবেল তাইগর দে অসিদা কৈ কন্নবগী মাইকৈদা ঐখোয়গী ৱাশক অদু ঐখোয়না অমুক হন্না চেৎশিলহল্লে। কৈ মশিং থিবগী হৌজিক লাওথোকখিবা রিজল্ত অদুনা ভারত মচা খুদিংমকপু, মহৌশাবু নুংশিজবা খুদিংমকপু নুংঙাইহল্লে। শাংলবা চহী মাপলগী মমাংদা, সেন্ত পিতর্সবর্গতা ২০২২ ফাওবদা কৈগী মশিং শরুক অনি ওইহন্নবা ৱারেপ লৌখি। ভারত্তা ঐখোয়না পান্দম অসি চহী মরিগী মমাংদা পাংথোক্লে। মসি সংকল্প সে সিদ্ধীগী খ্বাইদগী ফজরবা খুদম্নি। ভারতকী মীয়াম্না থবক অমা পাংথোক্নবা ৱারেপ লৌখিবা মতমদা মহৈ মদু ফংনবা হোৎনবদা থিংবীনবা শক্তি অমত্তা লৈতে।

মরূপশিং, ঐহাক্না নীংশিংলি মদুদি চহী ১৪-১৫গী মমাংদা লৈবাক অসিদা কৈ ১৪০০ খক্তমক ঙায়রে হায়বা ফিগর পুখৎলকখি, মদু চাউনা খন্ননীংঙাই ৱাফম ওইখি, অৱাবা ৱাফম ওইখি। তাইগর প্রোজেক্তকা মরী লৈনবা মীওই খুদিংমক্কীদমক মসি য়াম্না চাউবা শিংনবা অমা ওইখি। কৈগীদমক মতিক চাবা অকোয়বগী ফিভমদগী হৌরগা মীশিং হেঙ্গৎলকপগা লোয়ননা খল মান্ননা পুরকপগী য়াম্না লুরবা থবক অমা মাংদা তাদুনা লৈরম্মি, অদুবু সেন্সিতিবিতীগা লোইননা, অনৌবা তেক্নোলোজী শিজিন্নদুনা খোংজং অসি মাংলোমদা পুখৎখিবা মতৌ অদু থাগৎনীংঙাই ওইরি।

ঙসিদি চাউথোক্না হায়বা ঙম্লে মদুদি চাউরাক্না কৈ লিশিং ৩গা লোয়ননা ভারত মালেম অসিগী খ্বাইদগী চাউবা অমসুং খ্বাইদগী সেক্যুর ওইবা হেবিতেতশিংদা অমা ওইরে। মালেম পুম্বদা লৈরিবা কৈশিংগী শরুক মরি থোকপগী অহুমগী লৈফমদি হিন্দুস্তান্দা লৈরি।

মফম অসিদা তিনবীরিবা ময়াম মরক্তগী মীওই কয়া অমসু খঙবীরে মদুদি ৱাইল্দ লাইফ ইকোসিস্তেম্বু ফগৎহন্নবা খোংজং অসি কৈ খক্তদা লোইবা নত্তে। গুজরাতকী গীরগী উমংশিংদা ফংলিবা এসিয়াগী নোংশা অমসুং উন মরক্তা ফংবা কবোকৈ ঙাক-শেন্দুনা থম্বগী প্রোজেক্ততসু খুমাং চাউশিন্না থবক তৌরি। গীরদদি হান্নদগী থবক চত্থরি, মদুগী হরাওনীংঙাই ওইরবা মহৈ অদু ঙসি ময়েক শেংনা উবা ফংলি। মফম অদুগী নোংশাশিংগী মশিং চাদা ২৭ হেঙ্গৎলে। ঐহাক্না নুংঙাইবা ফাওই মদুদি ভারতকী বেস্ত প্রেক্তিসেসকী কান্নবা অসি তাইগর রেঞ্জকী অতোপ্পা মরূপ লৈবাকশিংনসু ফংবা ঙম্লি।

ঙসিদি নেস্নেল তাইগর কঞ্জার্বেসন ওথোরিতীদা চাইনা, রুসিয়া য়াওনা লৈবাক মঙানা য়ানবা পুরকখ্রে অমদি অথুবা মতমদা অতোপ্পা লৈবাকশিংগা লোয়ননা য়ানবসু পুরক্লগনি। গ্বাতেমালাসু মখোয়গী মফম অদুগী জাগুৱার কঞ্জার্বেসনগীদমক ঐখোয়দগী তেক্নোলোজীগী মতেং লৌরি। ভারত খক্তা নত্তনা মালেসিয়া অমসুং বঙ্গলাদেশকী জাতিগী শা অসি কৈনি। চাইনাগী সংস্কৃতিদদি কৈগী চহী পাংথোক্লি। হায়বদি নাকল অমরোমদা য়েংলুরগদি কৈগা মরী লৈনবা খোংথাং খুদিংমক, লৈবাক কয়াদা, মফম অদুগী মীওইশিংদা মখল অমা হেক্তদা মমি তারি।

মরূপশিং,

হেন্না ফবা মহৌশাগী ফিভম অমা য়াওদনা মীওইবগী শক্তি অসি মপুং ফাদে। মরম অদুনা, চংশিল্লিবা লম্বী অসি সেলেক্তিবনেসকী মহুৎ কলেক্তিবনেসনি। ঐখোয়না অকোইবগী ফিভম ঙাক্তুনা থম্বদা পাক চাউনা য়েংশিনবা অমা মথৌ তাই।

ঐখোয়গী তেংবাং দরকার ওইবা পাম্বী অমসুং শা কয়া অমা লৈরি। ঐখোয়না পাংথোকপা য়ারিবা অসি তেক্নোলোজী নত্ত্রগা হ্যুমেন এক্সগী খুত্থাংদা মখোয়দা ফ্রেস ওইবা পুন্সি অমা পীবনি মদুনা ঐখোয়গী প্লানেত্তা মখোয়না ফজবা অমসুং দাইবর্সিতী হাপচিনবা ঙম্লগনি।

অদুবু ঐখোয়না চপ মান্ননা মফম কোন্সিনবা য়বা তাই অমসুং পুন্না চৎমিন্নবগী মরুওইবা অদুসু খঙমিন্নবা তাই। চাউখৎ থৌরাং অমসুং মহৌশাগী ফিভমগী মরক্তা মশা মউ ফবা খল অমা স্ত্রাইক তৌবগী ওইথোকনীংঙাই লৈ হায়বা ঐহাক্না ফাওই।

ঐখোয়গী পোলিসীশিংদা, ঐখোয়গী ইকোনোমীদা, ঐখোয়না কনবর্জেসনবু কঞ্জার্বেসনদা ওন্থোকপা তাই। ঐখোয়দা স্মার্ত অমসুং সেন্সিতিব অনিমক লৈবা তাই, অমদি এনভাইরনমেন্তেল সস্তেনেবিলিতী অমসুং ইকোনোমিক গ্রোথকী মশা মউ ফবা খল অমা শেম্বা তাই।

ভারত ইকোনোমিকেল্লী অমসুং এনভাইরনমেন্তেল্লী অনিমক্তা য়াইফগনি। ভারতনা অহেনবা লম্বী-থোংশিং শেমগৎ শাগৎলগনি। ভারতনা হেন্না ফবা ত্রেন কনেক্তিবিতী লৈরগনি অমসুং উ-ৱাসু পাক শন্না থারগনি। ভারতনা ঐখোয়গী নাগরিকশিংগীদমক অহেনবা য়ুম শারগনি অমদি মতম অদুমক্তদা শাশিংগীদমক মগুনলৈবা হেবিতেতশিং শেমগৎকনি। ভারতনা চাউরবা মেরিন ইকোনোমী অমা অমসুং মশা মউ ফবা মেরিন ইকোলোজী অমা লৈরগনি। মসিনা স্ত্রোং অমসুং ইনক্লুসিব ইন্দিয়া অমদা থৌদাং লৌরগনি।

মরূপশিং,

হৌখিবা চহী মঙাদা লৈবাক অসিদা নেক্স জেনরেসন ইনফ্রাস্ত্রকচরগীদমক খুমাং চাউশিন্না থবক তৌরিবা মতম অসিদা, ভারত্তা উমংনা কোন্সিনবগী চাংসু হেঙ্গৎলক্লি। মসিগী মথক্তা প্রোতেক্তেদ এরিয়াশিংগী মশিংসু হেঙ্গৎলে। ২০১৪দা প্রোতেক্তেদ এরিয়া ৬৯২ লৈরম্বা অদু ২০১৯দা ৮৬০দা হেঙ্গৎলে। “কম্ম্যুনিতী রিজর্ব”সু ২০১৪দা ৪৩ লৈরম্বা অদু হৌজিক ১০০ হেল্লে।

কৈগী মশিং হেঙ্গৎহনবা, প্রোতেক্তেদ এরিয়াশিংগী মশিং হেঙ্গৎহনবগী ফিগর অদু খক্তা নত্তে। মসিনা তুরিজম অমসুং থবক ফংহনবদসু চাউনা মমি তারি। ঐহাক্না কদায়দনো অমা পাখি মদুদি রনথম্বোরদা লৈরম্বা মমিং চৎলবা কৈ অমোম ‘মছলি’, য়েংনবগীদমক্তা ইরমদম অমসুং মীরৈবাক্কী লমকোয়বা লাখ কয়া কেম্প তৌদুনা লৈনখি। মরম অদুনা কৈবু ঙাক শেনবগা লোয়ননা ঐখোয়না এনভাইরনমেন্তেল্লী সস্তেনেবল ইকো-তুরিজম ইনফ্রাস্ত্রকচর শেমগৎপদসু পুক্নিং চংলি।

মরূপশিং, মহৌশাগী ফিভম ঙাক্তুনা থম্নবগীদমক পায়খৎলিবা ভারতকী মশিং য়াম্লবা হোৎনরিবশিং অসিনা ঐখোয়বু ক্লাইমেৎ এক্সনগী মালেমদা মাংজিল থাবা রন্নর ওইহল্লে। চহী ২০২০গী মমাংদা জি.দি.পি.গী ইমিসন ইন্তেন্সিতীগীদমকসু পান্দম থমখি, মদু ভারতনা মাংজৌননা ফংবা ঙমখ্রে। ঙসিদি ভারত মশাগী ইকোনোমীবু ক্লিন ফ্যুএল বেজ অমসুং রিন্যুয়েবল ইনর্জী বেজ শেমগৎনবা হোৎনরিবা অদুগুম্লবা মকোকথোংবা লৈবাকশিংগী মরক্তা অমা ওইরে।

মসিদসু নত্তনা ইলেক্ত্রিক মোবিলিতীদা থবক তৌরি, বায়োফ্যুএলদা থবক তৌরি, স্মার্ত সিতীদা থবক তৌরি, মদুদসু মহৌশাগী ফিভমগী কান্নবা য়াওরি। ২০২২ ফাওবদা ঐখোয়না রিন্যুয়েবল ইনর্জী গিগাৱাৎ ১৭৫ পুথোক্নবা পান্দম থম্লি, মদু ফংনবগীদমক্তা অকনবা মওংদা থবক তৌরি।

ইন্তর্নেস্নেল সোলর এলাইন্স হায়বদি ‘আই.এস.এ.’গী খুত্থাংদা ঐখোয়না মালেমগী লৈবাক কয়াবু সোলর পাৱরগা শম্নহনবদা মরুওইবা থৌদাং লৌরি। হৌজিক ঐখোয়গী পান্দমদি: ৱান ৱার্ল্দ, ৱান সন, ৱান গ্রিদ ওইগদবনি।

উজ্জ্বলা অমদি উজালাগুম্বা স্কিমশিংনা লৈবাক অসিগী মীচম প্রজাগী পুন্সিবুদি লাইথোকহল্লি, মসিনা মহৌশাগী ফিভমদসু সেবা তৌরি। লৈবাক অসিগী য়ুম খুদিং, বিল্দিং খুদিং, লম্বী খুদিংবু এল.ই.দি. বল্বনা মহুৎ শিন্দোক্নবা চংশিল্লিবা খোংজং অদুনা মৈ কনবা ঙম্লে, কার্বোন পুথোকপদসু চাং য়াম্না হন্থরে অমদি মিদল ক্লাসকী ইমুংশিংদা মৈগী বিলসু হন্থরে, মখোয়দা ইকোনোমীগী কান্নবা ফংলে।

মরূপশিং,

লায়রবা মুথৎপা অমসুং সস্তেনেবল দিবেলপমেন্ত গোলশিং ফংবদসু ভারত মালেমদা মাংজিল থারগনি, মসি ঐহাক্কী থাজবনি। মরূপশিং, অসিগুম্লবা হোৎ্নবশিং অসিনা মরম ওইদুনা ঙসিদি ভারতকী শক্তম অসি মালেমগী য়াইফনবা ৱারেপ লৌবা, মদুবু মতম চানা পাংথোকপা অদুগুম্লবা মালেমগী লৈবাকশিংগী মরক্তা অমা ওইরে।

এসিয়াদা শাদানবা অমসুং আইন্না য়াদবা ললোন ইতিক মুথৎনবা ঐহাক্না তাইগর রেঞ্জ লৈবাকশিংগী সরকারগী মকোকথোংবশিংদা হায়জরি, অমদি মখোয়বু গ্লোবেল লিদরশিংগী এলাইন্স অমদা পুন্না পুন্সিনবা পাম্লি। ৱার্ল্দ তাইগর দে অসিদা ঐহাক্না ময়াম্বু অমুক হন্না নুংঙাইবা ফোংদোকচরি।

অশংবা অমসুং মহৌশাগী ফিভম ঙাক্তুনা থম্বা লৈবাক অমা শেমগৎনবা ঐখোয় পুম্নমক হোৎনরসি। সস্তেনেবিলিতী অসি কৈগী খুদম ওইহল্লসি।

তাইগর কঞ্জার্বেসনগা মরী লৈননা হোৎনরিবা অদু হেন্না পাকথোক চাউথোকহনগদবনি, মদুগী খোংজেল অদু হেন্না য়াংশিনহনগদবনি।

আশা অসিগা লোইননা, থাজবা অসিগা লোইননা অমুক হন্না ময়াম পুম্নমকপু হন্না-হন্না নুংঙাইবা অমসুং য়াইফ পাওজেল পীজরি।

থাগৎচরি। 

 
দোনেসন
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
4 crore new jobs by next year: Indian healthcare industry to grow 3 fold by 2022, create employment

Media Coverage

4 crore new jobs by next year: Indian healthcare industry to grow 3 fold by 2022, create employment
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 19 সেপ্তেম্বর, 2019
September 19, 2019
Share
 
Comments

#MahaJanadeshWithModi: Citizens give a remarkable reception to PM Narendra Modi in Nashik, Maharashtra

Healthcare Sector in India is hitting new heights as the industry to grow 3 fold by 2022; 45 lakh patients receive free treatment under Ayushman Bharat

Modi Govt’s work towards delivering Good Governance is praised all over