ঝানগী লমদম অসিদা ঐখোয়গী রানী লক্ষ্মীবাইজীনা, নীং-খা তম্নবগীদমক, মহাক্কী পুম্নমক কৎথোকপীখি, অসিগুম্বা লমদম অসিবু ইখুৎ তরা লোন্নদুনা হন্না হন্না খুরুমজরি। ঝান্সীনা নীং-খা তম্বগী মৈরা চুখৎপীরমখি। মফম অসিগী লৈবাক-লৈহাও খুদিংমক্তা, থৌনা ফবা অমদি লৈবাক নীংবতনা থল্লি। ঝান্সীগী থৌনাফবী রানী লক্ষ্মী বাইজীবু, ঐনা হন্না হন্না খুরুমজরি।
থৌরম অসিদা ঐখোয়গী ইরক্তা লেংবীরক্লিবা উত্তর প্রদেশকী রাজ্যপাল শ্রীমতী আনন্দী বেন পতেল, উত্তর প্রদেশগী থৌনা ফরবা কর্ময়োগী মুখ্য মন্ত্রী শ্রীমান য়োগী আদিত্যনাথজী, লৈবাক অসিগী ঙাকশেল মন্ত্রী অমসুং লমদম অসিগী মঙাল নাইরবা মীহুৎশিং অমসুং ঐগী য়াম্না লিরবা খোঙলোই শ্রীমান রাজনাথ সিংহজী, ঙাকশেলগী রাজ্য মন্ত্রী শ্রী অজয় ভত্তজী, এম.এস.এম.ই.গী রাজ্য মন্ত্রী শ্রী ভানুপ্রতাপ বর্মাজী, অতৈ ওফিসর পুম্নমক, এন.সি.সি. কেদেৎস অমসুং এলুমনী, অমসুং লেংশিনবীরিবা মরূপশিং!
ঝান্সীগী মঙাল নাইরবা লমদম অসিদা খোঙ হেক থাংজিল্লকপদা, মহাক্কী মশাদা তুজুংবা ফাওরোইদবা কনা লৈবগে! মহাক্কী নাকোংদা ‘ঐ ঐগী ঝান্সী পীথোক্লোই’ হায়বা খোন্থাং অসিনা নিন্দবা কনা য়াওবগে! ঙসি মঙাল নাইরবী অমসুং মথৌনা লৈরবী ঐখোয়গী রানী লক্ষ্মীবাইজীগী মপোক কুমওনসুনি! ঙসি ঝান্সীগী লৈমাই অসি নীংখা তম্বগী পুক্নীং হুরবা অমৃত মহোৎসবকী খুদম ওইরি! অমসুং ঙসি লমদম অসিদা অনৌবা কল্লবা অমসুং মপাঙ্গল লৈরবা ভারত শেম্লি! মসিদা ঙসি ঝান্সীদা করি ফাওরি, মসি ৱাহৈনা ফোংদোকপা অরাইবা নত্তে। অদুবু ঐনা উবা ফংই, রাস্ত্র ভক্তিগী ইথক, ‘ঐগী ঝান্সীগী’ ৱাখল্লোন অদু ঐগী পুক্নীংদা ইহৌরক্লি, মদু বুন্দেলখন্দগী মীপুম খুদিংমক্কী থৌনানি, মখোয়গী ফিদম্নি। ঝান্সী অসি, রানী লক্ষ্মীবাইগী লমদম অসিনা হায়রি – ঐ অথৌবশিংগী তীর্থগী মফম ঐ য়াওল্লোইশিংগী কাশীদা লৈরি ঝান্সী, ঐনি ঝান্সী, ঐনি ঝান্সী, ঐনি ঝান্সী, ঐগী ইথক্তা ইমা ভারতীগী লোইবা নাইদ্রবা থৌজাল পীনবীরি মদুদি য়াওল্লোইশিংগী কাশী-ঝান্সীগী লোইবা নাইদ্রবা মীনুংশি ঐনা মতম পুম্নমক্তা ফংজরি, অমসুং মসিসু ঐগী লাইবক ফবনি মদুদি ঐ, ঝান্সীগী রানীগী পোক্নফম, কাশীগী মীহুৎ ওইজরি, ঐহাক কাশীগী থৌগলগী তাঞ্জা ফংজরি। মরম অদুনা, লমদম অসিদা লাকচবদা ঐহাক থোইদোকপা তৌবীমল খঙবগী ৱাখল্লোন ফাওজৈ, থোইদোকপা অমত্তা ওইবগী ৱাখল্লোন ফাওজৈ। অসিগুম্বা তৌবীমল খঙবগী ৱাখল্লোন অসিনা ঝান্সীবু নোল্লুকপা উৎচরি, থৌনাফবী-অথৌবীশিংগী লমদম বুন্দেলখন্দবু কোক নোঞ্জদুনা খুরুমজরি।
মরূপশা,
ঙসি, গুরুনানক দেবজীগী মপোক নুমিৎ, কার্তিক পুর্নিমাগা লোইননা দেব-দীপাবলীসুনি। ঐনা গুরুনানক দেবজীবু খুরুমজরদুনা ইরৈবাকচা পুম্নমকপু থৌরম অসিগীদমক হন্না হন্না য়াইফ-পাউজেল পীজরি। দেব-দীপাবলীদা কাশী অসি অঙকপা লাইরৈবাক্কী ওইবা মঙাল অমনা লৈতেংলি। ঐখোয়গী অথৌবশিংগীদমক্তা গঁগাগী তোর্বান্দদা থাওমৈ থাল্লি। মমাংদা ঐ দেব দীপাবলীদা কাশীদা লৈখি, অমসুং ঙসি রাস্ত্র রক্ষা সমর্পন পর্বদা ঝান্সীদা লৈজরি। ঐ ঝান্সীগী লৈমাই অসিদগী ঐগী কাশীগী মীয়ামদা হন্না হন্না নুংঙাইবা ফোংদোকচরি।
মরূপশা,
ঙসি ঐ ঝান্সীগী অতোপ্পা মপারী মেজর ধ্যানচন্দজীবুসু নীংশিংজবা পামজৈ, মহাক্না ভারতকী শান্নবগী তাইবঙবু মালেমদা শক তাকখি। হৌজিক মতম খরগী মমাং মক্তদা ঐখোয়গী সরকারনা লৈবাক অসিগী খেল-রত্ন এৱার্দ অসি মেজর ধ্যানচন্দজীগী মিংদা থোন্নবগীদমক লাওথোকখ্রে। ঝান্সীগী মপারীগী, ঝান্সীগী ইকাই খুম্নবা অসিনা, ঐখোয় পুম্নমকপু চাউথোকচবা পোকহল্লি।
মরূপশা,
মফম অসিদা লাক্ত্রিঙৈগী মমাংদা ঐ মহোবাদা লৈরম্মি, মফম অদুদা বুন্দেলখন্দগী ঈশিংগী অৱাবগীদমক্তা ঈশিংগা মরী লৈনবা স্কিমশিং, অমসুং অতোপ্পা চাউখৎ-থৌরাংগী প্রোজেক্তশিং লৈবাক মীয়ামদা কৎথোকপা অমদি উরেপ-উয়ুং তম্বগী তাঞ্জা ঐহাক ফংজখি। অমসুং হৌজিক, ঝান্সীদা ‘রাস্ত্র রক্ষা সমর্পন পর্ব’গী শরুক ওইরি। থৌরম অসি ঙসি ঝান্সীদগী লৈবাক্কী ঙাকশেলগী লমদা অনৌবা তাঙ্কক অমা হৌরি। হৌজিক মফম অসিদা লুপা করোর ৪০০গী ভারত দাইনামিক লিমিতেদকী অনৌবা প্লান্ত অমগী উরেপ-উয়ুং তমখ্রে। মসিদগী য়ু.পি. দিফেন্স কোরিদোরগী ঝান্সীগী নোদনা অনৌবা মশক অমা ফংলগনি। ঝান্সীদা এন্তী-তেঙ্ক মিসাইল্সকীদমক্তা মচাকশিং শাগনি, মদুদগী ঙমখৈশিংদা ঐখোয়গী লান্মীশিংনা অনৌবা থৌনা, অনৌবা থাজবা অমসুং মসিগী ফল হকথেংননা মসি ওইগনি মদুদি লৈবাক্কী ঙমখৈশিং হেন্না চেকশিনবা ওইরগনি।
মরূপশা,
মসিগা লোইননা, ঙসি ভারত্তা শাজবা স্বদেশী লাইৎ কোম্বেৎ হেলিকোপ্তর, দ্রোন, অমসুং ইলেক্ত্রোনিক্স ৱারফেয়র সিস্তেমসু ঐখোয়গী লান্মীশিংদা কৎথোখখ্রে। মসি চাউরাক্না ফীৎ লিশিং ১৬ মখাই হেন্না পাইবা ঙম্বা লাইৎ কোম্বেৎ হেলিকোপ্তরনি। মসি অনৌবা ভারতকী থৌনানি, আত্মনির্ভর ভারতকী মায় পাকপনি, মসিগী খুদম ঐখোয়গী থৌনা ফবী ঝান্সীনা ওইরি।
মরূপশা,
ঙসি অতোপ্পা অমনা ঐখোয়গী লান্মীশিংগী থৌনা হেনগৎহল্লি, লোইননা তুংলমচৎতা লৈবাক্কী ঙাকশেলগীদমক্তা মতিক চারবা নহাশিংগীদমক্তা মফমসু শেম-শারি। মসিগী সৈনিক স্কুল ১০০ মসিগী অহৌবনি, মসি লাক্কদৌরিবা মতম অসিদা লৈবাক্কী তুংলমচৎ মথৌনা লাবশিংগা খুত্তা শিন্নবগী থবক তৌগনি। ঐখোয়গী সরকারনা সৈনিক স্কুলশিংদা নুপীমচাশিং এদমিশনসু হৌদোক্লে। সাইনিক স্কুল ৩৩দা সেসন অসিদগী গর্ল্স স্তুদেন্তকী এদমিশনসু হৌখ্রে। হায়বদি, হৌজিক সৈনিক স্কুলশিংদা রানী লক্ষ্মীবাইগুম্বী ইচানুপীশিংসু থোরক্লগনি, মখোয়না লৈবাক্কী ঙাক-শেল অমসুং চাউখৎ-থৌরাংগী থৌদাং মখোয়গী মকোক্তা থোংগৎকনি। হোৎনরিবা ময়াম অসিগা লোইননা, এন.সি.সি. এলুমনী এসোসিএসন অমসুং এন.সি.সি. কেদেৎকীদমক্তা ‘নেস্নেল প্রোগ্রাম ওফ সিমুলেশন ত্রেনিং’, মসিনা রাস্ত্র রক্ষা সমর্পন পর্বগী ৱাখল্লোন অদু মপুং ফাহনগনি অমসুং ঐহাক নুংঙাইবা ফাওই মদুদি ঙসি ঙাকশেল মন্ত্রালয়না, এন.সি.সি.না ঐবু ঐগী অঙাং ওইরিঙৈগী থৌদোকশিং অদো অমুক হন্না নীংশিংহল্লে। ঐনা অমুক্কা হন্না এন.সি.সি.গী ৱাখল্লোন অদু অমুক হন্না ফাওহল্লে। ঐসু লৈবাক অপুনবা অসিদা পুম্নমক অসিদা হায়জগনি মদুদি অদোমসু করিগুম্বা এন.সি.সি.গী কেদেৎ অমা ওইবীরম্লবদি, অদোম এলুমনী এসোসিএসন অসিগী শোইদনা শরুক অমা ওইবীয়ু অমসুং লাকপীরো, ঐখোয় অরিবা এন.সি.সি. কেদেৎ পুম্নমক লৈবাক্কীদমক্তা ঙসি মফম অমদবু লৈরবসু, থবক অমা হেক্তা তৌজরবসু, লৈবাক্কীদমক করিগুম্বা খরা তৌননবা ৱাশক লৌরসি, পুন্না তৌমিন্নরসি।
মরূপশা,
অতোপ্পা অচৌবা মরুওইবা থবক অমা ঝান্সীগী কৎথোক্লবা লৈবাক-লৈহাও অসিদগী হৌগদৌরি। ঙসি ‘নেস্নেল ৱার মেমোরিএল’দা দিজিতেল কিওস্কসু লোঞ্চ তৌগদৌরি। হৌজিক লৈবাক মচা পুম্নমক্না ঐখোয়গী অথৌবশিংবু, ৱার হীরোশিংবু মোবাইল এপকী খুৎথাংদা ইকাই খুম্নবা উৎপা ঙম্লগনি, লৈবাক অপুনবগা লোইননা প্লোৎফোর্ম অমা পুক্নীং ইহুলগা লোইননা শম্নবা ঙম্লগনি। পুম্নমক অসিগা লোইননা, ঙসি য়ু.পি. সরকারনা অতল এক্তা পার্ক অমসুং ৬০০ মেগাৱাৎকী অল্ত্রামেগা সোলর পাবর পার্কসু ঝান্সীদা কৎথোক্লে। ঙসি মালেম অসিনা পোলুসন অমসুং এনভাইরনমেন্তেলগী শিংনবশিংগা মায়োক্নরিবা অসিদা সোলর পাৱর পার্ককুম্বা মায় পাকপা অসি লৈবাক অমদি লমদমগী লাপ্না উবা বিজনকী খুদম্নি। ঐ চাউখৎপগী মায় পাকপশিং অদুগীদমক্তা, লেপ্পা লৈতনা চৎথরিবা এক্সন প্লানশিংগীদমক্তসু অদোম পুম্নমক্তা নুংঙাইবা ফোংদোকচরি।
মরূপশা,
লৈবাক অসিনা মসিসু লেপলে মদুদি ঙাকশেলগী বজেৎতগী লৈগদবা খুৎশু-খুৎলাইশিং অদুদগী, য়াম্না চাউবা শরুক অমা মেক ইন ইন্দিয়া ইক্বিপমেন্তশিংদা চাদিং তৌগনি। ঙাকশেল মন্ত্রালয়না ২০০০দগী হেনবা অদুগুম্বা খুৎলাইশিংগী লিস্তসু থাদোক্লে, মদু হৌজিক লৈবাক অসি মক্তদগী লৈগদৌরি। মখোয় মীরমদগী লৈবদা অথিংবা থমখ্রে।
মরূপশা,
ঐখোয়গী ফিদমনীংঙাই ওইরবী রানী লক্ষ্মীবাই, ঝলকারী বাই, অৱন্তী বাই, উদা দেবীগুম্বী থৌনা ফবী কয়ামরুম লৈ। ঐখোয়গী ফীদমনীংঙাই ওইরবা য়োৎকী মী সরদার পতেল, চন্দ্রশেখর আজাদ, ভগত সিংহগুম্বা ফাওরবা থৱাই কয়া লৈরি। মরম অসিনা, ঙসি অম়ত মহোৎসব অসিদা ঐখোয় অমত্তা ওইনা পুন্না লাক্কদবনি, অমত্তা ওইনা পুন্না লাক্তুনা লৈক্কী অপুনবা অসিগীদমক্তা, ঐখোয় পুম্নমক্কী অপুনবা অদুগীদমক্তা ৱাশক লৌগদবনি। ঐখোয় চাউখৎপা অমসুং শেমগৎ সাগৎপগী ৱাশক লৌগদবনি। অমৃত মহোৎসব অসিদা ঙসি রানী লক্ষ্মীবাইবু অদুক্কী মতিক নীংশিংনরিবা অসিগুম্না, বুন্দেলখন্দগী ইচা নুপী নুপী ময়াম অমা লৈরি। ঐনা মফম অসিগী নহাশিংদা খঙহল্লি, অমৃত মহোৎসবতা অসুম্না কৎথোকখ্রবশিং অসিগা পুৱারীবু, লমদম অসিগী মিংচৎ অসিবু মালেম অসিগী মাংদা পুথোকউ। ঐনা উরি মদুদি রাস্ত্র রক্ষা চয়োলগী ওইবা থৌরম অসি ময়াম পুম্নমক্না পুন্না অমত্তা ওইনা পাংথোক্লি। ঐনা মখোয় পুম্নমকপুসু থাগৎপা ফোংদোকচরি। অসিগুম্বা থৌরম অসিবু মায় পাকহনবীবগীদমক্তা ইকাই খুম্নজরবা রাজনাথজীগী লুচিং মখাদা তীম অপুনবনা মফম চানা খনবীখিবা, দিফেন্স কোরিদোরগীদমক্তা উত্তর প্রদেশ রাস্ত্র রক্ষাগীদমক্তা তোঙান তোঙানবা থরম কয়া অমা শেম-শানবগী লমদম ওইখি, মসিগীদমক্তা ঙসিগী ইভেন্ত অসি মতম কুইনা ইথিল পোকহন্দুনা লৈরগনি। মরম অসিনা রাজনাথজী অমসুং মহাক্কী তীম্বু হন্না হন্না নোল্লুকপা ফোংদোকচরি। য়োগীজীনসু উত্তর প্রদেশকী চাউখৎ-থৌরাংবু অনৌবা থৌনা অমা পীরি, অনৌবা খোঙজেল হাপ্লি, অদুবু দিফেন্স কোরিদোর অমসুং বুন্দেলখন্দগী লমদম অসিবু মঙাল নাইহন্নবা অমসুং ৱাৎত-পাদবা ওইহন্নবা অমুক্কা হন্না রাস্ত্র রক্ষাগী লৈহাও চেল্লবা লমদমগীদমক্তা শেম-শাবা ঐনা খঙই মসি য়াম্না শান্না উবা মিৎয়েংনি। ঐনা মসিগীদমক্তসু থাগৎপা ফোংদোকচরি।
মরূপশা,
ঙসি শেংলবা কুম্মৈ অসিগী মিৎকুপ অসিদা অদোম পুম্নমকপু হন্না হন্না য়াইফ-পাউজেল পীজরি!
অদোম পুম্নমকপু হন্না হন্না থাগৎচরি!
