নেৎৱার্ক ১৮গী গ্রুপ এদিতর ইন চীফ রাহুল জোশী,
নেৎৱার্ক ১৮গা শম্নরীবা জর্নেলিস্ত মরূপলোয়শিং,
মেনেজমেন্তকা মরী লৈনরিবা মীওইশিং,
মফম অসিদা তিনবীরিবা অতৈ শক্নাইরবশিং,
নেৎৱার্ক ১৮বু মীৎয়েং তাবীরিবশিং অমদি ঐহাক্কী নুংশিজরবা মরূপশিং,
হৌজিক ঙৈহাক্কী মমাংদা ঐহাক্না নেস্নেল ৱার মেমোরিয়েল লৈবাক মীয়ামদা কত্থোকচনবগীলাইবক ফবা খুদোংচাবা ফংজখি। মদুগী হেক মখা তারকপদা রাইজিং ইন্দিয়া সমিত্তা ঐহাক্কীথম্মোয়গা য়াম্না নক্ননা লৈরিবা হিরমগী মতাংদা ঙাংজনবা তঞ্জা অমা অমুক ফংজরে।
ঐহাক্না নেৎৱার্ক ১৮গী তীম্বু – বিয়োন্দ পোলিতিক্স: দিফাইনিং নেস্নেল প্রায়োরিতীজ, হিরম অসিখনবগীদমক হন্না–হন্না থাগৎপা ফোংদোকচরি। মালেমগী খ্বাইদগী চাউবা লোকতন্ত্রদা, নেস্নেলদিবেলপমেন্তকী মায়কৈ করি ওইগনি, নেসন অমা ওইনা ঐখোয়গী প্রায়োরিতী করি ওইগনি, মসিদাচাং নাইনা খন্ন–নৈনবা য়াম্না মরু ওই।
মরূপশিং, চহী ২০১৪গী মমাংদা লৈবাক অসিদা লৈরম্লিবা ফিভম অদুদি হেঙ্গৎপা দরকার ওইবা অদুনাতাথবা অদুগা তাথবা দরকার ওইবা অদুনা হেঙ্গৎতুনা লৈরম্মি।
পোৎ তাংবা অসি খুদম ওইনা লৌরসি। পোৎ তাংবাগী চাং অসি কন্ত্রোল তৌদুনা থমগদবনি হায়বাঐখোয় পুম্নমক্না খঙলিবা অদুনি। মমাংগী সরকারগী মতমদা তঙাই ফদ্রবা পোৎলমশিংগী মমলঅতিয়া পক্না ৱাংলম্মি।
মরূপশিং, অদোম্না মতম অদুদা রিপোর্ত কয়া অমা তৌখি মদুদি ইনফ্লেসনগী চাং চাদা ১০গী মথকহেনখ্রে। অদুবু ঐখোয়গী সরকারদা ইনফ্লেসনগী চাং হন্থরক্তুনা চাদা ২দগী ৪ ফাওবগী ময়াদা লৈরি।খেৎনবা অসি রাজনিতীদগী থোরক্তুনা রাস্ত্রনিতীদা প্রায়োরিতী পীরবা মতমদা ওইরকই।
মরূপশিং, ফিভম অসি ইনকম তেক্সতসু লৈরম্মি। মিদল ক্লাসনা কোমথোকপীনবা লেপ্পা লৈতনা লাও–খোংলম্মি অদুবু করিসু কান্নবা ফংলমদে। ঐখোয়গী সরকারনা ইনকম তেক্সতা অহানবদা লুপা লাখঅনি মখায় ফাওবা কোমথোকখি, মখা তারকপদা লুপা লাখ মঙা ফাওবগী ইনকমগীদমক তেক্স চাদা১০দগী হন্থহন্দুনা চাদা ৫দা ওইহনখি অদুগা হন্দক্তি লুপা লাখ মঙা ফাওবগী ইনকম্বু তেক্সকী মনুংচলহন্দরে।
মরূপশিং, ইজ ওফ দুয়িং বিজিনেসকী রেঙ্কিংদসু মমাংগী সরকারনা থাদোক্তুনা চৎলমদাইদা লৈবাকঅসিগী মিংচৎ থিনবা শিনলমখি। মসি কংগ্রেসকী কলচরগী মহৈনি মদুদি চহী ২০১১দা ১৩২শুবা থাক্তা লৈরম্বাঅদু তাথদুনা চহী ২০১৪দা ১৪২শুবা থাক্তা হন্থখি। রেঙ্কিং অসি ফগৎহন্দুনা লৈবাক অসিবু ৭৭শুবা মফমদাপুরকপগী থবক অদু ঐখোয়গী সরকারনা পাংথোকখি।
মরূপশিং, মমাংগী সরকারগী মতমদা ইজ ওফ দুয়িং বিজিনেসতা লৈবাক অসিগী রেঙ্কিং তাথখিবগী মরমদিশেঞ্জা–থুমজাগী গ্রাফ অতিয়া পক্না য়ৌরম্মি। স্পেক্ত্রমদগী হৌরগা সবমেরিন ফাওবা, অমদি কোয়লাদগীহৌরগা সি.দবল্যু.জি. ফাওবা, শেঞ্জা–থুমজা লৈতবা লৈরমদে। মতম অদুদা সংস্থান পুম্নমক, সুপ্রীম কোর্তওইগেরা, সি.এ.জি. ওইগেরা, মীদিয়া ওইগেরা, মফম পুম্নমক্তা সরকারগী শেঞ্জা–থুমজাগী ফাইলশিংদা থবকচিল্লম্মি।
মরূপশিং, জনধন একাউন্ত হাংদোক্লবা মতুংদা ঐখোয়না মদুবু আধার নম্বরশিংগা শম্নহল্লে। য়ারিবা মখৈএকাউন্ত নম্বরশিংবু মোবাইল নম্বরশিংগা শম্নহন্নবসু হোৎনরি। ঐখোয়না অমমমতা ওইনা স্কিমশিংবুশেংদোক্তুনা মদুবু জনধন একাউন্তশিংগা শম্নহল্লে। ঙসিদি সরকারগী স্কিম চামরি হেনবগী শেনফমবেনেফিসরীশিংগী বেঙ্ক একাউন্তা ত্রান্সফর তৌরে।
ঐখোয়গী সরকারগী মতমদা চাউরাক্না লুপা কোতি লাখ তরুক কেন্দ্র সরকারনা দাইরেক্ত বেনেফিসরীশিংগীবেঙ্ক একাউন্তা ত্রান্সফর তৌরে। অদুগা ঐহাক্না মসি হায়জবদা চাউথোকচবা ফাওই মদুদি মমাংদা পৈশা ১০০গীমনুংদা পৈশা ১৫ খক্তমক য়ৌরম্বা অদু ঙসিদি ফংফম থোকপা পৈশা পুম্নমক অদু বেনেফিসরীশিংনা ফংবাঙম্লে।
মরূপশিং, সরকারনা হোৎনরিবা অসিনা মরম ওইদুনা লুপা কোতি লাখ অমগা লিশিং তরা অরানবা মীওইশিংদাচৎখিগদবদগী কনবা ঙম্লে। হায়রিবা শেনফম অসি মমাংদা কনাগী মফমদা চৎলমগনি হায়বদো ময়াম্নাখনবীরো। চহী খুদিংগী শেনফম অসি মিদলমেনশিংগী মফমদা চৎলম্মি। হৌজিক্তি মসিগী য়ুরম্বা পুম্নমক অসিঐখোয়গী সরকারনা থিংজিল্লে।
ময়াম্না খঙবীরিবা অদুনি মদুদি ঙরাংমক ঐখোয়গী সরকারনা প্রধান মন্ত্রী কিসান সম্মান নিধী য়োজনাহৌদোকখ্রে। লৈবাক অসিগী লৌমী ইমুং চাউরাক্না কোতি ১২না মখোয় মখোয়গী দরকার ওইবা থবক মচা– মশুশিং, খুদম ওইনা মরু–মরাং লৈবা, হার লৈবা, লৌ–হিদাক লৈনবগীদমক সরকারনা চহী অমদা চাউরাক্নালুপা কোতি লিশিং ৭৫, লৌমীশিংগী একাউন্তশিংদা ত্রান্সফর তৌরগনি। স্কিম অসিদসু য়ুবগী ওইথোকপা লৈত্রে।
মরূপশিং, উত্তর প্রদেশতা বানসাগর কৌবা ইরিগেসন প্রোজেক্ত অমা লৈরি। প্রোজেক্ত অসি চাউরাক্না চহীতরাগী খুজিং মরিগী মমাংদা হৌখিবনি। মতম অদুদা লুপা কোতি চাহুম্না থবক অসি মপুং ফানা লোইশিনবায়াগনি হায়না পানখি। অদুবু মসি পন্দুনা লৈখি। ২০১৪দা ঐখোয়গী সরকার শেম্লবা মতুংদা মসিদা নৌহৌননাথবক অমুক হৌহনখি। মতম অসি ফাওবদা মসিগী চংগদবা শেনফম অসি লুপা কোতি লিশিং অহুমদাহেঙ্গৎখি।
মমাংদা লৈরম্বা সরকারশিংবু থবক তৌবদা অথিংবা থমখিবা লৈখিদে। তশেংনা হায়রবদা মতম চানা থবকলোইশিন্নবা মখোয়দা অপাম্বা পোকখিদে। থেংনা লোইনীংলগা লোইজসনু ঐহাক্কী করি মাংজবা লৈবগে হায়নামখোয়না খল্লমখি।
অতোপ্পা দামগী প্রোজেক্ত অমসু লৈরি, ঝার্খন্দগী মন্দল দাম। মসিসু চহী তরাগী খুজিং মরিদগী লোইশিন্দনালৈরম্মি। মসি হৌরকপদা শুপ্নতংগী লুপা কোতি ৩০ খক্তমক চংগনি পানরম্মি অদুবু হৌজিক্তি দাম অসিচাউরাক্না লুপা কোতি ২৪০০ চাদিং তৌদুনা মপুং ফানা লোইশিনবগী থবক চত্থরি। হায়বদি প্রোজেক্ত অসিপন্দুনা লৈখিবনা শরুক ৮০ হেনবা মমল অদু লৈবাক অসিগী পুকচেল শেংলবা তেক্স থিরিবশিংনা শিংগৎলি।
লাইরবশিংগী য়ুম শাবদগী হৌরগা অনৌবা থোং, অনৌবা দাম, অনৌবা এয়রপোর্ত অসিগুম্লবা ইনফ্রাস্ত্রকচরগীঅতোপ্পা প্রোজেক্তিংনা রেকোর্দ লৈবা মওংদা থবক তৌরি। তুরিজমগী লমদা শেল থাদবা হেঙ্গৎলে, অসিগুম্লবাদিবেলপমেন্তশিং অসিনা থবক ফংহল্লোয়দবগী মরম লৈরিব্রা?
মরূপশিং, প্রধান মন্ত্রী মুদ্র য়োজনাগী মখাদা ইন্ত্রপ্রিনর কোতি ১৫ হেনবদা লুপা কোতি লাখ ৭ হেনবগী লোনপীথখ্রে। ময়াম্না মসি খঙবদা অঙকপা ফাওগনি মদুদী মসিগী নুংদা কোতি মরিদি মখোয়গী অহানবাকরবারগীদমক লোন লৌরিবা নহা ইন্ত্রপ্রিনরশিংনি। অসুক য়ামখ্রবা অপীকপা ইন্ত্রপ্রিনরশিংদা লোন পীথখ্রগামসিনা মীয়ামদা থবক ফংহল্লম্লোয় হায়বসি থাজবা য়াব্রা?
মরূপশিং, হৌখিবা চহী মরিদা মীরৈবাক্কী লমকোইবশিংগী মশিং পুৱারী ওইরবা মওংদা চাউরাক্না চাদা ৪৫হেঙ্গৎলে। তুরিজমদগী তানশিল্লিবা মীরৈবাক্কী শেনফমসু হৌখিবা চহী মরি অসিদা চাদা ৫০ হেঙ্গৎলে। মসিদসুনত্তনা ভারতকী এভিয়েসন সেক্তরদসু পুৱারী ওইরবা মওংদা গ্রোথ লৈরি। হৌখিবা চহীদা মীওই কোতি ১০হেনবনা এরোপ্লেন তোংদুনা চৎখি। মসি পুম্নমক অসিদগী থবক ফংহন্নবা খুদোংচাবা ফংলমলোয়দ্রা? মশিংশিংঅসিনা ময়েক শেংনা তাক্লে মদুদি লৈবাক অসিদা লম খুদিংদা এমপ্লোইমেন্তকী খুদোংচাবা পীরি অমদি মীয়াম্নাথবকশিং ফংনরি।
মীওই কয়া অমনা মোদীগী ৱাফম অসি য়ানীংলমদবা য়াই অদুবু মসিমদি নীংশিংবীয়ু মদুদি ২০১২দগী ২০১৬ফাওবদা থবক লাখ তরেৎ নিপাল পীখি অদুগা হৌখিবা চহীদা থবক লাখ মাপল পীখ্রে হায়না ৱেস্ত বেঙ্গলসরকারনা ফোংদোক্লি। হৌখিবা চহী মঙাদা থবক লাখ ৫৩ পীখ্রে হায়না কর্নাতকা সরকারনসু ফোংদোক্লি।
ৱেস্ত বেঙ্গোল অমদি কর্নাতকাদা এমপ্লোইমেন্তকী খুদোংচাবা লৈরগা ভারত্তা লৈতে হায়বা অসিবু ওইথোকপায়ারিব্রা?
মরূপশিং, এমপ্লোইমেন্তকী য়েংলগা হৌজিকসু লৈবাক অসিদা পায়খৎকদবা কয়া অমা লৈরি হায়বা ঐহাকয়াজৈ, অদুবু ঐখোয়না চংশিল্লিবা মায়কৈ অমদি খোংজেল অসিদা ঐহাক্না মপুং ফানা থাজবা থম্লি মদুদিএমপ্লোইমেন্তকী ৱাফমদা ভারত মালেম পুম্বগী মাংদা খুদম অমা ওইরগনি।
মরূপশিং, মসিগী অনৌবা ভারত অসি শেমগৎপদা, এম্পাৱর তৌবদা মীদিয়াগী, অদোম ময়াম পুম্নমক্কী থৌদাংঅদুসি য়াম্না মরু ওই। সরকারগী ওইবা, সিস্তেমগী ওইবা অশোয়বা অৱাৎপশিং অদু খঙহনবা অদোমগী হকনি, অদুবু লৈবাক অসিগী পোজিতিব ওইবা ফিভম অসিবু হেন্না মপাঙ্গল কলহনবসু অদোম ময়াম পুম্নমক্কীরেস্পোন্সিবিলিতীনি।
ঐহাক্না থাজবা থম্লি মদুদি অনৌবা ভারতকী হৌগৎলকপা অসিদা অদোমগী অসিগুম্লবা থৌদাং অসি হেন্নাকনশিল্লগনি অমদি চেৎশিল্লগনি।
লোইশিল্লকপদা, ময়াম পুম্নমকপু সমিৎ অসি পাংথোকপগীদমক অমদি ঐহাকপু মফম অসিদা অমুক হন্নালাক্নবা বার্তন তৌবীরকপগীদমক তৌবীমল খঙবা উৎচরি।
থাগৎচরি!!!
