বাবা কেদরনা য়াইফরে! বাবা কেদরনা য়াইফরে! বাবা কেদরনা য়াইফরে! ইশ্বরগী এতমোস্ফেয়র লৈরিবা প্রোগ্রাম অসিদা শরুক য়াননবা শেংলবা লমদম অসিদা লাকপিখিবা ইকাই খুম্ননিংঙাই ওইরবা মীওই পুম্নমক্তা ঐনা ইকাই খুম্নবগা লোইননা য়াইফ-পাউজেল পীজরি!
ঙসি, কেদর্নাথকী শেংলবা লমদম অসিদা ঙান্থোইরবা মীওইশিং, ইকাই খুম্নরবা ঋশিশিং, ইকাই খুম্ননিংঙাই ওইরবা শঙ্করাচর্য ত্রেদিসনবু ঙাক্না চৎলিবা সেনিয়র ওইরবা ঋশিশিং অমদি ‘মথাস’ (মোনাস্তরীশিং) পুম্নমক্তা লৈরিবা পুক্নিং লুপ্লবা মীওইশিং, জ্যোতির্লিঙ্গা ১২ পুম্নমক, পেগোদা কয়া অমা, লৈবাক অসিদা লৈরিবা শক্তিগী এদোব কয়া অমনা ঐখোয়বু ফিজিকেল অমসুং স্পিরিচুএলগী ফোর্মদা থৌজাল পীরি৷ আদি শঙ্করাচর্যগী সমাধি (মৌসোলিয়ম) রেস্তোরেসনদা নখোয়সু ৱিতনেত ওইরক্লি৷ মসি ভারতকী স্পিরিচুএল প্রোস্পরিতী অমসুং এক্সপান্সকী য়াম্না ফজরবা ৱাখল্লোন অমনি৷ ঐখোয়গী লৈবাক অসি অদুক্কী মতিক চাওই, ঙসি ফাওবদা মমিং নিংথিনা লৈরিবা ঋশিশিংনা লৈবাক অসিগী মফম খুদিংমক্তা লেপ্প-লৈতনা স্পিরিচুএল কন্সসিয়র্সনেস লাকহল্লিবা ঋশিগী অচৌবা চৎনবি অমা লৈরম্মী৷ মফম অসিদা অসিগুম্বা ঋশি কয়া অমা লৈরি অমদি লৈবাক অসিগী মফম খুদিংমক্তগী ঐখোয়গসু চৎমিন্নরি, করিগুম্বা মখোয়গী মমিংশিং অসি ঐনা কৌরবসু, চয়োল অমনা ফাওবা কোন্নরোই৷ অমদি করিগুম্বা ঐনা মমিং অমা হেক্তা কৌবা ৱাৎলম্বা তারবদি, ঐগী পুন্সি চুপ্পগী ওইনা পাপ খরগী পোৎলুমদা ঐবু কুপখ্রগনি৷ ঐগী অনিংবা-অপাম্বা অসিগী ৱাংমদা, ঐনা হৌজিক মীওই খুদিংমক্কী মমিং হায়বা ঙমজরোই৷ অদুবু ঐনা মখোয়বু ইকাই খুম্নবা উৎচরি৷ প্রোগ্রাম অসিদা শরুক য়ারিবশিংগী মঙ্গোলশিং অসি ঐখোয়গী অচৌবা থৌনানি৷ মখোয়না পীরিবা মঙ্গোলশিং অসিনা ইশ্বরগী ওইবা থবকশিং পাংথোকপদা ঐখোয়দা থৌনা পীরগনি হায়না ঐনা থাজৈ৷ মসিগী ঐখোয়গী লৈবাক ফাওবদা হায়নবা লৈ:
आवाहनम न जानामि
न जानामि विसर्जनम,
पूजाम चैव ना
जानामि क्षमस्व परमेश्वर: !
মসিনা হায়নিংলিবা অদুদি: “ইশ্বর ইবুংঙো, ঐনা খঙনা নত্রগা খঙদনা অশোইবা তৌরম্লবদি ঐবু ঙাকপিয়ু৷”
মরম অদুনা, ঐনা পর্সোনোলিতী পুম্নমক্তা থমোই শেংনা ঙাকপিয়ু হায়জরি, মসিগী থৌরম অসিদা শরুক য়াবিরিবা শঙ্করাচর্য, ঋশিশিং অমদি লৈবাক অসিদা লৈরিবা মমিং লৈরবা ঋশিগী চৎনবিবু মতুং ইল্লিবা মীওই পুম্নমক্তগী মঙ্গোলশিং নিরি৷
মরুপশিং,
ঐখোয়গী উপনিশদশিংদা, আদি শঙ্করাচর্যগী কম্পোজিসনশিংদা, ‘नेति-नेति’ (মসিসু নত্তে, মদুসু নত্তে)গী এক্সপ্রেসন অসি শন্দোক্না তাকখ্রে৷ মসি রামচরিতমাস্তা হঞ্জিন-হঞ্জিন পনখ্রে অমদি তোঙানবা লম্বী অমদা ফোংদোকখিবা লৈখ্রে৷ মসি রামচরিতমাস্তা ফোংদোক্লমখিবনি:
‘अबिगत अकथ अपार, अबिगत अकथ अपार,
नेति-नेति नित निगम कह’ नेति-नेति नित निगम कह’
মসিনা হায়নিংলিবা অদুদি, এক্সপরিয়েন্স খরদি য়াম্না সুপরনেচরেল ওই, অদুক্কী মতিক ইনফাইনাইত ওইখিবনা মখোয় অসি ৱাহৈশিংদা ফোংদোকপা য়াদে৷ বাবা কেদর্নাথকী রেফ্যুজীদা ঐনা লাকখিবা, মফম অসিদা লৈরিবা পার্তিকল খুদিংমক্তা চুশিন্নখিবা মতমদা, নুংশিৎশিং, মসিগী হিমালয়গী চিংদোলশিং, বাবা কেদরগী কম্পেনী অসিনা ঐনা শন্দোক্না তাকপা ঙমদবা করিগুম্বা নুংঙাইবা মখল অমদা ঐবু চিংশিনলম্মী৷ ঙরাং, দীপাবলিগী কুহ্মৈদা ঐনা ঙমখৈদা লৈরিবা লান্মীশিংগা লৈমিন্নখি অমসুং ঙসিনা লান্মীশিংগী লমদমদা লৈরি৷ কুহ্মৈগী নুংঙাইবা অদু ঐনা ঐগী লৈবাক্কী থৌনা ফরবা লান্মীশিংগা শরুক য়ামিন্নখ্রে৷ ঐনা লৈবাকমচা কোতি ১৩০গী নুংশিবগী মেসেজ, ইকাই খুম্নবা অমদি মঙ্গোলশিং পুদুনা ঙরাং আর্মী পর্সোনেলগী মরক্তা চৎখি৷ অদুগা ঙসি, গোবর্ধন পুজা থৌরমদা অমদি গুজরাত প্রজাগী অনৌবা চহি নুমিৎ অসিদা, কেদর্নাথ চৎপগী খুদোং চাবা অদু ঐনা ফংলে৷ বাবা কেদর খোইরম্লবা মতুংদা, ঐনা আদি শঙ্করাচর্যগী সমাধিদা মতম খরা পন্থদুনা লৈরমখি অমদি মদু দিবাইন ফিলিংগী মীকুপ অমা ওইখি৷ মুর্ত্তি অসিগী মমাংদা ফমদুনা, আদি শঙ্করাচর্যগী মীৎতগী থোক্লক্লিবা মঙালগী বীম অদুনা অচৌবা ভারত অমগী থাজবা অদু মীকপ থোকহনবগুম উহনখি৷ শঙ্করাচর্য জীগী সমাধি অসি হেন্না দিবাইন ওইবা মওং অমদা অমুক্কা হন্না ঐখোয় পু্ম্নমক্কী ইরক্তা লৈরি৷ মসিগা লোইননা, সরস্বতী তুরেল মপান্দা ঘাতসু শাখ্রে, মন্দাকিনি মথক্তা শারিবা থোং অসিনা গরুনচত্তি তারিবা লম্বী অসি হেন্না নিংথিনা চত্থোক-চশিন য়াহল্লে৷ ঐসু গরুনচত্তিগা অখন্নবা মরী অমা লৈখ্রে৷ ঐনা অহল ওইরবা মীওই অমা নত্রগা অনি মশক খঙবা ঙমগনি অমসুং নখোয়বু উবদা ঐ অদুক্কী মতিক নুংঙাইবা ফাওগনি৷ অহল ওইরবা মীওইশিংদি হৌজিক্তি লৈতে৷ মীওই খরনা মফম অসিদা থাদোক্তুনা চৎখ্রে অদুগা খরা অমনা মালেম অসি থাদোক্তুনা মতম পুম্বগী ওইনা চৎখ্রে৷ ইশিং-ইচাউদগী ঙাকথোক্নবগীদমক মন্দাকিনি তোর্বানশিংদা শাখ্রবা ৱাল অসিনা থৱাই লুপচরিবা মীওইশিংগী খোঙচৎ অসি হেন্না য়াইফহল্লগনি৷ পিল্গ্রীমশিং অমদি লম্বোইবশিংগী নৌনা শাখিবা য়ুমশিং অসিনা সিজন খুদিংমক্তা মখোয়দা হেন্না কোমহল্লগনি অমদি হৌজিক্তি মপু ইবুংঙো কেদর্নাথকী থৌগল তৌবদা হেন্না লাইহল্লগনি৷ ঙল্লিঙৈ মতমদা ত্রাবেল্লরশিংনা নেচরেল কলামিতীনা মরম ওইদুনা মফম অসিদা পন্দুনা লৈরম্বা থেংনরে৷ মরম অদুনা মীওই কয়া অমনা লম্বোইবশিংগী কা অমা খক্তদা পুন্না লৈমিন্নরম্মী৷ ঐখোয়গী লম্বোইবশিংনা লাক্লিবা মীথুংলেনশিং অদুগী খল্লিঙৈদা অইংবা মরক্তা লৈদুনা অইংবা খাংলমগনি৷ ঐনা পুম্নমক উরে, মখোয়গী কৎথোকপা অদু ঐনা উরে৷ হৌজিক্তি হায়রিবা প্রোব্লেমশিং অদু মখোয়দগী লৌথোক্লগনি৷
মরুপশিং,
ঙসিদি, মফম অসিদা পেসেঞ্জর সর্ভিসশিং অমদি ফেসিলিতীশিংগা মরী লৈনবা স্কিম কয়া অমগী উরেপ-উয়ুংসু তম্লে৷ তুরিস্ত ফেসিলিতেসন সেন্তর, লাক্লিবা মীওইশিং অমদি লোকেলশিংগী মোদর্ন হোস্পিতাল, নোং খন্নবশিংগুম্বা ফেসিলিতীশিং অসিনা থৱাই লুপচরিবা মীওইশিংগী সর্ভিসকী মেদিয়ম অমা ওইরগনি অমদি হৌজিক্তি মখোয়গী পিলগ্রিমেজ অসিদা খুদোংথিবা অমতা লৈররোই৷ লাক্লিবা মীওইশিংনা জয় ভোলেগী খোঙয়াদা খোইরম্বগী নুংঙাইরবা এক্সপরিয়েন্স অমা ফংলগনি৷
মরুপশিং,
চহি খরগী মমাংদা মফম অসিদা থোকখিবা অমাং-অতাশিং অদু নিংশিংবগী ৱাংমদনি৷ ঐনা গুজরাতকী মুখ্য মন্ত্রী ওইখি অদুবু ঐনা ইশা ইতোম্তা ফাজিন্দুনা থমখিবদি ঙমখিদে৷ খুদক্তা ঐনা মফম অসিদা লাকখি৷ মফম অসিদা অমাং-অতা থোক্লিবা অমদি অৱাবশিং অদু ঐগী ইমিৎ অসিনা উখি৷ মফম অসিদা লাক্লম্বা মীওইশিংনা কেদর্ধাম, মসিগী কেদররপুরি অসি অমুক হন্না শেমগৎলকখিদ্রা হায়বগী চলম্নবা লৈরমখি৷ অদুবু মসি হান্না লৈরম্লিবা মওং মতৌ অসিদগী হেন্না ফজবা হেন্না চাওথোকচবা য়াবা মওং অমদা লাকখিগনি হায়না ঐগী থমোইদগী হায়রকখি৷ অদুগা বাবা কেদর, আদি শঙ্করাগী ‘সধানা’ অমদি ঋশিশিংগী ঙাকপি হৈবা অসিনা ঐবু থাজহনবনি৷ মতম অসিদা, য়ুহা হারবগী মতুংদা কতচ অমুক হন্না শেমগৎপগী এক্সপরিয়েন্স অদুসু ঐনা ফংখি৷ মরম অদুনা, ঐনা থাজবা ফংখি অমদি ঐ ইশাগী ইমিৎশিংনা তশেং-তশেংনা উরবা থাজরবা অসিদগী হেন্না পেনবা করি অমুক পুন্সিদা লৈরমখিদগে৷ অরিবা লমদম অসিদা ইতর্নেল অমসুং মোদর্নিতী পুনশিনবা অমদি চাওখৎ-থৌরাংগী ওইনা পাইখৎলিবা থবকশিং অসি মপু ইবুংঙো শঙ্করগী চানবিবগী খুদম্নি৷ ক্রেদিৎ অসি লাই নত্রগা মীওই অমতা লৌবা য়ারোই৷ ইশ্বরগী গ্রেস খক্তনা ফংবদা মতিক চাই৷ উত্তরখন্দ সরকার, ঐখোয়গী ইনর্জেতিক অমদি নহা ওইরিবা মুখ্য মন্ত্রী ধামি জী অমসুং মংলান অসি মংফাওননবা হোৎনবদা থৱাই য়াওনা হোৎনবিখিদুনা অচৌবা থৌদাং লৌখিবা মীওই পুম্নমক্তা ঐনা থাগৎপা ফোংদোকচরি৷ মফম অসিদা ঊন তানা-তানা থবক শুবা অসি কয়ামুক য়াম্না খুদোং থিবগে হায়বদু ঐনা খঙই অমদি মফম অসিদা থবক শুনবগী মতম য়াম্না ফংদে৷ চিংশিংদগী নত্তবা অতোপ্পা মফমশিংদগী লাক্লিবা ঐখোয়গী শিন্মী ইয়াম্বা-ইনাউ অমসুং ইচল-ইচেশিংনা ঊন অমসুং নোং তানা-তানা থবক তৌবা লেপ্তে, মদুবু ইশ্বরগী থবক্নি হায়দুনা তেম্পরেচর মাইনসকী মখাদা লৈরবা ফাওবা লেপ্প-লৈতনা পাংথোকখি৷ মতৌ অসিগুম্না তৌরবা মতম খক্তদা মদু মাই পাকপা ঙমখিবনি৷ ঐগী ৱাখল অসি মতম পুম্নমক্তা মফম অসিদা লৈখি, অদুনা তেক্নোলোজী অমসুং দ্রোনশিংগী মতেং লৌদুনা, ঐনা থা খুদিংগী ওইনা ঐগী ওফিস্তগী শেম-শাবগী থবক অসি য়েংলম্মী৷ রৱলশিং অমদি কেদর্নাথ লাইশঙগী লম্বোইবা পুম্নমক্কী পোজিতিব ওইবা এতিচুদ, ইফের্তশিং অমদি চৎনবিশিং অসিনা মরম ওইদুনা ঐখোয়বু লমজিংবিখিবা ময়াম পুম্নমক্তা ঐনা অখন্ননা ইকাই খুম্নবা উৎচরি৷ মসিনা মরম ওইদুনা, মসিগী অরিবা হেরিতেজ অসি ঐখোয়না কনবা অমদি মোদর্নিতী ওন্থোকপা ঙমখিবনি৷ রৱল ইমুং-মানুংশিং অমদি লম্বোইবা পুম্নমক্তা ঐনা থমোই শেংনা নুংঙাইবা ফোংদোকচরি৷
ঐখোয়গী স্কোলরশিংনা আদি শঙ্করাচর্য জীবু ফোংদোকলমখ্রে: “शंकरो शंकरः साक्षात्”,মসিনা হায়নিংলিবা অদুদি অচার্য শঙ্করা অসি মপু ইবুংঙো সঙ্করগী শাইওন ওইখি হায়বনি৷ পুন্সিগী মীকুপ খুদিংদা মসিগী মিংচৎ অমদি দিবাইনিতী অসি ঐখোয়দা ফাওগনি৷ মঙোন্দা খজিক্তমক য়েংলুবা মতমদা মিমোরী পুম্নমক মাংদা থোক্লক্কনি৷ অসিগুম্না নৌরিবা চহিসিদা ঙকনিংঙাই ওইরবা লৌশিং লৈ! অঙাং ওইরিঙৈদগী স্ক্রিপচরশিং, নোলেজ অমদি সাইন্স নৈনরকখি! অচম্বা মীওই অমনা চহি মতাং অদুদা মালেমগী হিরমশিংগী মতাংদা খঙবা হায়বসি খরা খজিক্তনি, মহাক্না বেদন্তা হন্দোক্লমখি৷ মসি করি অমতা নত্তে, মঙোন্দা মপু ইবুংঙো শঙ্কর য়াওবগীনি৷
মরুপশিং,
সংস্কৃত অমসুং বেদশিংগী মমিং লৈরবা পন্দিৎশিংদি মফম অসিদা লৈরে অমদি ঐখোয়গী ইরক্তা ভর্চুএল্লী ওইনসু শরুক য়ারে৷ সংস্কৃত্তা শঙ্করগী ৱাহন্থোক অসি য়াম্না লাই হায়বসি নখোয় খঙবরা – “शं करोति सः शंकरः” হায়বনি, মসিনা হায়নিংলিবা অদুদি অফবা থবক তৌরিবা অদু শঙ্করনি হায়বনি৷ মসিগী ৱেল্ফেয়র অসি অচার্য শঙ্করানা হকথেংননা শেমগৎখিবনি৷ মহাক্কী পুন্সি অসি থোইদোক হেন্দোকই, অদুবু মহাক্না মীয়ামগী য়াইফননবগীদমক কৎথোকখি৷ ভারত অমসুং মালেমগী য়াইফনবা মহাক্না মতম পুম্নমক্তা কৎথোকখি৷ শাওনিংবা অমসুং হৈনদবনা খুদোম চনখিদুনা ভারতনা মহাক্কী সোলিদারিতী মাংখিবা মতমদা, শঙ্করাঅচর্যনা হায়খি: “न मे द्वेष रागौ, न मे लोभ मोहौ, मदो नैव, मे नैव, मात्सर्य भावः”, মসিনা হায়নিংলিবা অদুদি মীঙোন্দা নপ্পা কনবা, মীঙোন্দা অকাইবা পীবা পাম্বা, মীহৌ চাওবা, অকে-অমৌদা ঙাওবা, মীহৌ চাওবা অমদি ইগো লৈবা অসি ঐখোয়গী নেচর নত্তে৷ মীওইবা জাতিনা ভারতপু খঙননবা কাংলুপ অমদি লাই থাজনবগী ৱাখল অমসুং চিংনবা অমসুং অকিবা লৈরিবা অদুগী বাউন্দরীশিংগী ৱাংমদগী য়েংলকপা দরকার ওই৷ আদি শঙ্করানা হায়খি: “न मे मृत्यु-शंका, न मे जातिभेदः”, মসিনা হায়নিংলিবা অদুদি মাংহন তাকহনবগী চয়েৎনবশিং, ফুরুপ্তা খেন্নবা থম্বা অসিনা ঐখোয়গী চৎনবি অসিদা মরী লৈনদে৷ঐখোয় অসি কনানো, ঐখোয়গী ফিলোসোফী অমসুং ৱাখল্লোনশিং অসি করিনো হায়না শন্দোক্না তাক্নবগীদমক, শ্রী সঙ্করানা হায়খি: “चिदानन्द रूपः शिवोऽहम् शिवोऽहम”, মসিনা হায়নিংলিবা অদুদি নুংঙাইবা অমদি কন্সসিয়র্সনেসকী নেচরগী শিব অসি ঐহাক্নি হায়বনি৷ থৱাই মশামক্তসু শিব লৈ৷ করিগুম্বা মতমদা ‘এদবৈতা’গী প্রিন্সিপল অসি শন্দোক্না তাক্নবা হোৎনবদা অচৌবা ভোল্যুমগী তেক্সশিং দরকার ওই৷ মহাক্না অসুম্না হায়খি: “ज्ञान विहीनः सर्व मतेन्, मुक्तिम् न भजति जन्म शतेन”, মসিনা হায়নিংলিবা অদুদি অৱাবা, নুংঙাইতবা অমসুং অরুবা তানফমশিংদগী লাপথোক্নবগী লম্বী অদু নোলেজ খক্তনি হায়বনি৷ ভারতকী নোলেজ-সাইন্স অমসুং ফিলোসোফীগী তাইমলেস ত্রেদিসন অসি আদি শঙ্করাচর্যনা হিংগৎহনখি৷
মরুপশিং,
স্পিরিচুয়েল্লিতী অমদি রিলিজনবু লান্না শন্দোকখিবগী মতম অমা লৈরমখি৷ অদুবু ইন্দিযন ফিলোসোফীনা মীওইবা জাতিগীদমক য়াইফনবা পল্লি, কমপ্লিতনেস অমসুং হোলিস্তিক এপ্রোচকা লোইননা পুন্সিদা য়েংলি৷ মসিগী অচুম্বা অসি সমাজ অসিদা খঙহন্নবা আদি শঙ্করাচর্যনা হোৎনখি৷ মহাক্না হোলী মোনাস্তরীশিং, ধাম মরি শেমগৎখি অমদি জ্যোতির্লিঙ্গা ১২ হিংগৎহনখি৷ খুদিংমক মহাক্না থাদোকখি অমদি লৈবাক অসিগীদমক, সমাজ অমদি মীওইবা জাতিগীদমক হিংলিবা মীওইশিংগীদমক অফবা চৎনবা অমা শেমগৎখি৷ ঙসিদি, মসিগী ইস্তাব্লিস্তমেন্তশিং অসিনা ভারত অমসুং ভারত মচা নত্তবা মীওইশিংগী অকনবা আইদেন্তিতী অমা উৎখি৷ ঐখোয়গী ওইনা ধর্ম হায়বসি করিনো, ধর্ম অমসুং নোলেজকী মরী অসি করিনো, অমসুং মরম ওইদুনা অসুম্না হায়নখি: ‘अथातो ब्रह्म जिज्ञासा’, মসিনা হায়নিংলিবা অদুদি হেন্না কল্লিঙৈ ব্রহ্ম-দর্শনগী মতাংদা হেন্না খঙনিং-হৈনিংই, হেন্না থুরিঙৈ মহাক্না নরায়ন উই৷ মীকুপ খুদিংদা ৱাহংশিং হংননবা ঐখোয়বু তাকপিরিবা মন্ত্র অসি পীথোকপগী উপনিশদ ত্রেদিসন অসি করিনো অদুগা করিগুম্বা মতমশিংদা অঙাং ওইরিবা নাচিকেতানা য়াইমাগী কোর্ততা চৎলি অমদি মঙোন্দা ‘শিবা হায়বসি করিনো হায়না’ ৱাহং হংই? চহি লিশিং কয়াদগী চৎনরক্লিবা ৱাহংশিং হংদুনা লৌশিং ফংনবগী চৎনবি অসি ঐখোয়গী মোনাস্তরীশিংনা ঙাক্তুনা থম্লি৷ মীরোন কয়া অমা, হায়রিবা মোনাস্তরীশিং অসিনা সংস্কৃত লোন্দা বেদিক আঙ্কগুম্বা সাইন্স নত্রগা সংস্কৃতপু ওইরবসু শঙ্করাচর্যগী চৎনবি অদু ঙাক্তুনা থম্লি অমদি লম্বী তাক্লি৷ ঙসিগী মতমদা আদি শঙ্করাচর্যগী প্রিন্সিপলশিং অসি হেন্না মরী চুনরকখ্রে হায়না ঐনা খল্লি৷
মরুপশিং,
চহি চা কয়া মফম অসিদা চর্ধাম যত্র, দ্বাদাশ জ্যোতির্লিঙ্গা, শক্তিপীথ নত্রগা অস্তবিনায়ক জী চৎপগী চৎনবি অসি মরু ওইদুনা লাকখ্রে৷ মসিগী পিলগ্রিমেজ অসি ঐখোয়গী পুন্সি চুপ্পগী ওইবা শরুক অমনি৷ ঐখোয়গী ওইনদি মসিগী পিলগ্রিমেজ অসি য়েংবা চৎপা তুর অমা খক্তা নত্তে৷ মসিনা ভারতপু কন্নেক তৌদুনা ভারতকী ওভরভ্যুবু পীরিবা লিবিং ত্রেদিসন অমনি৷ মফম অসিদা লৈরিবা মীপুম খুদিংমক্না চর্ধাম, দ্বাদাশ জ্যোতির্লিঙ্গাদা চৎপা পাম্নরম্মী অমদি পুন্সিগী অমুক্তংবু ওইরবসু ইমা গঙ্গাদা লুপ্পা পাম্নরম্মী৷ ঙল্লিঙৈ মতমদা, য়ুমদা লৈরিবা অঙাংশিংদা তাকপি-তম্বিবা অসিনা চৎনবি অমা ওইরম্মী “सौराष्ट्रे सोमनाथम् च, श्रीशैले मल्लि-कार्जुनम्”৷ দ্বাদাশ জ্যোতির্লিঙ্গাগী মন্ত্রী অসিনা ঐখোয়না য়ুমদা লৈনা-লৈনা ঐখোয়বু লৈবাক পুম্বদা পুরি৷ অঙাং ওইরিঙৈদগী হৌদুনা, লৈবাক্কী তোঙান তোঙানবা শরুকশিংদা শম্নহনবা অসিনা চত্থোক-চশিন তৌবগী খ্বাইদগী লাইবা পাম্বৈনি৷ মসিগী থাজবশিং অসিনা ভারতপু লিবিং এন্তিতী অমদা নোংপোক্তগী নোংচুপ্তা, অৱাংদগী খাদা ওন্থোকই, নেস্নেল য়ুনিতী অমদি ‘এক ভারত-শ্রেস্থ ভারত’কী ফিলোসোফীগী মপাঙ্গল হেনগৎহল্লি৷ থৱাই লুপচরিবা মীওই খুদিংমক্না বাবা কেদর্নাথ চৎলুরবা মতুংদা অনৌবা ইনর্জী অমগা লোইননা মহাকপু পুরি৷
মরুপশিং,
দেবভুমিদা ইকাই খুম্নবা উৎতুনা অমদি মফম অসিদা লৈরিবা লোইবা নাইদনা ওইথোকপা য়ারিবশিংদা থাজবা থমদুনা, ঙসিদি উত্তরখন্দ সরকারনা ফুল ফোর্সকা লোইননা দিবেলপমেন্তগী ‘মহাযগ্যা’দা থবক তৌরি৷ চর্ধাম রোদ প্রোজেক্ততা খোঙজেল য়াংনা থবক চত্থরি অমদি ধাম মরি পুম্নমক হাইৱেগা শম্নরি৷ কেবল কারগী শিজিন্নদুনা কেদর্নাথ জীদা লাকপা পামজরিবা মীওইশিংনা লাকপা য়াহন্নবগী প্রোজেক্ত হৌখ্রে৷ অনকপদা হোলী হেমকুন্দ সহিব জীসু লৈরি৷ হেমকুন্দ সহিব জীদা য়াম্না লাইনা চত্থোক-চশিন য়ানবগী রোপৱে অমা শম্নবা য়াম্না কন্না শেম শারি৷ মসিদগী হেন্দোক্তুনা, ঋশিকেশ অমদি কার্নপ্রয়গ অসি রেলনা শম্নহন্নবা থবকশিং পাইখৎলি৷ হৌজিক্কী ওইনদি, চিংশিংদা লৈরিবনা মীয়াম্না রেল উবা হায়বসি অরুবা ওইগনি হায়না মুখ্য মন্ত্রীনা ফোদোকখিরম্মী৷ হৌজিক্তি মফম অসিদা ত্রেন য়ৌরক্লি৷ দিল্লী-দেরাদুন হাইৱে অসি শাবা হেক লোইখিবগা, মীয়াম্না চৎপদা মতম য়াম্না চংলিবা অসি হন্থহল্লগনি৷ হায়রিবা প্রোজেক্ত পুম্নমক অসিনা উত্তরখন্দ অমদি মহাক্কী তুরিজমবু চাওনা মতেং পাংলগনি৷ ইনফ্রাস্ত্রকচর শেমগৎ-শাগৎপগী খোঙজেল, লাক্কদৌরিবা চহি ১০দা মফম অসিদা লাক্কদৌরিবা থৱাই লুপচবা মীওইশিংগী মশিং অসি হৌখিবা চহি ১০০দগী কা-হেন্না হেল্লগনি৷ মসিনা মফম অসিগী শেন্মীৎলোন্দা পীগদৌরিবা স্ত্রেঙ্গ অদু নখোয়না খল্লু৷ ২১শুবা চহি চাগী অহুমশুবা চহি খুজিং অসি উত্তরখন্দগীনি৷ ঐগী ৱাহৈশিং অসি খঙজিল্লু৷ ইশ্বরগী মফমদগী ঐনা ৱা ঙাংলি৷ হৌখিবা মতমশিংদা, থৱাই লুপচবা মীওই কয়া য়াম্না চার-ধাম যত্রদা লাক্তুনা লেপ্প-লৈতনা রেকোর্দশিং থুগাইখিবগে হায়বদু ঐখোয় পুম্নমক্না উরে৷ মফম অদুদা কোবিদ লৈতবজাৎলা, মশিং কয়ানো হায়বদু ঐদি খঙদে? উত্তরখন্দগীদমক মরু ওইনা ঐগী ইমাশিং অমদি ইচল-ইচেশিংগীদমক ঐ য়াম্না নুংঙাইবা ফাওই অমদি চিংদা লৈরিবা মখোয়গী মথৌনা অদু তোঙানবা পোতেন্সিয়েল অমনি৷ উত্তরখন্দদা লাক্লিবা লমকোইবা মীওইশিংনসু অপিকপা মফমশিং অমদি মহৌশাগী তম্পাক্তা লেক্তুন লৈবা য়াবগী নেতৱার্ক অদুসু পাম্মী৷ মফম অদুদা থবক ফংহল্লগনি অমদি মশানা মশাবু ইকাই খুম্নবা অমগা লোইননা হিংনবগী খুদোংচাবা অমসু ফংহল্লগনি৷ মফম অসিদা সরকার অসিনা দিবেলপমেন্ত ৱার্কশিং পাংথোক্লিবগী মওং অসিনা, অতোপ্পা কান্নবসু ফংহনখ্রে৷ মসি ঐনা হোংহনখ্রে, হৌজিক্তি ইশিংসু চিংগী লমদমদা কান্নবা পীরগনি৷ মাইগ্রেসন তৌবা হৌজিক্তি লেপক্রে অমদি নাহশিং চংতোক-চশিন তৌব, লেপখ্রে৷ অদুনা ঐগী নুংশিরবা মরুপশিং, নমসিগী চহি খুজিং অসিদি নখোয়গীনি, মসিগী মঙান নাইরবা ফ্যুচর লৈ অমদি বাবা কেদরগী থোজালশিং অদু ঐখোয়গী ইরক্তা লৈরি৷
মসিগী দেবভুমি অসি ইমা লৈবাকপু ঙাকপি-শেনবিরিবা অথৌবা মচানুপা অমদি মচানুপী কয়া অমগী পোক্নফমসু ওইরিবনি৷ ঙসি, লৈবাক অসিনা মহাক্কী ফোর্সশিং মোদর্নাইজ তৌরিবা, মখোয়বু মশা-মরোমদোম লেপচবা ঙম্নবা হোৎনরিবগী লম্বী অসিগুম্না ঐখোয়গী থৌনা ফরবা লান্মীশিংগী মপাঙ্গলসু হেনগৎলক্লি৷ ঙসিদি, মখোয়গী অমদি মখোয়গী ইমুং-মানুংগী অৱাৎপশিং অমদি অপাম্বশিংদা প্রাইয়োরিতী পীরি৷ ঐখোয়গী সরকারনা ‘ৱান রেঙ্ক, ৱান পেন্সন’গী চহি খুজিং মরি শুরবা অরিবা দিমান্দ অদু মংফাওনহনখ্রে, হৌখিবা চহি চাদগী তান্দুনা লাক্লিবা দিমান্দ অদুসু মিগী চহি-চা অসিদা থুংহনবা ঙমখি৷ লৈবাক অসিগী লান্মীশিংগী শেবা তৌনবগী খুদোংচাবা ফংজবা অসিদা ঐ অপেনবা ফাওই৷ মসিদগী উত্তরখন্দগী ইমুং লিশিং কয়ানা কান্নবা ফংখ্রে৷
মরুপশিং,
কোরোনা লাইনা-লাইচৎ লান্থেংনবদা উত্তরখন্দনা উৎলিবা থকশি-খাশিগী মখল অসি য়াম্না থাগৎনিংঙাইনি৷ জিওগ্রাফিকেল দিফিকল্তীশিং অদু মাইথিবা পীদুনা, ঙসিদি, উত্তরখন্দগী প্রজানা সিঙ্গল দোজ চাদা ১০০ কাপ্পগী পান্দম থম্লিবা অদু ফংবা ঙমখ্রে৷ মসিনা উত্তরখন্দগী মপাঙ্গল অমদি তৌবা ঙম্বা অদু উৎলি৷ মসি অরইবা থবক অমা নত্তে হায়বসি চিংগী মরমদা নিংথিনা খঙবা মীওইশিংনা খঙলমগনি৷ ইমুং-মানুং অনি নত্রগা মঙা খক্তমক ভেক্সিন কাপ্ননবা অৱাংবা চিংদোলশিং কারগা অমুক হন্না নুমিদাং চুপ্পা খোংনা চৎতুনা য়ুমদা হল্লকপা অসি কয়ামুক য়াম্না ৱারমগনি হায়বদু ঐদি খঙবা ঙম্মী৷ মদু ওইরবসু, মসিনা প্রজাগী পুন্সি কনগদৌরিবনা মরম ওইদুনা উত্তরখন্দনা মখা চৎথখি৷ উত্তরখন্দগী মুখ্য মন্ত্রী অমদি মহাক্কী তীমবু থাগৎপা ফোংদোক্লি৷ অৱাংবা মফমদা লৈরিবা উত্তরকখন্দনা হেন্না ৱাংবা মীংচৎ ফংবা ঙমগনি হায়না ঐনা মপুং ফানা থাজবা থম্লি৷ লৈবাক অিগী মফম খুদিংমক্তা লৈরিবা মুনিশিং, মহন্তশিং, অচার্যশিংদগী থৌজাল ফংদুনা অমদি বাবা কেদরগী লমদম অসিদগী নখোয় পুম্নমক থৌজাল ফংদুনা লাইগী লমদম অসিদা ঐখোয়গী রিজোলুসন কয়া অমা ঐখোয়না চংশিল্লসি৷ নিংতম্বগী অমিৃত মহোতসবতা মীপুম খুদিংমক্না লৈবাক অসিবু অনৌবা থাকশিংদা পুখৎলসি৷ দীপাবলিগী মতুংদা করিগুম্বা অনৌবা অমা তৌবা ঙম্নবা অনৌবা থৌনা, অনৌবা মঙাল অমদি অনৌবা ইনর্জীনা ঐখোয়দা পাঙ্গল হাপ্পা ওইরসনু৷ মপু ইবুংঙো কেদর্নাথ অমদি আদি শঙ্করাচর্যগী খোংয়াদা খুরুমদুনা, দীপাবলি অমদি ছথ পুজাগী মরক্তা লৈরিবা কুহ্মৈশিং অসিগীদমক ঐনা অমুক্কা হন্না য়াইফ-পাউজেল পীজরি৷ নুংশিবা, কৎথোকপা অমদি থমোই শেংবগা লোইননা ঐনা হায়জরি:
কেদরনা য়াইফরে!
কেদরনা য়াইফরে!
কেদরনা য়াইফরে!
থাগৎচরি!
