Share
 
Comments
গ্যাস শিজিন্নবগী ইকোনোমী অসিনা ইন্দিয়াগী ওইনা হৌজিক তঙাইফদবা ওইরি: প্রধান মন্ত্রী
ঐখোয়না ৱেস্ত বেঙ্গাল অসি মপুং ওইবা ললোন-ইতিক তৌনবা অমসুং ইন্দস্ত্রীএল সেন্তর ওইনবা চোকথবা লৈতনা হোৎনরি: প্রধান মন্ত্রী

ফম্পাক অসিদা লেংশিনবিরিবা নোংচুপ বঙ্গালগী রাজ্যপাল জগদীপ ধনখড়জী, কেন্দ্র সরকারগী ঐহাক্কী খোংবুরোই শ্রী ধর্মেন্দ্র প্রধানজী, দেবাশ্রী চৌধরীজী, এম.পি. দিব্যেন্দু অধিকারীজী, এম.এল.এ. তাপসী মন্দলজী, ইচিল-ইনাওশিং!

ঙসি নোংচুপ বঙ্গাল য়াওনা নোংপোক থংবা ভারতপুম্বগী ওইনা য়াম্না মরুওইবা তা়্ঞ্জা অমনি। নোংপোক থংবা ভারতকী কনেক্তিবিতী অমসুং অফবা ফ্যুএলগী মতাংদা মীপাল তাংদনবগীদমক্তা ঙসি অসি য়াম্না অথোইবা নুমীৎনি। মরুওইনা মফম অসিগী গ্যাস কনেক্তিবিতী অসি হেন্না মপাঙ্গল লৈহন্নল্লিবা অচৌবা প্রোজেক্তশিং অসি ঙসি লৈবাক অসিদা কত্থোকখ্রে। ঙসি মায়খুম হাংদোক্লিবা অমদি উরেপ-উয়ুং তম্লিবা প্রোজেক্ত ৪ অসিদগী নোংচুপ বঙ্গাল য়াওনা নোংপোক থংবা ভারতকী রাজ্যশিং অসিদা Ease of Living অমদি Ease of Doing Business অনিমক্তা হেন্না ফহল্লগনি। মসিগী প্রোজেক্ত অসিনা হল্দিয়া অসি লৈবাক অসিগী অনৌবা অমদি অচৌবা ইম্পোর্ত-এক্সপোর্তকী সেন্তর অমগী মওংদা শেমগৎপদা তেংবাং ওইহনগনি।

মরূপশা,

গ্যাসতা য়ুম্ফম ওইবা শেন্মিৎলোন অসি ঙসি ভারত্তা মথৌ তারি। ৱান নেসন, ৱান গ্যাস গ্রিদ অসিনা মসিগী মথৌ তাবা ফংহন্নবগী মরুওইবা কেম্পেন অমনি। মসিগীদমক্তা পাইপলাইন নেতৱর্ক অসি পাকথোক-চাউথোকহনবগা লোয়ননা নেচরেল গ্যাসকী মমলশিং হন্থহনবদসু ফোকস তৌরি। की হৌখিবা চহিশিংদা থাও অমসুং গ্যাসকী সেক্তরদা চাউনা শেমদোকখিবসু লৈখ্রে। ঐখোয়না হোৎনজমনগী মপালনা ঙসি ভারত অসি এসিয়াপুম্বদা গ্যাসকী খ্বাইদগী চাওনা কঞ্জুম তৌবা লৈবাকশিংগী মনুং চনখ্রে। হন্দক্কী চহিসিগী বজেৎসিদা লৈবাক অসিনা অরুবা অমদি অহোংবা ইনর্জীগীদমক্তা অরুবা ফ্যুএলগী কেম্পেন অসি হেন্না মপাঙ্গল লৈহনগদবা ‘হাইদ্রোজেন মিশন’সু লাউথোকখ্রে।

মরূপশা,

চহি ৬কী মমাংদা লৈবাক অসিনা মসিগী খুদোংচাবা অসি পীখিবা মতমদা চাউখৎপগী খোংচৎ অসিদা শোত্থহৌরবা নোংপোক থংবা ভারত অসি চাউখৎহন্নবগীদমক্তা ৱাশক পুদুনা চৎখি। নোংপোক থংবা ভারত্তা পুন্সি অমসুং লল্লোন-ইতিক্কী ওইনা অনৌবা ফেসিলিতীশিংগী মথৌ তাই, মসিশিং অসি সেমগৎনবগীদমক্তা ঐখোয়না থবক কয়া মথং-মথং পায়খৎখি। রেলগী ওইরো, লম্বিগী ওইরো, এয়রপোর্তশিংগী ওইরো, ঈশিংগী লম্বিগী ওইরো, হিথাংফম ওইরো হায়রিবা সেক্তরশিংসিদা থবক পায়খৎখি। মফম অসিগী খ্বাইদগী চাউনা খুদোংচাদবা অসি ত্রেদিস্নেল ওইবা কনেক্তিবিতী অসিদা অৱাৎপা অমা লৈখি, অসিদা গ্যাসকী কনেক্তিবিতী অসি য়াম্না অরুবা অমা ওইরম্মি। গ্যাস অৱাৎপা লৈবা অসিদা নোংপোক থংবা ভারত্তা অনৌবা ইন্দস্ত্রীদি লাইরদনা অরিবা ইন্দস্ত্রীফাওবা থুপচিন্নরকখিরম্মি। মসিগী খুদোংচাদবা অসি লৈহন্দনবগীদমক্তা নোংপোক থংবা ভারত को, নোংপোক থংবা হিথাংফমশিং অমসুং নোংচুপ থংবা হিথাংফমশিংগা শমজিন্নহন্নবগী ৱারেপ অসি লৌখি।

মরূপশা,

প্রধান মন্ত্রী ইনর্জী গঙ্গা পাইপলাইন অসি মসিগী পান্দম অসিগা লোয়ননা খুমাং চাউশিল্লি। ঙসি মসিগী পাইপলাইন অসিগী অচৌবা শরুক অমা মীয়ামদা কত্থোকখ্রে। কিলোমিতর ৩৫০রোম দোভী-দুর্গাপুর পাইপলাইন অসি নোংচুপ বঙ্গালগা লোয়ন-লোয়ননা বিহার অমসুং ঝারখন্দগী জিলা তরাদা হকথেংননা কান্নবা ফংহল্লগনি। মসিগী পাইপলাইন অসি শাবা মতমদা নোংমদা মীওই লাখ ১১দা থবক ফংহনখি। হৌজিক মসি শাবা লোইরবা অিদা জিলা কয়াগী ইমুং লিশিং কয়াগী চাকখুমদা হোংনা গ্যাস য়ৌবা ঙম্লগনি, সি.এন.জি.দা য়ুম্ফম ওইবা পোলুসন য়াম্না থোকহন্দবা গাড়ীশিং চেনবা ঙম্লগনি। মসিদা লোয়ন-লোয়ননা মসিদগী দুর্গাপুর অমসুং সিন্দরীগী হারগী ফেক্তরীশিংগীদমক্তসু লেপ্তনা গ্যাস ফংহনবা ঙম্লগনি। ফেক্তরী অনিসিগী মপাঙ্গল হেনগৎলকপদগী থবক ফংবগী খুদোচাবশিং লৈহল্লগনি অমসুং লৌমীশিংদা মরাং কাইনা অমদি অহোংবা হার ফংবা ঙম্লগনি। ঐহাক্না গেল অমসুং ভারত সরকারদা জগদীশপুর-হল্দিয়া অমসুং বোকারো-ধামরা পাইপলাইনগী দুর্গাপুর-হল্দিয়া সেক্সন অসি য়ারিবমখৈ থুনা লোয়শিনবিনবা হায়জরি।

মরূপশা,

নেচরেল গ্যাসকা লোয়ন-লোয়ননা মফম অসিগী এল.পি.জি. গ্যাসকী ইনফ্রাস্ত্রকচর অসি ফগৎহন্নবগীদমক্তা লেপ্তনা থবক চত্থরি। মসি মরুওই মরমদি নোংপোক থংবা ভারত্তা উজ্বলা স্কীমগী মতুংদা এল.পি.জি. গ্যাসকী কবরেজ অসি য়াম্না হেনগৎখিবা অসিনা দিমান্দসু হেনগৎখ্রে। উজ্বলা স্কীমগী মখাদা নোংচুপ বঙ্গালগী ইচল-ইচা লাখ ৯০মুক্তা লেম্না গ্যাস কনেক্সন ফংহনখ্রে। মসিদা মীওই লাখ ৩৬মুক্তগী হেনবদি এস.তি./এস.সি. কাংলুপকী নুপীশিংনি। ইং কুমজা ২০১৪দা নোংচুপ বঙ্গালদা এল.পি.জি. গ্যাসকী কবরেজ অসি শুপ্নতগী চাদা ৪১ ওইরম্মি। ঐখোয়গী সরকারনা লেপ্তনা হোৎনবনা হৌজিক বঙ্গালদা এল.পি.জি. গ্যাসকী কবরেজ অসি চাদা ৯৯ হেনখ্রে। মসিগী বজেৎ অসিদদি লৈবাক অসিদা উজ্বলা স্কীমগী মখাদা করোর ১ হেন্না লেম্না গ্যাস ফংহন্নবগী থৌরাং তৌরি। মসিগী হেনগৎলক্লিবা দিমান্দ অসি ফংহনবদা হল্দিয়াদা শারিবা এল.পি.জি. ইম্পোর্ত তর্মিনেলনা অথোইবা থৌদাং লৌগনি। নোংচুপ বঙ্গাল, ওরিশা, বিহার, ঝারখন্দ, ছত্তিসগঢ়, য়ু.পি. অমসুং নোর্থ ইস্তকী ইমুং করোর কয়াদা খুদোংচাবা ফংহল্লগনি। মসিগী সেক্তর অসিদগী মীওই করোর অনিদগী হেনবদা গ্যাস সপ্লাই ফংহল্লগনি, মসিগী মনুংদগী করোর ১মুক্তি উজ্বলা স্কীমগী বেনিফিসিয়রী ওইগনি। মসিগা লোয়ননা নহা ওইরিবা মীওই কয়াদা থবক কয়া অমা ফংহল্লগনি।

মরূপশা,

অরুবা ফ্যুএল অসিগীদমক্তা শকখিবা ৱাশক অসি মপুং ফাহন্নবগীদমক্তা ঙসি মসিগী বি.এস.-৬ ফ্যুএল শারিবা প্লান্তকী কেপাসিতী অসি হেনগৎহন্নবগী থবকসু হৌখ্রে। হল্দিয়া রিফাইনরী অসিদা অতোপ্পা কেতালাইতিক দিৱেক্সিং য়ুনিৎ অসি শাবা লোইরবদি ল্যুবকী থাওশিংগীদমক্তা মীরৈবাক্কী মপাল তাংবা হন্থরগনি। মসিনা চহি খুদিংগী লৈবাক অসিগী লুপা করোর কয়া অমা কনবা ঙম্লগনি। অহোইনদুম ঙসি অসি এক্সপোর্তকী কেপাসিতী অসি শেমগৎপা ঙম্বরোমদা চংশিল্লক্লে।

মরূপশা,

নোংচুপ বঙ্গাল অসি অমুক হন্না লৈবাক অসিগী মরুওইবা ত্রেদিং অমসুং ইন্দস্ত্রিএল সেন্তরগী মওংদা শেমগৎনবগীদমক্তা ঐখোয়না লেপ্তনা থবক চত্থরি। মসিদা পোর্তকী ওইবা দিভেলপমেন্তকী ফর-ফরবা মোদেল য়াওরি। কোলকতাগী শ্যামা প্রসাদ মুখর্জী পোর্ত ত্রস্ত অসি অনৌবা মওংদা শেমগৎনবগীদমক্তা হৌখিবা চহিশিংদা থবক কয়া পায়খৎখি। ঙসি হল্দিয়াগী দেক কম্প্লেক্স অসিগী কেপাসিতী অসিগা অমদি য়ুম্লোন্নবা লৈবাকশিংগী কনেক্তিবিতী অসিগা হেন্না ফগৎহনবগী মথৌসু তারি। অনৌবা শারিবা ফ্লাইওভর অসিনা মফমসিগী কনেক্তিবিতী অসি হেন্না ফগৎহল্লগনি। হৌজিক হল্দিয়াদগী হিথাংফমশিং অসি তান্না চৎনবগী কার্গোশিং য়াম্না অথুবা মতমদা য়ৌরক্লগনি, মসিনা জাম ওইবা অমদি থেংহনবা কোকহল্লগনি। ইনলেন্দ ৱাতরৱে ওথোরিতী ওফ ইন্দিয়া, মফমসিগী মল্তীমোদেল তর্মিনেল অসি শানবগী থৌরাং য়াৎপগী থবক চত্থরি। অসিগুম্বা সিস্তেমশিং অসিনা হল্দিয়া অসি মীপাল তাংদবা মীপাল তাংদবা ভারত অসিদা থৌনা হাপ্পা সেন্তরগী মওং ওইনা থোরক্লগনি। থবকশিং অসিগীদমক্তা ঐখোয়গী মরূপ ধমেন্দ্র প্রধানজী অমসুং মহাক্কী তীম্বু ঐহাক্কী থম্মোইনুংদগী হরাও-নুংঙাইবা ফোংদোকচরি অমদি য়াম্না থুনা অতেনবা মতমদা মীয়াম মীচমগী অৱাবা অসি কোকহনবদা মসিগী থবক অসি য়াম্না অথোইবা মওংদা তিম অসিনা লোইশিনবা ঙমগনি হায়না ঐহাক্না থাজৈ। অরোইবদা অমুক্কা হন্না নোংচুপ বঙ্গাল অমসুং নোংপোক থংবা ভারতকী রাজ্যশিংগী মফমদা মসিগী ফেসিলিতীশিং অসিগীদমক্তা য়াম্না নুংঙাইবা ফোংদোকতরি, য়াইফবা ওইবিয়ু। হন্না-হন্না থাগৎচরি!

ভারতকী ওলিম্পিয়নশিংবু পুক্নিং থৌগৎসি! #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Big dip in terrorist incidents in Jammu and Kashmir in last two years, says government

Media Coverage

Big dip in terrorist incidents in Jammu and Kashmir in last two years, says government
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 30 জুলাই, 2021
July 30, 2021
Share
 
Comments

PM Modi extends greetings on International Tiger Day, cites healthy increase in tiger population

Netizens praise Modi Govt’s efforts in ushering in New India