PM Modi flags off Indian Railways’ first #MakeInIndia 12,000 HP electric locomotive in Bihar’s Madhepura district
I am glad that the people of Bihar have shown the spirit of oneness for the Swachhta campaign, says the PM ModiWe are taking forward Mahatma Gandhi's ideals through Swachhagraha movement: PM ModiIn the last one week, more than 8,50,000 toilets have been constructed in Bihar, this is a great achievement: PM Modi in MotihariVillages built along the Ganga coast are being freed from open defecation on a priority basis: PMThe demand for LPG has risen because of the emphasis on clean fuel and the success of the #UjjwalaYojana : PM ModiBy building a toilet, a woman has found respect and safety & health parameters have also shown a marked increase: PMঐনা হায়রক্কনি : মহাত্মা গান্ধী
মীয়াম্না হায়বীয়ু : কুইনা পুন্সিসনু, কুইনা হিংসনু
মহাত্মা গান্ধী … কুইনা পুন্সিসনু, কুইনা হিংসনু
মহাত্মা গান্ধী … কুইনা পুন্সিসনু, কুইনা হিংসনু
মহাত্মা গান্ধী … কুইনা পুন্সিসনু, কুইনা হিংসনু
চম্পারনগী শেংলবা মফম অসিদা হৌজীক পুল্লিবা লৈবাক্কী মফম কয়াদগী লাকপীবা স্বচ্ছগ্রহি মরূপ-মপাংশিং, ইকায় খুম্নরবা অমসুং নুংশিরবা মীয়াম, ঐনা খুরুমজরি। চম্পারনগী শেংলবা মফম অসিদগী বাপুনা মহাক্কী খোঙজং হৌখি হায়বা মীয়াম্না খঙনরবন। ব্রিতিসকী মখুৎতগী নীংতম্বা ফংনবা পাঙ্গল কল্লবা খুৎলাই অসি ঐখোয়না ফংজখি। সৈত্যগ্রহগী খোঙজং অসি চহি ১০০গী মতুংদা, মসি হৌজীক ফাওবা কান্নরি। চহি কয়া খোঙজং অসি কান্নদুনা লৈখিগনি? অনৌবা মতম অসিদা মথৌ তারকপদগী ঐখোয়না সৈত্যগ্রহদগী স্বচ্ছগ্রহদা ওন্থোক্লে।
মহাত্মা গান্ধীনা চম্পারন খোঙজংগী মতমদা চম্পারনগী বদৱালাখানসেন্দা মহাক্কী লু-নানবগী খোংজং হৌদোকখি। ঙসি ঐখোয়না বাপুগী লু-নানবগী খোঙজং অসি খুমাং চাউশিন্নবা সৈত্যগ্রহদগী স্বচ্ছগ্রহদা পুখৎলে।
ফম্বাক থক্তা লেংশিনবীরিবা বিহারগী রাজ্যপাল সাদপাল মালিকজী, বিহারগী মুখ্য মন্ত্রী নীতিস কুমারজী, ঐগী মন্ত্রীমন্দলগী মরূপশিং; রবী সঙ্কর প্রাসাদজী, রাম ভিলাস পাসৱানজী, সুশ্রী উমা ভারতীজী, রাধা মোহন সিংহজী, গিরিজা সিংহজী, রাম কৃপাল য়াদবজী, এস এস অহলুৱালীয়াজী, অশ্বীনি কুমার চৌবেজী, বিহারগী উপ মুখ্য মন্ত্রী সুসিল কুমার মোদীজী, রাজ্য মন্ত্রী শ্রবন কুমারজী, বিনোদ নরয়ন ঝাজী, প্রমোদ কুমারজী অমসুং মফম অসিদা পুল্লরিবা সৈত্যগ্রহিশিং অমসুং থৌরম অসিদা ভিদিও কনফরেন্সিংগী খুৎথাংদা শরুক য়াবীরিবা পুম্নমক,
পুৱারীদি অমুক হঞ্জিন্দে হায়রিবশিংনা মফম অসিদা লাকতুনা চহি ১০০ শুরবা পুৱারী অমা হৌজীক কমদৌনা ঐখোয়গী মাংদা থোক্লিবনো হায়বা য়েংবীরো লাও। ঐগী মাংদা ফম্লিবা স্বচ্ছগ্রহিশিং অসিগী হকচাং মনুংদা গান্ধীগী ৱাখল্লোনশিংগী মচেৎ অমা অমসুং থবকশিং য়াওরবনি।
স্বচ্ছগ্রহিশিংদা য়াওরিবা মহাত্মা গান্ধীগী শরুক অদুদা ঐনা খুরুমজরি। শেংলবা চম্পারনগী লমদম অসিদা চহি ১০০গী মমাংদা থোকখিবা মীয়ামগী খোঙজং অদু মালেমগী মীয়াম্না উখ্রে অমসুং ঙসি অমুক শেংলবা বাপুবু মালেম্না নীংশিংলি।
চহি ১০০গী মমাংদা লৈবাক অসিগী মফম কয়াদগী মীওই কয়া চম্পারনদা লাকখি। মখোয়না মহাত্মা গান্ধীগী লমজিং মখাদা লৈরক-কোন্সাং শীনবা থুংনা চৎতুনা থবক তৌখি। ঙসি, চহি ১০০গী মতুংদা, লৈবাক অসিগী মফম কয়াদগী লাকপা নহা ওইরিবা স্বচ্ছগ্রহিশিংনা অহিং-নুংথিল নাইদনা হৈনীংনা থবক কন্না শুরি। ঙসিগী তিল্লিবা মীয়াম অসিগী মরক্তগী কনাগুম্না কসতুরবা, কনাগুম্বনা রাজ কুমার সুখলা, কনাগুম্বনা গারাখ প্রাসাদ, কনাগুম্বনা শৈখ গুলাব, কনাগুম্বনা লোমরাজ সিংহ, কনাগুম্বনা হরিসভন্স রাই, কনাগুম্বনা সিতাল রাই, কনাগুম্বনা বিন মহমদ মুনিস, কনাগুম্বনা দোক্তর রাজেন্দ্র বাবু, কনাগুম্বনা ধরতীধার বাবু অমসুং কনাগুম্বনা রাম নবমী বাবু অমসুং কনাগুম্বনা জে পি কৃপালানীজীনি ।
চহি ১০০গী মমাংদা থোকখিবা সৈত্যগ্রহনা মীওই কয়াদা অনৌবা লম্বী তাকখিবা অদুগুম্না ঙসিগী স্বচ্ছগ্রহ অসিনা লৈবাক অসিগী মীওই মিলিয়ন কয়াদা অনৌবা লম্বী অমা তাক্লগনি। ঙসি চম্পারনদা লৈবাক অসিগী মফম কয়াদগী লাকপা মীওই লিশিং কয়ানা খোল্লাও অসিগী মখাদা পুল্লরি। লৈবাক অসিগীদমক অমসুং বিহারগী মীয়ামগীদমক অদোমগী হৈনীংবা, অদোমগী পাঙ্গল অমসুং অদোমগী থবক শুনীংবগী খৌরাংবা অদুগীদমক ঐনা ইকায়খুম্নবা উৎচরি।
ফম্বাক থক্তা লাকত্রিঙৈগী মমাংদা, ঐনা লু-নানবগী একজীবিসন অমা য়েংলুরে। একজীবিসন অসিদা অনৌবা তেক্নোলোজীশিং অমসুং অনৌবা উদ্যোকশিং শন্দোক্না তাক্লি। মতম অসি চম্পারন সৈত্যগ্রহগী চহি ১০০ শুবগী নীংশিং থৌরম লোইশিনবা মতমনি। অদুম ওইনমক, থৌরমশিং লোইশিনবদগী মীয়াম লু-নান্না লৈহন্নবা থৌরম অমা হৌদোকপা অসিনা হেন্না মরুওই।
ইচিন-ইনাওশিং, ইচল-ইচেশিং, চহি ১০০ গী মমাংদা অৱাবা থৌদোক অহুমদা লৈবাক অসিদা লম্বী তাকখিবা বিহার অদু ঙসিগী বিহার অসিনি। লৈবাক অসিনা মীনাই ওইরিঙৈদা বিহারনা মোহন দাস করম চান্দ গান্ধী শেমখি অমসুং মহাকপু লৈবাক্কী মপা ওইহনখি।
নীংতম্লবা মতুংদা, লৌমী মিলিয়ন কয়া লম লৈতবগী অৱাবা মায়োক্নখি অমসুং মতম অদুদা ভিনোবা জীনা লম কৎনবগী খোঙজং হৌদোকখি। অহুমশুবা ওইনা, লৈবাক অসিদা গনতন্ত্রদা শিংনরকপা মতমদা বিহারদগী থৌনা ফরবা বাবু জয় প্রকাসনা পাউখুম পীখি অমসুং গনতন্ত্রবু কনখি।
বিহারগী মীয়াম্না মখোয়গী লুচিংবা ঙম্বগী মগুনশিং অমুক হন্না উৎথোরকপা অমসুং হিঙ্গৎহল্লকপদা ঐনা তশেংনা চাউথোকচৈ। লু-নানবগী মতাংদা বিহারগী হৌজীক ওইরিবা ফিবম অসিদা মোদীনা ঙাংলিবা অসি করিনো হায়না মীওই খরনা ৱাহং হংলমগনি হায়বা ঐ খঙই। মদুগী মরম লৈ । মতম খরগী মমাংদগী নীতিসজী অমসুং সুসিল মোদীজীগী লমজিং মখাদা বিহারদা পায়খৎলিবা থবকশিং অসিদা মীওই কয়া থৌনা পীরে।
মরূপশিং, লৈবাক অসিদা বিহার অসি লু-নানবগী থবক চাদা ৫০গী মখাদা লৈবা রাজ্য মথন্তনি। অদুবু চয়োল অমা চুপ্না পাংথোকখিবা স্বচ্ছগ্রহ অভিয়ানগী মতুংদা মসিগী ফত্তবা থবকশিং অসি কোকহনবা ঙম্লে হায়না ঙসি ঐখোয়গী সেক্রেতরী পারমেশ্বরজীনা ঐঙোন্দা হায়রে। হৌখিবা চয়োল খক্তদা বিহারদা অমাংশঙ লাখ ৮.৫০ শাখি। খোঙজেল অসি ইচম-চম্বা অমা নত্তে। দেতা অসিনা তাক্লে মদুদি য়াম্না থুনা বিহারনা লু-নানবগী থবক পাক-শন্না পায়খৎপা ঙম্লগনি অমসুং চাংচত্তা লৈবাক্কী অতৈ মফমগা মান্নরগনি।
অসিগুম্বা অৱাবা থবকশিং অসি পায়খৎপগীদমক ঐনা থম্মোয় শেংনা বিহারগী মীয়াম, স্বচ্ছগ্রহিশিং, বিহারগী সরকার অমসুং মখোয়গী লুচীংবগী থবকশিংবু থাগৎচরি।
ঙাইহাক্কী মমাংদা ঐনা স্বচ্ছগ্রহি খর ইকায়খুম্নবা উৎপগী খুদোংচাবা ফংজখি। মখোয়না পাংথোক্লিবা থবকশিং ঐনা থাগৎলি, ঐনা য়াইফ মঙ্গল পীজরি। থৌরম অসিদা নুপী মশিং য়াম্না শরুক য়াবা ঐনা উরে। ঐখোয়গী ইমাশিং অমসুং ইচলশিংনা লু-নানবগী কান্নবা ফজনা খঙলে। ঙসি ঐনা মীচম অমা ওইনা খন্নবগী খুদোংচাবা ফংদ্রবসু ৱাফম অসি লৈঙাক্কী থবক্তগী হেন্দোক্লগা খন্নবা ঐনা পাম্মি।
সরকারগী থবক তৌরিবা ফম্নাইবশিং মশক খঙদে, মমিং খঙদে, মখোয়গী থবক্কী মিংচৎ ফংদে। মখোয় কৈদৌঙৈদা মাংদা থোরকতে। অদুবু, মখোয়গী ৱারী খরা ঐনা শরুক য়াবা পাম্মি।
ঙসি ঐখোয়গী ইরক্তা, ঐখোয়গী ভারত সরকারগী সেক্রেতরী পারমেশ্বরজী আইয়র, মফম অসিদা য়াওবরা? মহাক মখাদা ফম্লমগনি, মহাক্না প্রোজেক্ত অসি য়েংশিনবনি। আই এ এসগী থবক থাদোক্লগা মহাক য়ু এসতা চৎখিবনি। মহাক য়ু এস এদা নুংঙাইনা হিংখি। ঐখোয়গী সরকার শেম্লবা মতুংদা, ঐখোয়না হায়জখি, মীওই কয়াদা হায়জখি। মহাক্কী নুংঙাইরবা পুন্সি অদু থাদোক্লগা ভারত্তা হল্লকপদা ঐনা হরাওই। মহাক চহি কয়া আই এ এস ওফিসার ওইরমখি অমসুং মহাক্না থবক থাদোকখি। মহাক তি ভি চেন্নেলশিং উৎপনি, অদোম্না মহাক তেলিবিজন্দা উরমগনি। ঙাইহাক্কী মমাংদা তি ভি চেন্নেলশিংনা মখোয়গী কেমেরাশিং উৎখ্রে, নখোয়গী কেমেরাশিং অদু মঙোন্দা ওনশিনবীয়ূ। লৈরে। মসি মহাক্নি। মহাক অমুক হন্না হল্লকখি অমসুং ঐনা সরকারদা মহাক হাপচিনখি অমসুং মঙোন্দা দায়িত্য শীন্নখি ।
মহাক্না মফম খুদিং চৎতুনা মশানা অমাংশঙশিং শেংদোকখি। করিগুম্বা ঙসি ঐনা পারমেশ্বরগুম্বা মরূপ লৈরবা অমসুং লৈবাক অসিগী মফম কয়াদগী লাকপা স্বচ্ছগ্রহি লিশিং কয়া অসি লৈরবদি, ঐখোয়না মহাক্কী চহি ১৫০ শুবা মপোক কুমওন পাংথোকপা মতমদা বাবু জীনা মঙলম্বা মঙলান অদু মঙফাওনবা ঙমগনি হায়না ঐনা চেৎনা থাজৈ।
লাইদি মখুৎ লিশিং অমা পাল্লি হায়নবা থায়না ঙাংনবা ঐখোয়না তাখ্রে। লাইদি মখুৎ লিশিং অমা পাল্লি হায়বা ঐখোয়না হৌজীকসু তারি অমসুং পারি । অদুবু প্রধান মন্ত্রী অমনা মখুৎ লিশিং অমা পাল্লি হায়বা ঐখোয়না কৈদৌঙৈদা তাদ্রি। অদুবু ঙসি ঐগী মমাংদা ফম্লিবা স্বচ্ছগ্রহি লিশিং কয়া অসিনা, ঐনা হায়বা পাম্মি মদুদি লৈবাক অসিগী প্রধান মন্ত্রী অসি মখুৎ লিশিং অমা পানবা মীওই অমা ওইরে।
বিহার শেংদোক্নবা মখোয়গী লম থাদোক্লগা লাক্লিবা স্বচ্ছগ্রহিশিং অসিগী কৎথোকপা, শৌগৎপা অমসুং থবক কন্না শুবা অসিনা বাবুগী লু-নানবগী খোঙজংদা অনৌবা ইনোৎ অমা পীরগনি, মরম অদুনা অমুক হন্না ঐনা নখোয় ময়ামবু থাগৎচরি।
মরূপশিং, লু-নানবগী ওইরো, ব্লেক মনী অমসুং শেঞ্জা-থুমজা থেংনবগী ওইরো, মীয়ামগী চাউখৎ-থৌরাংগী ওইরো কেন্দ্র সরকারনা নীতিসজী অমসুং মহাক্কী কাংবুগা য়াম্না নক্না চৎমিন্নদুনা থবক তৌমিন্নরি। বিহারগী খুন্নাই অমসুং শেল-থূম চাউখৎহন্নবা থৌশিল-থৌরাংগীদমক কেন্দ্র সরকার অমসুং বিহার সরকার অনিমক অমনা অমগী মতেং পীনরি।
ঙসিগী থৌরম অসিদা, লুপা কোতি ৬,৬০০গী বিহারগী চাউখৎ-থৌরাংশিংগী স্কিমশিংগী উরেপ-উয়ুং তম্বগী খুদোংচাবা ঐনা ফংলে। ঈশিং, রেল লম্বী, লম্বী নৎত্রগা পেত্রোলিয়ম ওইবা য়াই, স্কিমশিং অসি বিহার অমসুং চম্পারনগী য়াম্না মরুওইবা ঙাক্তনি। স্কিমশিং অসি লু-নানবা অমসুং অকোয়বগী ফিবম কাইহন্দনবা থম্নবগা মরি লৈনবা ঙাক্তনি।
মরূপশিং, ঙসি উরেপ-উয়ুং তম্লিবা প্রোজেক্তশিং অসিগী মনুংদা মোতিহারী পাৎ শেমগৎপা য়াওরি। ঐখোয়গী মোতিহারী জীলা অসি পাৎ অসিগী মমিং লৌরগা থোনখিবনি, পাৎ অসি বিহারগী পুৱারীগা মরি লৈনৈ অমসুং ঙসিদগী পাৎ অসি শেমগৎপা হৌরে। সৈত্যগ্রহগী চম্পারনদা লৈবা মতমদা মহাত্মা গান্ধীনা নুমিদাংৱাইরমদা পাৎ অসি য়েংবদা নুংঙাই হায়না মহাক্না হায়রমখি। পাৎ অসি লৈবদগী সহর অসি ফজবনি। অদুবু মতমগী মতুংইন্না গান্ধীনা ফজৈ হায়রম্বা মোতী পাৎ অসি তপ্না তপ্না থিজীল্লক্লে।
লৌশিং লৈরবা মফম অসিগী মীয়াম্না পাৎ অসি কন্নবা থবক পায়খৎলি হায়বা ঐ খঙলে। মীয়াম খঙহনবগী থবক অসি সোসিয়েল মেদিয়াদগী হৌরগা লম্বী ফাওবদা চৎথরে। নখোয়না পায়খৎলিবা থবকশিংদা য়াওশিনবদগী পাৎ অসি হান্নগী ফিবমদা হল্লকপদা নত্তনা, লমকোয়বশিংগী মফম অমা ওইনা শেমগৎপা য়ারগনি।
মরূপশিং,লু-নানবা হায়বসি ঈশিংগা মরি লৈনৈ। অমৃত স্কিমগী মখাদা লুপা কোতি ১০০গী ঈশিং পীনবা স্কিম অমা উরেপ-উয়ুং তম্লে। মরম অদুনা ইচলশিংনা ঈশিংগী অৱাবা লৈররোই। মসিনা মীওই লাখ ১.৫দা হকথেংননা কান্নবা পীরগনি।
ঐখোয়না পায়খৎলিবা থবকশিং অসি থৱায় হিংহল্লিবা ইমা গঙ্গা শেংদোকপগা মরি লৈনৈ। গঙ্গোত্রিদগী হৌরগা গঙ্গা সাগর ফাওবা গঙ্গা শেংদোক্নবা সরকারনা ৱারেপ লৌরে। মিসন অসিদা বিহার মরুওইবা শরুক অমনি। য়ুমশিং অমসুং ফেক্তরীশিংগী অমোৎপা থাদবা থিংনবা লুপা কোতি ৩০০ হেনবগী প্রোজেক্ত ১১ বিহারদা পায়খৎপা য়ারে। শেনফম অদুদগী কিলোমিতর ১,১০০ শাংবা সিবিল পাইপলাইন তিংনবা থৌরাং লৈরি। মসিগী প্রোজেক্ত মরিগী উরেপ-উয়ুং ঙসি তম্লগনি।
ঐনা হৌখিবা চহীদা মোকামাদা লাক্লম্বদা উরেপ-উয়ুং তম্লম্বা প্রোজেক্ত মরি থবক পায়খৎপা হৌরে। লেমহৌরিবা প্রোজেক্তশিংগী থবক অথুবা মতমদা হৌরগনি। গঙ্গা তুরেল মপান্দা লৈবা খুঙ্গংশিং লমহাংদা খোঙহামদবা মফমশিংনি হায়না লাউথোকপা হৌরে।
গঙ্গা তুরেল ফাওদুনা চেল্লিবা রাজ্য মঙা ,উত্তরাখান্দ, উত্তর প্রদেশ, বিহার, জারখান্দ অমসুং ৱেস্ত বেঙ্গলগী গঙ্গা তুরেল মপান্দা লৈবা খুঙ্গংশিংদা পান্দম অসি মায় পাকপা ঙম্লে। খুঙ্গংশিং অসিদগী পুথোরকপা অমোৎপশিং তুরেলদা থাদদনবা গঙ্গা তুরেল মপান্দা লৈবা খুঙ্গংশিংদা ৱেস্ত মেনেজমেন্ত স্কিমশিং পায়খৎলে। গঙ্গা তুরেল মপান অসি লমহাংদা খোঙ হামদবা মফম অমা অথুবা মতমদা ওইরগনি হায়না ঐনা থাজৈ।
মতম খরগী মমাংদা বনারসতা ‘অমোৎপগী কুম্মৈ’ অমা পাংথোকখি। গঙ্গা তুরেল মপানদা লৈবা সহরশিংগী মীয়াম অমোৎপগী কুম্মৈ অদুদা শরুক য়ানবা ঐনা তকশিনখি অমসুং মতৌ করম্না অমোৎপশিংদগী কান্নবা পোৎলমশিং শাগদগে হায়বা তাকখি। অমোৎপা শীজীন্নদুনা মরুওইবা থবক অমা পাংথোকপদা নহাক অঙকপা পোক্লমগনি।
মরূপশিং,
মোৎতবা মৈ অসিসু লু-নানবগী খোঙজংগী শরুক অমনি। উজ্জ্বালা স্কিমগী মখাদা লায়রবা ইমা অমসুং ইচল খুদিংমক হূ চেনবা মৈখুদগী কন্নবা সরকারনা ৱারেপ লৌরে। হৌজীক ফাওবদা লৈবাক অসিগী লায়রবা ইমুং কোতি ৩.৫ হেনবদা লেম্না গ্যাস কন্নেক্সন পীরে। স্কিম অসিগী মখাদা বিহারগী ইমুং লাখ ৫০গী নুপী লাখ ৫০ রোম কান্নবা ফংলে।
মরূপশিং, মোৎতবা মৈ ফংহন্নবা হোৎনবা অমসুং উজ্জ্বালা স্কিম মায়পাকপদগী গ্যস সিলিন্দর পাম্নবা হেনগৎলক্লে। মোতিহারী অমসুং সাগোলীদা এল পি জী প্লান্তশিং শানবা ঙসি উরেপ-উয়ুং তম্লে, মসিনা চম্পারন অমসুং নক্নবা মফমশিংদা গ্যাস সিলিন্দরশিং ফংবদা অৱাবা লৈররোই। প্লান্তশিং অসিনা থবক হৌরকপা মতমদা নোংমদা সিলিন্দর ৯০,০০০ হানগনি।
মসিগী মথক্ত, মোতিহারীদা পেত্রোলিয়ম ওইল লুব তর্মিনেল অমা উরেপ-উয়ুং তম্লে। মসিনা থবক হৌরকপা মতমদা চম্পারনগী মথৌ তাবা পেত্রোল অমসুং দিজল ফংহনবদা নত্তনা অনকপা জীলাশিং য়াওনা নেপালদসু পীবা ঙম্লগনি।
মরূপশিং, নোংপোক ভারত অসি লৈবাক অসিগী চাউখৎপগী ইঞ্জিন ওইহন্নবা পান্দমদা কেন্দ্র সরকারনা প্রোজেক্তশিং অসি পায়খৎপনি। উত্তর প্রদেশতগী বিহার ফাওবা, ৱেস্ত বেঙ্গলদগী উরিশা ফাওবা অমসুং অৱাং-নোংপোক্কী রাজ্যশিং শেমগৎনবা পায়খৎলিবা অসিগুম্বা থবকশিং মমাংদা অমুক্ত পায়খৎখিদ্রি।
বিহার য়াওনা নোংপোক ভারত চাউখৎনবা স্কিমশিং শেম-শাবগী থবক্তা নীতিসজীসু য়াওরিবনি। অনৌবা প্রোজেক্তশিং পায়খৎপা হৌরে। মরুওইনা ঐখোয়গী সরকার অসিনা লমদম অসিগী লম্বী-থোংগী ফিবম ফগৎনবা কন্না হোৎনরি।
২১শুবা চহিচাগী দরকার ওইবশিং ফংনবা হায়ৱেশিং, ঈশিং লম্বীশিং, ই-ৱেশিং মফমশিং অসিদা য়াম্না য়াঙনা শেমগৎলে। ঙসি লুপা কোতি ৯০০ রোমগী নেসনেল হায়ৱেশিং শেমগৎনবা উরেপ-উয়ুং তম্লে। ঔরাঙ্গবাত্তগী চৌরদা ফাওবগী লেন মরিগী শরুক অসি লেন তরুক ওন্থোক্নবা থবক ঙসিদগী হৌরে। প্রোজেক্ত অসিনা বিহার অমসুং ঝারখন্দগী মীয়ামদা কান্নবা পীরগনি।
চম্পারনগী রেলৱে প্রোজেক্ত অনি উরেপ – উয়ুং তম্লে। মুজাফরনগরদগী সাগোলী অমসুং সাগোলীদগী বালমিকী নগর ফাওবগী রেলৱে ত্রেকশিং দবল লাইন ওন্থোক্লগনি। মসিনা চম্পারনগী মীয়াম কান্নবতা নত্তনা উত্তর প্রদেশতগী নেপালদা চৎপা অমসুং ললোন-ইতিক তৌবদা লাইথোকহল্লগনি ।
মরূপশিং, চম্পারন খোঙজংগী চহি ১০০ শুবা থৌরম অসিদা ঐনা অনৌবা ত্রেন অমা লমথাবগী খুদোংচাবা ফংলে। ত্রেন অসি কাতিহারদগী ওল্দ দিল্লী ফাওবা চেনগনি। সরকারনা ত্রেন অসি চম্পারন হমসফর এক্সপ্রেস হায়না মমিং থোল্লে। মীয়াম্না দিল্লীদা চৎপদা খুদোংচানবা ত্রেন অসিদা মতমগী অনৌবা খুদোংচাবশিং য়াওরে।
মরূপশিং,
ঙসি, মধেপুরদা ইলেকত্রিক লোকোমোতিপ ফেক্তরী অমগী অহানবা ফেজ মীয়ামদা কৎথোক্লে। মরম অনিদা ফেক্তরী অসি মরু ওই। অহানবদা, মসি মেক ইন ইন্দিয়াগী ময়েক লারবা খুদমনি। অনিশুবদা, মসিনা লমদম অসিদা থবক পীরগনি। ফ্রান্সগী কম্পেনী অমগা খুৎশম্নদুনা ভারত রেলৱেনা প্রোজেক্ত অসি পায়খৎপনি। ফেক্তরী অসিনা মপাঙ্গল কল্লবা ইঞ্জিনশিং শাগনি। অনৌবা ফেক্তরী অসিদা শাবা হোর্স পৱার ১২,০০০গী ইঞ্জিন অমা লমথাবগী খুদোংচাবা ঐনা ফংলে।
মরূপশিং, অসিগুম্বা মপাঙ্গল কল্লবা ইঞ্জিনশিং পোৎ-চৈ পুনবা শীজীন্নবা অসি মালেমদা লৈবাক খর খক্তনি। হায়রিবা ইঞ্জিনশিং অসিনা মরম ওইদুনা ভারতকী পোৎ-চৈ পুবা ত্রেনশিংগী খোঙজেল চাংচৎতা শরুক অনি হেনগৎলগনি।
প্রোজেক্ত অসিগী মরমদা ঐনা মীয়ামদা শন্দোক্না হায়নীংবগী মরম অমসু লৈরি।
প্রোজেক্ত অসি ২০০৭ দা অয়াবা পীখিবনি, অদুবু ফাইলশিং চহি ৮ হেন্না মচি লেংহন্দনা থমখি। চহি ৩গী মমাংদা এন দি এ সরকারনা প্রোজেক্ত অসি থবক হৌরকখিবনি অমসুং হৌজীক মসিগী অহানবা ফেজ লোইশিল্লে।
অয়ুশ্মান ভারত : ঐখোয়গী লৈবাক্তা, লায়রবা মীয়ামগী ওইনা লু-নানবগী হেক মথংদা খ্বাইদগী মরু ওইরিবসি হকশেলনি। খ্বাইদগী লায়রবা ইমুং অমগী মীওই অমা নাবদগী লায়েংনবা চহি অমদা ইমুং অমদা লুপা লাখ ৫ লায়েংশেল ওইনা পীগনি অমসুং মসি ইন্সুরেন্সনা কোনশিলগনি। হৌজীক ইমুং অমনা লায়েংনবা শেল লৈতবগী অৱাবা থেংনররোই। অয়ুশ্মান ভারত হায়রিবা অনৌবা স্কিম অসি চৎহন্নবা ভারত সরকারনা হোৎনরি।
ঐগী সরকারগী থবক তৌবগী মওং অমা লৈরি। লান্না লমজিংবা অমসুং থবক তৌবদা চিংথবগী চৎনবী অদু লৈত্রে। ফাইল ফাজীন্দুনা থম্বগী চৎনবী লৈত্রে। মীয়ামগী মতেংগা লোয়ননা সরকার অসিগী পান্দমশিং থবক ওইনা পাংথোক্লি।
অহোংবশিং অসি য়াবা ঙমদবা মীওইশিং অৱাবা মায়োক্নরি। লায়রবা মীয়ামদা শক্তি পীবদা মখোয় খাংবা ঙমদ্রে। লায়রবশিং মপাঙ্গল কলহল্লবদি মখোয়না অরানবা হায়জীনবা য়াররোই, মখোয়না মীয়াম্বু লান্না লমজিংবা ঙম্লরোই হায়না মখোয়না খল্লি। মরম অদুনা লম্বীদগী হৌরগা সংসদ ফাওবদা সরকার অসিনা থবক তৌবদা অপনবা পীরি।
মরূপশিং, করিগুম্বা মীয়ামগী মরক্ত য়েংথিনবা পোকহন্নবা হোৎনবা সরকার অদোম্না থেংনরমগনি। অতোপ্পা অমদা, কাংবু খরনা মীয়াম মরক্ত নুংশিহন্দনবা হোৎনরি।
মরূপশিং, নীতিসজীগী লৈঙাক অমসুং খাংবা কনবা অসি ঐনা থাগৎলি। মহাক্না বিহারদা শেঞ্জা-থুমজা অমসুং খুন্নাইগী মায়োক্ত লৈবশিং থেংনরিবা অসি অরাইবা নত্তে। শেঞ্জা-থুমজা মুৎথৎনবা মহাক্না চংশিল্লিবা খোঙজং অসিদা কেন্দ্র সরকারনা শৌগৎলি অমসুং খুন্নাইগী অহোঙবা পুরক্নবা পায়খৎলিবা মহাক্কী থবকশিং শৌগৎলি।
সবকা সাথ সবকা বিকাস হায়বা ফোর্মুলা অসিগী মখাদা অপীবা মতমগী মনুংদা লোইশিন্নবা এন দি এ সরকারনা থবক তৌরি। মমাংগী সরকারনা অপীবা মতমগী মনুংদা থবক লোইশিনবগী মরুওইবা খঙদে অদুবু গান্ধীজীনা মতম চুপ্পদা সৈত্যগ্রহদগী হৌরগা স্বচ্ছগ্রহি ফাওবা মতম চানা থবক লোইশিন্নবা তকশিনখি। গান্ধীজীনা মতম চুপ্পদা ফুরিৎখাওগী ঘরী অমা শীজীন্নৈ। মহাক্না হায়খি, অদোম্না চেং মরু অমা নৎত্রগা চে মচেৎ অমা মাংহন্দ্রবদি অদোম্না মিনিত অমগী মতমসু মাংহল্লোইদবনি। মসি ঐখোয়গী মতম নত্তে, মতম অসি লৈবাক্কীনি অমসুং মতম অসিগী লৈবাক্কী থবক তৌনবা শীজীন্নগদবনি।
মখোয়গী পুন্সি গান্ধীজীগী ৱাখল্লোন্না লমজিংদুনা ভারত মচা বিলিয়ন ১.২৫না পান্দম অমগী মখাদা থবক তৌরি। মখোয়গী থবক অদুনা মরম ওইদুনা ২০১৪দা লুবা-নানবা চাদা ৪০ ওইরম্বা অদু হৌজীক চাদা ৮০ য়ৌরে। মসিনা তাক্লি মদুদি মহাক্কী সরকারগী মতমদনা হেন্না নীংতম্লবা মতুং চহি ৬৭দা লৈবা অদুদগী হেন্না নাল্লে ।
মরূপশিং, হৌখিবা চহি অহুম মখায় অসিদা লৈবাক অসিগী জীলা ৩৫০ অমসুং খুঙ্গং লাখ ৩.৫ রোম লমহাংদা খোঙ হামদ্রে হায়না মখোয় মশানা লাওথোকচরে। চহি অহুম মখায় অসিদা লৈবাক অসিদা অমাংশঙ কোতি ৭ রোম শারে। মসি মীয়াগী পাঙ্গল অদুনা ওইহনবনি, এপ্রিল ৪দগী হৌদুনা হৌখিবা চয়োল মথন্থদা স্বচ্ছগ্রহি চয়োল থৌরম পাংথোকপা মতমদা বিহার, য়ু পি, উরিশা অমসুং জম্মু অমসুং কশ্মীরদা অমাংশঙ লাখ ২৬ রোম শাখি। হায়রিবা রাজ্য মরি অসিদা লু-নানবগী থবক য়াংনা পায়খৎলগনি।
মরূপশিং, ক্লিন ইন্দিয়া মিসন্না লৈবাক অসিগী নুপী মিলিয়ন কয়াগী পুন্সিদা অহোংবা পুরক্লে হায়বা নহাক খঙলে। অমাংশঙ শাবদগী নুপীশিংনা চিংলেম্বা, শোয়-ঙামদবা অমসুং হকচাং ফবা ফংলে। হৌজীক বিহারদা অমাংশঙ অসি ইজৎঘর ( ইকায়খুম্নরবা মফম ) হায়না কৌনরে। অমাংশঙশিং শাবদগী থোং মান্নদবা লৈরম্বশিং কোকহনখ্রে। মসিনা শেল-থুম অমসুং খুন্নাইগী ওইবা শক্তি পীবা ঙমহল্লে।
হৌখিবা চহিদা, য়ুনাইতেদ নেসনগী পাউদম অমদা, য়ুম অমদা অমাংশঙ লৈবনা ইমুং অমনা চহি অমদা লুপা ৫০,০০০ তুংশিনবা ঙমই হায়রি। অমাংশঙ শাদ্রবদি, হায়রিবা শেলফম অদু অনাবা লায়েংবদা, লায়েংশঙ চৎপদা অমসুং থবক শুদবগী মাংজবা অদুগা মান্নৈ।
মালেমগী লুপ অমনা থিজীনবদা ফংলকপা মতুংইন্না, লমহাংদা খোঙ হামদ্রে হায়না লাওথোক্লবা খুঙ্গংশিংগী অঙাংশিং দাইরিয়া নাবগী চাং হন্থৈ অমসুং মখোয়গী হকচাং অমসুং ৱাখল মওং তানা ফগৎলি হায়রি। মসিনা মরম ওইদুনা অঙাংশিং য়াম্না তোইনা নাদ্রে অমসুং তোইনা মহৈলোয়শঙদগী সুতি লৌদ্রে। মরম অদুনা মশানা, লমহাংদা খোঙ হামদ্রে হায়না লাওথোকচরবা খুঙ্গংশিং অদু লাইরিক লাইশুদা ফগৎলক্লে।
মরূপশিং, ক্লিন ইন্দিয়া মিসন অসি মীয়ামগী খোঙজং ওইদুনা লৈবাক অসিগী কাচিন-কোয়া শীনবা থুংনা য়ৌখিবা অসি মালেমগী মমিং লৈরবা য়ুনিভর্সিতীশিংগী কেস স্তদি অমা ওইরে। অসিগুম্বা মীয়ামগী খোঙজং অসিনা ২১শুবা চহী চাদা লৈবাক অমত্তদা থোকখিদ্রিবা মওংদা মীওইবগী লোনচৎ হোংহনবা ঙমখি হায়না ঐনা খল্লি। অহোংবা অসি হৈনবী অমসুং লমচৎতনি।
অদুম ওইনমক, গান্ধী মৈদান অসিদা লৈরিবা স্বচ্ছগ্রহি খুদিংমক, লৈবাক অসিগী পীক্লিবা অঙাংদগী হৌরগা খ্বাইদগী অহল ওইরবা ফাওবদা শিংনবা অমা থেংনরি। শিংনবা অদুদি লম্বী, রেলৱে স্তেসনশিং, বস স্তেসনশিং, য়ুম অমসুং দুকানগী মমাংশিং, মহৈ লোয়শঙশিং অমসুং কোলেজশিং, কৈথেলশিং, লৈকাইশিং, লৈরকশিং অমসুং কাচিনশিং নানহলবা অসিনি। লৈবাক অসিগী মীওই অমমমনা মশাগী অঙম্বা থাক্ত নান্নবা হোৎনদ্রবদি ক্লিন ইন্দিয়া মিসন অসি মপুং ফারোই। মরম অদুনা ২০১৯দা ক্লিন ইন্দিয়া মিসন মপুং ফাহন্নবা ঐখোয়না লু-নান্না লৈনবা হোৎনবা মথৌ তাই। মথং চহিগী সেকেন্দ ওক্তোবরদা ঐখোয়না শেংলবা বাপুদা ইকায়খুম্নবা উৎপা ঙমগনি।
মরূপশিং, গান্ধীজীনা চম্পারনদা লৌমীশিং, শিন্মীশিং, ওজাশিং, উকিলশিং, দোক্তরশিং, ইঞ্জিনিয়রশিং অমসুং মীপুম খুদিংমক চপ-মান্ননা থমখি। মতম অদুদা সৈত্যগ্রহ মায়পাকখি। স্বচ্ছগ্রহি অমা ওইনা ঐখোয়গী থৌদাংশু চপ-মান্নগদবনি। খুন্নাই অসিগী মফম খুদিং অমসুং মীপুম খুদিং লু-নানবগী পাউজেল য়ৌহনবা হায়বসি ঐখোয়গী লেংদ্রবা থবক ওইগদবনি।
মফম অসিদা লৈরিবা স্বচ্ছগ্রহিশিংনা নখোয়দা পীখিবা লাইরিক মচা অদুদা য়াওরিবশিং অদু মীয়ামদা য়ৌহনগদবনি। অদোম্না মীয়ামদা খঙহনবা হেল্লিবমখৈ ক্লিন ইন্দিয়া মিসন হেন্না মায়পাক্কদৌরিবনি। লৈবাক অসিগী খুঙ্গং খুদিংমক য়ামদ্রবা ক্লিনলিনেস চেম্পিয়ন অমমম লৈহনবা হায়বসি সরকারগী পান্দমনি। লৈবাক অসিগী মফম খুদিং নান্না লৈহন্নবা ক্লিনলিনেস চেম্পিয়ন লাখ ৬.৫না থবক তৌরি।
প্রধান মন্ত্রী অৱাজ য়োজনাগী মখাদা লৈবাক অসিগী লায়রবশিংদা য়ুম পীনবা থবক পায়খৎলি। অমাংশঙশিং শারিবা অসিগী খোঙজেলদা বিহারগী লায়রবশিংগী য়ুম শাগনি হায়না ঐনা থাজৈ।
ঐখোয়না তৌগদবা থবক অমগা লৈরি, ঙসিগী থৌরম অমসুং মথং চহীগী ওক্তোবর ২গী মনুংদা থোকপা থৌরমশিং, পোকপা নৎত্রগা শিবগী থৌরমশিং নৎত্রগা কুম্মৈ অমদা হেক্তা, ঐখোয়না থৌরম অদুদা ক্লিন ইন্দিয়াগী পাউজেল মীয়ামদা খঙহনগদবনি। খুদম ওইনা, হয়েং এপ্রিল ১১ অসি জয়তিবাফুলেজীগী মপোক কুমওন্নি, এপ্রিল ১৪দা বাবা সাহেব অম্বেদকরগী মপোক কুমওন্নি। অথৌবশিং অসিগী থৌরমশিংদা মীয়ামদা লু-নান্না লৈনবা হায়জগদবনি ।
এপ্রিল ১৪দগী কেন্দ্র সরকারনা গ্রাম শ্বরাজ অভিয়ান হৌরগনি। খোঙজং অসিগী মখাদা এম পিশিং, এম এল এশিং, লোকেল বোদী, সিতী কাউন্সিল, ম্যুনিসিপাল কাউন্সিলগী মীহুৎশিংনা ক্লিন ইন্দিয়াগী থবকশিংদা শরুক য়াগদবনি। মীয়াম্না মখোয়গী অনকপা মফমশিং লু-নান্না থম্নবা মীয়ামদা হায়জগদবনি অমসুং খঙহনগদবনি।
মরূপশিং,
লৈবাক শেমগৎনবা অদোম্না তৌরম্বশিং তুংগী মীরোলনা নীংশিংগনি। সৈত্যগ্রহি খুদিংমক্না মশা ফবা, নানবা অমসুং নুংঙাইবা লৈবাক অমা শেমগৎনবা থবক তৌরি। চম্পারন সৈত্যগ্রহ চৎথখিবা মতম অদুদা ঐখোয় শরুক য়াখিদে, ঐখোয় পোকপা ফাওবা পোক্ত্রি। খোঙজং অদুদা ঐখোয় অমত্ত শরুক য়াখিদে। অদুবু ঐখোয়না চম্পারন স্বচ্ছগ্রহ মায়পাক্নবা অহিং অমসুং নুংথিল অনিমক থবক শুরি।
থবক অসি খাংবা কনবা দরকার ওই হায়বা ঐ খঙই। স্বচ্ছগ্রহিশিংনা লৈবাক অসিদা অহোংবা পুরক্নিংবগী অকনবা অপাম্বা লৈ হায়বা ঐ খঙই। চম্পারন স্বচ্ছগ্রহ অসি ঙসিগী নহারোলশিংগী জাতিগী ঈশে ওইরে। মীয়ামগী ইহৌ অসিনা তুংগী ভারতকী লমজিং ওইরগনি।
লু-নান্নবা ঐখোয়না চংশিল্লিবা অসিনা নানবগী অনৌবা তাঙ্কক অমা, ফজরবা অমসুং নুংঙাইরবা ভারত অমা ওইরগনি হায়না ঐনা থাজৈ। থৌরম অসিদা শরুক য়ারিবা স্বচ্ছগ্রহিশিং ঐনা য়াইফ-পাউজেল পীজরি। ২০২২দা ভারতনা নীংতম্বা চহি ৭৫ মপুং ফারগনি। ২০১৮গী ওক্তোবর ২দগী ২০১৯গী ওক্তোবর ২ ফাওবা গান্ধীজীগী ১৫০ শুবা মপোক কুমওন ঐখোয়না পাংথোক্কনি। অনৌবা ভারত অমগী মঙলান মঙফাওনবা ঙম্নবা খুন্নাইগী ফত্তবশিং, লৈবাক অসি মাংহল্লিবশিং মুৎথৎকদবনি। ভারত অসি অমোৎপদগী অমসুং শেঞ্জা-থুমজাদগী নান্থোকহনগদবনি। ঐখোয়গী লৈবাক অসি কাংলুপ নাইবা, জাৎ নাইবা, অনেম-অৱাং নাইবা অমসুং শোক্না-শম্নবা য়াদবগী চৎনবীদগী মনীং তমহনগদবনি।
ৱারেপশিং অসিগা লোয়ননা ঐখোয়না মাংলোমদা চংশিল্লবদি ২০২২দা ঐখোয়না নীংতম লান্মীশিংদা ইকায়খুম্নবা উৎপা ঙমগনি, ২০১৮-১৯দা গান্ধীজীগী ১৫০ শুবা মপোক কুমওনদা গান্ধীজীদা ইকায়খুম্নবা উৎপা ঙমগনি। মহাত্মা গান্ধীজীনা ঐখোয়গী থবক কয়া তৌবীরম্লে, থোকপীরক্লো অমসুং অনানবা ভারত অমগী গান্ধীজীগী মঙলান অদু মঙফাওনহল্লসি।
মসিগী থবক অসি সরকারগী থৌরম অমা নত্তে। মসিগী থৌরম অসি প্রধান মন্ত্রী নৎত্রগা মুখ্য় মন্ত্রী নৎত্রগা কেন্দ্র সরকার অমসুং রাজ্য সরকারগী নত্তে। মসি লৈবাক অসিগী মীওই বিলিয়ন ১.২৫ অসিগীনি, লৈবাক অসিগী লায়রবা মীয়ামগীনি। থবক অসিনা লৈবাক অসিদা অচুম্বা পুরক্কনি অমসুং ইমাশিং অমসুং ইচলশিং অফবা ওইগনি। মরম অদুনা থৌরম অসি ঐখোয়না থৱায় হকচাং য়াওনা শরুক য়াগদবনি।
মসিগী লোয়ননা ঐনা ময়াম পুম্নমকপু অমুক্কা হন্না থাগৎচরি অমসুং ইকায়খুম্নবা উৎচরি।
অমুক হন্না ঐগা হায়মিন্নসি।
ঐনা মহাত্মা গান্ধী হায়গনি অমসুং অদোম্না অনিরক হায়বীয়ু : কুইনা পুন্সিসনু , কুইনা হিংসনু
মহাত্মা গান্ধী ; কুইনা পুন্সিসনু , কুইনা হিংসনু
লৈজবী থাদুনা হায়বীয়ু
মহাত্মা গান্ধী; কুইনা পুন্সিসনু, কুইনা হিংসনু
মহাত্মা গান্ধী; কুইনা পুন্সিসনু, কুইনা হিংসনু
অদোম্বু থাগৎচরি
