প্রধান মন্ত্রী শ্রী নরেন্দ্র মোদী অমসুং য়ুনাইতেদ কিংদমগী প্রধান মন্ত্রী বোরিস জোন্সনগী মরক্তা ঙসি তেলেফোন্দা ৱারী শানখ্রে।
লুচিংবা অনিমক্না অনৌবা চহীচা অসিদা ভারত-য়ু.কে. স্ত্রেতেজিক পার্তনরশিপ মখা তানা চেৎশিলহন্নিংবগী অপাম্বা ফোংদোক্নখি। পাম্দম অসিগী মায়কৈদা কম্প্রেহেন্সিব রোদমেপ অমা থৌরাং তৌবদা কানবা ফংগনি হায়না মখোয়না য়ানবা পুরকখি।
লুচিংবা অনিমক্না ভারত অমসুং য়ু.কে.গী মরক্তা ক্লাইমেৎ চেঞ্জগী লমদা অখন্ননা কোলিসন ফোর রেসিলিয়েন্ত ইনফ্রাস্ত্রকচর (সি.দি.আর.আই.)গী রিফরেন্সকা লোয়ননা তেংবাং পীনবদা অপেনবা ফোংদোক্নখি। চহী অসিগী লোইশিল্লকপদা গ্লাসগোদা পাংথোক্কদৌরিবা সি.ও.পি.-২৬দা শরুক য়ানবা বার্তন তৌরকপদা প্রধান মন্ত্রী মোদীনা প্রধান মন্ত্রী জোন্সনবু থাগৎপা ফোংদোকখি।
প্রধান মন্ত্রী অনিমক্না কোভিদ-১৯ লাইচৎতা মখোয়গী ৱাখল্লোনশিং ফোংদোক্নখি। প্রধান মন্ত্রী শ্রী মোদীনা য়ু.কে.গী হকশেল মন্ত্রী শ্রীমতী নদিন দোরিজনা কোরোনা ভাইরস পোজিতিব ওইরকপদা নুংঙাইতবা ফোংদোকখি অমদি মহাক অথুবা মতমদা ফগৎলক্নবা য়াইফ-পাউজেল পীখি।
প্রধান মন্ত্রী মোদীনা শ্রী জোন্সনবু নাকল অনিগী মতাং চাবা য়েংলগা ভারত্তা লাক্নবা বার্তন তৌখি।
