ঐগী নুংশিজরবা ইরৈবাকচাশিং খরুমজরি,
ঙসি দিপাবলীগী শেংলবা কুম্মৈগী নুমিৎনি, পুম্নমকপু য়াইফ–পাউজেল পীজরি। ঐখোয়না হায়নবা অমা লৈ, কয়াদা ফজখ্রবা পাউজেলনো! মঙাল হায়বসিনা পুন্সিদা নুংঙাইবা, হকচাং ফবা অমদি চাউখৎপা পুরকই। ফত্তবা ৱাখলবু মাংহল্লগা অফববু উহল্লি। অসিগুম্লবা লাইগী মশক ওইরবা মৈঙাল অসিবু খুরুমজরি। মৈগী কুম্মৈ অসিবু নীংশিংবগী, মসিদগী হেন্না ফবা ৱাখল করিবু লৈরিবগে! ঐখোয়না মঙালবু পাক–চাউহন্সি, অফবা ৱাখল শন্দোকসি লোইননা য়েক্নবগী ৱাখল্লোন মাংহন্নবা নীজসি। হৌজিক্তি মালেমগী মফম কয়াদা মৈগী কুম্মৈ অসি পাংথোক্লি থোইদোকপা ৱাফম অমনা, মসিদা ভারত মচা খক্তা নত্তনা মফম অদুগী মীওইশিং, খুন্নাইগী লুপশিং অমদি লৈঙাক্না মৈগী কুম্মৈ অসিবু হরাও–তয়াম্না পাংথোকই। মতৌ অসুম্না মফম অদুদা অতোপ্পা ভারত অমমুক শেমগৎলি।
মরূপশিং, মালেমদা ফেস্তিবেল তুরিজমগী থোইদোকপা পাম্নবা অমসু লৈ। ঐখোয়গী ভারত অসি কুম্মৈ ফিয়োংগী লৈবাক্নি, মরম অসিনা ফেস্তিবেল তুরিজমগী ওইথোকপা য়াবা কয়াসু লৈ। ঐখোয়গী মৈগী কুম্মৈ ওনাম, ওঙ্গাল, বিহুনচিংবশিং অসি শন্দোক্নবা হোৎনসি অমসুং মসিগী নুংঙাইবদা অতোপ্পা রাজ্য, অতোপ্পা লৈবাক্কী মীওইশিংসু শরুক য়াহন্সি। ঐখোয়গী রাজ্যশিং অমসুং মফম খুদিংদা লৈরিবা কুম্মৈ–ফিয়োং অসি অসুক্কী মতিক য়ামখ্রে। মসি অতোপ্পা মীওইশিংনা য়াম্না পাম্নৈ। মরম অসিনা ভারত্তা ফেস্তিবেল তুরিজম হেনগৎহনবদা মপান্দা লৈবা ভারত মচাশিংগী থৌদাং য়াম্না চাউই।
ঐগী নুংশিজরবা ইরৈবাকচাশিং, হৌখিবা মন কী বাত্তা ঐখোয়না হন্দক্কী দিপাবলী অসি তোঙানবা মওং অমদা পাংথোক্কী হায়নখি। ঐনা হায়খি, ঐখোয়না হন্দক্কী মৈগী কুম্মৈ অসিদা ভারতকী নুপীশিংগী তৌবা ঙম্বগী শক্তম অমদি মখোয়না ফংলকখিবা পান্দমশিং অদু পাংথোকসি। হায়বদি ভারতকী লক্ষ্মীবু ইকাই খুম্নজবা! খঙহৌদে, ঐখোয়গী মাং মক্তদা সোসিয়েল মীদিয়াদা থৌনা হাপ্পগী মশিং থিঙমদ্রবা ৱারীশিংতনা পিক থল্লরে। ৱারঙ্গলগী কোদিপকা রমেশনা নমো এপ্তা অসুম্না ইরকই – ‘ঐগী ইমা ঐগী পাঙ্গলনি। ১৯৯০দা পাবুং লৈখিদ্রে। মতম অদুদগী ঐগী ইমানা মচানুপা মঙাবু য়োক্লকই। ঙসিদি ঐখোয় ইচিল–ইনাও মঙা অসি অচৌবা থবক লোইনা তৌরে। ঐগী ইমাদি ঐগী শেম্বীবা মপুনি। ঐগীদি ইমানা পুম্নমক্নি। শেংনা হায়রবদি ভারতকী লক্ষ্মীনি।’ রমেশজী অদোমগী ইমাগী মফমদা কোক নোঞ্জরি। ত্বিতরদা থৱাই য়াম্না য়াওজবী গীতিকা স্বামীনা হায় মাগী মফমদদি মেজর খুশবু কনৱর অসি ভারতকী লক্ষ্মীনি। মহাক বস কন্দক্তর অমগী মচানুপীনি। মহাক্না অসম রাইফল্সকী ওল ৱুমেন তীম্বু লুচিংখি। কবিতা তিৱারীনা মচানুপীবু ভারতকী লক্ষ্মীনি হায় লোইননা মহাক্কী পাঙ্গলনি হায়। মহাক্না মহাক্কী লাই য়েকপদা হৈথোই–শিংথোইবী মচানুপীগীদমক্তা চাউথোকচৈ। মহাক্না সি.এল.এ.তি.গী পরিখাদসু রেঙ্ক ৱাংনা পাস তৌরকখি। মেঘা জৈন্নসু অসুম্না ইরকই, চহি ৯২শুরবী নুপী অমনা গ্বালিয়রগী রেলৱে স্তেসন্দা লম্বী চৎপশিং ঈশিং লেম্না পীথকই। মেঘাজী, মেঘাজীনা ভারতকী লক্ষ্মী অসিগী নোল্লুকপা অমদি মীনুংশিদা পুমঙাও ঙাওজখ্রে। অসিগুম্বা ৱারী কয়া মীওই কয়ানা শেয়র তৌবীরকই। ময়ামসু শোইদনা পাবীয়ু, ইশা ইশানসু শেয়র খরা তৌবীয়ু। ভারতকী লক্ষ্মীশিং অসিবু ইকাই খুম্নবগা লোইননা কোক নোঞ্জরি।
ঐগী নুংশিজরবা ইরৈবাকচাশিং,
১৭শুবা চহি চাগী মমিং চৎলবী শৈরেং ইবী, শাঞ্চী হোন্নম্মানা শৈরেং অমা ইরম্মি। মহাক্কী ৱাহৈশিং অদুদা ভারতকী লক্ষ্মী হায়না ঐখোয়না হৌজিক শিজিন্নরিবা ৱাহৈশিং অসি পল্লম্মি। মরম অসিনা ভারতকী লক্ষ্মীগী য়ুম্ফম অসি মতমদুদগী থোনখ্রবনি হায়নীংই। কন্নর লোনগী শৈরেং অসিদা কয়াদা ফজখ্রবা ৱাহৈ, ৱাহন্থোক, ৱাখল্লোন য়াওরিবনো!
(পেন্নিন্দা পর্মেগোন্দনু হিমাবন্তনু,
পেন্নিন্দা ব্রুহু পর্চিদানু
পেন্নিন্দা জনকরায়নু জসুবলেন্দনু)
হায়বগী ৱাহন্থোক্তি, চিং নীংথৌনা মচা নুপী পার্বতীগী মরমদগী, ব্রিঘু মুনিনা মচানুপা লক্ষ্মীগী মরমদগী, অদুগা নিংথৌ জনক্না মচানুপী সিতাগী মরমদগী মীয়াম্না শকখঙনখি। ঐখোয়গী ইচানুপীশিং অসি ঐখোয়গী ইমায়নি। ইচানুপীশিং অসিগী মগুন্না ঐখোয়গী খুন্নাই অসিবু মীয়াম্না শক খঙবীরিবনি, তুংগী আশা ৱাংনা লৈরিবনি।
ঐগী নুংশিজরবা ইরৈবাকচাশিং,
২০১৯গী নবেম্বর ১২ অসিদা মালেম শিনবা থুংনা শ্রী গুরু নানক দেবজীগী মঙাল ফংখিবা চহি ৫৫০ শুবগী থৌরম পাংথোক্কদৌরি। গুরু নানক দেবগী মতিক ময়াই অসি ভারত্তা নত্তনা মালেম পুম্বদা শন্দোক্লি। মালেমগী লৈবাক কয়াদা সিখ ইচিল–ইনাও কয়া খুন্দারি। মখোয়দি গুরু নানক দেবগী মফমদা পুমকৎ কৎথোক্লবনি। ঐহাক্না ভেনকবর অমদি তেবরানগী গুরুদ্বারাশিংদা চৎখিবা খোংচৎশিং অদু ঙাওবা ঙম্লোই। গুরু নানক দেবগী মরমদা হায়নীংঙাই অসুক্কী মতিক য়ামখ্রে মদুদি মদুদা হায়বদা মন কী বাতকী তাঙ্কক অমা ওইগনি। মহাক্না মীয়ামগী য়াইফনবা তৌবা হায়বসিনা অথোইবনি হায়না খনখি। ইশাগী ওইজবা য়াওদনা কৎথোকপগা লোইননা তৌবা থবক্কী মমল লৈতে। মহাক্না অমাং–অশেং হায়বা খুন্নাইগী ফত্তবা ৱাখল্লোন অসিবু য়ানীংখিদে। মহাক্না মহাক্কী পাউজেলশিং অসি মালেমগী মফম কয়াদা শন্দোকখি। মহাক্তি মতম অদুদা খ্বাইদগী লমকোইবা মীওইশিংগী মনুংদা অমনি। মহাক্না চৎখিবা মফমশিংদা মহাক্কী চমজবা, নোল্লুকপা, ইচম চমজবা মওং মতৌনা পুম্নমক্কী থমোই শুমহৎখি। গুরু নানক দেবনা ধর্মগী ওইবা খোংচৎ কয়া চৎখি। মখোয় অদুবু ‘উদাশী’ হায়না খঙনৈ। অফবা ৱাখল অমদি অমত্তা ওইবগী পাউজেল পুরদুনা মহাক্না অৱাং, খা, নোংপোক, নোংচুপ, চৎলুবা মাইকৈশিংদা লাইনীংবশিং অমদি লম্বোইবশিংগা উনখি। অসমগী ফাওরবা লাইনীংবা শঙ্করদেবসু মাগী ৱাখল্লোন্দা ঙাওখি। মহাক্না হরিদ্বারগী শেংলবা মফমশিং চৎখি। কাশীগী শেংলবা মফম ‘গুরুবাগ গুরুদ্বারা’দা গুরুনানক দেবনা লেকখি। মহাক্না বৌদ্ধ ধর্মগা মরি লৈনবা মফম রাজগীর অমসুং গায়ানচিংবদসু চৎখি। খারোমদা শ্রী লঙ্কাসু চৎখি। কর্নাতকাগী বিদারদা চৎপা মতমদা গুরু নানক দেবনা মফম অদুগী ঈশিংগী ফিভম মওং চাদবা অদু শেম্বীরমখি। বিদারদা গুরু নানক ঝিরা সাহেব হায়বা মফম অদু মঙোন্দা কৎথোক্লবনি। মপম অদু হেক য়ৌবগা ঐখোয়না মহাকপু নীংশিংই। উদাশী অমগী খোংচৎতা মহাক্না অৱাংদা কশ্মীর অমদি মফম অদুগা থংনবা মফমশিংদা চৎখি। সিখ ধর্ম চৎপশিং অমদি কশ্মীরগী মরক্তা অফবা মরী থমখি। গুরু নানক্না তিবেৎসু য়ৌখি। মফম অদুগী মীয়াম্না মহাকপু গুরুনী হায়বা য়াজখি। মহাক উজবেকিস্তান্দসু চৎখি। মহাক্কী উদাশীগী খোংচৎতা ইস্লাম চৎপা লমদমশিং সৌদী আরব, ইরাক অমদি অফগানিস্তান্দসু চৎখি। মীওই লাখ কয়ানা মহাকপু য়াখি। মহাক্কী পাউতাক লৌনখি। ঙসিসু লৌনরি। নুমিৎ খরনিগী মমাদা লৈবাক ৮৫গী মীহুৎশিংনা দিল্লীদগী অমৃতশরদা চৎখি। অমৃতশরগী সনাগী লাইশঙদসু চৎখি। পুম্নমক অসি গুরু নানক দেবজীগী মঙাল ফংখিবা চহি ৫৫০শুবা কুমওনগী মনুং চল্লি। মীহুৎশিংনা সনাগী লাইশঙ য়েংবদা নত্তনা সিখশিংগী চৎনবী অমসুং চৎনলোনৎশিংগী মরমদা খঙবগী খুদোংচাবশিংসু ফংখি। মসিগী মতুংদা মীহুৎ কয়ানা সোসিয়েল মীদিয়াদা ফোতো কয়া শেয়র তৌরকখি মখোয়না ফংলকপা লৌশিং কয়াগী মরমদসু ইরকখি। গুরু নানক দেবগী মঙাল ফংখিবা চহি ৫৫০গী কুমওন অসিদা মহাক্কী ৱাখল্লোন অমদি ফিদম লৌহৌনবা ময়াম হোৎনসি। অমুক্কা হন্না মহাক্কী মফমদা কোক নোঞ্জরি।
ঐগী নুংশিজরবা ইচিল–ইনাওশিং,
ওক্তোবর ৩১ অসি ময়াম্না শোইদনা নীংশিংবীরমগনি। নুমিৎ অসি ভারতকী য়োৎকী মী সরদার বল্লভভাই পতেলগী পোকপগী কুমওন্নি। মহাক্না লৈবাক্কী অমত্তা ওইবা শক্তম্বু পুরক্নবা হোৎনবীখি। সরদার পতেলদা মীয়াম্বু অমত্তা পুন্সিনবা ঙম্বগী অঙকপা মগুন অমা য়াওই। মহাক্না ৱাখল মান্নদবা মীওইশিংগসু তিন্নবা ঙম্মি। মহাক্না পোৎ খুদিংমকপু কুপ্না নৈনখি। তশেংনা হায়রবদা মহাক অসি মেন ওফ দিতেলনি লোইননা মহাক পুন্সিনবদা হৈথোই শিংথোইবা মীওই অমসুনি। মহাক্কী থবক তৌবগী মওং–মতৌ পারুবদগী মাগী থৌরমশিং য়াৎপদা হৈথোই–শিংথোইবগী মগুন অদু খঙবা ঙম্মি। ১৯২১দা অহমদবাদতা কোংগ্রেসকী মীফম য়াওননবগীদমক লৈবাক্কী মীফম কয়াদা মীওই কয়া লাক্কদৌরম্মি। মীফম অদু শিল–লাংবগী থৌবুরেল সরদার পতেলনি। তাঞ্জা অসিগী খুদোংচাবা লৌরগা মহাক্না শহরদা ঈশিংগী সপ্লাইগী নেতৱর্ক অদু ফগৎনবা হোৎনখি। মসিনা কনা অমত্তদা ঈশিংগী অৱাবা লৈহল্লোই। মসিদা নত্তনা মহাক্না মীহুৎশিং অদুগী পোৎ–চৈ অমদি খোংউপনচিংবা অমত্তা মাংদনবা হোৎনখিবগী মওং অদু খঙলগা অঙকপা পোক্কনি। মহাক্না লৌমীশিংগা উনরগা মখোয়দা খাদীগী খাও শানবা হায়খি। লৌমীশিংনা খাও তুরে, অদুগা মীহুৎশিংনা য়োল্লে। খাওশিংদা খোংউপ হাপ্লে অদুগা মনাক্তা থম্লে। পোৎ মাংখিনি হায়বগী মীপাইবদু কোক্লে, অমরোমদা খাদীগী পোৎথোক য়োনবগী মশিং হেনগৎলে।
মরূপশিং,
ঐখোয় পুম্নমক্না খঙই, ভারতকী অহানবা গৃহ মন্ত্রী অমা ওইনা সরদার বল্লভভাই পতেলনা ভারতকী নিংথৌ পানবা লৈবাক মচা মচাশিংবু অমত্তা ওইনা পুন্সিন্ননবা য়াম্না কন্না হোৎনরম্মি। মহাক্কী অসিগুম্লবা থবক অসি পুৱারীদা কাওঙম্লরোইদবা থবক্নি। সরদার বল্লভভাই পতেলগী থোইদোকপা মগুন্দি করিনো হায়বদা মহাক্কী মিৎয়েং য়াম্না শাল্লি। অমরোমদা মহাক্কী মিৎয়েং অদু হাইদ্রবাদ, জুনাগর অমসুং অতোপ্পা রাজ্যশিংদা থমজরবসু তাম্লবা লমদম খা রোমগী লক্ষদীপ্তসু মিৎয়েং থমখি। ঐখোয়না সরদার বল্লভভাই পতেলনা লৈবাক অসিবু অমত্তা ওইনা পুন্সিন্নবা হোৎনরম্বশিংগী মতাংদা খন্নরকপদা মফম খরা খক্তগী ওইনা খন্নৈ। লক্ষদীপকুম্বা অপীকপা মফমশিংগীদমক্তসু মহাক্না মরু ওইবা থৌদাং কয়া য়ারম্মি। ৱাফম অসি মীয়াম্না নীংশিংবীরম্বসু য়াই, ময়াম পুম্নমক্না খঙবীরিবা অদুনি লক্ষদীপ অসি ইথৎ খরনা পুন্সিল্লগা শেম্বনি। মসি ভারতকী থোইদোক্না ফদবা মফমশিংগী মরক্তা অমনি। ১৯৪৭কী ভারত পার্তিসনগী মতুংদা য়ুমলোন্নবা লৈবাকশিংগী মিৎয়েং লক্ষদীপ্তা চংলকখি। মখোয়না মখোয়গী ফিরালগা লোইননা জহাজ থারকখি। সরদার পতেলনা ৱাফম অসি হেক খঙলকপগা মতম মাংহনবা তৌদনা য়াম্না থুনা অকনবা থবক হৌখি। মহাক্না অর্কোৎ রামস্বামী মুদেলিয়র অমসুং অর্কোৎ লক্ষ্মন স্বামী মুদেলিয়র মচিন মনাওদা ত্রৱানকোরগী মীয়ামগা লোইননা থুনমক মফম অদুদা চংশিল্লগা মচু অহুমগী ফিরাল হান্না পাইহন্নবা কন্না হায়খি। মহাক্কী পাউতাক মতুং ইন্না মফম অদুদা মচু অহুমগী ফিরালনা হান্না পাইহনখি। মসিগা লোইননা য়ুমলোন্নবনা লক্ষদীপ লৌশিনগে খল্লম্বা অদু ঙমখিদে। থৌদোক অসিগী মতুংদা সরদার পতেলনা মুদেলিয়র মচিন–মনাওদা লক্ষদীপ অসি চাউখৎহন্নবগীদমক মতৌ তাবা মতেং পুম্নমক পীগনি হায়না থাজবা পীখি। ঙসি লক্ষদীপ্না ভারতকী চাউখৎ–খোংজেলদা অচৌবা থৌদাং য়ারি। মসি য়াম্না ফজবা তুরিস্তশিংগী দেস্তিনেসন অমসু ওইরি। ঐহাক্না থাজৈ ময়ামসু মফম অদুগী ফজরবা ইথৎশিং অমসুং শমুদ্র খোংবানশিং অদু য়েংবা সোইদনা চৎপীগনি।
নুংশিরবা ইরৈবাকচাশিং,
ওক্তোবরগী তাং ৩১, ২০১৮ অসিদা সরদার সাহেবকী নীংশিং খুদম ওইনা শাখিবা স্তেচু ওফ য়ুনিতী অসি মালেমগী মীয়ামদা কৎথোকখি। মসি মালেম অসিগী খ্বাইদগী ৱাংবা মীতম্নি। অমেরিকাদা লৈরিবা স্তেচু ওফ লিবর্তীদগীসু শরুক অনি হেন্না ৱাংই। মালেমগী খ্বাইদগী ৱাংলবা স্তেচু ওফ য়ুনিতী অসিগীদমক হিন্দুস্তানী খুদিংমক্না চাউথোকচরি। ময়াম্না থোইদোক্না নুংঙাইবা ফাওবীগদবা ৱাফম অমদি, চহি অমা অসিদা লম কোইবা লাখ ২৬ হেনবনা স্তেচু ওফ য়ুনিতী অসি য়েংবা লাকখি। মসিনা তাক্লিবদি নোংমদা চাউরাক্না মীওই লিশিং ৮ মখাইমুক্না স্তেচু ওফ য়ুনিতী অসি য়েংবা লাকই। মখোয়গী থমোইদা ফাওরিবা সরদার বল্লভভাইবু নীংজবা, নুংশিজবা অদু ফোংদোক্লি হায়না লৌবা য়াই। হৌজিক্তি মফম অসিদা কেক্তসকী লৈকোল, কুরাক্কী লৈকোল, জঙ্গল সফারী, চিলদ্রেন ন্যুত্রিসন পার্ক, য়ুনিতী নর্সরীনচিংবা মফম কয়া লেপ্তনা হাপচিল্লি। মসিনা মফম অদুগী শেনমিৎলোন ফগৎহনবগা লোইননা মীয়ামদা থবক ফংহনবগী খুদোংচাবসু পীরি। লমকোইবশিংগীসু হেন্না খুদোং চানবগীদমক খুঙ্গংগী মীওই কয়ানা মখোয় মখোয়গী য়ুমদা হোমস্তেগী খুদোংচাবা থম্লি। হোমস্তেগী খুদোংচাবা পীরিবা মীওইশিংদসু প্রোফেস্নেল ত্রেনিং পীরি। হৌজিক মফম অদুগী মীওইশিংনা দ্রেগোন ফ্রুইৎ থাবা হৌরে। ঐহাক্না থাজৈ মসিনা য়াম্না থুনা মফম অদুগী মীওইশিংগী শেন্থোক লম্বী ওইরগনি।
মরূপশিং, লৈবাক অসিগী রাজ্যশিং অমসুং তুরিজম ইন্দস্ত্রীগীদমক স্তেচু ওফ য়ুনিতী অসি স্তদী তৌনবগী হিরম অমা ওইবা য়ারে। ঐখোয় পুম্নমক্না উরে মতৌ করম্না চহি অমগী মনুংদা মফম অমবু মালেম শিনবা থুংনা ফাওরবা তুরিজম দেস্তিনেসন ওইনা শেমগৎপা য়াবগে হায়বদু। মফম অদুদা লৈবাক অসিদগী অমসুং মপান লৈবাকশিংদগী মীওই কয়া লাকই। চৎথোক–চৎশিনগী, লৈফমগী, গাইদশিংগী, ইকো ফ্রেন্দলীগী ওইবা খুদোংচাবশিং অমগী মফমদা অমা লেপ্তনা থোরক্লি। শেনমিৎলোন য়াম্না ফগৎলক্লি। অমসুং লমকোইবা লাক্লিবা ময়ামগী মথৌ তাবা মতুং ইন্না খুদোংচাবা কয়া অমা নৌনা শেমগৎলক্লি। সরকারসু মশাগী মথৌ পাংথোক্লি। হৌখিবা নুমিৎ খরনিগী মমাংদা তাইম মেগজিন্দা মালেমগী মরু ওইবা তুরিস্ত দেস্তিনেসন ১০০গী মনুংদা স্তেচু ওফ য়ুনিতীসু য়াওরে হায়বা ৱাফম অসি পল্লকপদা চাউথোক্লোইদবা ইরৈবাক মচা কনা য়াওবগে। ঐহাক্না থাজজৈ, অদোমগী তাংলবা মতম কয়া কাইথোকপীরগা স্তেচু ওফ য়ুনিতী য়েংবা শোইদনা চৎপীগনি। মসিগা লোইননা ঐহাক্না হায়জনীংবদি ইশাগী মতম কাইথোকপীদুনা লম কোইবা চৎপীবশিংনা ইমুং মনুংগা লোইননা তুরিস্ত দেস্তিনেসন ১৫ চৎপীয়ু অদুগা মফম অদুদা অহিং শোইদনা লেকপীরকউ।
মরূপশা, ময়াম্নসু হেন্না খঙবীরিবা অদুনি ২০১৪দগী হৌরগা চহি খুদিংগী ওক্তোবর ৩১ অসি রাস্ত্রীয় এক্তা দিবস হায়দুনা পাংথোক্লি। নুমিৎ অসিদা ঐখোয়দা লৈবাক অসিগী অপুনবা শক্তম্বু ঙাক শেন্নবগী পাউজেল পীরি। ওক্তোবর ৩১, নুমিৎ অসিদা হান্না পাংথোকপগুম্না ‘রন ফোর য়ুনিতী’সু পাংথোক্কদৌরি। মসিদা মীপুম খুদিংমক্না শরুক য়াগনি। রন ফোর য়ুনিতী অসিনা লৈবাক অসি অমত্তনি, মাইকৈ অমত্তদা চৎলি অমসুং পান্দম অমা পুরকপা পাম্মি হায়বগী খুদম্নি। ঐখোয়গী অমত্তা ঙাইরবা পান্দমদি ‘অপুনবা ভারত, অথোইবা ভারত’নি। হৌখিবা চহি ৫ অসিদা উখ্রে দিল্লীদা নত্তনা লৈবাক অসিগী কাচিন–কোয়া শিনবা থুংনা মসা–মউ ফবা নহারোলশিংদগী হৌরগা নুপী–অঙাং অহল লমন অমসুং হকচাংগী ফিভমদা মীমান্নদ্রবনচিংবা মীওই কাংলুপ খুদিংমক্না শরুক য়ারি। অমরোমদা হৌজিক অসি মীয়াম্না লমশাং লমজেল অসি য়াম্না পাম্নরক্লি। রন ফোর য়ুনিতী অসিমকসু মসিগা মান্নবা খুদোংচাবা অমনি। চেনবা হায়বা অসি পুক্নীং–ৱাখল অমসুং হকচাং অনিমক্তা কান্নৈ। মসিদদি চেনবা অসিদা ‘ফিৎ ইন্দিয়া’গী ৱাখল্লোনসু য়াওরে। লোইননা অপুনবা ভারত অথোইবা ভারতকী ৱাখল্লোনসু পুন্না য়াওরে। ভারতপু অৱাংবা থাক্তা পুখৎনবা পুক্নীং অমসুং হকচাং অনিমক ফবা মথৌ তাই। অদোম্না লৈরিবা শহর অদুগী অকোইবগী রন ফোর য়ুনিতীগী মরমদা খঙদোকপীয়ু। runforunity.gov.in হায়বা পোর্তেল অমা হাংদোক্লে। পোর্তেল অসিদা লৈবাক পুম্বগী রন ফোর য়ুনিতী পাংথোক্কদা মফমশিংগী মরমদা খঙহল্লি। ময়াম পুম্নমক্না ওক্তোবর ৩১দা রন ফোর য়ুনিতীগী লৈবাক অসিগী অপুনবগী শক্তম উৎননবগীদমক অমসুং আশাগী ফিৎনেসকীদমক শরুক য়াবীয়ু।
নুংশিজরবা ইরৈবাকচাশিং,
সরদার বল্লভভাই পতেলনা লৈবাক অসিবু অমত্তা ওইনা পুন্সিল্লি। অপুনবগী লাইশোন অসি ঐখোয়গী পুন্সিগী শরুক অমগুম্বনি। অদুগা ভারতকুম্বা খেন্নবা ময়াম অমনা থল্লবা মফম অসিদা লাইশোন অসি য়াম্নমক মরু ওই। মরম অদুনা ঐখোয়না মসিবু মতম চুপ্পদা ঙাকপা তাই।
নুংশিজরবা ইরৈবাকচাশিং,
ঐখোয়না খঙই, ঐখোয়গী খুন্নাই অসিনা মতম চুপ্পদা অপুনবগী শক্তম ঙাকপদা থোইদোক্না পুক্নীং চংই। মসিগী খুদম কয়া ঐখোয়গী অকোইবদা উবা ফংগনি।
মরূপশিং,
সেপ্তেম্বর ২০১০দা ইল্লাহবাদ হাইকোর্তনা রাম জন্ম ভুমীগী ৱারেপ পীখিবা মতমদা করি ওইখিবগে হায়বদু অমুক্তা নীংশিংবীয়ু। মখল কয়াগী মী থোরকখি, মখোয়না মখোয় মখোয়গী ওইবা মওংদা খুদোংচাবা কয়া লৌখি। মীয়াম্বু ইরাং হৌহন্নবা ৱা কয়া ঙাংখি। মখোয় মশাগী মমিং চৎহৌনবা ওইদবা কয়া ঙাংখি। অদুবু মদু কুইনা চৎখিদে। নুমিৎ ৫–১০নিগী ৱানি। অদুম ওইনমক কোর্তকী ৱারেপ হেক লাকপগা অঙকপা অওনবা অমা লাকখি। অমরোমদা চয়োল অনিরোমদি ইরাং শাগৎনবা থবক কয়া তৌনখ্রে, অদুবু রাম জন্ম ভুমীগী ৱারেপ হেক লাকপগা সরকার, পোলিতিকেল পার্তীশিং, সিবিল সোসাইতীনচিংবশিংনা মীচং–মীখাই নাইদবা অমসুং চেকশিল্লবা ৱাফম কয়া ফোংদোক্নখি। অকোইবদা ইং তপ্পা পুরক্নবা কন্না হোৎনখি। মতম অদু নীংশিংলুবদা য়াম্না নুংঙাইবা পোকই। ৱায়েলশঙগী ৱারেপ্পু থোইদোক্না ইকাই খুম্নবা উৎপগা লোইননা মফম অমত্তদা ইরাং শাগৎহনখিদে। ৱাফম অসি মতম লৈবা খিবিক্তা নীংশিংগদবনি। মসিনা ঐখোয়দা থৌনা হাপখি। মতম অদুনা ঐখোয় খুদিংমক্কীদমক ইথৌ পাংথোকপগী ৱাখল্লোন নীংশিংহল্লি। অপুনবগী খোংল্লাওনা লৈবাক অসিগী থৌনা ওইবগী খুদম অমনি।
ঐগী নুংশিজরবা ইরৈবাকচাশিং,
ওক্তোবর ৩১গী নুমিৎ অসিদা ঐখোয়গী হান্নগী প্রধান মন্ত্রী শ্রীমতী ইন্দিরাজীবু হাৎখি। লৈবাক পুম্বা অৱাবগী চৈথেং ফংখি। ঐনা ঙসি মাগী মফমদসু শ্রদ্ধাঞ্জলি কৎচরি।
ঐগী নুংশিজরবা ইরৈবাকচাশিং,
ঙসি লৈবাক অসিগী য়ুমথোং খুদিংদা ঙাংনরিবা ৱাফম অমা হায়রগদি লু–নানবগী মতাং অসিনি। মীপুম খুদিংমক্না ফোংদোক্নীংলিবা ৱাফমদি মখোয়না থবক অসি পায়খৎপদা ফাওজবা নুংঙাইবা অদুনি। লু নানবগী থবক অসি লৈবাক অসিগী মীওই করোর ১২৫না পুন্না পাইখৎমিন্নখিবনি। মসিগী ওইরক্লিবা ফিভম অসিগী চাউথোকচবদি মীওই করোর ১২৫না পোকফম থোকই। থেংনরকপা য়াম্না ৱাফম অমা তমজগে। অমুক্তা খন্দুনা য়েংবীয়ু, মালেমগী খ্বাইদগী অৱাংবা লানবুং, মফম অদুগী অইং–অশাগী ফিভম মাইনস দিগ্রী ৫০–৬০ ফাওবা ওই। নুংশিৎতা ওক্সিজেনগী চাং অদু মমিংতগী ওইনা য়াওই। অদুক য়াম্না খুদোং চাদবা মফম অদুদা লৈবা হায়বসিমকসু শিংনবা অমনি। অসুক য়াম্না খুদোংচাদবা মরক অসিদা ঐখোয়গী লান্মীশিংনা লৈবাক্কী হাক শেনবতা নত্তনা সিয়াচেনবু তরু তনালহনবগী খোংজংসু চংশিল্লি।
ভারতকী লান্মীশিংগী অসিগুম্বা থবক অসিগীদমক ইরৈবাকচাশিংগী মাইকৈদগী ইকাই খুম্নবা উৎচরি। মফম অদু কয়াগী মতিক ইংবগে হায়বদা, মফম অদুদা করিগুম্বা অমত্তা দি–কম্পোজ তৌবা ঙমদে। অসিগুম্বা ফিভম অসিদা অমোৎ–অকাইশিং অদু খন্দোক–খঞ্জিন তৌবা অসিসু অচৌবা থবক অমনি। অসিগুম্বা গ্লেসিয়র অমসুং মসিগী অকোইবগী ফ্রেজাইল ওইবা ইকোসিস্তেমদগী তোন ১৩০দগী হেনবা অমোৎ–অকাই লৌথোকপা হায়বসিমক কয়াদা চাউরবা সেবানো। হায়রিবা মফম অসিদা পোলর বিয়রগুম্বা তাংলবা শা মখল অসি লৈ। মফম অসিদা আইবেক্স অমসুং ব্রাউন বিয়র হায়রিবা তাংলবা শা মখল অসিসু লৈ। সিয়াচেন অসি তুরেল অমসুং অরুবা ঈশিংগী হৌরকফম্নি। মরম অদুনা মফম অসিদা লু–নানবগী থবক পায়খৎপা হায়বসি চিংখোংদা লৈরিবা মীয়ামদা অরুবা, অশেংবা ঈশিং ফংহনবগী খুদোংচাবসু ওইরিবনি। মখোয়না নুব্রা অমসুং শিয়োক তুরেলগী ঈশিং শিজিন্নৈ।
ঐগী নুংশিজরবা ইরৈবাকচাশিং,
কুম্মৈশিং অসিনা ঐখোয়গী পুন্সিদা অনৌবা থৌনা অমা হাপ্পি। মরু ওইনা দিৱালী অমদা য়াম্বা য়ামদবা পোৎ খরদি ইমুং খুদিংনা কৈথেলদগী লৈ। ঐনা ইরমদমগী পোৎথোক লৈবীনবা হায়জখি। ঐখোয়গী মথৌ তাবা পুম্নমক ঐখোয়গী খুঙ্গংদা ফংলবদি করিগীদমক অরাপ্পা মফমদা চৎলুগদগে? ঐখোয়না ঐখোয়গী ইরমদমগী পোৎ লৈরবদি গন্ধী ১৫০ অসে মশা মথন্তা অথোইবা ওইজরগনি। অদুগা ঐহাক্না হায়জনীংবদি, য়ামদ্রবদা ঐখোয়গী ফি শাবীশিংনা শাবা ফি অমসুং খাদী ফি শাবশিংনা শাবা ফি শোইদনা লৈবীয়ু। হন্দক্কী দিৱালী অসিদসু ময়াম্না কুম্মৈ অসিগী মাংজৌননা ময়াম্না পোৎ খরদি শোইদনা লৈবীরম্লগনি অদুবু মীওই খরদি দিৱালী লোইরগা খরা হোংলক্কনি খন্দুনা কোন্না লৈগে হায়না ঙাইবসু য়াওরমগনি। লৈগদবা ৱাৎপা মীসু য়াওরমগনি। দিৱালীগী য়াইফ–পাউজেল পীজবগা লোইননা ময়ামদা ইরমদমগী পোৎথোক লৈবীয়ু হায়জরি। য়েংবীয়ু, মহাত্মা গান্ধীগী মঙলান মঙফাওনহনবদা ঐখোয়সু শরুক য়াগদৌরিবনি। ঐহাক্না অমুক্কা হন্না দিৱালীগী শেংলবা কুম্মৈ অসিগীদমক য়াইফ–পাউজেল পীজরি। ঐখোয়না দিৱালীদা মখল কয়াগী বম্বুলা থাই। করিগুম্বদা চেকশিনহৌদবদগী মৈ চাক্তুনা খুদোং থিবা নংবা য়াওই। ঐহাক্না ময়ামদা হায়জনীংবদি ইশাবু চেকশিনবগা লোইননা হরাও–তয়াম্না কুম্মৈ পাংথোকপীয়ু। ময়ামদা হন্না হন্না য়াইফ–পাউজেল পীজরি।
হন্না হন্না থাগৎচরি।
PM @narendramodi begins today’s #MannKiBaat by conveying Diwali greetings. pic.twitter.com/5hbthflNuF
— PMO India (@PMOIndia) October 27, 2019
Today Diwali has become a global festival, says PM @narendramodi in #MannKiBaat. pic.twitter.com/qONmzJMM1e
— PMO India (@PMOIndia) October 27, 2019
May our festivals bring more tourists to India. #MannKiBaat pic.twitter.com/cIHRJ5airJ
— PMO India (@PMOIndia) October 27, 2019
During the last #MannKiBaat I had spoken about #BharatKiLaxmi and the response has been excellent. pic.twitter.com/lH6aKSFYcy
— PMO India (@PMOIndia) October 27, 2019
The world bows to Shri Guru Nanak Dev Ji. #MannKiBaat pic.twitter.com/eVjaEai5a7
— PMO India (@PMOIndia) October 27, 2019
From Shri Guru Nanak Dev Ji we learn the importance of service. #MannKiBaat pic.twitter.com/BI9syUNRhA
— PMO India (@PMOIndia) October 27, 2019
The Udasis of Shri Guru Nanak Dev Ji took him to several parts of India and the world.
— PMO India (@PMOIndia) October 27, 2019
Everyone was positively influenced by his thoughts. #MannKiBaat pic.twitter.com/PyyR67kM9t
Let us pledge to realise the ideals of Shri Guru Nanak Dev Ji. #MannKiBaat pic.twitter.com/REYeqtKxUx
— PMO India (@PMOIndia) October 27, 2019
Paying tributes to Sardar Patel, the stalwart who unified India. #MannKiBaat pic.twitter.com/jOAw93MXMW
— PMO India (@PMOIndia) October 27, 2019
Sardar Patel was a person of detail. He was an excellent organiser. #MannKiBaat pic.twitter.com/g42upaK5S7
— PMO India (@PMOIndia) October 27, 2019
An interesting anecdote about the meticulous planning of Sardar Patel. #MannKiBaat pic.twitter.com/vPfvmop7Vo
— PMO India (@PMOIndia) October 27, 2019
We remember the efforts of Sardar Patel towards articulating and strengthening Fundamental Rights in our Constitution. #MannKiBaat pic.twitter.com/DmcOL4mOEG
— PMO India (@PMOIndia) October 27, 2019
We all know about Sardar Patel’s efforts towards unifying some of the bigger places such as Hyderabad and Junagadh. But, do you know such was the man that he also focused on smaller places like Lakshadweep. #MannKiBaat pic.twitter.com/dC6qdJDvdf
— PMO India (@PMOIndia) October 27, 2019
The ‘Statue of Unity’ completes a year! #MannKiBaat. pic.twitter.com/EiMDrIXVzA
— PMO India (@PMOIndia) October 27, 2019
Will you take part in this year’s ‘Run for Unity’ #MannKiBaat pic.twitter.com/vZFH5VbVAR
— PMO India (@PMOIndia) October 27, 2019
Let us always promote the spirit of unity, as Sardar Patel would have desired. #MannKiBaat pic.twitter.com/55xVXqJuSn
— PMO India (@PMOIndia) October 27, 2019
PM @narendramodi says why he vividly remembers the day Allahabad HC delivered the Ram Janmabhoomi verdict.
— PMO India (@PMOIndia) October 27, 2019
Thanks to the people of India, social organisations, Saints, Seers and leaders of all faiths, it became a day that furthered unity and the judiciary was also respected. pic.twitter.com/p2AoC46AEm
Swachhata in Siachen! #MannKiBaat pic.twitter.com/foYVf1EZwO
— PMO India (@PMOIndia) October 27, 2019
