প্রধান মন্ত্রী শ্রী নরেন্দ্র মোদীনা নেপালগী প্রধান মন্ত্রী রাইৎ ওনরেবল শের বহাদুর দেউবাগা লোয়ননা নেপালগী লুম্বিনীগী লুম্বিনী মোনাস্তিক জোন্দা ইন্দিয়া ইন্তর্নেস্নেল সেন্তর ফোর বুদ্ধিস্ত কলচর এন্দ হেরিতেজ শাবগী শিলান্যাসকী থৌরম পাঙথোকখ্রে।
২. সেন্তর অসি মার্চ ২০২২দা আই.বি.সি অমসুং এল.দি.তি.গী মরক্তা খুৎয়েক পীনখিবা য়ান্ন-ৱারোল অমগী মখাদা লুম্বিনী দিবেলপমেন্ত ত্রস্ত (এল.দি.তি.)না আই.বি.সি.দা পীখিবা লম অমদা নই দিল্লীগী ইন্তর্নেস্নে বুদ্ধিস্ত কনফেদরেসন (আই.বি.সি.)না শাগনি।
৩. থেরবাদ, মহায়ান অমসুং বজ্রয়ান, মরু ওইবা বুদ্ধিস্তকী ত্রেদিসন অহুম অসিগী মনুং চনবা লম্বোইবশিংনা পাঙথোকপা শিলান্যাস থৌরম অসিগী মতুংদা প্রধান মন্ত্রী অনিনা সেন্তর অসিগী মোদেল অমা মাইখুম হাংদোকখি।
৪. শাবা লোইবগা সেন্তর অসিনা মালেমদা লৈরিবা তীর্থ য়াত্রা চৎপা মীওই অমসুং লমকোইবশিংবু বুদ্ধিজম লাইনীংগী হীরমশিং অসি খঙহন্নবা মখোয়বু তরাম্না ওক্লিবা মালেমগী থাক্কী ফেসিলিতী অমা ওইরগনি। মসি মতমগা চুনবা বিল্দিং, ইনর্জী, ঈশিং অমসুং ৱাতর হেন্দলিংদা নেৎজিরো কমপ্লেন্ত ওইহনগনি অমসুং লাইখুরুম্নবা হোল, মেদিতেসন সেন্তরশিং, লাইব্রেরী, একজিবিসন হোল, কেফেতেরিয়া, ওফিস অমসুং অতোপ্পা তঙাই ফদবা কয়া অমা য়াওগনি।
