পোলুসন ঙাকথোক্নবা পঞ্জাব, হরিয়ানা অমসুং দিল্লীদা পায়খৎলিবা থবকশিং ঙসি প্রধান মন্ত্রীগী প্রিন্সিপাল সেক্রেতরী দোক্তর পি.কে. মিশ্রানা অমুক হন্না য়েংশিনখ্রে। হৌখিবা পুং ২৪দা হায়রিবা রাজ্যশিং অসিদা নৌনা চরু মৈ থাবগী থৌদোকশিং লাকশিন্নবা পায়খৎলিবা থবকশিংগী অকুপ্পা ৱারোলশিং দোক্তর মিশ্রানা লৌখি।
পঞ্জাবকী চীফ সেক্রেতরীনা হায়খি জিলাশিংগী দিপুতী কমিস্নরশিংগা লোইননা মহাক মশামক্না ফিবম অসি য়েংশিল্লি। এয়র( প্রিভেন্সন এন্দ কন্ত্রোল ওফ পোলুসন) এক্ত, ১৯৮১ খোঙ্গাওনবশিংগী মথক্তা এফ.আর.আই.শিং পাল্লে। হায়রিবা এক্ত অসি ইন্দবশিংদা রাজ্য সরকারনা দরকার ওইবা ফাইনশিং লৌরি।
হরিয়ানাগী চীফ সেক্রেতরীনা হায়খি রাজ্য অসিদা অথুবদা চরু মৈ থাবা হন্থহন্নবা মুখ্যমন্ত্রীনা মরি লৈনবশিংদা খঙহনখ্রে। এয়র পোলুসন লাকশিন্নবা কাংবু কয়ানা লেপ্তনা য়েংশিল্লি।
দিল্লীগী চীফ সেক্রেতরীনা হায়খি ঈশিং চাইবগী থবক কনখৎলে অমসুং মশক খঙদোক্লবা মফমশিং অমসুং লম্বীশিংদা অকনবা মিৎয়েং চংলি। শহর অসিদা অহাংবদা অমোৎপা হৈদোকপা লেপ্পে অমসুং নিয়মশিং ইন্দবশিংদা ফাইন চাউনা লৌরে।
মথং নুমিৎ খরনিদা নোং-চিংগী ফিবম ফগনি হায়না ইন্দিয়ন মেতিওরোলোজিকেল দিপার্তমেন্তনা হায়রি।
প্রধান মন্ত্রীগী প্রিন্সিপাল সেক্রেতরীনা হায়খি মতিক চাবা থবক লৌখৎপা দরকার ওই। খুদক্কী ওইনা থবক পায়খৎনবা থৌরাং অমা শেম্বা দরকার ওই।
মরি লৈনবশিংনা পায়খৎলিবা থবকশিং মহাক্না থাগৎখি অমসুং মতম শাংনা চৎনগদবা পাম্বৈশিং পুথোক্নবা মহাক্না থমখি।
মীফম অদুদা ঙসিগী মীফম অদুদা প্রধান মন্ত্রীগী প্রিন্সিপাল এদভাইজর পি.কে. সিনহা, কেবিনেত সেক্রতরী, সেক্রেতরী, এনভাইরনমেন্ত, ফোরেস্ত অমসুং ক্লাইমেত চেঞ্জ, এগ্রিকলচর সেক্রেতরী, সেন্ত্রেল পোলুসন কন্ত্রোল বোর্দকী চেয়রমেন, ইন্দিয়ন মেতিওরোলোজিকেল দিপার্তমেন্তগী দাইরেক্তর জেনরেল অমসুং পঞ্জাব, হরিয়ানা অমসুং দিল্লীগী চীফ সেক্রেতরীশিং অমসুং অতোপ্পা সেনিয়র ওফিসিয়েলশিং শরুক য়াখি।
