হয়েং ফেব্রুৱারিগী ১৬ ইরাই নুমীৎতা লৈবাক্কী কোনুংদা লৈরিবা বিগ্যান ভবন্দা ৱার্ল্দ সস্তেনেবল দিব্লপমেন্ত সমিৎ ২০১৮ (দবল্যুএসদিএস ২০১৮) প্রধানমন্ত্রী শ্রী নরেন্দ্র মোদীনা হৌদোক্লগনি । দবল্যুএসদিএস অসি দি ইনর্জী এন্দ রিসোর্স ইনস্তিত্যুত (তিইআরআই)গী ফ্লেগশিপ ফোরম্নি অমদি সস্তেনেবল দিব্লপমেন্ত, ইনর্জী অমসুং এনভাইরোনমেন্ত সেক্তরগী লমশিংদা মালেমগী লুচিংবশিং অমসুং ৱাখল্লোন পুথোক্লিবশিংবু কমন প্লেতফোর্ম অমদা পুন্না পুরক্নবা হোৎনরি ।
সমিৎ অসিদা এনভাইরোনমেন্ত, ফোরেস্ত অমসুং ক্লাইমেত চেঞ্জকী কেন্দ্র মন্ত্রী দা. হর্শ ভর্ধন, ইন্দস্ত্রী অমসুং কমর্সকী মন্ত্রী শ্রী সুরেশ প্রভু, শ্রী হর্দীপ পুরি মিনিস্তর ওফ স্তেত (ইন্দিপেন্দেন্ত চার্জ) হাউজিং এন্দ অর্বান এফিয়ার্স, শ্রী জয়ন্ত সিনহা সিবিল এবিএসনগী রাজ্য মন্ত্রী, মরুওইবা রজনিতীৱালাশিং অমসুং কোর্পোরেত লুচিংবশিং য়াওনা তোঙান তোঙানবা শক্নাইরবা মীওইশিংনা সমিৎ অসি হোস্ত তৌগনি ।
চহি অসিগী সমিৎ অসিগী হিরমদি ‘পার্তনরশিপ্স ফোর এ রেসিলিয়েন্ত প্লানেত’ ওইগনি, দবল্যুএসদিএস ২০১৮ অসিদা দিব্লপিং ইকোনোমিশিংনা খুদক্কী ওইনা মায়োক্নরিবা খ্বাইদগী খুদোংচাদবশিং অদু লোইশিন্নবা এক্সন ফ্রেমৱার্কশিং শেম্নবা পান্দম থম্লি । সমিৎ অসিদা পুথোক্কদবা মখল মখা য়াম্লবা ইশুশিং অদুদি লৈবাক কিন্থবা থিংবা, ইফেক্তিব ৱেস্ত মেনেজমেন্ত মেকানিজম, ইফেক্তিব ওইনা এয়ার পোলুসন থেংনবা, রিসোর্স অমসুং ইনর্জী ইফিসেন্সী হেঙ্গৎহন্নবা খোংথাংশিং, ক্লিন ইনর্জীদা ত্রানজিসন লাইথোকহনবনি । দবল্যুএসদিএস ২০১৮দা পাংথোক্কদৌরিবা ‘গ্রীনোবেসন একজিবিসন’ অসিনা সস্তেনেবল দিব্লপমেন্ত গোলশিং অদু ফংনবা খ্বাইদগী নৌবা তেক্নোলোজীশিং অদু উৎকনি ।
সমিৎ অসিদা পোলিসী মেকরশিং, রিসর্স তৌরিবশিং, থিঙ্ক তেঙ্কশিং, দিপ্লোমেতশিং অমসুং মালেমগী মফম কয়াদগী কোর্পোরেতশিং য়াওনা চাওরাক্না মীহুৎ ২০০০ হেন্না শরুক য়ারবা য়াই । শক্নাইরবা মালেমগী ৱাঙাংলোইশিংনা তোঙান তোঙানবা ইশুশিংদা ৱা ঙাংগনি । দি ইনর্জী এন্দ রিসোর্স ইনস্তিত্যুত (তিইআরআই)না ন্যু দিল্লিদা ফেব্রুৱারি ১৫,১৬ অমসুং ১৭তা মসিগী ওইবা ফ্লেগশিপ ফোরম ২০১৮ শুবা এদিসন ৱার্ল্দ সস্তেনেবল দিব্লপমেন্ত সমিৎ ২০১৮ (দবল্যুএসদিএস ২০১৮) হোস্ত তৌরি ।
